#इफ्फीवूड, 28 नोव्हेंबर 2024

 

मराठी वेब मालिका ‘लंपन’ हाणी ताच्या उल्लेखनीय कथाकथन, निर्मिती मुल्यां आनी अपवादात्मक अभिनया खातीर 55व्या भारतीय आंतरराष्ट्रीय चित्रपट महोत्सवांत उत्कृश्ट वेब मालिका (ओटीटी) पुरस्कार मेळयलो. 

प्रकाश नारायण संत हाणें बरयल्ल्या कथांचेर आदारिल्ली आनी  निपुण अविनाश धर्माधिकारी हाणें दिग्दर्शीत केल्ली ‘लंपन’ ही असीम जिज्ञासा आशिल्ल्या एक सप्नाळु भुरग्याची कथा आसा.

डिजिटल सामुग्रींतल्या नवनिर्माणाची परब मनोवपी हो पुरस्कार, निर्मात्यांक आनी 'लंपन' फाटल्यान आशिल्ल्या ओटीटी प्लॅटफॉर्माक एक आकर्शक आनी विचार करपासारकें कथन दिवपाच्या समर्पणाक लागून भेटयलो.

डिजिटल मजकुरतल्या सृजनशीलतेक वळखून, 54व्या आवृत्तींत सुरू केल्लो बेस्ट वेब मालिका (ओटीटी) पुरस्कार, जागतीक मनरिजवणेचेर ओटीटी प्लॅटफॉर्मांचो वाडत आशिल्लो परिणाम वळखून, ओटीटीचेर उत्कृश्ट कथाकथनाचो भोवमान करपाक एक परिवर्तनकारी मार्गदर्शक असो फातर थारला.

अंदूं पांच वेब मालिका कलाकुसरीची तेजस्वीताय, कथा सांगपाची बारीकसाण, तंत्रीक उत्कृश्टताय आनी सांस्कृतीक परिणाम हांचे खातीर वेंचून काडिल्ल्यो.

बेस्ट ओटीटी वेब मालिका पुरस्कार 10,00,000 रोख इनाम, जें निर्माते आनी ओटीटी प्लॅटफॉर्म हांचे मदीं वांटून घेतले, तशेंच मालिकेच्या यशा खातीर तांच्या योगदानाक मान्यताय दिवपी वैयक्तीक प्रमाणपत्रा, अशे आसा.

मनरिजवण क्षेत्रांत सृजनशीलताय आनी नवनिर्माण पोसपाच्या इफ्फीच्या वचनबद्धतेचेर हो पुरस्कार भर दिता. भारतीय भाशांनी उच्च दर्ज्याची  निर्मिती करपाक प्रोत्साहन दिवन आनी जागतीक निर्माते आनी प्लॅटफॉर्मांमदीं सहकार्याक पोसवण दिवन, भारताक डिजिटल कथा सांगपाचें केंद्र म्हूण स्थापन करपाचो इफ्फीचो हेत आसा.

पीआयबी पत्रकार परिशदे वेळार बेस्ट ओटीटी वेब मालिका पुरस्काराखातीर जूरीन केल्लो मिडिया संवाद हांगा पळयात : 

 

* * *

PIB IFFI CAST AND CREW | Subhash/Manali/Darshana | IFFI 55

(Release ID: 2078799) Visitor Counter : 9