প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে কৃষকসকললৈ সুলভ মূল্যত ডিএপিৰ বহনক্ষম উপলব্ধতা নিশ্চিতকৰণৰ অৰ্থে১ জানুৱাৰীৰপৰা পৰৱৰ্তী নিৰ্দেশনালৈকেএনবিএছ ৰাজসাহায্য প্ৰতি মেট্ৰিক টনত (MT)৩,৫০০ টকাৰ বাহিৰেও ডাই-এমোনিয়াম ফছফেট (DAP)ৰ এক-কালীন বিশেষ পেকেজ সম্প্ৰসাৰণৰ বাবে সাৰ বিভাগৰ প্ৰস্তাৱত অনুমোদন জনাইছে। ইয়াৰ বাবে সম্ভাৱ্য বাজেটৰ প্ৰয়োজনীয়তা প্ৰায় ৩,৮৫০ কোটি টকাপৰ্য্যন্ত হ’ব পাৰে।

পটভূমিঃ

কৃষকসকললে২৮ গ্ৰেডৰ পিএণ্ডকে সাৰ সাৰ উৎপাদনকাৰী/আমদানিকাৰীৰ জৰিয়তে ৰাজসাহায্যযুক্ত মূল্যত লাভ কৰিব।কৃষকসকলে ২০১০ৰ ১ এপ্ৰিলৰপৰা কাৰ্য্যকৰী হোৱাএনবিএছ আঁচনিৰ জৰিয়তেপিএণ্ডকে সাৰৰ ওপৰত ৰাজসাহায্য লাভ কৰি আহিছে। কৃষকৰ কল্যাণ সাধনত দৃঢ় মনোযোগ অক্ষুণ্ণৰে তেওঁলোকক শীৰ্ষ সৰ্বাধিক অগ্ৰাধিকাৰ প্ৰদান কাৰ্য্য অব্যাহত ৰাখি ভাৰত চৰকাৰে ডাই-এমোনিয়াম ফছফেট (DAP) সাৰৰ মূল্য অপৰিৱৰ্তিত ৰাখি কৃষকসকলক ব্যাপক সকাহ প্ৰদান কৰিছে। ভূ-ৰাজনৈতিক বাধা আৰু বিশ্বৰ অস্থিৰ বজাৰ পৰিস্থিতিৰ মাজতো চৰকাৰে ২০২৪-২৫ খাৰিফ আৰু ৰবিৰ বাবে সুলভ মূল্যত কৃষকসকললৈ ডিএপিৰ উপলব্ধতা নিশ্চিতকৰণেৰে কৃষক অনুকূল পদ্ধতিৰ প্ৰতি ইয়াৰ দায়বদ্ধতা অক্ষুণ্ণ ৰাখিছে। কেবিনেটে ২০২৪ৰ জুলাইত ২০২৪ৰ ১ এপ্ৰিলৰপৰা ৩১ ডিচেম্বৰলৈ এনবিএছ ৰাজসাহায্য প্ৰতি মেট্ৰিক টনত৩,৫০০ টকাৰ বাহিৰেও ডিএপিৰ ওপৰত এক-কালীন বিশেষ পেকেজত অনুমোদন জনাইছিল আৰু ইয়াৰ আনুমানিক বাজেট আছিল ২,৬২৫ কোটি টকা। আজি (১-১-২০২৫) অনুষ্ঠিত কেবিনেট বৈঠকে আনুমানিক ৩৮৫০ কোটি টকাৰবাজেট পৰ্য্যন্ত ডিএপিৰ বিশেষ পেকেজ সম্প্ৰসাৰিত কৰিবলৈ অনুমোদন জনাইছে। ইয়াৰ লগে-লগে ২০২৪ৰ এপ্ৰিলৰপৰা ডিএপিৰ বাবে অনুমোদিত বিশেষ পেকেজৰ মুঠ পৰিমাণ ৬,৪৭৫ কোটি টকাৰো অধিক হ’ব। এই পদক্ষেপে কৃষকসকললৈ সুলভ মূল্যত ডিএপিৰ উপলব্ধতা নিশ্চিত কৰিব।

লাভা-লাভঃকৃষকসকললৈ ৰাজসাহায্যযুক্ত, সুলভ আৰু যুক্তিসংগত মূল্যত ডিএপিৰ উপলব্ধতা নিশ্চিত হ’ব।

ৰূপায়ণৰ কৌশল আৰু লক্ষ্যঃ২০২৫ৰ ১ জানুৱাৰীৰপৰা পৰৱৰ্তী নিৰ্দেশনা লাভনকৰালৈকেকৃষকসকললৈ সুলভ মূল্যত ডিএপি সাৰৰ সুচল উপলব্ধতা নিশ্চিতকৰণৰ অৰ্থে অনুমোদিত এনবিএছ ৰাজসাহায্যইডিএপিতপ্ৰতি মেট্ৰিক টনত৩,৫০০ টকাৰ বিশেষ পেকেজ আগবঢ়াব।

***

MJPS/BM/SB