0 2

#IFFIWood, 20 नोव्‍हेंबर 2024 

संसारभरातले नामनेचे चित्रपट व्यक्ती आनी सिनेमा मोगींच्या हाजिरेंत आयज सांजवेळार गोंयच्या दर्यादेगेर भारताचो 55वो आंतरराष्ट्रीय चित्रपट महोत्सव उक्तो जल्ल्याचे जाहीर केले. भारताची सांस्कृतीक समन्वय आनी विविधताय दाखोवपी रंगीत सांस्कृतीक कार्यावळींनी सगळ्यांक उमेद दिली, आनी सृजनशीलता, सिनेमाच्या तेजस्वीपणाची परब मनोवपी णव दिसांच्या ह्या भव्य महोत्सवाक सुरवात जाली. संवसारभरांतल्या सिनेमाप्रेमी लोकांची वाट सोंपयत, इफ्फीची 55वी आवृत्ती नामनेचो ऑस्ट्रेलियन फिल्म निर्मातो मायकल ग्रेसी हाचो बेटर मॅनह्या फीचर फिल्माच्या प्रदर्शनान सुरू जाली.

लोकप्रिय चित्रपट अभिनेते अभिषेक बॅनर्जी आनी भूमी पेडणेकार हांणी सूत्रसंचालन केल्ल्या भव्य उक्तावण सुवाळ्यांत सिनेमा-जगतांतल्या कांय तेजस्वी कलाकारांचो, सिनेमा-मोगींच्या हाजिरेंत भोवमान केलो. सिनेमांतल्या दिग्गज कलाकारांक सुभाष घई, चिदानंद नायक, बोमन इरानी, आर के सेल्वमनी, जयदीप अहलावत, जयम रवी, इशरी गणेश, आर सारथ कुमार, प्रणिता सुभाष, जॅकी भग्नानी, रकुल प्रीत सिंग, रणदीप हुडा आनी राजकुमार राव हांचो सिनेमांतल्या अफाट योगदानाखातीर भोवमान केलो.

गोंयचे मुख्यमंत्री डॉ प्रमोद सावंत हांच्या हस्तुकी राज्यसभा खासदार श्री सदानंद शेट तानावडे, म्हायती आनी प्रसारण सचिव श्री संजय जाजू, आध्यात्मिक गुरू, श्री श्री रविशंकर महोत्सव संचालक श्री शेखर कपूर, अध्यक्ष सीबीएफसी श्री प्रसून जोशी आनी अध्यक्ष प्रसार भारती श्री नवनित कुमार सहगल आनी हेरांच्या हजेरेत भारतीय परंपरे प्रमाण नाल्लाच्या रोपाक उदक घालून ह्या चित्रपट महोत्सवाचे विधीपुर्वक उक्तावण जाले.

हे निमतान गोंयचे मुखेलमंत्री डॉ. प्रमोद सावंत हांणी गोंय आनी इफ्फी हे सामके पर्यायवाची अशें म्हणलें. "इफ्फीचो विचार करतना गोंयची याद जाता, आनी गोंयचो विचार करतना इफ्फीची याद जाता". मुखेलमंत्री सावंता हाणी सगल्या गोंयकारांवतीन गोंयांतल्या सगळ्या महोत्सवाच्या प्रतिनिधींक उमेदीन येवकार दिलो.

"निर्मात्यांची अर्थवेवस्था घडोवपाक भारताची व्हड भुमिका आसूं येता"

केंद्रीय म्हायती आनी प्रसारण मंत्री, श्री अश्विनी वैष्णव हांणी व्हिडियो संदेशांत भारतीय चित्रपट उद्देगाचे उदरगतींत इफ्फी म्हत्वाचो मार्गदर्शक फातर जाला, अशें सांगलें. म्हायती आनी वितरावणी मंत्री वैष्णव हांणी सांगलें, की लेखन सामग्री निर्मात्यांची अर्थवेवस्था विकसीत करपाचेर खूब लक्ष केंद्रीत केलां, जी नेटान वाडत आसा. "भारताची विविध संस्कृताय, जेवण, गिरेस्त दायज, भारतीय साहित्य आनी भास मनोरंजक आनी सृजनशील रितीन दाखोवपी अभिनव लेखन लोक मुखार हाडटात, अशें तांणी सांगलें. तंत्रगिन्यानाचें एकीकरण आनी घटमूट क्युरेटरांची पर्यावरण प्रणाली उदरगत करून निर्मात्यांची अर्थवेवस्था घडोवपाक भारताची मुखेल भुमिका आसूं येता, अशेंय तांणी सांगलें.

श्री वैष्णव हांणीय नवी भागीदारी आनी इफ्फी कडल्यान नवे विचार उदयाक येवपा विशीं आस्त उक्तायली. तशेंच कांय तरणाट्या निर्मात्यांक मार्गदर्शन मेळटलें अशा नव्या उपक्रमां विशीं ते सकारात्मक आसात. ह्या कार्यावळी वेळार मुखार आयील्ल्या विचारांक फुडल्या वर्सांनी उद्देगाची दिका तयार करपाक मदत जातली, अशें तांणी सांगलें.

"इफ्फी भारतीय सिनेमाक चालना दिवपाचो यत्न करता आनी ताचे खातीर वेगवेगळे उपक्रम राबयता"

इफ्फी भारतीय सिनेमाक चालना दिवपाचो यत्न करता आनी ताचे खातीर वेगवेगळे उपक्रम राबयता अशे केंद्रीय म्हायती आनी प्रसारण राज्यमंत्री डॉ. एल मुरुगन हांणी व्हिडियो संदेशा वरवीं सांगले. फिल्म-पायरेसीचेर आळाबंदा हाडपाक भारत सरकार फिल्म उद्देगाक आदार करता अशेंय तांणी सांगलें. फिल्म सुलभतायेखातीर म्हायती आनी प्रसारण मंत्रालयान सुरू केल्ल्या सिंगल विंडो सिस्टम पद्दतीन फिल्म शूटिंग खातीर मंजुरी मेळोवप सोंपें जालां अशेंय तांणी सांगले. ह्या उपक्रमा सयत वेगवेगळ्या अनुदानाक लागून फिल्म निर्मात्यां खातीर इज ऑफ डूइंग बिझनेसांत सोपेपणं आयला . डॉ.मुरुगान हांणी मुखार सांगले की क्रिएटिव्ह माइंड्स ऑफ टुमॉरो (सीएमओटी) उपक्रम इफ्फीत सुरू जालो, जंय शेंकड्यांनी तरणाट्या सृजनशील व्यक्तींक फिल्म जाणकारांकडल्यान मार्गदर्शनाची संद मेळटली आनी तांचे कडेन केल्ल्या संवादांचो फायदो जातलो . संवसारांतल्या व्हडल्या चित्रपट महोत्सवां मदलो एक इफ्फी ह्या सिनेमा महोत्सवाक 1000 परस चड नोंदी मेळ्ळ्यात अशें डॉ. एल मुरुगन हांणी नमूद केले. फामाद ऑस्ट्रेलियन चित्रपट निर्माते फिलिप नॉयस हांका अंदु वर्साचो सत्यजित रे जीवनगौरव पुरस्कार दिवप ही इफ्फीखातीर मानाची गजाल आसा अशेंय तांणी म्हळें.

"लोकांक एकठांय हाडून एकामेकांची काणी सांगप हो फिल्म फेस्टिवलाचो हेत"

आमचीं काणयो एकामेकांक सांगूंयाअशें फिल्म दिग्गज आनी फेस्टिवल दिग्दर्शक श्री शेखर कपूर हांणी उलो मारलो. ताणें म्हळे की , ध्रुवीकृत संवसारांतल्या राष्ट्र आनी राश्ट्रां आनी समाजां भितर एकामेकां कडेन उलोवपाचो एकूच मार्ग म्हणल्यार आमच्यो काणयो सांगप.हाका लागून आमी एकामेकां लागीं पावतले आनी संवसारांतले जायते प्रस्न सुटावे जातले आनी देखून आमी फिल्म फेस्टिवल घडोवन हाडपाचें काम चालूच दवरचें पडटलें अशें नामनेच्या फिल्म निर्मात्यान मत उक्तायले . भारतांत सगळ्यांत व्हडलो फिल्म उद्देग आसा आनी संवसारांतले सगळ्यांत व्हडले कंटेंट मेकर आनी कंटेंट गिरायक आसात अशें तांणी फुडें सांगलें. इफ्फी फेस्टिवलाचे संचालक श्री शेखर कपूर हांणी ह्या सिनेमा फेस्टिवलांत फकत फिल्म निर्मात्यांक न्हय, तर प्रेक्षकांकय मनोवपाचो उलो मारलो.

"सगळो संवसार एक कथा सांगपाचो मंच"

मानेस्तामदीं आध्यात्मिक गुरू श्री श्री रविशंकर हाजीर आशिल्ले. "दर एक जिवीत फिल्मा सारकें आसा. हांव लोकांक मेळटा आनी तांच्यो काणयो आयकता. सगळो संवसार हो एक कथा सांगपाचो मंच" अशे ह्या संदर्भात उलयताना श्री श्री रविशंकर हांणी सांगलें, भारतीय पुराणकथांनी देवांचो संबंद मनरिजवणेच्या प्रकारांकडेन आसा, जशे की भगवान शिव डमरू वाजयता, सरस्वती देवी वीणा वाजयता, श्रीकृष्ण बांसरी वाजयता. भारतीय संस्कृताय मनरिजवणे कडेन गुंथिल्ली आसून ती आमकां सुखी जिवीत जगपाक आदार करता. 

ह्या वेळार श्री श्री रविशंकर हांची मुखेल भुमिका आशिल्लो आनी कोलंबियाचें गृहयुध्द सोंपवपाचेर आदारीत आशिल्ल्या सिनेमाचो पयलो लुक निर्मातो श्री महावीर जैन हांणी जारी केलो.

"राज कपूर, तपन सिन्हा, अक्किनेनी नागेश्वर राव आणि मोहम्मद रफी या भारतीय चित्रपटसृष्टीतल्या चार दिग्गजांवेर खासा तिकिटाचे अनावरण"

इफ्फी अंदूं वर्सा सिनेमा संवसारांतल्या दिग्गज चित्रपट व्यक्तिमत्त्व राज कपूर, तपन सिन्हा, अक्किनेनी नागेश्वर राव (एएनआर), आनी मोहम्मद रफी हांच्या असामान्य दायजाक आर्गा, प्रदर्शनां, आनी परस्पर संवादात्मक कार्यावळींच्या माळे वरवीं मान दितली, जाका लागून प्रतिनिधींक तांच्या योगदानाविशी बारीकसाणेन म्हायती मेळटली. भारतीय सिनेमाच्या ह्या चार दिग्गजांचेर एक खाशेल्या तिकीटाचे अनावरण म्हायती आनी प्रसारण सचीव श्री संजय जाजू हांणी म्हायती आनी प्रसारण विशेष सचीव श्रीमती नीरजा शेखर ; मुखेल पोस्ट मास्टर जनरल (सीपीएमजी), महाराष्ट्र पोस्टल सर्कल, श्री अमिताभ सिंह ; एमडी, एनएफडीसी, श्री प्रितुल कुमार; संयुक्त सचीव (फिल्म), श्रीमती वृंदा मनोहर देसाय; महोत्सव संचालक श्री शेखर कपूर; दिग्गज अभिनेतो अक्किनेनी नागेश्वर राव हांचो पूत श्री नागार्जुन ; आनी दिग्गज पार्श्वगायक मोहम्मद रफीची सुन श्रीमती फिरदौस रफी हांच्या हाजेरीत केले . ह्या संदर्भार उलयतना आय आनी बी सचीव श्री संजय जाजू हांणी सांगले की, "इफफी ह्या वर्सा भारतीय सिनेमाच्या चार आख्यायिकांची परब मनयता आनी ही खूप उमेदीची गजाल आसा !"

"इफ्फी भारतीय सिनेमा पळोवपी आनी भारतीय सिनेमा निर्मात्यांक मनयता"

गोंयचे मुखेलमंत्री डॉ.प्रमोद सावंत आनी महोत्सव संचालक शेखर कपूर हांणी 55व्या इफ्फी आंतरराष्ट्रीय सर्तीच्या जूरी वांगडी - आशुतोष गोवारीकर (अध्यक्ष), अँथनी चेन, एलिझाबेथ कार्लसन, फ्रान बोर्गिया, आनी जिल बिलकॉक हांचो भोवमान केलो.

तशेंच नव्यान सुरू जाल्ल्या बेस्ट इंडियन डेब्यू फिल्मह्या वर्गा खातीर जूरी वांगड्यांचीं नांवां जाहीर जालीं. तातूंत संतोष सिवान (जूरी अध्यक्ष), एम.व्ही. रघु, सुनील पुराणीक, शेखर दास आनी विनीत कानोजिया हांचो आस्पाव आसा. 

इंडियन पॅनोरमा फिचर फिल्म्स जूरींत डॉ.चंद्रप्रकाश द्विवेदी (जूरी अध्यक्ष), मनोज जोशी, सुष्मिता मुखर्जी, हिमांसू शेखर खटुआ, ओइनम गौतम, आशू त्रिखा, एस.एम. पाटील, नीलभ कौल, सुसांत मिसरा, अरुण कुमार बोस, रत्नोत्तमा सेनगुप्त, समीर हंचते आनी प्रिया कृष्णस्वामी हांचो आस्पाव आसा . भारतीय पॅनारोमा नॉन फीचर फिल्म जूरींत सुब्बैया नल्लामुथु (जूरी अध्यक्ष), रजनी आचार्य, रोनेल हाओबम, उषा देशपांडे, वंदना कोहली, मिथुनचंद्र चौधरी आनी शालिनी शाह हांचो आस्पाव जाता.

"गोंयचे सीएम डॉ.प्रमोद सावंत हांणी प्रसार भारतीचें WAVES OTTसुरू केलें."

गोंयात जाल्ल्या 55व्या आंतरराष्ट्रीय चित्रपट महोत्सवाच्या उक्तावण सुवाळ्यांत गोंयचे मुखेलमंत्री डॉ.प्रमोद सावंत हांणी 'WAVESह्या राष्ट्रीय भौशीक प्रसारक- प्रसार भारतीच्या ओटीटी प्लॅटफॉर्माचें उक्तावण केलें. क्लासिक सामुग्री आनी समकालीन प्रोग्रामिंगचे समृद्ध मिश्रण हो प्लॅटफॉर्म ऑफर करता. ह्या ओटीटी प्लॅटफॉर्मार रामायण, महाभारत, शक्तिमान, आनी हम लोग सारकिल्ले कालबाह्य शो आशिल्ल्या लायब्ररीक लागून भारताच्या भूतकाळा कडेन सांस्कृतीक आनी भावनीक संबंद सोदपी प्रेक्षकांक हो प्लॅटफॉर्म आकर्शीत करता. इफ्फी 24 ह्या यंग फिल्म मेकराच्या विशयाक जुळोवन; अन्नपूर्णा फिल्म आनी मिडिया स्टुडिओचो नागार्जुन आनी अमला अक्किनेनी हांणी तयार केल्लो रोल नंबर 52 हो स्टुडंट ग्रेड फिल्म वेव्हजचेर दाखयतले.

भारतीय आंतरराष्ट्रीय चित्रपट महोत्सवाची 55वी आवृत्ती यंग फिल्ममेकर्स: द फ्यूचर इज नाऊह्या थिम सयत क्रिएटिव्ह माइंड्स ऑफ टुमॉरोउपक्रमाअंतर्गत तरणाट्या फिल्म निर्मात्यांक बळगे दिता.

राज्यसभा खासदार सदानंद शेट तानावाडे, म्हायती आनी प्रसारण सचीव संजय जाजू, सीबीएफसीचे अध्यक्ष प्रसून जोशी, प्रसार भारतीचे अध्यक्ष नवनीत कुमार सहगल, ईएसजीच्यो उपाध्यक्ष आनी शिवोली मतदार संघाच्यो आमदार डिलायला लोबो आनी एंटरटेनमेंट -जिओ स्टारचे सीईओ केविन वाज हाजीर आशिल्ले.

* * *

PIB IFFI CAST AND CREW | Subhash/Utkarsha/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa