মন্ত্রীমন্দল
লৌমীশিংদা অহোংবা মমলদা তুংকোইনা দি.এ.পি ফংহন্নবা 01.01.2025 দগী মখা তাবা ওর্দর অমা থোক্ত্রি ফাওবা এন.বি.এস সবসিদিগী মথক্ত দাই-এম্মোনিয়ম ফোস্পেত (দি এ পি)দা ৱান-তাইম স্পিসিএল পেকেজ শাংদোকপা মন্ত্রীমন্দলনা অয়াবা পীরে
Posted On:
01 JAN 2025 3:28PM by PIB Imphal
প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা লৌমীশিংদা অহোংবা মমলদা তুংকোইনা দি.এ.পি ফংহন্নবা 01.01.2025 দগী মখা তাবা ওর্দর অমা থোক্ত্রি ফাওবা মেত্রিক তন অমদা লুপা 3,500 গী এন.বি.এস সবসিদিগী মথক্ত দাই-এম্মোনিয়ম ফোস্পেত (দি এ পি) দা ৱান-তাইম স্পিসিএল পেকেজ শাংদোক্নবা ফর্তিলাইজর দিপার্তমেন্তনা পুখৎলকপা ৱাফম অয়াবা পীরে।
কান্নবশিং:
লৌমীশিংদা সবসিদি য়াওরবা, মমল হোংলবা অমসুং চুনবা মমলদা দি.এ.পি ফংহনগনি।
থবক ওইনা পায়খৎনবা লাল্লোংশিং অমসুং পান্দমশিং :
01.01.2025 দগী মখা তাবা ওর্দর অমা থোক্ত্রি ফাওবা দি.এ.পিগী অখন্নবা পকেজ অসিদা মেত্রিক তন অমদা লুপা 3,500 দা ফংহনগনি অমসুং অয়াবা পীরবা এন.বি.এস সবসিদি অসিনা লৌমীশিংদা চুনবা মমলদা দি.এ.পি ফংহনগনি।
নুঙগীৱারোল:
হার মেনুফেকচররশিং/ইম্পোর্তরশিংগী খুৎথাংদা অহোংবা মমলদা গ্রেদ 28 অমসুং পি অমসুং কে হারশিং লৌমীশিংদা ফংহল্লে। পি অমসুং কেগী হারশিংগী সবসিদি অসি 01.04.2010 দগী এন.বি.এস স্কিমনা পুথোক্লে। লৌমীশিং য়াইফনবা মরুওইনা লৌদুনা, দাই-এম্মোনিয়ম ফোস্পেত (দি এ পি) হারগী মমল লেংদনা থমদুনা সরকারান লৌমীশিংদা য়াম্না চাউনা কান্নবা অমা পীরে।
মালেমগী রাজনিতিগী লৈতাদবা অমসুং মালেমগী কৈথেলশিংগী ফিবম হোংদোক-হোংজিন কয়া লৈরবশু, খারিফ অমসুং রবি 2024-25 দা লৌমীশিংদা চুনবা মমলদা দি.এ.পি ফংহন্নবা সরকারনা লৌমীশিংগী য়াইফনবা থবকশিং পায়খৎলে। চাউরাক্না লুপা করোর 2,625 রোম থাদদুনা 01.04.2024 দগী 31.12.2024 ফাওবা মেত্রিক তন অমদা লুপা 3,500 গী এন.বি.এস সবসিদিগী ৱান-তাইম স্পিসিএল জুলাই 2024 দা মন্ত্রীমন্দলনা অয়াবা পীখ্রে।
*****
(Release ID: 2089320)
Visitor Counter : 99
Read this release in:
Nepali
,
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam