লেবর অমসুং ইম্প্লোইমেন্ত মন্ত্রালয়
ইমপ্লোয়িস স্তেৎ ইন্সুরেন্স কোর্পোরেসন্না আয়ুশ্মান ভারত - প্রধান মন্ত্রী জন আরোগ্য য়োজনা (AB-PMJAY)গা লোয়ননা পুনশিন্নবা থবক তৌরি
খ্বাইদগী চাউবা হেল্থ সর্ভিস প্রোভাইদর অনি মেদিকেল কেয়রগী কান্নবশিং পীনবগীদমক পুনশিল্লি
কোলাবোরেসন অসিনা ESIগী বেনিফিসরী করোর 14.43দা কান্নবা ফংহনগনি
Posted On:
28 NOV 2024 10:41AM by PIB Imphal
শিন্মীশিংগী হকশেলগী কান্নবা অমসুং মেদিকেল কেয়র ফংহন্দুনা মখোয়গীদমক্তা সোসিএল সেক্যুরিতীগী মায়কৈদা থবক তৌবসি সরকারগী প্রাইওরিতী অমনি। মসিনা "ভিক্সিৎ ভারত"কী মায়কৈদা থবক তৌদুনা হেন্না প্রদক্তিব ওইবা লেবর ফোর্স অমগী মাইকৈদা চংশিল্লি।
মসিগী মতাংদা, লেবর অমসুং ইমপ্লোইমেন্ত মন্ত্রী দোক্তর মনসুখ মান্দবিয়াগী লমজিং মখাদা থবক তৌদুনা, ESICনা ইমপ্লোয়িস স্তেৎ ইন্সুরেন্স কোর্পোরেসন (ESIC) অসি আয়ুশ্মান ভারত – প্রধান মন্ত্রী জন আরোগ্যা য়োজনা (AB-PMJAY)গী খুদোংচাবশিং পুনশিন্দুনা ৱার্কফোর্স অমসুং মখোয়গী দিপেন্দেন্তশিংদা হেক্থকিয়র এক্সেস হেনগৎহণ্নবা থবক তৌরি। খোঙথাং অসিনা ESIগী বেনিফিসরী করোর 14.43 অমসুং মখোয়গী ইমুং-মনুংশিংদা কান্নবা ফংহন্দুনা মসিনা ভারত শিনবা থুংনা ক্বালিতী লৈবা অমসুং কম্প্রিহেন্সিবা মেদিকেল কেয়র ফংহনগনি। মতাং অসিদা, ভারত সরকারগী লেবর অমসুং ইমপ্লোইমেন্তকী সেক্রেতরী শ্রীমতি সুমিতা দাওরানা 26.11.2024 দা স্কিম অনি অসি পুনশিন্নবগী অপুনবা থৌওং অমসুং মদুগী ইমপ্লিমেন্ত তৌবগী খোংজেল য়েংশিনখি।
DG, ESIC শ্রী অশোক কুমার সিংহনা হায়খি মদুদি কনভর্জেন্সী অসিগী খুত্থাংদা, ESICগী বেনিফিসরীশিংনা লৈবাক শিনবা থুংনা AB-PMJAYগী পেনেল তৌরবা হোস্পিতাল 30,000 হেনবদা সেকেন্দরী অমসুং তর্সিয়রী মেদিকেল সর্ভিসশিং ফংবা ঙমগনি। পার্তনরশিপ অসিনা হেল্থকেয়র সর্ভিসকী এক্সেসিবিলিতী হেনগৎহনবতা নত্তনা লায়েংবগী শেনফম মপুং ফানা কভর তৌহনগনি। মসিনা হেল্থকেয়র অসি বেনিফিসরী পুম্নমক্তা শেল চংদনা ফংহনগনি। ESIগী বেনিফিসরীশিংগী লায়েংনবা লৈবাক শিনবা থুংনা লৈরিবা চেরিতেবল হোস্পিতালশিংসু পেনেলদা থমগনি।
ESI স্কিমগী মখাদা হৌজিক লৈরিবা হেল্থ ইনফ্রাস্ত্রকচরগী হোস্পিতাল 165, দিসপেন্সরী 1590, দিসপেন্সরী কম ব্রাঞ্চ ওফিস (DCBO) 105 অমসুং পেনেল তৌরবা প্রাইবেৎ হোস্পিতাল 2900 রোম্না য়েংশিল্লিবা হৌজিক লৈরিবা মেদিকেল কেয়র অসি মখা তানা চত্থখিগনি। ESI স্কিম অসি AB-PMJAY গা পুনশিন্নবনা লৈবাক অসিগী ৱার্কফোর্স অমসুং মখোয়গী দিপেন্দেন্তশিংদা ক্বালিতী লৈবা অমসুং য়ৌগদবা মেদিকেল কেয়র ফংহন্নবা ESICগী থবকশিং হেন্না মপাঙ্গল কনখৎহল্লগনি।
ESI স্কিম অসি হৌজিক্তি লৈবাক অসিগী জিলা 788গী মনুংদা জিলা 687দা (2014দা জিলা 393 ওইখিবগা চাংদম্নবদা) ইমপ্লিমেন্ত তৌখ্রে। হায়রিবা থৌওং অসি হৌখিবা চহি 10 অসিদা য়াম্না চাউনা হেনগৎলক্লি। PMJAYগা খুৎশম্নদুনা, ESI স্কিম অসি হৌজিক্তি মেদিকেল কেয়রগী থৌরাং অসিগা লোয়ননা ইমপ্লিমেন্ত তৌদ্রিবা জিলাশিংদা শন্দোকপা ঙম্লে।
ESIC গী AB-PMJAYগা পুনশিন্নবনা অপুনবা সোসিএল সেক্যুরিতী ইকোসিস্তেম অসি শীংথানীংঙাই ওইনা হেনগৎহল্লগনি, হকশেলগী ইক্বিতী হেনগৎহল্লগনি অমসুং খ্বাইদগী মথৌ তাবশিংদা ক্বালিতীগী লৈবা কেয়র ফংহনগনি হায়না থাজবা থম্লি।
*****
(Release ID: 2078373)
Visitor Counter : 8