પંચાયતી રાજ મંત્રાલય દ્વારા આયોજિત રાષ્ટ્રીય પંચાયત પુરસ્કાર પ્રદાન સમારંભ 2024,  11 ડિસેમ્બર, 2024ના રોજ પ્લેનરી હોલ, વિજ્ઞાન ભવન, નવી દિલ્હીમાં યોજાશે. આ પ્રતિષ્ઠિત કાર્યક્રમ દરમિયાન ભારતનાં આદરણીય રાષ્ટ્રપતિ શ્રીમતી દ્રોપદી મુર્મુ વિવિધ કેટેગરીમાં પસંદ કરાયેલા 45 પારિતોષિક વિજેતાઓને રાષ્ટ્રીય પંચાયત પુરસ્કાર એનાયત કરશે. આ પુરસ્કાર સ્થાયી અને સર્વસમાવેશક વિકાસનાં વિષયોમાં તેમના અનુકરણીય પ્રદાનને બિરદાવવામાં આવશે તથા કેન્દ્રીય પંચાયતી રાજ અને મત્સ્યપાલન મંત્રાલયનાં કેન્દ્રીય મંત્રી શ્રી રાજીવ રંજન સિંહ ઉર્ફે લલન સિંહની ઉપસ્થિતિમાં વિવિધ કેટેગરીમાં પસંદગી કરવામાં આવશે.  પશુપાલન અને ડેરી ઉદ્યોગ, આદરણીય કેન્દ્રીય પંચાયતી રાજ અને મત્સ્યપાલન, પશુપાલન અને ડેરી મંત્રાલયનાં રાજ્ય મંત્રી પ્રોફેસર એસ. પી. સિંહ બઘેલ તથા પંચાયતી રાજ મંત્રાલયનાં સચિવ શ્રી વિવેક ભારદ્વાજ સહિત આ કાર્યક્રમમાં અન્ય વિશિષ્ટ મહાનુભાવો, ભારત સરકાર અને વિવિધ રાજ્યો/કેન્દ્રશાસિત પ્રદેશોના વરિષ્ઠ અધિકારીઓ તેમજ દેશભરના પંચાયત પ્રતિનિધિઓ પણ ઉપસ્થિત રહેશે. ભારતના આદરણીય રાષ્ટ્રપતિ દ્વારા કરવામાં આવેલું સંબોધન સમારંભની વિશેષતા હશે, જે વિજેતાઓ અને ઉપસ્થિતોને વિકેન્દ્રિત શાસનમાં ઉત્કૃષ્ટતા માટે પ્રયત્નશીલ રહેવા માટે પ્રેરિત કરશે.

માનનીય કેન્દ્રીય પંચાયતી રાજ મંત્રી શ્રી રાજીવ રંજન સિંહ ઉર્ફે લલન સિંહ 'એવોર્ડ વિજેતા પંચાયતોનાં કાર્યો પર શ્રેષ્ઠ પ્રણાલિઓ' શીર્ષક ધરાવતી પુસ્તિકાનું અનાવરણ કરશે, જેમાં પુરસ્કાર વિજેતા પંચાયતોની નવીન અને અસરકારક પદ્ધતિઓનું દસ્તાવેજીકરણ કરવામાં આવ્યું છે. પુસ્તિકાની પ્રથમ નકલ ભારતના માનનીય રાષ્ટ્રપતિને અર્પણ કરવામાં આવશે. શ્રી રાજીવ રંજન સિંહ વિજેતા પંચાયતોને પુરસ્કારની રકમનું ડિજિટલ હસ્તાંતરણ પણ કરશે. આ કાર્યક્રમ દરમિયાન કેટલીક પારિતોષિક વિજેતા પંચાયતોના ઉત્કૃષ્ટ પ્રયાસો અને પંચાયતી રાજ સંસ્થાઓની ક્ષમતાઓ વધારવામાં તાલીમ સંસ્થાઓની ભૂમિકાને દર્શાવતી એક ટૂંકી ફિલ્મ પણ પ્રદર્શિત કરવામાં આવશે.

રાષ્ટ્રીય પંચાયત પુરસ્કારો 2024 માં દીન દયાળ ઉપાધ્યાય પંચાયત સતત વિકાસ પુરસ્કાર, નાનાજી દેશમુખ સર્વોત્તમ પંચાયત સતત વિકાસ પુરસ્કાર, ગ્રામ ઉર્જા સ્વરાજ વિશેષ પંચાયત પુરસ્કાર, કાર્બન ન્યૂટ્રલ વિશેષ પંચાયત પુરસ્કાર અને પંચાયત વિદ્યાર્થી નિરમાન સર્વોત્તમ સંસ્થાન પુરસ્કાર જેવી શ્રેણીઓનો સમાવેશ થાય છે. આ પુરસ્કારો ગરીબી નાબૂદી, સ્વાસ્થ્ય, બાળ કલ્યાણ, જળ સંરક્ષણ, સ્વચ્છતા, માળખાગત સુવિધા, સામાજિક ન્યાય, શાસન અને મહિલા સશક્તીકરણમાં તેમનાં પ્રયાસો માટે પંચાયતોને માન્યતા આપવા અને પ્રોત્સાહન આપવા માટે મહત્ત્વપૂર્ણ છે. આ પુરસ્કારો મારફતે પ્રદાન કરવામાં આવતી માન્યતાનો ઉદ્દેશ અન્ય પંચાયતોને શ્રેષ્ઠ પદ્ધતિઓ અપનાવવા અને ગ્રામીણ ભારતના સર્વાંગી વિકાસમાં ફાળો આપવા માટે પ્રેરિત કરવાનો છે.

મંત્રાલયે વિવિધ વિષયોના ક્ષેત્રોમાં સારી કામગીરી બજાવતી પંચાયતોની પસંદગી કરવા માટે વિસ્તૃત કવાયત હાથ ધરી હતી. તેનો મુખ્ય ઉદ્દેશ આ પંચાયતોને વધુ ઉત્કૃષ્ટતા પ્રાપ્ત કરવા પ્રોત્સાહિત કરવાનો અને અન્ય ગ્રામીણ સ્થાનિક એકમોને તેમની શ્રેષ્ઠ કામગીરી હાંસલ કરવા માટે પ્રેરિત કરવાનો છે, આખરે ગ્રામીણ વિસ્તારોમાં જીવનની સરળતા અને સ્થાયી, સર્વસમાવેશક વિકાસ સુનિશ્ચિત કરવાનો છે. આ પહેલ ગ્રામીણ ભારતમાં સંપૂર્ણ સરકારી અને સમગ્ર સમાજનો અભિગમ અપનાવવાના રાષ્ટ્રીય ઉદ્દેશો અને સહયોગી પ્રયાસો સાથે ઊંડાણપૂર્વક સંકળાયેલી છે. પંચાયતી રાજ મંત્રાલય વિકેન્દ્રિત વિકાસના સંદેશને વિસ્તૃત કરવા મીડિયા અને અન્ય હિતધારકોના સક્રિય સહકારને હાર્દિક આમંત્રણ આપે છે અને દેશભરમાં આ અનુકરણીય પંચાયતોની સિદ્ધિઓની ઉજવણી કરે છે.

એનાયત કરવામાં આવેલી ગ્રામ પંચાયતોની વિગતો માટે અહીં ક્લિક કરો

એવોર્ડની કેટેગરીની વિગતો માટે અહીં ક્લિક કરો

રાષ્ટ્રીય પંચાયત પુરસ્કાર 2024

ગુજરાત

(1 એવોર્ડ)

AP/IJ/GP/JD