প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীনা দিল্লিদা অহানবা বোরোলেন্দ মহোৎসব হৌদোকখ্রে
বোরো ফুরুপ চাউখৎনবা অমসুং নুংঙাই-য়াইফনবা ঐখোয়গী সরকারনা থবক পায়খৎলে: প্রধান মন্ত্রী
বোরো মীয়ামগী অফবা তুংলমচৎগীদমক অকনবা য়ুম্ফম অমা থোল্লে: প্রধান মন্ত্রী
অপুনবা অৱাং-নোংপোক অসি ভারতকী অষ্টলক্ষ্মীনি: প্রধান মন্ত্রী
Posted On:
15 NOV 2024 9:34PM by PIB Imphal
ঙসি প্রধান মন্ত্রী শ্রী নরেন্দ্র মোদীনা শান্তি পুরক্নবা অমসুং অফবা বোরো খুন্নাই অমা শেমগৎনবা লোল, সাহিত্য অমসুং নাতকী অচৌবা নুমিৎ নিনিগী থৌরম, অহানবা বোরোলেন্দ মহোৎসব হৌদোকখ্রে।
থৌরম অদুদা তিনখিবা মীয়ামদা শেংলবা কার্তিক পুর্নিমা, দেব দিপাৱালি অমসুং শ্রী গুরুনানক জিগী ৫৫৫শুবা প্রকাস পর্বগী ভারতকী মীয়ামদা য়াইফ-পাউজেল পীবগা লোয়ননা, প্রধান মন্ত্রীনা হায়খি ভারতকী মীয়াম্না ভগবান বিরসা মুন্দাগী ১৫০ শুবা মপোক কুমওন থৌরম পাংথোক্তুনা জনজাতিয় গৌরব দিবস পাংথোক্লি। অহানবা বোরোলেন্দ মহোৎসব হৌদোকপা অসিদা মহাক অপেনবা পোকই অমসুং নুংঙাই-য়াইফবা, নাত অমসুং শান্তিগী অফবা তুংলমচৎ অমগীদমক লৈবাক্কী মফম কয়াদগী লাক্লিবা বোরো মীয়ামদা য়াইফ-পাউজেল পীজরি।
থৌরম অসি মহাক্কী ওইনা পুক্নিং নুংশিবা মিকুপ অমনি হায়না ফোঙদোক্লদুনা, শ্রী মোদীনা হায়খি চহি ৫০ চৎথরকপা হিংশাগী থবক লোইশিনখিবা অমসুং বোরোলেন্দনা মসিগী অহানবা অপুনবগী কুহ্মৈ পাংথোকপা অসি অচৌবা খুদোংচাবা অমনি। রানাচান্দি জগোয়দা বোরোলেন্দগী থৌনা অদু উৎলে। চহি কয়া লান্থেংনরক্লবা অমসুং ৱারি শানবগী থবক কয়া পাংথোক্লবা মতুংদা বোরোশিংগী অনৌবা পুৱারি অমা শেম্লে। বোরো পিছ একোর্দ ২০২০ মতুংদা মহাক্না কোক্রাঝারদা চৎখিবা অদু নিংশিংলদুনা, প্রধান মন্ত্রীনা হায়খি মহাক্কী মফমদা উৎখিবা নুংশিবা অমসুং অমতা ওইবা অদুনা মহাক বোরোশিংগী মরক্তা অমতা ওইখি। মহাক্কী খোঙচৎ অদুগী চহি মরিগী মতুংদা ফাওবা ঙসি মতম অদুগী নুংশিবা অমসুং হরাওবা অদু মহাক্না ফাওরি। খুৎলায়শিং থাদোক্লবা মতুংদা মীয়াম্না শান্তিগী লম্বীদা লাক্লবা মতুংদা, বোরোলেন্দা শান্তি অমসুং নুংঙাই-য়াইফবগী অনৌবা যুগ অমা লাক্লে।
মহাক্না হায়খি মসি মহাক্কী ওইনা তশেংনা পুক্নিং নুংশিবা মিকুপ অমনি। ঙসি হরাও-তয়াম্বা মীয়াম অমসুং নুংঙাইবা থৌরম উরবা মতুংদা, বোরো মীয়ামগী অফবা তুংলমচৎগীদমক অকনবা য়ুম্ফম অমা থোল্লে। হৌখিবা চহি ৪ দা বোরোলেন্দা পায়খৎখিবা চাউখৎ-থৌরাংগী থবকশিং অদু য়াম্না মরুওই। শান্তিগী য়ানচে খুৎয়েক পীনখ্রবা মতুংদা বোরোলেন্দা চাউখৎপগী অনৌবা ইথক অমা উবা ফংলে। ঙসি বোরো পিছ একোর্দকী কান্নবশিং অমসুং মসিনা বোরোশিংগী পুন্সিদা কান্নবা পীবা উবদা মহাক হরাওই। বোরো পিছ একোর্দ অসিনা অতোপ্পা য়ানবা কয়াগী অনৌবা লম্বী অমা শেম্লে। অসাম খক্তদা নহারোল লিশিং ১০ খুৎলায়শিং থাদোক্লে, একোর্দ অসিগী ফল ওইনা হিংশাগী লম্বী থাদোক্তুনা চাউখৎপগী লম্বীদা লাক্লে। কার্বি অলোং একোর্দ, ব্রু-রিয়াং একোর্দ অমসুং এন.এল.এফ.তি-ত্রিপুরা একোর্দ নোংমগী থবক ওইনা পাংথোক্কনি হায়বা কনাগুম্বা অমনা ৱাখলদা ফাওবা খল্লম্বা নত্তে। মীয়াম অমসুং সরকারগী মরক্তা লৈনরিবা থাজবা অসি অনিমক্না ইকায়খুম্নৈ অমসুং রোরোলেন্দ অমসুং মসিগী মীয়াম চাউখৎনবা হৌজিক কেন্দ্র সরকার অমসুং অসাম সরকারনা পায়খৎপা য়াবা থবকশিং পায়খৎলি।
বোরো তেরিতোরিএল রিজনদা বোরো ফুরুপকী অনিংবশিং অমসুং দরকার ওইবশিং ফংহন্নবা কেন্দ্র অমসুং রাজ্য সরকারনা মরুওইনা লৌরিবা অদুগী মতাংদা, প্রধান মন্ত্রীনা হায়খি অসাম সরকারনা অখন্নবা চাউখৎ-থৌরাংগী পেকেজ অমা পীবগা লোয়ননা কেন্দ্র সরকারনা লুপা করোর ১৫০০ গী অখন্নবা পেকেজ অমা পীরে। বোরোলেন্দা লাইরিক-লাইশু, হকশেল অমসুং নাতকা মরি লৈনবা ইনফ্রাস্ত্রকচা শেমগৎনবা লুপা করোর ৭০০ হেন্না চাদিং তৌখ্রে। মীয়াম হিংশা থাদোক্নবা অমসুং মহৌশাগী পুন্সি ইচেলদা অমুক হল্লক্নবা সরকারনা ৱারেপশিং লৌখিবনি। নেসনেল দেমোক্রেতিক ফ্রন্ত ওফ বোরোলেন্দগী হান্নগী লান্মী লিশিং ৪ হেন্না খুন্দা-লৈতাহনবগা লোয়ননা নহারোল কয়া অসাম পুলিসতা থবকশিং পীরে। বোরোগী ইরাংনা শোকহল্লবা ইমুংশিংদা অসাম সরকারনা লুপা লাখ ৫ পীরে। বোরোলেন্দ চাউখৎনবগীদমক অসাম সরকারনা চহি খুদিংগী লুপা করোর ৮০০ চাদিং তৌরি। লমদম অমা চাউখৎনবা নহারোলশিং অমসুং নুপীশিংদা স্কিল হেনগৎহনবা অমসুং খুদোংচাবশিং ফংহনবা হায়বসি য়াম্না মরুওই। সিদ মিসন থবক পায়খৎপা হৌরে। সিদ হায়বদি স্কিল্লিং, ওন্ত্রেপ্রেনিউয়রশিপ, ইমপ্লোইমেন্ত অমসুং দিবলপমেন্তগী খুৎথাংদা নহারোলশিংগী য়াইফনবা থবক পায়খৎপা হায়বনি অমসুং মসিদগী বোরো নহারোলশিংনা কান্নবা কয়া ফংগনি হায়বগী থাজবা থম্লি।
প্রধান মন্ত্রীনা হায়খি মতম অমদা নোংমৈ পায়রম্বা নহারোলশিং হৌজক শান্নবগী হিরমদা মাঙজিল থাবা উবদা মহাক অপেনবা ফাওই। বাংলাদেস, নেপাল অমসুং ভুতানগী তিমশিং শরুক য়াদুনা কোক্রাঝারদা দুরান্দ কপগী ইদিসন অনি পাংথোকখিবা অদু পুৱারিনি। শান্তিগী য়ানবা পুরক্লবা মতুংদা, হৌখিবা চহি অহুমদা কোক্রাঝারদা মখা তানা বোরোলেন্দ সাহিত্য ফেস্তিবেল পাংথোকপা অসি বোরো সাহিত্যগীদমক পাংথোকপা অচৌবা থবক অমনি। ঙসি পাংথোক্লিবা বোরো সাহিত্য সভাগী ৭৩শুবা ফাউন্দেসন দে থৌরমগীদমক তরাম্না ওকচরি। হয়েং নাতকী রেল্লি অমগা লোয়ননা বোরো সাহিত্য অমসুং বোরো লোলগী থৌরম অমা পাংথোক্কনি।
মহাক্না মহোৎসব অসিগী একজিবসন য়েংখিবগী মতাংদা, শ্রী মোদীনা হায়খি মহাক্না বোরোগী কলা অমসুং ক্রাফ হায়বদি অরোন্নয়ে, দোখোনা, গমসা, করাই-দাখিনি, থোরখা, জাউ গিসি,খাম অমসুং জি.আই তেগ ফংলবা অতোপ্পা পোৎথোক কয়া ফংলে। জি.আই তেগ ফংবা অসিনা পোৎথোক অমা মালেমগী মফম অমদা লৈখ্রবশু বোরোলেন্দ অমসুং বোরোগী নাতকা মরী লৈনহনবা ঙম্লে। সেরিকলচর অসি বোরো নাতকী মরুওইবা শরুক অমনি। সরকারনা বোরোলেন্দ সেরিকলচর মিসন পায়খৎলে। বোরো ইমুং খুদিংদা ফি শাবগী চৎনবী অমা লৈরি। বোরোলেন্দ হেন্দলুম মিসনগী মখাদা বোরো ফুরুপকী নাত য়োকখৎনবা দরকার ওইবা থবকশিং পায়খৎলে।
প্রধান মন্ত্রীনা হায়খি মদুদি ভারতকী তুরিজম সেক্তরদা অসাম অচৌবা মপাঙ্গল অমনি অমসুং অসামগী তুরিজমদা বোরোলেন্দ অচৌবা মপাঙ্গল অমনি। মতম অমদা নহারোলশিংগী লোৎফম ওইরম্বা মনাস নেসনেল পার্ক, রাইমোনা নেসনেল পার্ক অমসুং সিখানা ঝালাউ নেসনেল পার্কগী অশুকপা উমংশিং উবদা অপেনবা ফাওই, মসি হৌজিক নহারোলশিংগী অনিংবা থুংনবা পাম্বৈ অমা ওইরে। বোরোলেন্দা তুরিজম চাউখৎলকপা অসিনা নহারোলশিং থবক ফংনবা অনৌবা খুদোংচাবা কয়া পীরগনি।
