“ONDCনা  অপীকপা বিজিনেসশিংদা শক্তি পীবা অমসুং ই-কম্মর্সতা অওনবা পুরকপদা শরুক তমদুনা গ্রোথ অমসুং চাউখৎপা পুরকপদা মরু ওইবা থৌদাং অমা লৌরি”

- প্রধান মন্ত্রী নরেন্দ্র মোদী

 

ৱাহৌদোক

দিজিতেল কম্মর্সকীদমক্তা ওপন নেৎৱার্ক (ONDC) অসি দিজিতেল কম্মর্সকী দেমোক্রেতাইজ তৌনবা পান্দম থমদুনা ভারত সরকারগী কম্মর্স মন্ত্রালয়গী দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (DPIIT) গী ত্রান্সফোর্মেতিব ইনিসিএতিব অমনি। 2022গী এপ্রিলদা হৌদোকখিবা ONDC অসি দিজিতেল নৎত্রগা ইলেক্ত্রোনিক নেৎৱার্কশিংদা পোৎলমশিং অমসুং সর্ভিসশিং একচেঞ্জ তৌনবগী হীরম পুম্নমক্তা ওপন নেৎৱার্কশিং প্রমোৎ তৌনবা পান্দম থম্লিবা খোঙথাং অমনি। ONDC অসি ওপন-সোর্স মেথোদোলোজীদা য়ুম্ফম ওইদুনা, ওপন স্পেসিফিকেসনশিং অমসুং অখন্নবা প্লেৎফোর্ম অমহেক্তদগী মনিংতম্বা ওপন নেৎৱার্ক প্রোতোকোলশিং শীজিন্নৈ। মসিনা ভারত শিনবা থুংনা, মরুওইনা স্মোল এন্দ মেদিয়ম ইন্তর্প্রাইজেস (MSME)শিংদা, সেল্লরশিং, বায়রশিং অমসুং সর্ভিস প্রোভাইদরশিংগীদমক চপ মান্নবা লম অমা শেমগৎনবা পান্দম থম্লি। মসিনা স্তেকহোল্দরশিংনা এক্সক্লুসিব ইকোসিস্তেমশিংগী অথিংবা লৈতনা নীংথিনা ইন্তরেক্ত তৌবা য়াবা য়ুনিফাইদ প্লেৎফোর্ম অমা ওইনা মথৌ তৌই। ওপন প্রোতোকোলশিং ফগৎহন্দুনা অমসুং মোনোপোলিস্তিক প্লেৎফোর্মশিংদা মখা পোনবা হন্থহন্দুনা, ONDCনা দিজিতেল কম্মর্স লেন্দস্কেপ্তা ইন্নোভেসন অমসুং ইনক্লুসিবিতী কেতালাইজ তৌনবা পান্দম থম্লি।

 

 

সরকারনা মতেং পাংলিবা স্তার্তঅপ মাইন্দসেৎ লৈবা ওর্গনাইজেসন অমা শেম্নবা পান্দম থমদুনা, ONDCবু নন-প্রোফিৎ, সেক্সন-8 কম্পনী অমা ওইনা ইকোর্পোরেৎ তৌখি অমসুং ক্বালিতী কাউন্সিল ওফ ইন্দিয়াদা ইনক্যুবেৎ তৌখি। ONDCগী ইনকোর্পোরেসনগীদমক্তা কো-ফাউন্দর ওইনা প্রোতেন্না QCIগা শরুক য়াখি। লুপা করোর 500গী ওথোরাইজ কেপিতেলগা লোয়ননা, হৌজিক ফাওবদা পব্লিক অমসুং প্রাইবেৎ বেঙ্কশিং অমসুং ফাইনান্সিএল ইন্সতিত্যুসনশিংনা ONDCদা ইক্বিতী শরুক তমখি।

 

ONDCগী ইনভেস্তরশিং

 

 

ONDC ইনিসিএতিবকী পান্দমশিং

 

 

ONDC ইনিসিএতিবকী মরু ওইবা পান্দমশিং থম্মি:

 

1. কম্মর্সকী দেমোক্রেতাইজেসন: নেৎৱার্কশিংগী মরক্তা ইন্তরওপরেবিলিতী য়াহনবা ঙম্নবা অচৌবা ই-কম্মর্স প্লেৎফোর্মশিংগী দোমিনেসন থুগাইবা।
2. ইনক্লুসিবিতী: অপীকপা বিজিনেসশিং, রিতেলরশিং, অমসুং লোকেল আর্তিসানশিং দিজিতেল মার্কেৎপ্লেসতা এক্সেস তৌবা ঙম্নবা শক্তি পীবা।
3. কোস্ত ইফিসিএন্সী: সেল্লরশিংগীদমক কস্তমর এক্বিজিসন অমসুং ত্রাঞ্জেক্সন প্রোসেসিংগী শেনফম হন্থহনবা।
4. কৈথেল পাকথোক চাউথোকহনবা: দিজিতেল কম্মর্সকী ফোল্দ অদুদা শীজিন্নদ্রিবা কৈথেলশিং পুরক্তুনা রিজনেল অমসুং লোলগী ওইবা গেপ কোকহনবা।
5. কস্তমর এম্পাৱরমেন্ত: সেল্লরশিংগীদমক অপাম্বা হেনগৎহন্দুনা য়োনবশিংগী পাক চাউবা মখল অমদা এক্সেস পীবা।

 

মসি করম্না মথৌ তৌবগে?

 

ONDCনা শরুক য়ারিবশিংগী মরক্তা অপনবা লৈতবা ইন্তরেক্সন অমা ওইহন্নবা ওপন নেৎৱার্ক প্রোতোকোলশিং শীজিন্নৈ। নেৎৱার্ক অসিনা তোঙান তোঙানবা প্লেৎফোর্মশিংদা লৈবা বায়র অমসুং সেল্লরশিংবু স্তেন্দর্দাইজ তৌরবা APIশিং শীজিন্নদুনা অমগা অমগা ত্রাঞ্জেক্সন তৌনবা ঙমহল্লি। মরুওইবা মচাকশিংগী মনুংদা মখাগীশিং অসি য়াওরি:

 

1. দিসেন্ত্রেলাইজ তৌরবা আর্কিতেকচর: ত্রেদিস্নেল প্লেৎফোর্মশিংগা মান্নদবা মওংদা, ONDCনা ই-কম্মর্স সর্ভিসশিং লৈতে নত্ত্রগা চলাইদে। মসিনা ইন্তর-কন্নেক্তিবিতীগীদমক ইনেবলর অমা ওইনা মথৌ তৌই।
2. ওপন প্রোতোকোলশিং: ওপন স্তেন্দর্দশিংদা য়ুম্ফম ওইদুনা, ONDCনা হায়রিবা প্রোতোকোলশিং অসি ঙাক্না চৎলিবা সেলর নৎত্রগা বায়র প্লেৎফোর্ম অমহেক্তনা শরুক য়াবা য়াহনগনি।
3. রোল সেগ্রেগেসন: শরুক য়ারিবশিং অসি রোলশিংদা খায়দোকই মখোয় অদুদি, বায়র এপ্লিকেসনশিং, সেল্লর এপ্লিকেসনশিং, অমসুং লোজিস্তিক্স প্রোভাইদরশিংনি।

 

ONDC নেৎৱার্ক্কী দোমেনশিং

 

 

ONDC নেৎৱার্ক্কী থৌদাংশিং

 

নীংথিনা মথৌ তৌহন্নবা শরুক য়ারিবশিংনা তোঙান-তোঙানবা থৌদাংশিং লৌরি:

1. বায়র এপ্লিকেসনশিং: ONDC নেৎৱার্কতা বায়রশিংনা সেল্লরশিংগা এক্সেস তৌবা য়াহল্লিবা প্লেৎফোর্মশিং।
2. সেল্লর এপ্লিকেসনশিং: বিজিনেসশিংনা মখোয়গী ওফরশিং লিস্ত তৌবা অমসুং মেনেজ তৌবা ঙম্নবা ইন্তরফেসশিং।
3. লোজিস্তিক প্রোভাইদরশিং: লমদমশিংগী মরক্তা পোৎচৈ পুথোক-পুশিন তৌবদা মতেং পাংলি।
4. তেক্নোলোজি ইনেবলরশিং: IT ইনফ্রাস্ত্রকচর অমসুং খুৎলাইশিং পীরিবশিং।

 

ONDCগী কান্নবশিং

 

 

ONDCগী ইম্পেক্ত

 

 

ONDCগী ইমপ্লিমেন্তেসন অসিনা ভারতকী শেন্মিৎলোনদা চাউনা ইম্পেক্ত তৌরি:

 

1. মার্কেত দেমোক্রেতাইজেসন: মপুং-মরৈ ফারবা বিজিনেস খুদিংমক চাউখৎপা ঙম্নবা থাজবা পীবা।
2. ইকনোমিক গ্রোথ: দিজিতেল কম্মর্স এক্তিবিতী হেনগৎলকপনা GDPদা কন্ত্রিব্যুত তৌরি।
3. থবক পীবা: তেক্নোলোজী, লোজিস্তিক্স অমসুং এন্সিলেলরী সর্ভিসশিংদা খুদোংচাবশিং হেনগৎহনবা।
4. কঞ্জুমর এম্পাৱরমেন্ত: তোঙান তোঙানবা ওপ্সনশিং অমসুং কম্পিতিতিব প্রাইসিং পীবা।

 

সরকারগী বিভাগশিং/মন্ত্রালয়শিংগা চুংশিন্নবা

 

ONDCনা মাগী য়ৌশিনবা অমসুং কান্নবা হেনগৎহন্নবা গভর্নমেন্ত বোদী কয়ামরুমগা এক্তিব ওইনা চুংশিন্নরি:

 

1. MSME মন্ত্রালয়: MSME-TEAM ইনিসিএতিব অসিনচিংবদা, মখোয়গী দিজিতেল প্রজেন্স হেনগৎহন্দুনা, অপীকপা বিজিনেসশিং অমসুং লোকেল আর্তিসানশিং য়াওহন্নবা।
2. কম্মর্স অমসুং ইন্দস্ত্রী মন্ত্রালয়: ONDC নেৎৱার্ককী খুত্থাংদা পোলিসীশিং অসি মান্নহন্নবা অমসুং মালেমগী ওইবা ললোন-ইতিক হেনগৎহন্নবা।
3. দিজিতেল ইন্দিয়া প্রোগ্রাম: পাক শন্না এক্সেস ফংহন্নবা দিজিতেল ইনফ্রাস্ত্রকচর শীজিন্নবা।
4. স্তার্ত-অপ ইন্দিয়া: ONDCগী ইকোসিস্তেমদা স্তার্ত-অপশিং পুনশিন্দুনা ওন্তপ্রিনোরশিপ অমসুং ইন্নোভেসন প্রমোৎ তৌবা।
5. ক্বালিতী কাউন্সিল ওফ ইন্দিয়া: দিজি-রেদী সর্তিফিকেসন (DRC) পোর্তেল অসি ফেব্রুৱারী 2024দা হৌদোকখি, মসিগী পান্দমদি MSME এন্তিতীশিংগী দিজিতেল রেদীনেস এসেস অমসুং সর্তিফাই তৌবনি।
6. ফিসরিজ দিপার্তমেন্ত: দিজিতেল প্লেৎফোর্ম অমা পীবা অমসুং ত্রেদিস্নেল ফিসরমেনশিং, ফিস ফার্মরশিং, প্রদ্যুসর ওর্গনাইজেসনশিং, ফিসরিজ সেক্তরগী ইন্ত্রপ্রিনরশিং য়াওনা স্তেকহোল্দর পুম্নমকপু মখোয়গী পোৎথোকশিং ই-মার্কেৎ প্লেস, হায়বদি ONDCগী খুত্থাংদা য়োনবা অমসুং লৈবা য়াহল্লি।
7. লৌউ-শিংউ অমসুং লৌমীশিংগী য়াইফ-থৌরাং মন্ত্রালয় অমসুং নাবার্দ: ফার্মর প্রদ্যুসর ওর্গনাইজেসনশিং (FPOশিং) অমসুং লৌমীশিংবু নেৎৱার্ক অসিদা য়াওহনবা।

 

MSMEশিংগীদমক ONDC

 

 

মাইক্রো, স্মোল, অমসুং মেদিয়ম এন্তর্প্রাইজেস (MSME) না ভারতকী শেন্মিৎলোনগী মপাঙ্গল ওইরি। ONDCনা মখোয়দা দিজিতেল য়ৌহনবা ঙমদবা অমসুং প্লেতফোর্মগী মমল ৱাংবা অসিনচিংবা শীংনবশিং অসি মায়োক্ননবগী তোপ তোপ্পা খুদোংচাবা অমা পীরি। মরুওইবা কান্নবশিংগী মনুংদা য়াওরিবশিংদি:

 

1. ভিজিবিলিতী হেনগৎহনবা: MSMEশিংনা লৈবাক শিনবা থুংনা লৈবা কস্তমর বেজ অমদা এক্সেস ফংলি।
2. শেল হন্থরকপা: ইন্তরওপরেবল প্রোতোকোলশিংনা মমল য়াম্লবা প্লেৎফোর্ম সর্ভিসশিংদা মখা পোনবা লৈহন্দ্রে।
3. স্কিল দিবেলপমেন্ত: MSMEশিংদা দিজিতেলগী খুৎলাইশিং শীজিন্নবা খঙহন্নবা ত্রেনিং প্রোগ্রামশিং।
4. ফেয়র কম্পিতিসন: অচৌবা প্লেয়রশিংগা চাংদম্ননবগী চপ মান্নবা খুদোংচাবা।

 

ONDC প্রোতোকোলশিংনা কেতালোগিং, ইনভেন্তর মেনেজমেন্ত, ওর্দর মেনেজমেন্ত অমসুং ওর্দর মপুং ফাহন্নবগী ওপরেসনশিং স্তেন্দর্দাইজ তৌগনি। অসুম্না, অপীকপা বিজিনেসশিংনা অকক্নবা প্লেৎফোর্ম সেন্ত্রিক পোলিসীশিংগী মখা পোনবগী মহুত্তা ONDCগা চান্নবা এপ্লিকেসন অমহেক্তবু শীজিন্নবা য়াগনি। মসিনা অপীকপা ব্যুজিনেসশিংদা নেৎৱার্ক অমসুং ব্যুজিনেস চত্থবদা থেংনবা য়াবা মখল কয়াগী ওপ্সনশিং ফংহল্লগনি। মসিনা হৌজিক্তি দিজিতেল কম্মর্স নেৎৱর্কশিংদা য়াওদবা মীওইশিংনা দিজিতেলগী পাম্বৈশিংবু লায়না শিজিন্নবা য়াহন্নবা পুক্নিং থৌগৎকনি।

MSME মন্ত্রালয়না সব-স্কিম অমা " MSME ত্রেদ ইনেবলমেন্ত এন্দ মার্কেতিং ইনিসিয়েতিব" (MSME TEAM ইনিসিয়েতিব) হৌদোকখ্রে। মসিগী পান্দমদি MSME লাখ মঙাদা ONDC প্লেৎফোর্মদা ওনবোর্দ তৌনবা এৱারনেস ৱার্কশোপশিংগী খুত্থাংদা মতেং পাংবা অমসুং ONDCদা ওনবোর্দ তৌনবগীদমক হেন্দ-হোল্দিং তৌদুনা মতেং পাংবা অসিনি। MSME TEAM স্কিম অসিনা সেলর নেৎৱার্ক পার্তিসিপেন্তশিংগী খুত্থাংদা কেতালোগ শেম-শাবা, একাউন্ত মেনেজমেন্ত, লোজিস্তিক অমসুং পেকেজিং মেতরিএল অমসুং দিজাইনগীদমক মাইক্রো অমসুং অপীকপা ইন্তর্প্রাইজশিংদা শেলগী তেংবাং পীনবা পান্দম থম্লি। কান্নবা ফংলগদবা অপুনবা MSE লাখ মঙাগী মনুংদা, MSE লাখ অনি অমসুং মঙা অসি নুপীশিংনা মপু ওইবা MSEশিং ওইগনি। স্কিম অসি 2024দগী 2027 ফাওবা চৎনগনি। অদুম ওইনমক, মরুওইনা নুপীশিং অমসুং SC/STগী মপু ওইরিবা MSMEশিংগী মরক্তা হেন্না চাউনা য়ৌহন্নবা, এৱেরনেস ৱার্কশোপশিং অসি তায়র 2 অমসুং তায়র 3গী শহরশিং অমসুং MSME ক্লস্তরশিংদা পাংথোক্কনি।

 

ONDC স্তার্তঅপ মহোৎসব

 

 

দিপার্তমেন্ত ফোর প্রমোসন ওফ ইন্দস্ত্রী এন্দ ইন্তর্নেল ত্রেদ (DPIIT) না 2024গী মে 17দা ন্যু দিল্লীদা অহানবা ওইনা ONDC স্তার্তঅপ মহোৎসবকী থৌরম পাংথোকখ্রে। থৌরম অসিনা DPIITগী মরুওইবা খোংথাং অনি - স্তার্ত অপ ইন্দিয়া খোংথাং অমসুং ONDC থৌরম অসিদা হাইব্রিদ মোদতা স্তার্ত-অপ 5000রোম শরুক য়াখি। থৌরম অদুগী মনুংদা স্তার্ত অপশিং, য়ুনিকোর্নশিং অমসুং ইজ মাই ত্রিপ, লাইভস্পেস, প্রিস্তিন কেয়র, কার্স 24 অমসুং জেরোধাগুম্বা চাউখৎপা য়াবা বিজিনেসশিং য়াওনা ইকোসিস্তেম স্তেকহোল্দর 125 হেনবনা লেতর ওফ ইন্তেন্ত (LOI) দা খুৎয়েক পীনখি। হায়রিবা LOIশিং অসিনা ONDCগী ওইথোকপা য়াবশিং অমসুং লৈবাক অসিগী মকোক থোংবা স্তার্ত-অপশিংনা প্লেৎফোর্ম অসিগা খুৎশম্ননবা হোৎনরিবা অদু উৎলি। "ভারতকী ই-কম্মর্সকী পুন্না থবক তৌমিন্নবা তুংলমচৎ অমা শেমগৎপা", "ONDC - স্তার্ত-অপ মাই পাকপগী ৱারী" অমসুং "ONDCগী খুত্থাংদা স্তার্ত-অপ গ্রোথ দ্রাইভিং" অসিনচিংবা হিরমশিংদা পাউ ফাওনরবা পেনেলগী খন্ন-নৈনবশিং অসিদা ম্যুচেল কোলাবোরেসনগী লমশিং অমসুং ONDCগী নেৎৱার্ক অসি পাকথোক চাউথোকহন্নবা অমসুং পাকথোক চাউথোকহন্নবা স্তার্ত-অপশিং অমসুং হৌরক্লিবা বিজিনেসশিংগী অচৌবা পোতেন্সিএল অদুদা মীৎয়েং থমখি।

 

অপীকপা বিজিনেসশিংগী মরক্তা এৱেরনেস, এদাপ্তেসন অমসুং ত্রেনিং হেনগৎহন্নবা সরকারগী ইনিসিএতিবশিং

ONDCগী কান্নবশিং মপুং ফানা শীজিন্ননবা অমসুং ONDCগী কমপ্লাইন্ত ওইনবা অপীকপা বিজিনেসশিংগী মরক্তা এৱেরনেস, এদাপ্তেসন অমসুং ত্রেনিং হেনগৎহন্নবা ONDCনা তোঙান তোঙানবা খোংথাং কয়া লৌখৎখ্রে। মসিগী মনুংদা মখাগীশিং অসি য়াওরি:

 

• ONDCনা লৈবাক শীনবা থুংনা তোঙান তোঙানবা ইন্দস্ত্রী এসোসিএসনশিংগা খুৎশম্নদুনা ONDC অমসুং মসিগী কান্নবশিংগী মতাংদা অপীকপা সেল্লরশিং অমসুং বিজিনেসশিংদা এজুকেসন পীনবা এৱেরনেস ৱার্কশোপশিং পাংথোক্লি। RAI, PHDCCI, FICCI, NASSCOM অমসুং FHRAIগা খুৎশম্নদুনা জোইন্ত ৱার্কশোপ কয়া অমা শিনবা হৌখ্রে।
• ONDCনা ওপন দিজিতেল সেসনশিংগী খুত্থাংদা ভর্চুএল ত্রেনিং অমসুং তেক্নিকেল ত্রেনিং পীখ্রে, মসিদা স্তার্ত-অপশিং, মহৈরোইশিং, বিজিনেস লিদরশিং, ব্যুরোক্রেতশিং অসিনচিংবা মশিং য়াম্লবা মীওইশিংনা শরুক য়াখি।
• ONDCনা সেল্লরশিং (মরুওইনা ফার্স্ত-তাইম সেল্লর) দা দিজিতেল কম্মর্সতা মায় পাকহনবদা মতেং পাংনবা হেন্দবুক অমা লোন 14দা পুথোকখ্রে অমসুং পাক শন্না য়েন্থোক্লি।
• ONDCনা ভারতকী লোলশিংদা এপ দিবেলপমেন্ত অমসুং ই-কম্মর্স ফগৎহন্নবা ভাসিনিগা খুৎশম্নরি। 
• ONDCনা নেৎৱার্ক পার্তিসিপেন্তশিংবু ONDCগী কান্নবশিং অমসুং সেল্লর এপ্লিকেসনশিংগী খুত্থাংদা মতৌ করম্না শরুক য়াগদগে হায়বগী মতাংদা সেল্লরশিং মশক খঙদোকপা অমসুং তাকপদা মতেং পাংনবা, সেলর এপ্লিকেসনশিংদা ওনবোর্দ তৌনবা অমসুং অহানবা থাক্কী বেসিক কেতালোগ অমা শেম্নবগীদমক ফীৎ ওন স্ত্রীৎ প্রোগ্রাম অমা হৌদোকখ্রে।
• ভারতকী খুঙ্গং খুদিংমক নেস্নেল দিজিতেল মার্কেৎকা শম্নহন্নবা CSC-কম্মন সর্ভিসেস সেন্তরশিংনা ONDC দা লাইব ওইরি।
• সেল্লর অমসুং বায়রশিংনা ONDCগী মরমদা ঈ-পাউ লৌবদা মতেং পাংনবা ৱাত্সএপ বোত “ONDC সাহায়ক” লোন 5দা হৌদোকখ্রে।
• ONDCনা একাদেমি অমা হৌদোকখ্রে, মসি এজুকেস্নেল অমসুং ইনফোর্মেতিব তেক্সচুএল অমসুং ভিদিও কন্তেন্তকী রিপোজিতোরি অমনি। ONDC একাদেমীনা ONDC নেৎৱার্ক্কী শরুক য়ারিবা মীওই খুদিংমকপু ই-কম্মর্সকী মায় পাকপা খোঙচৎ অমগীদমক লমজিং-লমতাক অমসুং খ্বাইদগী ফবা থৌওংশিং পীবা ক্যুরেৎ তৌরবা লর্নিং এক্সপরিয়েন্স অমা পীরি।

 

ONDCগী মরু ওইবা মায়পাকপশিং

 

মসি হৌদোকখিবদগী হৌনা ONDCনা শীংথানীংঙাই ওইবা মাইলস্তোনশিং রেকোর্দ তৌখ্রে:

 

1. পাইলোৎ প্রোগ্রামশিং: বেঙ্গালুরু অমসুং দিল্লীগুম্বা খনগৎলবা শহরশিংদা মায় পাক্না ইমপ্লিমেন্ত তৌখ্রে।
2. অহানবা ONDC ফেয়র প্রাইস দুকান: দিজিতেল ইন্দিয়াগী মায়কৈদা খোংথাং অমা ওইনা, ভারত সরকারগী ফুদ অমসুং পব্লিক দিস্ত্রিব্যুসন দিপার্তমেন্তনা হিমাচল প্রদেশকী উনা অমসুং হমিরপুর জিলাশিংদা ওপন নেৎৱার্ক দিজিতেল কম্মর্স (ONDC) দা ফেয়র প্রাইস দুকানশিং (FPS) ওন-বোর্দ তৌনবা পাইলোৎ অমা লোঞ্চ তৌখ্রে।
3. ONDC প্লেৎফোর্মশিংদা ফংলিবা সর্ভিসশিং অমসুং প্রদক্তশিং পাকথোক চাউথোকহনবা: ONDC নেতৱার্ক অসি কাংলুপ অনি (F&B অমসুং গ্রোসরী) দগী হৌখি অমসুং মোবিলিতী, ফেশন, ব্যুতি অমসুং পর্সোনেল কেয়র, হোম অমসুং কিচেন, ইলেক্ত্রোনিক্স অমসুং এপ্লাইন্সশিং, হেল্থ অমসুং ৱেলনেস অমসুং B2B
4. পাক-চাউবা জিওগ্রাফিক কভরেজ: জনুৱারী 2, 2024 ফাওবদা, ONDC নেৎৱার্ক্তা শহর 616+ শিনবা থুংনা সেল্লর অমসুং সর্ভিস প্রোভাইদেশিং পাকথোক চাউথোকহনখ্রে।

 

 

 

এৱার্দশিং অমসুং রিকগনিসনশিং

 

 

ৱারোইশিন

 

ONDCনা ভারত্তা ফেয়র, ওপন অমসুং ইনক্লুসিব দিজিতেল কম্মর্স ইকোসিস্তেম অমা শেমগৎনবগী মায়কৈদা থৌনা ফরবা খোংথাং অমা উৎলি। মোনোপোলিস্তিক প্রেক্তিসকী শীংনবশিং থেংনদুনা অমসুং অপীকপা প্লেয়রশিংবু শক্তি পীদুনা, মসিনা ই-কম্মর্সকী লমদম অসি শেমদোকপগী পোতেন্সিএল লৈ। ইনিসিএতিব অসি তেক্নোলোজিকেল ফ্রেমৱার্ক অমা খক্তা নত্তে, মসি হেন্না থোং মান্নবা দিজিতেলগী তুংলমচৎ অমগী ভিজন অমনি।

 

রিফরেন্সশিং:-

 

https://ondc.org/

https://x.com/narendramodi/status/1874668637891781118

https://pib.gov.in/Pressreleaseshare.aspx?PRID=1814143

https://pib.gov.in/PressReleasePage.aspx?PRID=1884249

https://pib.gov.in/PressReleasePage.aspx?PRID=2020896

https://pib.gov.in/PressReleasePage.aspx?PRID=2035082

https://pib.gov.in/PressReleasePage.aspx?PRID=2051330

https://pib.gov.in/PressReleseDetailm.aspx?PRID=1984081

https://pib.gov.in/PressReleasePage.aspx?PRID=2003348

https://pib.gov.in/PressReleasePage.aspx?PRID=2003914

https://pib.gov.in/PressReleasePage.aspx?PRID=2007083

https://sansad.in/getFile/loksabhaquestions/annex/1715/AU816.pdf?source=pqals

https://sansad.in/getFile/annex/265/AU531_uRPdIv.pdf?source=pqars

PDF দাউনলোদ তৌবীয়ু

***

(Release ID: 2090150) Visitor Counter : 34