म्हायती आनी वितरावणी मंत्रालय
नामनेचो ऑस्ट्रेलियन फिल्म निर्मातो फिलीप नॉयस हाका इफ्फी 2024त 'सत्यजीत रे लायफटायम अचीवमेंट' पुरस्कार दिवन केलो भोवमानीत
#IFFIWood, 28 नोव्हेंबर 2024
गोंयांत जाल्ल्या 55व्या भारतीय आंतरराष्ट्रीय चित्रपट महोत्सवाच्या समारोप सुवाळ्यांत ऑस्ट्रेलियन दिग्गज चित्रपट निर्मातो फिलीप नॉयस हाका ताच्या उल्लेखनीय आनी तेजस्वी सिनेमा कारकिर्दी खातीर सत्यजीत रे लायफटायम अचीवमेंट पुरस्कार दिवन भोवमानीत केलो.
इफ्फी 2024 च्या समारोप सुवाळ्यांत रेड कार्पेटाचेर तांणी कितें सांगिल्लें तें पळयात
एंजेलीना जोलीन अभिनय केल्लो सॉल्ट, हॅरिसन फोर्ड हांणी अभिनय केल्लो पॅट्रियट गेम्स, डेन्झेल वॉशिंग्टन हांचो आस्पाव आशिल्लो द बोन कलेक्टर ह्या चित्रपटांक लागून नोयसाची नामना आसा.
सिनेमाच्या दिग्गजाक भोवमान करपा खातीर दिल्ल्या ह्या पुरस्कारांत रुप्या मोर पदक, प्रमाणपत्र, शाल, स्क्रोल आनी 10 लाख रुपया रोख इनामाचो आस्पाव आसा.
तशेंच इफ्फी 2024 च्या धर्तरेर गोंयच्या कला अकादेमींत नामनेच्या फिल्म निर्मातो फिलीप नॉयस हांणी ‘हाऊ टू सक्सीड इन न्यू हॉलिवुड’ ह्या विशयावेल्या मास्टरक्लासात मार्गदर्शन लेगीत केले.
ह्या मास्टरक्लासाचो तपशील ह्या संकेतथळार उपलब्ध आसा: https://pib.gov.in/PressReleaseIframePage.aspx?PRID=2077139
* * *
PIB IFFI CAST AND CREW | Subhash/Utkarsha/Darshana | IFFI 55
(Release ID: 2078938)
Visitor Counter : 31