#IFFIWood, 28 नोव्‍हेंबर 2024

 

55व्या  भारतीय आंतरराष्ट्रीय चित्रपट महोत्सवाच्या निमाण्या पत्रकार परिशदेंत बेस्ट वेब मालिका ओटीटी पुरस्कार 2024 खातीर जूरीच्या वांगड्यांनी पीआयबी मिडिया सेंटरांतल्या पत्रकार परिशद हॉलांत प्रसार माध्यमां कडेन संवाद सादलो.

जूरीचे अध्यक्ष श्री मधुर भंडारकार हांणी आपल्या उक्तावण उलोवपांत विचार उक्तायलो, कि कलेची मर्यादा ना. ताका शिमो नात. आनी तुमी फकत ताचेकडेन जोडले वतात. ती खंयचेय भाशेंत आसूं येता. आनी म्हाका दिसता तीच, आयज संवसारभर घडिल्ली सगळ्यांत बरी गजाल. भावना समजून घेवपाक विशिश्ट भाशेचें गिन्यान आसपाची गरज ना, कारण उपशीर्षकांय आसात. अशे तरेन भावनांचो खूब बरो संबंद आसा.”

पयल्या धा नामांकीतांच्या वळेरेंतल्यान, एकूच विजेतो वेंचून काडपाक येवपी अडचणींचेर उजवाड घालून जूरीचो वांगडी श्री.  कृष्णा हेब्बले हाणे म्हळें, शारिरीक दाग नात, पूण तांणी सगळ्यांनी आपापल्या निवडीच्या फाटबळाचेर खर झूज केला, अशी फकाणां तांणी केलीं. दरेकलो ज्युरी विचार विनिमयाक आपल्यो नोंदी घेवन गेलो आनी व्हड खात्रीन तेच खातीर वाद घालो.

जूरींतलो सगळ्यांत धाकटो श्री हरीश शंकर हांणी मोगान शेअर केले, कि “हांव कॉलेजींत आसतना लायनींत उबो रावून मधुर भण्डारकारा हांच्या फिल्म्साची तिकेट घेवपी मदलो एक. ह्या जूरींत ताचे बरोबर जागो वांटून घेवपाचो म्हाका भोवमान आनी नम्रताय दिसता.” तशेंच फकत एक विजेतो वेंचपाक तांकां तोंड दिवपी कठीण कामाचेर विस्तारान सांगतना तांणी प्रत्यक्षांत वाद न्हय, तर चड करून विचारविनिमयांतल्यान एकमत जावपाचो यत्न केलो, अशें सांगलें.

बेस्ट वेब सीरीज (ओटीटी) पुरस्कार 2024 जूरींत हे वांगडी आसले:

1. श्री. मधुर भंडारकर (अध्यक्ष), फिल्म दिग्दर्शक आनी पटकथा लेखक
2. श्री. कृष्ण हेब्बले, अभिनेतो
3. एस. रुपाली गांगुली, अभिनेत्री
4. श्री. हरीश शंकर, चित्रपट दिग्दर्शक आनी पटकथा लेखक

मनरिजवण उद्देगांतल्या म्हत्वाच्या बदलांक मान्यताय दिवन, खास करून ओव्हर-द-टॉप (ओटीटी) प्लॅटफॉर्मांच्या उदरगती वांगडा, बेस्ट वेब सिरीज (ओटीटी) पुरस्कार इफ्फीच्या 54व्या आवृत्तींत (2023) सुरू केलो. ह्या पुरस्काराचो हेत ओटीटी प्लॅटफॉर्मांचेर फुलपी सामुग्री आनी ताच्या निर्मात्यांक मान्यताय दिवप, प्रोत्साहन दिवप आनी मान दिवप आसा. अंदूं ह्या पुरस्कारा खातीर धा नोंदी सर्त करतात. 

हांगा संवाद पळयात:

अधिकृत निवड - बेस्ट वेब मालिका – 2024 विशीं जाणून घेवपाक:  https://iffigoa.org/best-web-series/2024/best-web-series

जूरी विशीं चड जाणून घेवपाक: https://iffigoa.org/web-series-jury

वेब मालिके विशीं चड जाणून घेवपाक: https://iffigoa.org/web-series/about-web-series

बेस्ट वेब मालिका पूर्वावलोकन समिती 2024 विशीं चड जाणून घेवपाक: https://iffigoa.org/Best-web-series-previw-commitee-2024

* * *

PIB IFFI CAST AND CREW | Subhash/Utkarsha/Darshana | IFFI 55

(Release ID: 2078810) Visitor Counter : 3