సమాచార, ప్రసార మంత్రిత్వ శాఖ
ఆస్ట్రేలియా చలనచిత్ర దర్శకుడు శ్రీ ఫిలిప్ నాయస్‌కు సత్యజిత్ రే జీవనకాల సాఫల్య పురస్కారం; ఐఎఫ్ఎఫ్ఐ 2024 లో ప్రదానం
ఆస్ట్రేలియా కు చెందిన ప్రముఖ చలనచిత్ర దర్శకుడు శ్రీ ఫిలిప్ నాయస్‌కు సత్యజిత్ రే జీవనకాల సాఫల్య పురస్కారాన్ని గోవాలో ఈ రోజు నిర్వహించిన 55వ భారత అంతర్జాతీయ చలనచిత్రోత్సవం (ఐఎఫ్ఎఫ్ఐ - ‘ఇఫీ’) ముగింపు కార్యక్రమంలో ప్రదానం చేసి, సత్కరించారు. ఇది శ్రీ ఫిలిప్ నాయస్‌కు ప్రతిభాన్విత, సుదీర్ఘ చలనచిత్ర ప్రస్థానానికి దక్కిన ఒక ప్రశంస అని చెప్పవచ్చు.
ఏంజెలినా జోలీ నటించిన ‘సాల్ట్’, హారిసన్ ఫోర్డ్ నటించిన ‘పేట్రియట్ గేమ్స్’, డెంజల్ వాషింగ్టన్ నటించిన ‘ద బోన్ కలెక్టర్’ వంటి చలన చిత్రాలకు దర్శకత్వం వహించి, శ్రీ ఫిలిప్ నాయస్ పేరుప్రఖ్యాతులు సంపాదించుకొన్నారు.
చలనచిత్రం రంగలోని లబ్ధ ప్రతిష్టులకు ఒక ప్రశంసగా అందించే ఈ అవార్డులో భాగంగా, ఒక ‘రజత మయూర పతకా’న్ని, ఒక ధ్రువపత్రాన్ని, ఒక శాలువను, ఒక ప్రశంసపత్రాన్ని, రూ.10,00,000 నగదు బహుమతిని కూడా పురస్కార గ్రహీతకు ఇస్తుండడం ఆనవాయితీగా ఉంది.
చిత్రోత్సవంలో భాగంగా ‘‘న్యూ హాలీవుడ్‌లో విజయం సాధించడం ఎలా’’ అంశంపై గోవాలోని కళా అకాడమీలో నిర్వహించిన ఒక మాస్టర్ క్లాస్ లో శ్రీ ఫిలిప్ నాయస్ ప్రసంగించారు.
Find details from the Masterclass here.
(Release ID: 2079292)
Visitor Counter : 30