ঙসি প্রধান মন্ত্রী শ্রী নরেন্দ্র মোদীনা কুৱেতকী অমির সৈখ মেসাল অল-অহমদ অল-জাবর অল-সাবাহ উনখ্রে। হন্দক্কী অসিনা লুচিংবা অনিগী মরক্ত অহানবা উনবনি। বায়ান কোনুংদা থুংলবদা, কুৱেতকী প্রধান মন্ত্রী অহমদ অল-অবদুল্লাহ অল-অহমদ অল সাবাহনা চৎনবীগী মতুংইন্না প্রধান মন্ত্রী মোদী তরাম্না ওকখি।

লৈবাক অনিগী মরক্ত লৈনরিবা পুৱারিগী অমসুং মরুপ-মপাং ওইনা মরীশিং লুচিংবশিংনা নিংশিংখি অমসুং লৈবাক অনি মতেং পাংনবা মখা তানা পাকথোক-চাউথোক্নবা মখোয়গী থাজবা অমুক হন্না পীনখ্রে। ফিবম অসিদা, নাকল অনিগী মরী অসি ‘স্ত্রাতেজিক পার্তনরশিপ’ অমদা ওনখৎনবা মখোয়না য়ানখ্রে।

কুৱেত্ত লৈরিবা ভারতমচাশিংগী য়াইফনবা থবক পায়খৎপগীদমক প্রধান মন্ত্রীনা অমির থাগৎপা ফোঙদোকখি। কুৱেতকী চাউখৎ-থৌরাংদা মশিং য়াম্লবা ভারতমচাশিংনা অচৌবা থৌদাং লৌবগীদমক অমিরনা থাগৎপা ফোঙদোকখি। লৈবাক অসিগী ভিজন ২০৩৫ মপুংফানবা কুৱেতনা পায়খৎলিবা অনৌবা থবকশিং প্রধান মন্ত্রীনা থাগৎপা ফোঙদোকখি অমসুং থা অসিগী অঙনবা শরুক্ত জি.সি.সি মীফম মাইপাক্না পাংথোকখিবগীদমক অমির থাগৎপা ফোঙদোকখি। অরাবিয়ান গল্ফ কপ হৌদোকপা থৌরমদা ঙরাং মহাক গেস্ত ওফ ওনর ওইনা শরুক য়ানবা চেবাউ পীরকপগীদমক প্রধান মন্ত্রীনা মহাক্কী তৌবীমল খঙবা উৎখি। কুৱেত অমসুং গল্ফ লমদমদা মরুওইবা মরুপ অমা ওইনা ভারতনা লৌরিবা থৌদাং অমিরনা থাগৎপা ফোঙদোকখি। কুৱেত ভিজন ২০৩৫ থবক ওইনা পাংথোক্নবা ভারতনা অচৌবা থৌদাং লৌগনি অমসুং মতেং পাংগনি হায়বগী থাজবা অমিরনা থমখি।

⁠অমির ভারত্ত লাক্নবা প্রধান মন্ত্রীনা চেবাউ পীখ্রে।

****