ভাৰত চৰকাৰে এফএম নীতিৰ (তৃতীয় পৰ্যায়) অধীনত বেচ-৩ ই-নিলামৰ সফল নিবিদাকাৰীসকলৰ বাবে স্বয়ংক্ৰিয় অস্থায়ী তালিকাভুক্তিৰ বাবে এককালীন বিশেষ শিথিলতা অনুমোদন জনাইছে। এই শিথিলতা তেওঁলোকৰ ৰেডিঅ’ চেনেলবোৰ কাৰ্যকৰী কৰাৰ তাৰিখৰ পৰা তৎক্ষণাৎ কাৰ্যকৰী হ’ব আৰু কেন্দ্ৰীয় যোগাযোগ ব্যুৰো (চিবিচি)ৰ সৈতে ছয় মাহৰ বাবে অস্থায়ী তালিকাভুক্তি, বা তেওঁলোকে বিদ্যমান ‘ব্যক্তিগত এফএম ৰেডিঅ’ ষ্টেচনৰ তালিকাভুক্তিৰ বাবে নীতি নিৰ্দেশনা‘ৰ অধীনত চিবিচিৰ সৈতে তালিকাভুক্তিৰ বাবে আবেদন কৰাৰ বাবে যোগ্য হোৱালৈ বাহাল থাকিব ।

অস্থায়ী তালিকাভুক্তিৰ সময়ছোৱাত, ব্যক্তিগত এফএম ৰেডিঅ’ ষ্টেচনৰ বাবে প্ৰযোজ্য আধাৰ হাৰ যাৰ বাবে কোনো আইআৰএছ (ইণ্ডিয়ান ৰিডাৰশ্বিপ জৰীপ) তথ্য উপলব্ধ নহয়, প্ৰয়োগ কৰা হ’ব।

এই পদক্ষেপে নতুন চহৰৰ ৰেডিঅ’ অপাৰেটৰসকলক তাৎক্ষণিক ৰাজহ লাভালাভ প্ৰদান কৰিব, তেওঁলোকক তৎক্ষণাৎ কাম আৰম্ভ কৰিবলৈ উৎসাহিত কৰিব। এই পদক্ষেপৰ ফলত এই চহৰসমূহত ব্যক্তিগত এফএম ৰেডিঅ’ সেৱা দ্ৰুতগতিত আৰম্ভ হ’ব বুলি আশা কৰা হৈছে, যাৰ ফলত সমগ্ৰ দেশতে ৰেডিঅ’ সম্প্ৰচাৰ সেৱাৰ উন্নত প্ৰৱেশাধিকাৰ বৃদ্ধি হ’ব।

এই পদক্ষেপটো ভাৰতত ব্যৱসায় কৰাৰ সহজসাধ্যতা উন্নত কৰা আৰু ৰেডিঅ’ অপাৰেটৰসকলক কাৰ্যকৰী সমৰ্থন প্ৰদান কৰাৰ বাবে চৰকাৰৰ নিৰন্তৰ প্ৰচেষ্টাৰ অংশ, যাৰ দ্বাৰা মসৃণ ব্যৱসায়িক কাৰ্যকলাপ আৰু সম্প্ৰচাৰ সেৱাৰ বিকাশৰ বাবে অধিক অনুকূল পৰিৱেশ নিশ্চিত কৰা হয়।

****

DT/KS/SK/AA