Ka Tnat Information & Broadcasting
Jop ka Web Series Marathi ‘Lampan’ ia ka khusnam Best Web Series (OTT) ha ka IFFI 2024 na ka bynta ka “jingtbit ha ka jingiathuh khana, ka rukom pynmih bad khamtam ka jingtbit ki nongak”
Ka Web Series Marathi ‘Lampan’ ka la jop ia ka khusnam Best Web Series (OTT) ha ka International Film Festival of India kaba 55 namar ka jingtbit ha ka jingiathuh khana, ka rukom pynmih bad khamtam ka jingtbit ki nongak.
La direct da u Nipun Avinash Dharmadhikari katkum ki khana ba la thoh da u Prakash Narayan Sant, ka ‘Lampan’ kadei ka khana shaphang u khynnah uba bun ka jingkwah ban tip shaphang ki kam bapher bapher.
Ka khusnam, kaba rakhe ia ka jingsaindur ha ki prokram digital, ka dei kaba la ai ia ki jingshna bad ia ka rynsan OTT kiba iadon bynta bad ka Lampan na ka bynta ka jingtrei shitom jong ki ban wanrah ia ka khana kaba itynnad bad kaba ktik ia ki jingmut jingpyrkhat.
Ha ka jingithuh ia ka jingkiew ka jingsaindur ha ki prokram digital, ka khusnam Best Web Series (OTT), kaba la sdang ha ka bynta kaba 54 jong ka IFFI kalong u mawmer wanrah jingkylla ha ka jingpyndon burom ia ka jingtbit iathuh khana ha ki rynsan OTT. Ha ka jingithuh ia ka jingkiew ka jingktah jong ki rynsan OTT ha ka kam pynbyrnia ha kylleng ka pyrthei.
Mynta u snem, san tylli ki web series ki la shah jied na ka bynta ka jingtbit ha ka jingsdaindur, ka jingnang ban iathuh ia ka khana, ka jingtbit ha ki bynta teknikal bad ka jingktah ia ka deiriti.
Ka khusnam Best OTT Web Series ka kynthup ka khusnam pisa kaba T. 10,00,000, ka ban iasam hapdeng ki nongsaindur bad ka rynsan OTT, ryngkat bad ki syrnot kaba ithuh ia ka jingnohsynniang jong ki sha ka jingjop jong ka series.
Kane ka khusnam ka ban jur ia ka jingieng skhem ka IFFI ban kyntiew ia ka jingsaindur ha ka kam pynbyrnia. Da kaba ai jingmyntoi na ka bynta ka jingpynmih ia ki prokram kiba bha ha ki ktien ka India bad ka jingkyntiew ia ka jingiatreilang hapdeng ki nongpynmih prokram bad ki rynsan na kylleng ka pyrthei, ka IFFI ka thmu ban kyntiew ia ka India sha ka kyrdan jong ka nongialam ha ki kam iathuh khana lyngba ki lad digital.
Peit ia ka jingiakren bad ki lad pathai khubor da ka kynhun ki Nongbishar na ka bynta ka khusnam Best OTT Web Series ha ka PIB Press Conference hangne.
* * *
(Release ID: 2079104)
visitor counter : 54