Ka Tnat Electronics & IT
Naduh ki Smartphone haduh ki Laptop: Ka India ka jam shaphrang ha ka jingshna ia ki tiar IT Hardware
La plie paidbah ia ka jaka shna Laptop jong ka kompani na India ka Syrma SGS da u Ashwini Vaishnaw ha Chennai
Hapoh ka por ba lyngkot kaba 18 bnai jong ka PLI 2.0, la plie ia ka jaka treikam ba nyngkong ha Tamil Nadu; kane kalong ka jingsdang jong ki laptop “Made in India”
Mynta kyntu u Myntri Sorkar pdeng ia ka jingwanrah ia ka jinglong jingman ban shna hi ia ki mar elektrik ban pyntyllun shakhmat ia ka thong Atmanirbhar Bharat
Hapoh ka jingkyrshan jong ka MeitY ka Tamil Nadu ka long ka bor kaba heh ha ka jingshna ia ki tiar electric, kaba wanrah T 1.3 lak klur ka jingpynmih tiar bad 30% ka jingshalan tiar ka India
Ka PLI 2.0 ka aibor ia ka jingkylla ka India ha ka IT Hardware: T. 10,000 klur ka jingpynmih tiar bad plie ioh kam 3,900 ha ki 18 bnai
Posted On:
11 JAN 2025 2:20PM by PIB Shillong
Ha ka jingkiew shaphrang ka kam shna tiar elektrik jong ka India, u Myntri Sorkar Pdeng ba dei khmih ia ki Tnad Electronics and Information Technology, Railways, bad Information & Broadcasting u Ashwini Vaishnaw u la plie paidbah ia ka laptop assembly line jong ka Syrma SGS Technology ha Chennai hynnin ka sngi
Kane ka jaka treikam kaba don ha ka Madras Export Processing Zone (MEPZ), ka dei ka jingkylla ha ka jingiaid lynti ka India sha ka ‘Make in India’, kaba pyniar ia ka jingkhlain jong ka na ki mobile phone sha ka jingshna IT hardware khamtam ki laptop.
U Mawmer ha ka ‘Make in India’
Ka assembly line ba thymmai nyngkong kan pynmih 100,000 tylli ki laptop ha ka shi snem, kaba lah ban kiew haduh 1 million unit hapoh ki 1-2 snem ban wan. Ka Syrma SGS mynta ka pyniaid saw tylli ki jaka shna tiar ha Chennai, bad ka Unit 3 jong ka mynta ka sdang ban pynmih ia ki laptop.
Ha ka jingai jingkren ha ka jingialang plie paidbah, u Ashwini Vaishnaw u la ong, “Ngi dei ban trei bha ban pynthikna ia ka jingwanrah ia ka jinglong jingman ban shna ia ki tiar elektrik ha ki por ban wan. Kane ym tangba kan kyntiew ia ka jingkiew shaphrang ba kongsan jong ka India hynrei ka iahap ruh bad ka thong Atmanirbhar Bharat jong ngi, ka ban kyntiew ia ka jinglah kyrshan dalade bad ka jingpynkhlain ia ka kyrdan jong ngi ha ka kam shna tiar elektrik ha kylleng ka pyrthei.”
Ka sienjam, kaba long shi bynta jong ka PLI 2.0 scheme na ka bynta ka IT Harware, ka pyni ka jinglah ka India ban kiew ha ka jingshna ia ki tiar elektrik kiba rem dor bad pynkhlain ia ka jinglah kyrshan dalade ka ri ha ka kam IT hardware.
Ki Mat ba kongsan jong ka jaka treikam
- Ka jingiatreilang bad kiwei kiwei ki ri: Ka Syrma SGS ka iatreilang bad ka Micro-Star International (MSI), ka kompani teknoloji ba pawnam na Taiwan, ban shna ia ki laptop kiba bha ha India, ka ban pynbiang ia ki iew ha ka ri bad shabar ri.
- Ka jingkyntiew ia ka ioh ka kot ha ka thain: Kane ka kam kan pynmih 150-200 ki kam ba kyrpang ha ka kam shna tiar eletrik shuwa u snem mang tyngka 2026, ka ban ktah ia ka ioh ka kot jong ka Tamil Nadu bad ka ri. La antad ba kine ki bynta kin plie lad ia kiwei kiwei ki kam, ka ban pynbiang bad pynkhlain ia ki nongtrei ha kane ka kam ha ki por ban wan.
- Ka jingtreikam kaba iahap bad ki jinglong jingman ha kiwei kiwei ki bynta jong ka pyrthei: Ki laptop kiba pynmih na kane ka jaka kin long kiba bha bad kiba iahap bad kiwei kiwei ki laptop ba pynmih ha kylleng ka pyrthei, kaba pyni ia ka jingkiew ka bor jong ka India ha ki kam teknikal.
Ka jingkiew shaphrang ka kam shna tiar elektrik jong ka India
Ka kam shna tiar elektrik jong ka India ka la kiew bha ha kine ki shiphew snem ba la leit, ha kaba ka jingpynmih tiar baroh ka la kiew na ka T. 2.4 lak klur ha u 2014 sha ka T. 9.8 lak klur ha u 2024. Tang ka jingpynmih ia ki Mobile ka la kot haduh T. 4.4 lak klur, bad ka jingshalan ka la kot sha ka T. 1.5 lak klur ha u 2024. 98% ki mobile phone ba la pyndonkam ha India kidei kiba la shna mynta ha India bad ki Smartphone kilong ki tiar ba saw ka jingbun ka jingshalan na India.
Tamil Nadu; Ka nongnoh synniang kaba kongsan
Ka Tamil Nadu ka don palat 47 tylli ki jaka shna tiar ba la ioh jingkyrshan hapoh ki skhim bapher bapher jong ka Tnad Electronics and Information Technology (MeitY). Ka jylla kadei kawei na ki nongioh jingmyntoi ba heh tam jong ka skhim Production Linked Incentive (PLI) na ka bynta ka jingshna shibun ia ki mar elektrik, ha kaba hynniew na ka 27 tylli ki unit ba la ioh jingmynjur hapoh ka PLI 2.0 kidei kiba don hangne. Ka unit ba nyngkong hapoh kane ka sienjam la plie paidbah hynnin ka sngi.
Shuh shuh, ka Tamil Nadu ka la skahi ka jingkyrshan kaba kongsan lyngba ki prokram kum ka Scheme for Promotion of Manufacturing of Electronic Components and Semiconductors (SPECS), ha kaba saw tylli ki aplikeshon ki la ioh ia ka jingkyrshan jong ka MeitY kaba long T. 1,200 klur, bad ka Modified Special Incentive Package Scheme (M-SIPS), kaba la khring haduh 33 tylli ki aplikeshon bad ka jingbei tyngka kaba T. 15,000 klur ba la ioh jingkyrshan T. 1,500 klur na ka MeitY. Mynta kine ki sienjam ki la iarap ia ki kompani ha Tamil Nadu ban kot sha ka jinglah pynmih palat T. 1.3 lak klur haduh mynta.
Ka jylla kalong ruh ka jaka na ka bynta ka Electronics Manufacturing Cluster (EMC) ha shnong Pillaipakkam, Sriperumbudur, ba la seng da ka M/s State Industries Promotion Corporation of Tamil Nadu (SIPCOT). Lyngba ka projek kaba shongdor T. 420 klur, kynthup T. 210 klur ka jingkyrshan na ka Sorkar India, la antad ba kane ka cluster kan khring ia ki jingbei tyngka ba shongdor T. 8,700 klur bad plie lad ioh kam haduh 36,300 tylli. Ka Tamil Nadu ka la nohsynniang kumba 30% ka jingshalan ia ki tiar elektrik jong ka India, kaba kdew ia ka bynta ba kongsan jong ka ha kane ka kam. Kum ban shu kdew, ka iPhone 16 Pro ba dang shen kadei shisha kaba long ‘Make in India’ bad ba la shna ha Tamil Nadu.
Lah ban iohi ia ki nongioh jingmyntoi katkum ka skhim ha jylla Tamil Nadu hangne
La lawei ba phyrnai ia ka kam shna laptop
Ka jingplie ia ka jaka shna laptop jong ka SGS ka dei ka bynta ba thymmai ha ka jingiaid lynti ka India ha ka kam tiar elektrik, kaba prat lynti ban pynduna ka jingshaniah ha ka jingthied nabar ri, pyniar ia ki lad ioh kam, bad ka bor pynmih tiar. Katba kane ka jaka ka dang kyntiew ia ka jingpynmih tiar, ka India ka don ha ka khep ban long ka nongialam ha ka jingpynmih ia ki mar IT hardware.
Ka jinglong jingman ka PLI 2.0 na ka bynta ka IT Hardware
Ka Production Linked Incentive (PLI) 2.0 na ka bynta ka IT Hardware, kaba la plie paidbah ha ka 29 tarik Jymmang, 2023 ka thmu ban pynkhlain shuh shuh ia ka jinglong jingman jong ka India ha kaba iadei bad ka jingpynmih ia ki mar elektrik da kaba ka jingmyntoi kaba 5% ia kito ki kompani kiba don hok ban ioh ia kane.
Ka skhim ka kynthup ia ki tiar kum ki laptop, ki tablet, ki all-in-one PC, ki server, bad ki mar kiba rit bha. Lyngba ka jingbei tyngka kaba T. 3,000 klur, la antad ba ka PLI 2.0 kan wanrah ia ka jingpynmih tiar ba shongdor T. 3.5 lak klur bad plie lad ioh kam 47,000 tylli ha kylleng ka ri.
Ka skhim ka la mad lypa ka jingkiew shaphrang, lyngba ki jingbei tyngka ba shongdor T. 520 klur, ka jingpynmih tiar ba shongdor T. 10,000 klur bad ka la plie lad ioh kam 3,900 tylli (haduh Nohprah 2024).
*****
(Release ID: 2092160)
Visitor Counter : 17
Read this release in:
Odia
,
English
,
Urdu
,
Hindi
,
Marathi
,
Bengali-TR
,
Punjabi
,
Gujarati
,
Tamil
,
Kannada
,
Malayalam