অৱাং-নোংপোক লমদমগী চাউখৎ-থৌরাং মন্ত্রালয় (MDoNER)না মুম্বাইদা দি নোর্থ ইস্ত ত্রেন্দ এন্দ ইনভেস্তমেন্ত রোদশো পাংথোকখ্রে। ভারতকী মকোক থোংবা শহরশিংদা চহি অমা চুপ্না পাংথোকখিবা রোদশোশিংগী মতুংদা, মুম্বাইদা পাংথোকখিবা রোদশো অসিনা ভারতকী শেন্মিৎলোনগী হবদগী য়াম্না চাউনা মীৎয়েং চংখি। থৌরম অদুদা কেন্দ্রগী কম্ম্যুনিকেসন অমসুং MDoNERগী মন্ত্রী শ্রী জ্যোতিরাদিত্য এম.; ত্রিপুরাগী মুখ্য মন্ত্রী প্রোফেসর (দোক্তর) মনিক সাহা; অমসুং মেঘালয়গী মুখ্য মন্ত্রী শ্রী কনরাদ কে. সাংমা, MDoNERগী সেক্রেতরী শ্রী চঞ্চল কুমার অমসুং MDoNERগী জোইন্ত সেক্রেতরী শ্রীমতি মোনালিসা দাশ, অৱাং নোংপোক রাজ্যশিংগী সরকারগী ওফিসিএলশিং, য়াওনা DoNERগী মকোক থোংবা ওফিসিএলশিংগা লোয়ননা শরুক য়াখি।

থৌরম অদুদা ৱা ঙাংলদুনা কেন্দ্রগী মন্ত্রী শ্রী জ্যোতিরাদিত্য এম. সিন্ধিয়ানা প্রধান মন্ত্রীগী লুচিং মখাদা অৱাং-নোংপোক ভারতকী অহোংবা পুরকপগীদমক থাগৎপা ফোংদোকখি অমসুং মহাক্না মখোয়গী মীৎয়েং অমসুং অচেৎপা ফিরেপ্না হৌখিবা চহি তরা অসিদা চাউনা অহোংবা পুরকপা ঙমহনখিবা লমদম অসিগী মুখ্য মন্ত্রীশিংগী লুচিংবগী মতৌ অদুগীদমক থাগৎপা ফোংদোকখি। মহাক্না লমদম অসিগী য়াম্না চাউবা পোতেন্সিএলদা মরুওইবা থমখি, মসি হৌজিক্তি GDPগী চাউখৎপগী চাং চাদা 11 ওইদুনা ভারতকী চাউখৎপদা মতেং পাংনবা শেম-শারি। ইনফ্রাস্ত্রকচর, হ্যুমেন রিসোর্স অমসুং অখন্নবা সেক্তরশিংগী চাউখৎলকপনা অৱাং নোংপোক ভারতপু লৈবাক অসিগী তুংলমচৎকী মরুওইবা শক্তম অমা ওইহল্লে। লমদম অসিগী তোপ তোপ্পা খুদোংচাবশিং পল্লদুনা মহাক্না হায়খি মদুদি অৱাং নোংপোক অসি থোং অমা ওই অমসুং মসিনা খা-নোংপোক এসিয়াগী কৈথেলশিংদা চঙবা য়াহল্লি। ইকাই খুম্নরবা কেন্দ্রগী মন্ত্রীনা মুম্বাই অমসুং অৱাং-নোংপোক ভারতকী ভাইব্রেন্ত বিজিনেস ইকোসিস্তেমশিংগী মরক্তা থোং শেমগৎপগী মরুওইবা অদু পনখি। মসিনা গ্রোথ অমসুং ইন্নোবেসনগীদমক্তা তংদু লৈতাবা লম্বী অমা লৈহল্লগনি। মন্ত্রীনা তুরিজম, রিন্যুএবল ইনর্জী, স্পোর্তস অমসুং IT য়াওনা তোঙান তোঙানবা সেক্তরশিংদা লমদম অসিনা মাংজিল থানা চংশিল্লিবা অসিগী মতাংদা পনখি। মহাক্না ইনভেস্তরশিংদা লমদম অসিগী নহাশিং, অৱাংবা লিতরেসী রেৎ অমসুং মরাং কায়বা নেচরেল রিসোর্সশিংনা মরুওইনা তুং কোইনা চৎকদবা লৌউ-শিংউ, মেনুফেকচরিং অমসুং তেক্নোলোজীগুম্বা লমশিংদা শেন থাদনবগীদমক অফবা মফম অমা ওইহল্লি হায়না থাজবা পীখি। বিজিনেস গ্রোথতা মতেং পাংনবা অমসুং রেদ তেপ হন্থহন্নবা থৌরাং লৌখৎপগা লোয়ননা, অৱাং নোংপোক ভারতনা হৌজিক্তি ইনভেস্তরশিংদা রেদ কার্পেৎ অমা পীরি, মসিনা ভারত মরুওইনা নহারোলশিংগী চাউখৎপদা মতেং পাংগনি। মহাক্কী অরোইবা ৱারোলদা মহাক্না ইনভেস্তরশিংবু অৱাং নোংপোক লমদমদা লাক্নবা অমসুং লমদম অসিগী তুংলমচৎ শেম্বদা মরুওইবা থৌদাং লৌনবা হায়খি।

ত্রিপুরাগী মুখ্য মন্ত্রী, প্রোফেসর (দা) মানিক সাহানা প্রধান মন্ত্রীগী লুচিং মখাদা অৱাং-নোংপোক ভারত, মরু ওইনা ত্রিপুরাদা চাউখৎপা উবা ফংলি হায়না অমুক হন্না ফোংদোকখি। মসিগী মথক্তা, ভারত সরকারগী এক্ত ইস্ত পোলিসী অসিনা লমদম অসিদা চাউখৎপা পুরক্লি। ত্রিপুরা অসি খ্বাইদগী শান্তি লৈবা রাজ্যশিংগী মনুংদা অমা ওইনা শকখঙনরি অমসুং পর কেপিতা ইনকম লুপা 1,77,000 ওইবগা লোয়ননা অৱাং নোংপোক ভারতকী অনিশুবা খ্বাইদগী চাউবা GSDP কন্ত্রিব্যুতর ওইদুনা ফজরবা ইকনোমিক পরফোর্মেন্স উৎখি। অফবা লেন্দ, ৱাতর, এয়র অমসুং রেলগী কন্নেক্তিবিতী য়াওনা মপাঙ্গল কনবা ইনফ্রাস্ত্রকচর অমসুং সপ্পোর্তিব ইনভেস্তমেন্ত ক্লাইমেৎ লৈবা মফম অমা ওইবনা রাজ্য অসি ইনভেস্তরশিংগী পাম্নবা মফম অমা ওইরক্লি। ত্রিপুরাগী ৱা, রবার, অমসুং মনম নুংশিবা রেসিন্সকুম্বা নেচরেল রিসোর্স মরাং কায়না লৈবনা, মাগী সস্তেনেবল এগ্রিকলচরগী থবকশিংগা লোয়ননা, হোর্তিকলচর, তুরিজম, অমসুং মেন্যুফেকচরিংগুম্বা ইন্দস্ত্রীশিংদা চাউখৎপগী লোইনাইদ্রবা ওইথোকপা কয়া লৈহল্লি। তেক্নোলোজীগী অওনবা পুরকপদা রাজ্য অসিনা মীৎয়েং চংলিবা অসি মসিগী IT পোলিসী, ই-ওফিস অমসুং ই-কেবিনেৎ সিস্তেমশিং হৌদোকপা অমসুং খুঙ্গংশিংদা পাক শন্না 4G কন্নেক্তিবিতী ফংহনবা অসিনা উৎলি হায়না মহাক্না ফোংদোকখি। 95.16%গী অৱাংবা লিতরেসী রেৎ অসিগী কান্নবা লৌনবগীদমক ত্রিপুরাদা হকশেল, এজুকেসন অমসুং স্কিল দিবেলপমেন্তদা শেন থাদরি। ইনভেস্তরশিংগীদমক মতমগী মতুং ইন্না ক্লিয়রেন্স পীবা অমসুং UNNATI 2024 স্কিমগী খুদোংচাবা লৌনবা রাজ্য অসিগী অচেৎপা ফিরেপ্না ইনভেস্তমেন্ত হব অমা ওইনা মাগী মফম অসি হেন্না মপাঙ্গল কনখৎহল্লি। ত্রিপুরা অসি ভারতকী চাউখৎপগী ৱারীদা মরুওইবা শক্তম অমা ওইনবা শেম-শারি। মসিনা শীংথানীংঙাই ওইবা ইন্সেন্তিবশিং অমসুং বিজিনেসশিং চাউখৎহন্নবগীদমক চুনবা এনভাইর্নমেন্ত অমা পীরি।

মেঘালয়গী মুখ্য মন্ত্রী, শ্রী কনরাদ কে. সাংমানা মেঘালয়াদা ইনভেস্তমেন্ত অমসুং দিবেলপমেন্ত স্ত্রেতেজীদা মীৎয়েং থমদুনা মপাঙ্গল কনবা লুচিংবা অমনা লমজিংদুনা ত্রান্সফোর্মেতিব গ্রোথ অমা উবা ফংলি হায়না মহাক্না হায়খি। ইকাই খুম্নরবা প্রধান মন্ত্রী শ্রী নরেন্দ্র মোদীগী লমজিং মখাদা, রাজ্য অসিনা ইনভেস্তর-ফ্রেন্দলী পোলিসীশিং শেমগৎলে অমসুং মরুওইনা তুরিজম, ফুদ প্রোসেসিং অমসুং ইনফ্রাস্ত্রকচরগুম্বা সেক্তরশিংদা মশক থোকপা পাউখুম পীখি। শিলোংদা অনৌবা এয়রপোর্ত অমা শেমগৎপা অমসুং লকজরী একোম্মোদেসনশিংদা শেন থাদবনা মেঘালয়বু মরুওইবা তুরিজমগী মফম অমা ওইহনখ্রে। পাক-চাউবা তেপ তৌদ্রিবা রিসোর্সশিং, স্কিল লৈরবা শিন্মীশিং, অমসুং লৌউ-শিংউ, IT অমসুং স্পোর্তসকুম্বা চাউখৎলক্লিবা সেক্তরশিংগা লোয়ননা রাজ্য অসি মখা তানা গ্রোথ অমসুং চাউখৎপা পুরক্নবা শেম-শারি। সরকারনা নহাশিংবু মপাঙ্গল কনখৎহনবদা মীৎয়েং থম্লিবা অসিনা দোমেস্তিক অমসুং ইন্তর্নেস্নেল প্লেসমেন্তকীদমক নর্সশিং ত্রেনিং পীবা অমসুং IT গী খুদোংচাবশিং শেমগৎপা অসিনচিংবা খোঙথাংশিংনা মসিগী গ্রোথ পোতেন্সিএলবু মপাঙ্গল কনখৎহল্লে। তুরিজম সেক্তর, অৱাংবা থাক্কী হোস্পিতালিতী প্রোজেক্তশিং, অমসুং য়াম্না থুনা চাউখৎলক্লিবা স্পোর্তস ইন্দস্ত্রীগা লোয়ননা রাজ্য অসিনা ইনভেস্তরশিংগীদমক্তা অচৌবা খুদোংচাবা কয়া পীরি। হৌজিক ওইরক্লিবা ফীভমশিং অসি ভারতকী চাউখৎপগী ৱারীদা মেঘালয়াবু মরুওইবা শক্তম অমা ওইহন্নবা সরকারনা হোৎনরিবা অসিগী খুদম অমনি।

MDoNERগী সেক্রেতরী, শ্রী চঞ্চল কুমারনা লমদম অসিগী ইনফ্রাস্ত্রকচর দিবেলপমেন্তনা লমদম অসিদা চাউখৎপা পুরকপগী মতাংদা পনখি। NER GDPগী কন্ত্রিব্যুসন অসি 2.9% ওইরি হায়না মহাক্না পনখি। অদুম ওইনমক অৱাং নোংপোক লমদমগী CAGRনা নেস্নেল এভরেজদগী হেন্না ৱাংই। হেন্না ফবা ইনফ্রাস্ত্রকচর, NERগী রাজ্যশিংদা স্তেবল ওইবা অমসুং চপ মান্নবা পোলিসী রেজিমশিং অমসুং লমদম অসিদা চাউখৎপা অমসুং ইনভেস্তমেন্তকীদমক কান্নরবা ক্লাইমেৎ লৈবগা লোয়ননা, NERনা মখা তানা খোঙজেল য়াংনা চাউখৎপা ঙম্লগনি। মহাক্না হায়খি মদুদি হৌখিবা চহি 10 অসিদা, লমদম অসিগী কন্নেক্তিবিতী অসি লম্বী, রেল, এয়র, ৱাতর অমসুং দিজিতেল লিঙ্কশিং ওইরো, খ্বাইদগী অরাপ্পা মফমশিংদা য়ৌহন্দুনা ত্রান্সফোর্ম তৌখ্রে। মসিগী মথক্তা, অৱাং-নোংপোক্কী রাজ্যশিংনা ইনভেস্তমেন্ত পুক্নিং থৌগৎনবা কেন্দ্র সরকারগা লোয়ননা মওং চুম্বা, পাম্নবা পোলিসীশিং পায়খৎলি। মহাক্না লমদম অসিগী অচৌবা পোতেন্সিএলগী মতাংদা পাউদমখি অমসুং ইনভেস্তরশিংদা অৱাং-নোংপোক লমদমদা ইনভেস্ত তৌনবা তকশিনখি।

MDoNER গী জোইন্ত সেক্রেতরী শ্রীমতি মোনালেসা দাশনা চহি তরাগী খুজিং কয়াদগী লমদম অসিগী মীয়ামদা হকথেংননা কান্নবা ফংহল্লিবা দিবেলপমেন্ত ইনিসিএতিবশিং অমসুং প্রোজেক্তশিংগী মতাংদা পনখি। ভারতকী অৱাং-নোংপোক লমদম অসি মিনরেল, বাইওদাইভর্সিতী অমসুং হায়দ্রোপাৱর পোতেন্সিএলগী লমদম অমা ওইরে হায়না মহাক্না ফোংদোকখি। ওপরেস্নেল এয়রপোর্ত 17, পাকথোক চাউথোক্লিবা রোদ অমসুং রেল নেৎৱার্ক, অমসুং ঈশিং লম্বী 20গা লোইননা, লমদম অসিনা অহোংবা পুরকপগী খোঙচৎ অমা থেংনরি। UNNATI স্কিম, পি.এম. দেবাইন অমসুং আয়ুশ্মান ভারতকুম্বা মরুওইবা ইনিসিএতিবশিংনা মতেং পাংদুনা, লমদম অসি তুংকোইনা চাউখৎপা অমসুং চাউখৎপা পুরক্নবা শেম-শারি। মহাক্না হায়খি মদুদি অৱাং-নোংপোক লমদম অসি মশা মউ ফবা চৎনবীগী য়ুম্ফম ওইরি। মসিদা অৱাংবা থাক্কী লাইরিক হৈবগী চাং লৈরি, শান্ন-খোৎনবগী সেক্তর ফগৎলক্লি অমসুং ইনভেস্তমেন্ত পুক্নিং চিংশিন্নবা তুরিজম ইন্দস্ত্রী ফগৎলক্লি। ইনফ্রাস্ত্রকচর ফগৎলকপা অমসুং পোলিসীশিং অসি মান্ননা চৎনরকপগা লোয়ননা অৱাং-নোংপোক লমদম অসি শেন থাদবা অমসুং চাউখৎপগী মফম অমা ওইনবা শেম-শারি। মসিনা শেন থাদবশিংদা লোইনাইদ্রবা খুদোংচাবশিং ফংহল্লি।

অৱাং-নোংপোক্কী রাজ্যশিংগী সরকারগী ওফিসিএলশিংনা, FICCIদগী মীহুৎশিংগা লোয়ননা, সেক্তর কয়াদা লৈরিবা খুদোংচাবশিংগী মতাংদা মমল য়াম্লবা ইনসাইৎশিং পীনখি। থৌরম অসিনা লমদম অসিদা ইনভেস্তমেন্ত পোতেন্সিয়েল য়াম্না লৈ হায়বা উৎতুনা মকোক থোংবা এন্তর্প্রাইজশিংগী পুক্নিং চিংশিনখি।

অৱাং-নোংপোক্কী ইনভেস্তর সম্মিৎকী প্রি-সম্মিৎকী থৌরমশিংগী শরুক অমা ওইনা, স্তেত রাউন্দ তেবলশিং, মরুওইবা শহরশিংদা রোদ শোশিং য়াওনা তোঙান-তোঙানবা থৌরম কয়া পাংথোকখ্রে, মসিনা পোতেন্সিএল ইনভেস্তরশিংগী পুক্নিং চিংশিনখি।

মুম্বাইগী রোদশো অসিদা B2G গী মীফম কয়া অমা পাংথোক্তুনা অৱাং-নোংপোক লমদমগীদমক্তা পোতেন্সিএল ইনভেস্তমেন্তশিং পুথোকপগা লোয়ননা চাউনা মীৎয়েং চংনবা উবা ফংখি।

***