স্তেৎ পার্তি ১৯৩ গী দেলিগেতশিং অমসুং মালেম শীনবা থুংবগী কেমিকেল ইন্দস্ত্রিশিংগী অখঙ-অহৈশিং শরুক য়াদুনা, নবেম্বর ২৫,২০২৪ দা হগতা পাংথোকখিবা ওর্গনাইজেসন ফোর প্রোহিবিসন ওফ কেমিকেল ৱিপন্স ( ও পি সি দব্লিউ)গী কনফরেন্স ওফ স্তেৎস পার্তিস ( সি এস পি)গী ২৯শুবা সেসন মনুংগী থৌরম অমদা ইন্দিয়ান কেমিকেল কাউন্সিলদা ২০২৪ ও.পি.সি.দব্লিউ-হক এৱার্দ পীখ্রে। কেমিকেল ইন্দস্ত্রি বোদি অমগী থবকশিং ইকায়খুম্নবা উৎতুনা মনা অসি পীবা হন্দক্কী অসিনা অহানবনি। মনা অদু ও.পি.সি.দব্লিউগী দিরেক্তর জেনেরেল, এম্বেসেদর ফরনান্দোজ এরিয়াস অমসুং হগ ম্যুনিসিপালিতিগী ময়োর জন ভন জানেন্না লান্থোকখি।

কাউন্সিলগী মহুৎশীন্দুনা আই.সি.সিগী দিরেক্তর জেনেরেল দি. সোথি সেলভামনা মনা অদু লৌখি। মনা য়েন্থোকপা থৌরম অদুদা এম্বেসেদর অমসুং ও.পি.সি.দব্লিউদা ভারতকী লেংদ্রবা মীহুৎ অমসুং ভারতকী নেসনেল ওথোরিতি কেমিকেল ৱিপন্স কনভেন্সন (এন এ সি দব্লিউ সি)গী চিয়ার্পসনশু শরুক য়াখি।

কেমিকেল ৱিপন্স কনভেন্স (সি দব্লিউ সি) ১৯৯৭ দগী চৎনবা হৌখি আমসুং হৌজিক লৈবাক ১৯৩ শুরে। হগতা মসিগী সেক্রেতরিয়েত লৈরিবা ও.পি.সি.দব্লিউ অসি কেমিকেল খুৎলায়শিং লৈতবা মালেম অমা ওইহন্নবা পান্দম অমগা লোয়ননা কেমিকেল ৱিপন্স কনভেন্সনগী থবক ওইনা পাংথোক্নবা বোদিনি। ভারত কনভেন্সন অসিদা খুৎয়েক পীখ্রে। ভারত্তা কনভেন্সন অসি থবক ওইনা পাংথোক্নবা থৌদাং নেসনেল ওথোরিতি কেমিকেল ৱিপন্স কনভেন্সন্না লৌরি।

কেমিকেল খুৎলায়শিং মুৎথৎনবা বোদি অসিনা পায়খৎলিবা অকনবা থবকশিংগীদমক ২০১৩ দা ও.পি.সি.দব্লিউদা নোবেল পিছ প্রাইজ পীখ্রে। মসিগী মাইপাকপা অসিগী শরুক অমা ওইনা, হগ ম্যুনিসিপালিতিগা খুৎশম্নদুনা ২০১৪ দা ও.পি.সি.দব্লিউনা ‘ও.পি.সি.দব্লিউ-হগ এৱার্দ’ লিংখৎখিবনি। কেমিকেল ৱিপন্স কনভেন্সনগী পান্দমশিং ফংনবা শিংথানিঙাই ওইনা থবক তৌবা লনাই মীওইশিং অমসুং লুপশিংদা মনা অসি পীবনি।

কেমিকেল ইন্দস্ত্রিগী মহুৎশীনবা ভারতকী মাংজিল থাবা বোদি ওইনা, আই.সি.সিনা দোল্লর বিল্লিয়ন ২২০গী ভারতকী কেমিকেল ইন্দস্ত্রিগী চাদা ৮০ গী মহুৎশীল্লি। কেমিকেল সেফতি, চৎন-কাংলোনশিং ঙাকপা অমসুং ভারত্তা ইন্দস্ত্রি সেকুরিতগী পায়খৎলিবা থবকশিং য়োকখৎনবা আই.সি.সিনা পায়খৎলিবা থবকশিং মশক খঙদুনা মনা অসি পীরকপনি। কেমিকেল ৱিপন্স কনভেন্সন হেল্পদেক্সগুম্বা থবকশিংগী খুৎথাংদা, আই.সি.সিনা কেমিকেল দিক্লারেসনশিংগী ই-ফাইলিংগী থবকশিং পাংথোকপদা মতেং পাংলি।

মসিগী মথক্ত, আই.সি.সিগী ‘নাইসর গ্লোব’ থবকনা ভারত্ত অশোই-অঙাম থোকহন্দনা কেমিকেল পুথোক-পুশিন তৌবা ঙমহল্লে, খুদক্ত মোনিতরিং তৌরে অমসুং অথু-অকায় লাকপদা থবক পায়খৎপা ঙমহল্লে। বোদি অসিগী ‘রেন্সপোন্সিবল কিয়ার’ (আর সি) থৌরমগী খুৎথাংদা আই.সি.সিনা কেমিকেল সেফতি অমসুং সেকুরিতিগী অতোপ্পা থবকশিং পায়খৎলে অমসুং আর.সিগী সেকুরিতি কোত হৌদোক্লে। ইন্দস্ত্রি সেকুরিতি হেনগৎহন্নবা অমসুং মালেমগী খ্বাইদগী চাউবা কেমিকেল সেক্তরশিংদা কনভেন্সন চৎননবা অমসুং দাইত্ব লৈনা থবক তৌনবা মীৎয়েং চঙলে।

****