প্রধান মন্ত্রী শ্রী নরেন্দ্র মোদীনা নবেম্বর ২০-২১, ২০২৪গী গুয়ানাদা চৎকদবা স্তেত খোঙচত্তা ঙসি জোর্জতাউন্দা থুংখ্রে‍। মসিনা চহি ৫৬কী মনুংদা ভারতকী প্রধান মন্ত্রী অমনা গুয়ানাদা চৎপা অহান্বা খোঙচৎনি‍। অখন্নবা থৌরাং অমা ওইনা, এয়রপোর্ত্তা থুংলবা মতমদা, মহাকপু গুয়ানাগী প্রেসিদেন্ত, H.E. দোক্তর মোহম্মদ ইর্ফান অলিনা গুয়ানাগী প্রাইম মিনিস্তর ইকায়খুম্নরবা ব্রিগেদিয়া (রিতাইয়র্দ) মার্ক এন্থোনী ফিলিপ্সকা লোয়ননা হৌনবী মতুং ইন্না তরাম্না ওকখি‍। গুয়ানা লৈঙাক্কী কেবিনেত মন্ত্রী দজন অমা হেন্বসু তরাম্না ওকপগী থৌরমদুদা শরুক য়াখি‍।

মহাক্না হোতেলদা থুংলবা মতমদা, প্রধান মন্ত্রীবু প্রেসিদেন্ত অলিনা বার্বাদোসকী প্রাইম মিনিস্তর H.E. মিয়া অমোর মোত্লী অমসংউ গ্রেনাদাগী প্রাইম মিনিস্তর H.E. দিকোন মিতচেলগা লোয়ননা তরাম্না ওকখি‍। মসিগী মথক্তা, প্রধান মন্ত্রীবু গুয়ানাগী কেবিনেত মন্ত্রী কয়ানা শরুক য়াবা থৌরমদুদা ভারতকী মীওইশিং অমসুং ইন্দো-গুয়ানিজ দাইস্পোরাশিংনা তরাম্না ওকখি‍। এয়রপোর্ত্তা ওক্লম্বা অদুদগী অমসুং হোতেলদা ওকপা ফাওবা গুয়ানিজ লৈঙাক্কী কেবিনেত মন্ত্রী পুম্বা শরুক য়াখি‍। ইন্দিয়া-গুয়ানাগী মরুপ মপাং ওইবগী মরীগী খুদম অমা ওইনা, জোর্জতাউনগী মেয়রনা প্রধান মন্ত্রীনা “কী তু দি সিতী ওফ জোর্জতাউন” খুৎশিন্নখি‍।

***