U Mansukh Mandaviya, Myntri Sorkar Pdeng ba dei khmih ia ka Tnad Kam ialehkai bad Labour & Employment, u la iashim bynta ha ka Padyatra (ka jingiaid kjat) kaba 6 km ba la pynlong da ki MY Bharat volunteer ban pyndon burom ia ka Constitution Day kaba 75 ha New Delhi mynta ka sngi. Ka Padyatra, kaba ka phang pdeng kalong “Humara Samvidhan Humara Swabhiman”, ka la sdang na Major Dhyan Chand Stadium, bad iaid lyngba ka Kartavya Path bad India Gate. Ka padyatra ka la sakhi ka jingiashim bynta jong palat 10,000 ngut ki MY Bharat youth volunteer, ryngkat bad ki samla ba pawkhmat, ki Myntri Sorkar pdeng bad Dkhot jong ka iing dorbar thawain Parliament.

La sdang ia kane ka jingialang da ka sienjam ‘Ek Ped Maa Ke Naam’, ha kaba u Dr. Mansukh Mandaviya, ryngkat bad ki para Myntri ki la thung ia u tynrai dieng. Ki Myntri Sorkar Pdeng kum u Piyush Goyal, Dharmendra Pradhan, Gajendra Singh Shekhawat, Kiren Rijiju, Arjun Ram Meghwal, ka Raksha Nikhil Khadse bad kiwei kiwei ki MP ki la iashim bynta ha ka Padyatra. Ki samla ba pawkhmat bad ki nongjop takma ha ka Olympics kum u Yogeshwar Dutt, ka Mirabai Chanu, u Ravi Dahiya, u Yogesh Kathunia ruh ki la iashim bynta ha ka Padyatra.

Haba ai jingkren sha ki lad pathai khubor ha ka Padyatra, u Dr. Mandaviya u la pynpaw ka jingsngewkmen jong u ha ka jingiashim bynta palat 10,000 ngut ki 'MY Bharat' youth volunteer. U la ban ruh ba ki samla jong ka ri ym tangba ki la pule ia ka Preamble jong ka Riti Synshar hynrei ki la pynthikna biang ia ka jingkut jingmut jong ki na ka bynta kane. U la ban jur ba ki samla jong ka India ba thymmai ki jam shaphrang sha ka jingtei ia ka ‘Viksit Bharat’.

Ha kaba jaka ba la sdang, ka la don ka exhibition kaba pyni ia ka jingiaid lynti ka Riti Synshar jong ka ri bad ki jingnohsynniang jong ki briew ba kongsan. Ki samla ki la phong ia ki jait kumba ju phong ha kito ki por ban pynbud ia ki riewkhraw kum u Dr. B.R. Ambedkar bad Sardar Vallabhbhai Patel. Ha shilynter lynti, ka Padyatra ka pyni ia ki exhibition ba iadei bad ki deiriti ha ki jaka bapher bapher. Ki nongiashim bynta ki la iapbieit ia ki prokram deiriti, ba kynthup ki jingshad Gujarati, ki jingshad Rajasthani, bad ka Punjabi Bhangra kaba shongshit.

Ka Padyatra, ka thmu ban kyntiew ia ki jingngeit jong ka Riti Synshar hapdeng ki samla, ka kynthup ia ka jingialang ba kyrpang ha India Gate ha kaba ki samla kin pule lang ia ka Preamble. Kane ka jingialang ka pyni ia ka bynta jong ka Preamble kum ka nongrim jong ka Riti Synshar jong ka India bad ki nongrim ba kongsan jong ka ha ka hok, ka jinglaitluid bad ka jinglong shipara. Da ka jingiadonlang ki Myntri Sorkar Pdeng bad ki MP, ka prokram ka kdew ia ka jingkongsan jong kine ki jingngeit ha ka synshar paidbah jong ka ri. Ka jaka ba don ka India Gate, ka dak jong ka jingiatylli ka ri, ka pynkhlain shuh shuh ka jingktah jong kane ka jingialang. Hadien ka jingpule ia ka Preamble, u   Dr. Mandaviya u la buh syntiew ha u Mot jong u Netaji Subhash Chandra Bose ryngkat bad ki para Myntri.

Ka jingiashim bynta ki samla ka long ka bynta ba kongsan jong kane ka prokram, ha kaba la pynlong ia ki prokram pynrung kyrteng My Bharat. Ki nongiashim bynta ki lah ban shon ia ki jaka shon selfie. Ha lynti, ki MY Bharat volunteer ki la nohsynniang shikatdei da kaba buh ia ki jaka bam ia ki nongiashim bynta bad iashim bynta shitrhem ha ka Swachh Bharat Abhiyan, da kaba pynthikna ka jingkhuid jingsuba ha baroh shilynter lynti jong ka Padyatra.

Ka Padyatra ka la iatreilang bad ki samla na palat 125 tylli ki college jong ka nongbah bad ki kynhun bapher bapher kynthup ka NYKS, NSS, NCC, bad Bharat Scouts & Guides. Ka long kum u mawmer ba kongsan ha ka jingrakhe ia ka jingdap 75 snem ka Riti Synshar. Ka prokram ka ban jur ia ka bynta jong ki samla ban pynneh pynsah bad kyntiew ia ki nongrim jong ka Synshar Paidbah na ka bynta ka Viksit Bharat.

Ban peit ia ka ‘Humara Samvidhan Humara Swabhiman’ Padyatra:

*******