اتر پردیش کی گورنر آنندی بین پٹیل جی ، وزیر اعلیٰ یوگی آدتیہ ناتھ جی ، نائب وزیر اعلیٰ کیشو پرساد موریہ جی ، برجیش پاٹھک جی ، اتر پردیش کے وزراء ، ممبران پارلیمنٹ اور ایم ایل اے ، پریاگ راج کے میئر اور ضلع پنچایت کے صدر ، دیگر معززین  اور میرے پیارے بھائیوں اور بہنوں ۔

میں پریاگ راج میں سنگم کی اس مقدس سرزمین کو عقیدت کے ساتھ سلام پیش کرتا ہوں ۔ میں مہاکمبھ میں شرکت کرنے والے تمام سنتوں اور سادھوؤں کو بھی سلام پیش کرتا ہوں ۔ میں خاص طور پر ان ملازمین ، کارکنوں اور صفائی ستھرائی کے کارکنوں کا خصوصی طور پر خیر مقدم کرتا ہوں جو مہاکمبھ کو کامیاب بنانے کے لیے دن رات محنت کر رہے ہیں ۔ دنیا کی اتنی بڑی تقریب، روزانہ لاکھوں عقیدت مندوں کے استقبال اور خدمت کی تیاری، لگاتار 45 دن تک مہایگیہ، نیا شہر بنانے کی بڑی مہم ، پریاگ راج کی اس سرزمین پر ایک نئی تاریخ تخلیق کی جا رہی ہے۔ اگلے سال مہا کمبھ کا انعقاد ملک کی ثقافتی ، روحانی شناخت کو نئی بلندیوں پر لے جائے گا  اور میں بڑے اعتماد کے ساتھ ، بڑے احترام کے ساتھ کہتا ہوں ، اگر مجھے اس مہاکمبھ کو ایک جملے میں بیان کرنا پڑے تو میں کہوں گا کہ یہ اتحاد کا ایسا مہا یگیہ ہوگا ، جس پر پوری دنیا میں مباحثہ ہوگا ۔ میں آپ سب کے لیے اس تقریب کی شاندار اور روحانی کامیابی کی خواہش کرتا ہوں۔

ساتھیوں،
ہمارا ہندوستان مقدس مقامات اور زیارتوں کا ملک ہے ۔ یہ گنگا ، جمنا ، سرسوتی ، کاویری ، نرمدا جیسی بے شمار مقدس ندیوں کا ملک ہے ۔ ان دریاؤں کے بہاؤ کی پاکیزگی ، ان بہت سی یاتراؤں کی اہمیت ، ان کا سنگم ، ان کا مجموعہ ، ان کا یوگا ، ان کا اتحاد ، ان کا اثر ، ان کا جلال ، یہی پریاگ ہے ۔ یہ صرف تین مقدس دریاؤں کا سنگم نہیں ہے ۔ پریاگ کے بارے میں کہا گیا ہے-’ماگھ مکرگت ربی جب ہوئی۔ تیرتھ پتیہی آؤ سب کوئی‘۔ یعنی جب سورج مکر میں داخل ہوتا ہے تو تمام الہٰی طاقتیں ، تمام تیرتھ ، تمام رشی ، مہارشی ، منیشی پریاگ میں آجاتے ہیں ۔ یہ وہ جگہ ہے جس کے اثر کے بغیر پُران مکمل نہیں ہوتے ۔ پریاگ راج وہ جگہ ہے ، جس کی تعریف ویدوں کی رچاؤں  نے کی ہے ۔

بھائیوں-بہنوں ،

پریاگ وہ جگہ ہے جہاں قدم قدم پر مقدس مقامات ہیں، جہاں قدم قدم پر پاکیزہ مقامات ہیں ۔ تریوینی مادھو ، سوم، بھاردواج چا واسوکم ۔ وندے اکشے-وٹ شیش، پریاگ تیرتھنائکم ۔ یعنی تریوینی کا تریکال اثر ، وینی مادھو کا جلال، سومیشور کا آشیرواد، رشی بھاردواج کا تپ بھومی، ناگراج واسوکی کا خاص مقام، اکشے وٹ کی لافانی اور شیش کا لامحدود فضل۔یہ ہے ہمارا تیرتھ راج پریاگ! تیرتھ راج پریاگ کا مطلب ہے-’’چار ی پدارتھ بھرا بھنڈارو۔ پنیہ پردیش دیش اتی چارو ‘‘۔ یعنی ، جہاں دھرم ، ارتھ ، کام ، موکش چاروں مادے قابل رسائی ہیں ، وہ  پریاگ ہے۔ پریاگ راج صرف ایک جغرافیائی خطہ نہیں ہے ۔ یہ ایک روحانی تجربے کا علاقہ ہے ۔ یہ پریاگ اور پریاگ کے لوگوں کاآشیرواد ہے کہ مجھے بار بار اس سرزمین کا دورہ کرنے کا اعزاز حاصل ہوتا ہے۔ پچھلے کمبھ میں بھی مجھے سنگم میں نہانے کا اعزاز حاصل ہوا تھا ۔ اور آج اس کمبھ کے آغاز سے پہلے مجھے ایک بار پھر ماں گنگا کے قدموں میں آکر ان کا آشیرواد حاصل کرنے کا اعزاز حاصل ہوا ہے ۔ آج میں نے سنگم گھاٹ پر لیٹے ہوئے ہنومان جی کے درشن کئے۔ انہیں اکشے وٹ کے درخت کا آشیرواد بھی ملا۔ ان دونوں مقامات پر عقیدت مندوں کی سہولت کے لیے ہنومان کوریڈور اور اکشے وٹ کوریڈور تعمیر کیے جا رہے ہیں۔ میں نے سرسوتی کوپ ری ڈیولپمنٹ پروجیکٹ کے بارے میں بھی معلومات حاصل کیں ۔ آج یہاں ہزاروں کروڑ روپے کے پروجیکٹ قوم کے نام وقف کئے گئے ہیں۔ اس کے لیے میں آپ سب کو مبارکباد دیتا ہوں ۔

ساتھیوں،
مہاکمبھ ہمارے ملک کے ہزاروں سال پرانے ثقافتی، روحانی سفر کی ایک نیک اور متحرک علامت ہے۔ ایک ایسا اہتمام ہے، جہاں ہر بار  مذہب، علم، عقیدت اور فن کا روحانی امتزاج ہوتا ہے۔ ہمارے یہاں کہا گیا ہے ، دش تیرتھ سہسرانی، تسر: کوٹیاستتھا اپراہ- سم آگ چھنتی ماگھیاں تو ، پریوگ بھرترشبھ۔ یعنی سنگم میں نہانے سے کروڑ تیرتھوں کے برابر پنیہ ملتا ہے ۔ جو شخص پریاگ میں نہاتا ہے وہ ہرگناہ سے پاک ہو جاتا ہے ۔ راجاؤں اور مہاراجاؤں کا دور ہو یا سینکڑوں سال کی غلامی کا دور ، عقیدے کا یہ بہاؤ کبھی نہیں رکا۔ اس کی ایک بڑی وجہ یہ رہی ہے کہ کمبھ کوئی بیرونی طاقت نہیں ہے۔ کمبھ، کسی بھی بیرونی نظام کے بجائے ، انسان کے اندرونی نفس کے شعور کا نام ہے۔ یہ بیداری خود بیداری ہے ۔ یہ شعور ہندوستان کے ہر کونے سے لوگوں کو سنگم کے کنارے کی طرف کھینچتا ہے۔ گاؤں ، قصبوں ، شہروں کے لوگ پریاگ راج کی جانب چل پڑتے ہیں ۔ اس طرح کی اجتماعی طاقت ، اس طرح کا اجتماع شاید ہی کہیں اور دیکھا جائے ۔ یہاں آکر سنت-مہنت ، رشی-منی ، گیانی-وِدوان ، عام انسان سب ایک ہو جاتے ہیں ، سب ایک ساتھ تریوینی میں ڈبکی لگاتے ہیں ۔ یہاں ذات پات کے امتیازات ختم ہو جاتے ہیں ، فرقہ وارانہ تنازعات ختم ہو جاتے ہیں ۔ لاکھوں لوگ ایک مقصد ، ایک خیال سے جڑجاتے ہیں ۔ اس بار بھی مہاکمبھ کے دوران مختلف ریاستوں کے کروڑوں لوگ یہاں جمع ہوں گے ، ان کی زبان مختلف ہوگی ، ذات مختلف ہوگی ، عقیدے مختلف ہوں گے ، لیکن سنگم شہر میں آکر وہ سب ایک ہو جائیں گے ۔ اور اسی لیے میں ایک بار پھر کہتا ہوں کہ مہاکمبھ اتحاد کا مہا یگیہ ہے ۔ جس میں ہر قسم کے امتیاز کی قربانی دی جاتی ہے ۔ یہاں کے سنگم میں ڈبکی لگانے والا ہر ہندوستانی ایک بھارت-شریشٹھ بھارت کی شاندار تصویر پیش کرتا ہے۔

ساتھیوں،
مہاکمبھ کی روایت کا سب سے اہم پہلو یہ ہے کہ اس دوران ملک کو سمت ملتی ہے۔ کمبھ کے دوران سنتوں کے آواز میں، بات چیت میں، شاستر ارتھ کے اندر، ملک کے سامنے  اہم موضوعات ، ملک کو درپیش چیلنجز ، سنتوں کی گفتگو میں ، مکالمے میں ، صحیفوں میں وسیع بحث ہوتی ہے اور پھر سنت جن مل کر ملک کے خیالات کو نئی توانائی دیتے ہیں اور ایک نئی راہ بھی دکھاتے ہیں۔ سنتوں-مہاتماوں نے کمبھ جیسے مقام پر ملک سے متعلق بہت سے اہم فیصلے کیے ہیں ۔ جب مواصلات کا کوئی جدید ذریعہ نہیں تھا ، کمبھ جیسی تقریبات نے بڑی سماجی تبدیلیوں کی بنیاد رکھی۔ کمبھ میں سنت اور عقلمند لوگ مل کر معاشرے کی خوشی اور غم پر بات کرتے تھے، حال اور مستقبل کے بارے میں سوچتے تھے، آج بھی کمبھ جیسے بڑے پروگراموں کی اہمیت ویسی ہی ہے۔ اس طرح کی تقریبات ملک کے کونے کونے میں معاشرے کو مثبت پیغام دیتی ہیں ، ملک کی فکر کی یہ دھارا مسلسل بہتی ہے۔ ان پروگرواموں کے نام مختلف ہیں، پڑاؤ مختلف ہیں ، راستے مختلف ہیں، لیکن مسافر ایک ہیں ، مقصد ایک ہے۔

ساتھیوں،
کمبھ اور مذہبی دورے کی اتنی اہمیت کے باوجود، پچھلی حکومتوں کے دور میں، ان کی اہمیت کو مدنظر نہیں رکھا گیا۔ اس طرح کی تقریبات میں عقیدت مندوں کو مشکلات کا سامنا کرنا پڑتا تھا، لیکن اس وقت کی حکومتوں نے کوئی پرواہ نہیں کی۔ اس کی وجہ یہ تھی کہ وہ ہندوستانی ثقافت اور عقیدے سے ان کا لگاؤ نہیں تھا، لیکن آج مرکز اور ریاست میں ایک ایسی حکومت ہے جو ہندوستان کے عقیدے اور ثقافت کا احترام کرتی ہے۔ اس لیے ڈبل انجن والی حکومت کمبھ میں آنے والے عقیدت مندوں کے لیے سہولیات کا انتظام کرنا اپنی ذمہ داری سمجھتی ہے۔ اس لیے مرکزی اور ریاستی حکومتوں نے ہزاروں کروڑ روپے کی اسکیمیں شروع کی ہیں۔ حکومت کے مختلف محکمے جس طرح مہاکمبھ کی تیاریوں کو مکمل کرنے میں مصروف ہیں وہ بہت قابل ستائش ہے۔ یہاں کنیکٹیویٹی پر خصوصی توجہ دی گئی ہے تاکہ ملک اور دنیا کے کسی بھی کونے سے کمبھ تک پہنچنے میں کوئی دشواری نہ ہو ۔ پریاگ راج شہر کا ایودھیا، وارانسی ، رائے بریلی ، لکھنؤ سے رابطہ بہتر کیا گیا ہے۔ میں جس مکمل حکومت کے نقطہ نظر کی بات کرتا ہوں، ان عظیم کوششوں کا مہاکمبھ بھی اس جگہ پر نظر آتا ہے۔

ساتھیوں،
ہماری حکومت نے ترقی کے ساتھ ساتھ ورثے کو بہتر بنانے پر بھی توجہ مرکوز کی ہے۔ آج ملک کے کئی حصوں میں مختلف سیاحتی سرکٹس تیار کیے جا رہے ہیں۔ رامائن سرکٹ، شری کرشنا سرکٹ، بدھسٹ سرکٹ، تیرتھانکر سرکٹ... ان کے ذریعے ہم ملک کے ان مقامات کو اہمیت دے رہے ہیں جن پر پہلے توجہ نہیں تھی ۔ سودیش درشن اسکیم ہو یا پرساد اسکیم، زیارت گاہوں پر سہولیات میں توسیع کی جا رہی ہے۔ ہم سب اس بات کے گواہ ہیں کہ کس طرح ایودھیا کے عظیم الشان رام مندر نے پورے شہر کو شاندار بنا دیا ہے۔ وشوناتھ دھام، مہاکال مہالوک کی آج پوری دنیا میں بحث ہو رہی ہے۔ اکشے وٹ کوریڈور ، ہنومان مندر کوریڈور ، بھاردواج رشی آشرم کوریڈور میں اس وژن کی عکاسی ہوتی ہے۔ عقیدت مندوں کے لیے سرسوتی کوپ، پاتالپوری،  ناگواسوکی ، دوادش مادھو مندروں کا احیا کیا جا رہا ہے۔

ساتھیوں،
ہمارا یہ پریاگ راج نشادراج کی سرزمین بھی ہے۔ شرنگویر پور بھگوان رام کے مریادا پروشوتم بننے کے سفر میں بھی ایک اہم پڑاؤ ہے۔ بھگوان رام اور کیوٹ کا سیاق و سباق آج بھی ہمیں تحریک دیتا ہے ۔ کیوٹ نے اپنے پربھو کو اپنے سامنے پاکر ان کے پاؤں دھوئے ، انہیں اپنی کشتی سے دریا پار کرایا تھا۔ اس تناظر میں عقیدت کا ایک انوکھا جذبہ ہے، بھگوان اور عقیدت مند کے درمیان دوستی کا پیغام ہے۔ اس واقعے کا پیغام یہ ہے کہ بھگوان بھی اپنے بھکت کی مدد لے سکتا ہے۔ شرنگویر پور دھام کو بھگوان شری رام اور نشادراج کی اس دوستی کی علامت کے طور پر فروغ دیا جا رہا ہے۔ بھگوان رام اور نشادراج کا مجسمہ بھی آنے والی نسلوں کو مساوات اور ہم آہنگی کا پیغام دیتا رہے گا ۔

ساتھیوں،
کمبھ جیسے عظیم الشان اور روحانی پروگرام کو کامیاب بنانے میں صفائی کا بہت بڑا کردار ہے ۔ مہاکمبھ کی تیاری میں نمامی گنگے پروگرام کو تیزی سے آگے بڑھایا گیا ہے۔ پریاگ راج شہر کی صفائی ستھرائی اور فضلہ کے انتظام پر توجہ مرکوز کی گئی ہے۔ لوگوں کو آگاہ کرنے کے لیے گنگا دوت، گنگا پرہری اور گنگا متر مقرر کیے گئے ہیں ۔ اس بار کمبھ میں 15 ہزار سے زیادہ میرے صفائی کارکن بھائی بہن کمبھ کی صفائی کا خیال رکھنے والے ہیں ۔ میں اپنے صفائی کارکن بھائیوں اور بہنوں کا بھی پیشگی شکریہ ادا کرنا چاہوں گا جو آج کمبھ کی تیاری کر رہے ہیں۔ یہاں جس پاکیزگی، صفائی اور روحانیت کے لاکھوں لوگ گواہ ہوں گے، وہ آپ کے تعاون سے ہی ممکن ہوگا۔ اس طرح آپ یہاں کے ہر عقیدت مند کی پنیہ  میں شریک بھی بنیں گے۔ جس طرح بھگوان کرشن نے جھوٹےپتل اٹھا کر یہ پیغام دیا تھا کہ ہر کام اہم ہے، اسی طرح آپ بھی اپنے کاموں سے اس پروگرام کی عظمت میں اضافہ کریں گے۔ یہ آپ ہی ہیں جو صبح سب سے پہلے ڈیوٹی پر ہوتے ہیں، اور آپ کا کام دیر رات تک چلتا ہے۔ 2019 میں بھی کمبھ تقریب کے دوران یہاں کی صفائی کی بہت تعریف کی گئی تھی ۔ جو لوگ ہر 6 سال بعد کمبھ یا مہاکمبھ میں نہانے آتے ہیں، انہوں نے پہلی بار اس طرح کا صاف ستھرا اور خوبصورت انتظام دیکھا تھا ۔ اس لیے میں نے آپ کے پیر دھو کر اپنے تشکر کا مظاہرہ کیا ۔ اپنے صفائی کارکنوں کے پاؤں دھونے سے مجھے جو  سکون  ملا وہ میرے لیے زندگی بھر کا ایک یادگار تجربہ بن گیا ہے۔

ساتھیوں،
کمبھ  سے متعلق ایک اور پہلو ہے جس پر زیادہ بحث نہیں کی جا سکتی ۔ یہ پہلو ہیں-کمبھ سے معاشی سرگرمیوں کی توسیع ، ہم سب دیکھ رہے ہیں، کمبھ سے پہلے اس خطے میں معاشی سرگرمیاں کیسے بڑھ رہی ہیں ۔ تقریبا ڈیڑھ ماہ تک سنگم کے کنارے ایک نیا شہر آباد رہے گا۔ یہاں روزانہ لاکھوں لوگ آتے ہیں۔ پورے نظام کو برقرار رکھنے کے لیے پریاگ راج میں لوگوں کی بڑی تعداد کی ضرورت ہوگی۔ ہمارے 6000 سے زیادہ ملاح ساتھیوں، ہزاروں دکاندارساتھی، پوجا پاٹھ اور اسنان-دھیان کرانے میں مدد کرنے والوں کا کام بہت بڑھے گا ۔ اس سے روزگار کے بہت سے مواقع تیار ہوں گے،سپلائی چین کو برقرار رکھنے کے لیے تاجروں کو دوسرے شہروں سے سامان درآمد کرنا پڑے گا ۔ پریاگ راج کمبھ کا آس پاس کے اضلاع پر بھی اثر پڑے گا ۔ ملک کی دوسری ریاستوں سے آنے والے عقیدت مند ٹرین یا ہوائی جہاز کی خدمات حاصل کریں گے، اس سے معیشت کو بھی رفتار ملے گی ۔ یعنی مہاکمبھ نہ صرف سماجی طاقت فراہم کرے گا بلکہ لوگوں کو معاشی طور پر بااختیار بھی بنائے گا ۔

