প্রধানমন্ত্রীগী লোইশঙ
প্রধান মন্ত্রীনা য়ু.কেগী নিংথৌ চার্লস III গা ৱারি শানখ্রে
ভারত অমসুং য়ু.কেগী মরক্ত লৈনরিবা কমপ্রেহেন্সিপ স্ত্রাতেজিক পার্তনরশিপতা অমুক হন্না থাজবা পীনখ্রে
কম্মনৱেল্থ ক্লাইমেত এক্সন অমসুং স্তেনেবিলিতিগী থবকশিংদা ৱাফমশিং ফোঙদোক্নখ্রে
অনৌবা চহি অমসুং খৃষ্টমাসকী য়াইফ-পাউজেল পীনখ্রে
Posted On:
19 DEC 2024 6:15PM by PIB Imphal
ঙসি প্রধান মন্ত্রী শ্রী নরেন্দ্র মোদীনা য়ুনাইতেদ কিংদমগী নিংথৌ চার্লস III গা ৱারি শানখ্রে।
লৈবাক অনিগী মরক্ত লৈনরিবা পুৱারিগী মরীশিং নিংশিংলদুনা, ভারত অমসুং য়ু.কেগী মরক্ত লৈনরিবা কমপ্রেহেন্সিপ স্ত্রাতেজিক পার্তনরশিপ মখা তানা ফগৎহন্নবা লুচিংবা অনিনা অমুক হন্না থাজবা পীনখ্রে।
লুচিংবশিংনা কম্মনৱেল্থ লৈবাকশিংগী মতাংদা অমসুং সামাউদা হন্দক পাংথোকখিবা কম্মনৱেল্থ লৈবাকশিংগী সরকারগী লুচিংবশিংগী মীফমদা মতাংদা ৱাফম কয়া ফোঙদোক্নখ্রে।
কম্মনৱেল্থ ক্লাইমেত এক্সন অমসুং স্তেনেবিলিতি য়াওনা লৈবাক অনিনা দরকার ওইবা হিরম কয়াদা খন্নখ্রে। হায়রিবা ৱাফমশিং অমসুং থবকশিং অসিদা নিংথৌনা শৌগৎপগীদমক প্রধান মন্ত্রীনা থাগৎপা ফোঙদোকখি অমসুং ভারতনা পায়খৎলিবা তোঙান-তোঙানবা থবকশিংগী মতাংদা মহাক্না পাউদমখি।
লুচিংবা অনিমক্না লাক্লিবা অনৌবা চহি অমসুং খৃষ্টমাস কুহ্মৈশিংগী অমনা অমদা য়াইফ-পাউজেল পীনখ্রে।
নিংথৌ হকচাং ফনা অমসুং নুংঙাই-য়াইফনা হিংনবা প্রধান মন্ত্রীনা মহাক্কী য়াইফ-পাউজেল পীখ্রে।
****
(Release ID: 2086296)
Visitor Counter : 5
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam