0 5

#IFFIWood, 21 नोव्‍हेंबर 2024 

राष्ट्रीय पुरस्कार फावो जाल्ली अभिनेत्री निथ्या मेनेन हिणें 55व्या भारतीय आंतरराष्ट्रीय चित्रपट महोत्सवांत अभिनय कलेविशीं खोलायेन म्हायती सांगली. गोंयच्या पणजे हांगा जावपी इफ्फींत कला अकादमींत ‘चॅरॅक्टर अँड एक्टर: द पॉवर ऑफ न्युएंस’ ह्या विशयाचेर इन कोन्व्हर्सेशन सत्रांत त्यो उलयताल्यो. 

'तिरुचित्रंबलम' आनी 'ओके कनमनी' ह्या सिनेमांतल्या अभिनया खातीर वळखतात, ती राष्ट्रीय पुरस्कार विजेती निथ्या मेनेन हिणे सूक्ष्मतायेची शक्त, भावनीक प्रामाणीकपणाचे म्हत्व आनी गुंतागुंतीच्या, वास्तव जगांतल्या पात्रांचें चित्रण करपाक येवपी आव्हानां विशीं म्हायती दिली.

गट इन्स्टिंक्ट आनी चित्रपट निवड: प्रक्रियेचेर विस्वास दवरप

निथ्यान सुरवात केली, कि फिल्म वेंचपाची प्रक्रिया आनी आदल्या काळांत "हलक्यो" भुमिका स्वीकारील्ल्यान तिका टिकेक तोंड दिवचे पडले. औपचारीक पद्दतीचो अभिनय आपणायलो नासलो, तरी तिच्या तयारे त संवसाराचें निरिक्षण करप, सीन चित्रित करप आनी पात्रांकडेन अंतर्ज्ञानान जोडप, हांचो आस्पाव आशिल्ल्यो. तिचे खातीर अभिनय म्हळ्यार वैयक्तीक अणभव न्हय, तर भावनीक संबंद. देखीक - आवयचें चित्रण करपाक जियेल्ल्या अणभवापरस, सहानुभूती आनी भावनिक भाग (इक्यू) जाय पडटा.

कडकपण आनी आत्मविस्वास नाशिल्ल्यान अभिनेत्याच्या अभिनयाक आडमेळीं येतात, अशें तिणें सांगलें. लोकांक आनी अणभवांक उक्तेपण म्हत्वाचें, तशेंच आत्मविस्वास म्हत्वाचो, अशें तिणें फुडें सांगलें. तशेंच वेगान चलपी वेळापत्रकाच्या दबावाबगर कलाकारांक तांच्या भावनांचो वेग गाठपाक मजत करपा खातीर, शांत वातावरणाचें म्हत्व, तिणें स्पश्ट केलें. संस्कृताय आनी प्रदेशांतल्या प्रेक्षकांकडेन खोलायेन जोडपाची तांक आशिल्ल्यान, तिच्या केंद्रीत पद्दतीचें आनी भावनीक उक्तेपणाचे श्रेय ती दिता, जाका लागून तिच्या सादरीकरणांवांगडा सार्वत्रिक संबंद जुळटा.

अभिनेत्याच्या भितरल्या भावनांचो वा पात्राचो, तांणी फिल्मात केल्ल्या पात्रांचेर चड परिणाम कसो जाता हाचेर उलयतना तिणें सांगलें, कि “पयलीं म्हाका दुख्खाची भावना वा रडप सोंपें आशिल्लें, कारण म्हाका दिसता म्हज्यांत इतली वेदना आशिल्ली. पयलीं कांय भावनीक दृश्य आशिल्ले, जे भावनिक आशिल्ले आनी शॉट वा दृश्य सोंपतकच, म्हाका व्हड प्रमाणांत सुशेग मेळटालो. आयज फाटीं पळयतना म्हाका रडपाक कठीण जाता. घडये हांव वाडत आसतना, एक सुखी मनीस जावंक लागलां.” भावनीक प्रामाणीकपण हें सगळ्यांत म्हत्वाचें, तिच्या कामाक तिच्या भावनांचे प्रामाणीकपणच चालना दिता, भुमिके भोंवतणीं आशिल्ली भायली परिस्थिती न्हय, अशें तिणें सांगलें.

आता हो सिने उद्देग अभिनेत्रीक चड मान्यताय दिवपी लागला, सिनेमांत बायलांक चड संदी आनी आदर मेळ्ळा, अशें तिणें सांगलें. आपल्या उलोवपात शेवटाक   निथ्यान, फिल्माचो हेत म्हणल्यार प्रेक्षकांची जाणविकाय बदलप, हाचेर भर दिलो. भावनीक वा बौध्दिक नदरेन चित्रपट गुंतूंक अपेस आयल्यार, ताचें म्हत्व उणें जाता, अशें मत तिणें उक्तायलें.

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa