اسٹیل اتھارٹی آف انڈیا لمیٹڈ (ایس اے آئی ایل)، جو کہ ایک مہارتنا اور بھارت کی سب سے بڑی اسٹیل بنانے والی عوامی شعبے کی کمپنی ہے، نے آنے والے مہاکمبھ میلہ 2025 کے لیے تقریباً 45,000 ٹن اسٹیل فراہم کیا ہے جو کہ پریاگ راج  میں منعقد ہوگا۔ فراہم کردہ اسٹیل کی مجموعی مقدار میں چیکرڈ پلیٹس، ہاٹ اسٹرپ مل پلیٹس، مائلڈ اسٹیل پلیٹس، اینگلز اور جوائس شامل ہیں۔ اس سے قبل بھی، ایس اے آئی ایل نے 2013 کے مہاکمبھ میلہ کے دوران اسٹیل فراہم کیا تھا، جو کہ کمپنی کی اس اہم عوامی ایونٹ میں مسلسل معاونت کو ظاہر کرتا ہے۔

ایس اے آئی ایل کی طرف سے فراہم کی گئی اسٹیل مہاکمبھ میلہ 2025 کے دوران مختلف عارضی ڈھانچوں کی تعمیر میں اہم کردار ادا کرے گی جو ایونٹ کے کامیاب اور پرامن انعقاد کے لیے ضروری ہیں۔ ان میں پونٹون پل، راستے، عارضی اسٹیل پل، سب اسٹیشن اور فلائی اوورز شامل ہیں۔ اس اسٹیل کی فراہمی کے اہم صارفین میں پبلک ورکس ڈیپارٹمٹ (پی ڈبلیو ڈی)، اتر پردیش اسٹیٹ بریجز کارپوریشن، بجلی بورڈ اور ان کے سپلائرز شامل ہیں۔

ایس اے آئی ایل ایسے بڑے پیمانے پر ہونے والے ایونٹ میں اسٹیل فراہم کرنے پر فخر محسوس کرتا ہے جو کہ ملک کی ثقافتی ورثے کا ایک اہم نشان ہے۔ کمپنی قومی منصوبوں میں معاونت فراہم کرنے کے لیے پُر عزم ہے جو ملک کے بنیادی ڈھانچے کو بہتر بناتے ہیں اور اس کی ثقافتی و سماجی بہبود کو فروغ دیتے ہیں۔

********

ش ح۔  اس  ک۔ ن م

U No.5026