ہندوستان کے الیکٹرانکس مینوفیکچرنگ سیکٹر کے لیے ایک اہم پیش رفت میں، الیکٹرانکس اور انفارمیشن ٹیکنالوجی، ریلوے، اور اطلاعات و نشریات کے مرکزی وزیر جناب اشونی ویشنو نے کل چنئی میں سِرما ایس جی ایس ٹیکنالوجی کی جدید ترین لیپ ٹاپ اسمبلی لائن کا افتتاح کیا۔

مدراس ایکسپورٹ پروسیسنگ زون (ایم ای پی زیڈ) میں واقع یہ سہولت، ہندوستان کے 'میک اِن انڈیا' کے سفر میں ایک اہم تبدیلی کی نشاندہی کرتی ہے، جس نے موبائل فون سے لے کر آئی ٹی ہارڈویئر مینوفیکچرنگ ،خاص طور پر لیپ ٹاپ تک اپنا غلبہ بڑھایا ہے۔

'میک ان انڈیا' میں ایک سنگ میل

نئی اسمبلی لائن ابتدائی طور پر سالانہ 100,000 لیپ ٹاپ تیار کرے گی، جس کی توسیعی صلاحیت اگلے  ایک دو  سالوں میں 1 ملین یونٹ تک ہوگی۔ سِرما ایس جی ایس فی الحال چنئی میں چار مینوفیکچرنگ یونٹ چلا رہی ہے، اس کا یونٹ 3 اب لیپ ٹاپ کی تیاری  شروع کر رہا ہے۔

افتتاحی تقریب سے خطاب کرتے ہوئے،  جناب اشونی ویشنو نے کہا، "ہمیں اس بات کو یقینی بنانے کے لیے احتیاط سے کام کرنا چاہیے کہ آنے والے وقت میں الیکٹرانک پرزہ جات کا ماحولیاتی نظام بھی تیار ہو۔ یہ نہ صرف ہندوستان کے لیے ایک بڑی ترقی کی کہانی کو آگے بڑھائے گا بلکہ ہمارے خود انحصار ہندوستان کے وژن سے ہم آہنگ ہوگا، جس سے خود انحصاری کو فروغ   حاصل ہوگا اور عالمی الیکٹرانکس مینوفیکچرنگ لینڈ اسکیپ میں اپنی پوزیشن مضبوط کرے گا۔"

یہ پہل، آئی ٹی ہارڈ ویئر کے لیے پی ایل آئی  2.0 اسکیم کا حصہ ہے ،  جو اعلیٰ قدر والے الیکٹرانکس کی پیداوار میں ہندوستان کی بڑھتی ہوئی صلاحیتوں کو اجاگر کرتی ہے اور آئی ٹی  ہارڈویئر میں ملک کی خود انحصاری کو تقویت دیتی ہے۔

اسمبلی لائن کی اہم جھلکیاں

• عالمی شراکت داری : ہندوستان میں اعلیٰ معیار کے لیپ ٹاپ تیار کرنے والی کمپنی ، سِرما ایس جی ایس نے تائیوان کی ایک معروف ٹیکنالوجی کمپنی ، مائیکرو اسٹار انٹرنیشنل (ایم ایس آئی) کے ساتھ شراکت داری کی ہے ۔ یہ ملکی اور عالمی دونوں منڈیوں کی ضرورتوں  کو پورا کرتی ہے۔
• مقامی معیشت کو فروغ دینا: اس سہولت سے مالی سال  26 تک الیکٹرانکس مینوفیکچرنگ میں 200-150خصوصی ملازمتیں پیدا ہونے کا امکان ہے، جس سے تمل ناڈو کی علاقائی اور ہندوستان کی قومی معیشت دونوں پر کافی اچھا  اثر پڑے گا۔ اس شعبے میں مستقبل کی افرادی قوت کی تشکیل اور ان میں اضافہ، ان کرداروں سے ایک لہر کا اثر متوقع ہے۔
• عالمی معیار کے معیارات: تیار کیے گئے لیپ ٹاپ بین الاقوامی معیار پر پورا اتریں گے، جو ہندوستان کی ابھرتی ہوئی تکنیکی اور مینوفیکچرنگ صلاحیتوں کو ظاہر کرتے ہیں۔

ہندوستان کا ابھرتا ہوا الیکٹرانکس مینوفیکچرنگ سیکٹر

ہندوستان کے الیکٹرانکس مینوفیکچرنگ سیکٹر نے پچھلی دہائی کے دوران تیزی سے ترقی کی ہے، جس کی 2014 میں  کل پیداوار 2.4 لاکھ کروڑ روپے سے بڑھ کر 2024 میں  9.8 لاکھ کروڑ روپے ہو گئی ہے۔ صرف موبائل مینوفیکچرنگ  4.4 لاکھ کروڑ روپے تک پہنچ گئی ہے، 2024 میں  1.5 لاکھ کروڑ روپے کی برآمدات کے ساتھ بھارت میں استعمال ہونے والے 98فیصد موبائل فون اب بھارت میں اسمارٹ فون کے ساتھ بنائے جا رہے ہیں۔ ہندوستان کی چوتھی سب سے بڑی برآمدی شے بن رہی ہے۔

تمل ناڈو: ایک کلیدی شراکت دار

تمل ناڈو میں 47 سے زیادہ مینوفیکچرنگ یونٹ ہیں جو الیکٹرانکس اور انفارمیشن ٹیکنالوجی کی وزارت (ایم ای آئی ٹی) کی مختلف اسکیموں کے تحت تعاون یافتہ ہیں۔ ریاست بڑے پیمانے پر الیکٹرانکس مینوفیکچرنگ کے لیےپیداوار سے منسلک پہل (پی ایل آئی)  اسکیم کے سب سے زیادہ فائدہ اٹھانے والوں میں سے ایک ہے، پی ایل آئی  2.0  کے تحت منظور شدہ 27 میں سے سات یونٹس یہاں واقع ہیں۔ اس اقدام کے تحت پہلے یونٹ کا کل افتتاح کیا گیا۔

مزید برآں، تمل ناڈو نے الیکٹرانک آلات اور سیمی کنڈکٹر کی مینوفیکچرنگ کے فروغ کے لیے اسکیم (ایس پی ای سی ایس) جیسے پروگراموں کے ذریعے نمایاں مدد دیکھی ہے، جس میں چار ایپلی کیشن کو 1,200 کروڑ روپے کی  وزارت الیکٹرانکس و اطلاعاتی ٹکنالوجی کی  حمایت حاصل ہے، اور ترمیم شدہ خصوصی ترغیبی پیکیج اسکیم (ایم-ایس آئی پی ایس) نے 15,000 کروڑ روپے کی سرمایہ کاری کی صلاحیت کے ساتھ 33 ایپلی کیشن کو اپنی طرف متوجہ کیا ہے، جس  میں وزارت الیکٹرانکس و اطلاعاتی ٹکنالوجی کی جانب سے 1,500 کروڑ روپے کی حمایت  شامل ہے ۔ ان اقدامات نے تامل ناڈو میں کمپنیوں کو آج تک  1.3 لاکھ کروڑ روپے سے زیادہ کی کل پیداوار حاصل کرنے کے قابل بنایا ہے۔

ریاست پیلیپکم گاؤں، سری پرمبدور میں الیکٹرانکس مینوفیکچرنگ کلسٹر  (ای ایم سی) بھی ہے، جسے میسرز اسٹیٹ انڈسٹری پروموشن کارپوریشن آف تمل ناڈو (ایس آئی پی سی او ٹی ) نے 420 کروڑ روپے کے پروجیکٹ کی لاگت سے  قائم کیا ہے، جس میں حکومت ہند کی طرف سے 210 کروڑ روپے بھی شامل ہیں، اس کلسٹر سے 8,700 کروڑ روپے کی سرمایہ کاری کو راغب کرنے اور 36,300 ملازمتیں پیدا کرنے کی توقع ہے۔ تمل ناڈو ہندوستان کی الیکٹرانکس برآمدات میں تقریباً 30 فیصد کا حصہ شیئر کرتا ہے، جو اس شعبے میں اس کے اہم کردار کی نشاندہی کرتا ہے۔ قابل ذکر بات یہ ہے کہ تازہ ترین آئی فون 16 پرو فخر کے ساتھ "میڈ ان انڈیا" اور تامل ناڈو میں تیار کیا گیا ہے۔

ریاست تمل ناڈو میں اسکیم کے لحاظ سے استفادہ کنندگان یہاں سے رسائی حاصل کرسکتے ہیں۔

لیپ ٹاپ مینوفیکچرنگ کے لیے ایک روشن مستقبل

سِرما ایس جی ایس کی لیپ ٹاپ اسمبلی لائن کا افتتاح ہندوستان کے الیکٹرانکس سفر میں ایک نئے باب کی نشاندہی کرتا ہے، جس سے درآمدات پر کم انحصار، روزگار کے مواقع میں اضافہ اور عالمی معیار کی مینوفیکچرنگ صلاحیتوں کی راہ ہموار ہوتی ہے۔ چونکہ یہ سہولت پیداوار میں اضافہ کرتی ہے، اس لیے ہندوستان آئی ٹی ہارڈویئر مینوفیکچرنگ میں عالمی رہنما بننے کے لیے تیار ہے۔

آئی ٹی  ہارڈ ویئر کے لیے پی ایل آئی  2.0  کی حیثیت

آئی ٹی ہارڈویئر کے لیےپیداوار سے منسلک پہل) پی ایل آئی(  2.0 ، جو 29 مئی 2023 کو شروع کیا گیا تھا ، کا مقصد اہل کمپنیوں کو 5فیصد مراعات کی پیشکش کرکے ہندوستان کے الیکٹرانکس مینوفیکچرنگ  ماحولیاتی نظام کو مزید مستحکم کرنا ہے۔

اس اسکیم میں لیپ ٹاپ، ٹیبلیٹ، آل ان ون پی سی، سرور اور انتہائی چھوٹے فارم فیکٹر ڈیوائس جیسی مصنوعات شامل ہیں۔ 3,000 کروڑ روپے کی متوقع سرمایہ کاری کے ساتھ، پی ایل آئی  2.0  سے 3.5 لاکھ کروڑ روپے کی پیداوار اور ملک بھر میں 47,000 ملازمتیں پیدا کرنے کی توقع ہے۔

اس اسکیم نے پہلے ہی قابل ذکر پیش رفت حاصل کی ہے، جس میں 520 کروڑ روپے کی کل سرمایہ کاری، 10,000 کروڑ روپے کی پیداوار  شامل ہے، اور(دسمبر 2024 تک) اس نے 3,900 ملازمتیں پیدا کی ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض۔ ن م  (

5099