ساتھیوں،
جس مدت میں مہاکمبھ 2025 کا انعقاد کیا جا رہا ہے وہ ٹیکنالوجی کے لحاظ سے پچھلے ایونٹ سے بہت آگے ہے ۔ آج پہلے سے کہیں زیادہ لوگوں کے پاس اسمارٹ فون ہیں ۔ 2013 میں ڈیٹا اتنا سستا نہیں تھا جتنا آج ہے ۔ آج موبائل فون میں یوزر فرینڈلی ایپس موجود ہیں ، جنہیں کم جانکاری والا شخص بھی استعمال کر سکتا ہے ۔ ابھی تھوڑی دیر پہلے ، میں نے کمبھ اسسٹنٹ چیٹ بوٹ لانچ کیا ۔ پہلی بار کمبھ تقریب میں اے آئی، مصنوعی ذہانت اور چیٹ بوٹ کا استعمال کیا جائے گا۔ اے آئی چیٹ بوٹ گیارہ ہندوستانی زبانوں میں بات چیت کرنے کی صلاحیت رکھتا ہے ۔ میرا یہ بھی مشورہ ہے کہ ڈیٹا اور ٹیکنالوجی کے اس سنگم سے زیادہ سے زیادہ لوگوں کو جوڑا جائے ۔ مثال کے طور پر ، مہاکمبھ سے متعلق فوٹو گرافی کا مقابلہ منعقد کیا جا سکتا ہے۔ آپ فوٹو گرافی کا مقابلہ کر اسکتے ہیں جس میں مہاکمبھ کو اتحاد کے مہایگیہ کے طور پر دکھایا جا سکتا ہے ۔ اس پہل سے نوجوانوں میں کمبھ کی کشش میں اضافہ ہوگا۔ کمبھ میں آنے والے زیادہ تر عقیدت مند اس میں حصہ لیں گے ۔ تصور بھی نہیں کیا جاسکتا کہ جب یہ تصاویر سوشل میڈیا پر پہنچیں گی تو کتنا بڑا کینوس بن جائے گا۔ اس میں کتنے رنگ، کتنے جذبات ملیں گے، یہ گن پانا مشکل ہوگا ۔ آپ روحانیت اور فطرت سے متعلق مقابلے کا بھی اہتمام کر سکتے ہیں ۔

ساتھیوں،
آج ملک تیزی سے ایک ساتھ مل کر ترقی یافتہ ہندوستان کے عزم کی طرف بڑھ رہا ہے ۔ مجھے یقین ہے کہ اس مہاکمبھ سے نکلنے والی روحانی اور اجتماعی توانائی ہمارے عزم کو مزید مضبوط کرے گی ۔ مہا کمبھ اسنان تاریخی ہو، ناقابل فراموش ہو ، ماں گنگا ، ماں جمنا اور ماں سرسوتی کی تریوینی انسانیت کی فلاح و بہبود کا باعث بنے ۔یہی ہم سب چاہتے ہیں ۔ میں سنگم شہر آنے والے ہر عقیدت مند کو نیک خواہشات پیش کرتا ہوں ، میں آپ سب کا بھی دل کی گہرائیوں سے شکریہ ادا کرتا ہوں ۔ میرے ساتھ بولیے...

بھارت ماتا کی جے ۔

بھارت ماتا کی جے ۔

بھارت ماتا کی جے ۔

گنگا  ماتا کی جے ۔

گنگا  ماتا کی جے ۔

گنگا  ماتا کی جے ۔

بہت بہت شکریہ ۔

************

) ش ح –    ش ت     -  ش ہ ب )

U.No. 3995