மராத்தி வலைத் தொடரான  'லாம்பன்', அதன் குறிப்பிடத்தக்க கதைசொல்லல், உயர் தயாரிப்பு மதிப்புகள் மற்றும் தனித்துவம் வாய்ந்த நடிப்புக்காக 55-வது இந்திய சர்வதேச திரைப்பட விழாவில் சிறந்த வலைத் தொடர் (ஓ.டி.டி) விருதைப் பெற்றது.

பிரகாஷ் நாராயண் சந்த் எழுதிய கதைகளை அடிப்படையாகக் கொண்டு நிபுன் அவினாஷ் தர்மாதிகாரி இயக்கியுள்ள 'லாம்பன்', எல்லையற்ற ஆர்வத்துடன் கனவு காணும் குழந்தையின் கதையாகும்.

டிஜிட்டல் உள்ளடக்கத்தில் புதுமையைக் கொண்டாடும் இந்த விருது, ஈர்க்கக்கூடிய மற்றும் சிந்தனையைத் தூண்டும் கதையை வழங்குவதற்கான அர்ப்பணிப்புக்காக லாம்பனுக்குப் பின்னால் உள்ள படைப்பாளர்களுக்கும், ஓ.டி.டி தளத்திற்கும் வழங்கப்பட்டது.

டிஜிட்டல் உள்ளடக்கத்தில் படைப்பாற்றலின் எழுச்சியை அங்கீகரிக்கும் வகையில், 54 வது பதிப்பில்அறிமுகப்படுத்தப்பட்ட சிறந்த வலைத் தொடர் (ஓ.டி.டி) விருது, உலகளாவிய பொழுதுபோக்கில் ஓ.டி.டி தளங்களின் வளர்ந்து வரும் தாக்கத்தை அங்கீகரிப்பதற்காக, ஓ.டி.டி தளங்களில் சிறந்த கதைசொல்லலை கௌரவிப்பதில் ஒரு உருமாறும் மைல்கல்லைக் குறிக்கிறது.

இந்த ஆண்டு, ஐந்து வலைத் தொடர்கள்அவற்றின் கலை சிறப்பு, கதை சொல்லும் நேர்த்தி, தொழில்நுட்ப சிறப்பு மற்றும் கலாச்சார தாக்கம் ஆகியவற்றிற்காக பட்டியலிடப்பட்டுள்ளன.

சிறந்த வலைத் தொடர் (ஓ.டி.டி) விருதை வெல்லும் படைப்பிற்கு ரூ.10,00,000 ரொக்கப் பரிசு வழங்கப்படும், இது படைப்பாளர்களுக்கும் ஓ.டி.டி  தளத்திற்கும் இடையில் பகிரப்படும். மேலும் தொடரின் வெற்றிக்கு அவர்களின் பங்களிப்பை அங்கீகரிக்கும் தனிப்பட்ட சான்றிதழ்களும் வழங்கப்படும்.

இந்த விருது பொழுதுபோக்கு துறையில் படைப்பாற்றல் மற்றும் புதுமையை வளர்ப்பதற்கான  ஐ.எஃப்.எஃப்.ஐ-இன் உறுதிப்பாட்டை வலியுறுத்துகிறது. இந்திய மொழிகளில் உயர்தர உள்ளடக்க உருவாக்கத்தை ஊக்குவிப்பதன் மூலமும், உலகளாவிய படைப்பாளர்கள் மற்றும் தளங்களிடையே ஒத்துழைப்பை வளர்ப்பதன் மூலமும், ஐ.எஃப்.எஃப்.ஐ இந்தியாவை டிஜிட்டல் கதைசொல்லலுக்கான மையமாக நிலைநிறுத்துவதை நோக்கமாகக் கொண்டுள்ளது.

சோனி லிவில் திரையிடப்பட்ட லாம்பன், முக்கிய ஓ.டி.டி தளங்களின் சமர்ப்பிப்புகளுக்கு மத்தியில் கடுமையான போட்டியில் தனித்து நின்றது. கிராமப்புற இந்தியாவில் அமைக்கப்பட்ட இந்தத் தொடர், ஒரு சிறுவன் தனது சமூகத்தின் சிக்கலான இயக்கவியலுக்குள் தனது அடையாளத்தை வழிநடத்தும் உணர்ச்சி மற்றும் சமூகப் போராட்டங்களை ஆராய்கிறது.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்: https://pib.gov.in/PressReleasePage.aspx?PRID=2078733

***

(Release ID: 2078733)

TS/BR/KR