સ્ટીલ ઓથોરિટી ઓફ ઈન્ડિયા લિમિટેડ (SAIL), એક મહારત્ન અને ભારતની સૌથી મોટી સ્ટીલ બનાવતી જાહેર ક્ષેત્રની કંપની, પ્રયાગરાજમાં યોજાનાર આગામી મહાકુંભ મેળા 2025 માટે આશરે 45,000 ટન સ્ટીલ સપ્લાય કર્યું છે. પૂરા પાડવામાં આવેલા સ્ટીલના કુલ જથ્થામાં ચેકર્ડ પ્લેટ્સ, હોટ સ્ટ્રીપ મિલ પ્લેટ્સ, માઈલ્ડ સ્ટીલ પ્લેટ્સ, એંગલ અને જોઈસ્ટનો સમાવેશ થાય છે. અગાઉ પણ, SAILએ 2013ના મહાકુંભ મેળા દરમિયાન સ્ટીલ સપ્લાય કર્યું હતું, જે નોંધપાત્ર જાહેર કાર્યક્રમ માટે કંપનીના સતત સમર્થનનું પ્રદર્શન કરે છે.

SAIL દ્વારા પૂરું પાડવામાં આવેલું સ્ટીલ 2025ના મહાકુંભ મેળાના સુગમ અને સફળ સંચાલન માટે જરૂરી વિવિધ કામચલાઉ માળખાના નિર્માણમાં મહત્વપૂર્ણ ભૂમિકા ભજવશે. આમાં તરતા પુલ, પેસેજ, કામચલાઉ સ્ટીલ પુલ, સબસ્ટેશન અને ફ્લાયઓવરનો સમાવેશ થાય છે. આ સ્ટીલ સપ્લાયના મુખ્ય ગ્રાહકોમાં જાહેર બાંધકામ વિભાગ (PWD), ઉત્તર પ્રદેશ રાજ્ય પુલ નિગમ, વીજળી બોર્ડ અને તેમના સપ્લાયર્સનો સમાવેશ થાય છે.

SAILને આટલા મોટા પાયે યોજાનાર કાર્યક્રમ માટે સ્ટીલનું યોગદાન આપવાનો ગર્વ છે, જે રાષ્ટ્રના સમૃદ્ધ સાંસ્કૃતિક વારસાનું પ્રતિક પણ છે. કંપની દેશના માળખાગત સુવિધાઓને વધારવા અને તેની સાંસ્કૃતિક અને સામાજિક સુખાકારીને પ્રોત્સાહન આપતા રાષ્ટ્રીય પ્રોજેક્ટ્સમાં યોગદાન આપવા માટે પ્રતિબદ્ધ છે.

AP/IJ/GP/JD