মখোয়না পাংথোক্লম্বা থবকশিংগীদমক শ্রী বোরোফা উপেন্দ্র নাথ ব্রহ্মা অমসুং গুরুদেব কলিচারন ব্রাহ্মা নিংশিংলদুনা, শ্রী মোদীনা হায়খি মদুদি ভারতকী অপুনবা অমসুং বোরো মীয়াম সংবিধানগী হকশিং ফংনবা বোরোফানা মতম পুম্নমক্তা গনতন্ত্রিক ওইবা পাম্বৈশিং শীজিন্নখি অমসুং গুরুদেব কলিচারন্না অহিংশা অমসুং অধ্যতিক্কী লম্বী ইন্দুনা খুন্নাই অমতা ওইনা পুনশিনখি। মখোয়গী অঙাংশিংগী অফবা তুংলমচৎ অমা শেমগৎনবা বোরো ইমাশিং অমসুং ইচলশিংগী মাঙলানশিংগীদমক অপেনবা ফাওই অমসুং হৌজিক বোরো ইমুং খুদিংমক মখোয়গী অঙাংশিংদা অফবা তুংলমচৎ অমা ফংহন্নবা অনিংবশিং লৈরে। মসি মরুওইবা ফমশিং পায়দুনা লৈবাক অসিগী থবক তৌখিবা মাইপাক্লবা বোরো শক্নাইরবা মীওইশিং মখোয়গী মমাঙদা উবদা ইথিল পীবদগীনি। হান্নগী চীফ ইলেক্সন কম্মিসন্নর শ্রী হরিসঙ্কার ব্রাহ্মা, মেঘালয়গী হান্নগী রাজ্যপাল শ্রী রঞ্জিৎ সেখার মুসাহারেগুম্বা শক্নাইরবশিংনা বোরো ফুরুপকী মিংচৎ হেনগৎহল্লে। অফবা শীনবা অমা পায়নবা বোদোলেন্দগী নহারোলশিংনা মঙ মঙবদা অপেনবা ফাওই অমসুং মখোয় চাউখৎনবগী মরুপ ওইনা বোরো ইমুং খুদিংগা লোয়ননা থবক তৌমিন্ননবা কেন্দ্র অমসুং রাজ্য সরকার অনিমক লৈরি।
প্রধান মন্ত্রীনা হায়খি মদুদি অসাম য়াওনা অপুনবা অৱাং-নোংপোক অসি ভারতকী অষ্টলক্ষ্মীনি। নোংপোক ভারত্তগী চাউখৎপগী নুমিৎ থোক্লকপা অসিনা বিকসিত ভারত অমগী পান্দম ফংনবা অনৌবা থৌনা অমা পীরে। অৱাং-নোংপোক রাজ্যশিংগী মরক্তা ঙমখৈগী মুক্নরিবশিং মরুপ-মপাং ওইনা য়ানবশিং পুরক্তুনা অৱাং-নোংপোক্তা লেংদ্রবা শান্তি পুরক্নবা সরকারনা লেপ্তনা হোৎনরি।
হৌখিবা চহি ১০দা অসাম অমসুং অৱাং-নোংপোক্কী সনাগী যুগ হৌখ্রে হায়না পল্লদুনা, প্রধান মন্ত্রীনা হায়খি মদুদি সরকারগী থৌশিলশিংনা মরম ওইদুনা হৌখিবা চহি ১০দা মীওই করোর ২৫ লায়রবা কোক্লে। অসামগী মীওই লাখ কয়াশু লায়রবা কোক্লে। হৌজিক পাল্লিবা সরকারগী মতম মনুংদা অসামদা চাউখৎপগী অনৌবা রেকোর্দ কয়া থম্লে। হকশেলগী ইনফ্রাস্ত্রকচরদা সরকারনা অখন্নবা মীৎয়েং চঙলে। হৌখিবা চহি ১.৫ অসিদা অসামদা অচৌবা হোস্পিতালশিং হায়বদি গুৱাহাতি এ.আই.আই.এম.এস অমসুং কোক্রাঝার, নালবারি, নগাউন মেদিকেল কেলেজ লৈরে অমসুং মসিনা মীয়ামগী অৱাবশিং হন্থহল্লে। অসামদা অনৌবা কেন্সর হোস্পিতাল হাংদোকপা অসিনা অৱাং-নোংপোক্কী মীয়ামদা চাউনা কান্নবা পীরে। ২০১৪ গী মমাঙদা অসামদা মেদিকেল কলেজ ৬ লৈরম্বদগী হৌজিক কলেজ ১২ দা হেনগৎলে। অনৌবা মেদিকেল কলেজ ১২ লিংখৎনবা থবক পায়খৎলে,মসিনা নহারোলশিংদা অনৌবা খুদোংচাবশিং পীরগনি।
মহাক্কী ৱারোল লোইশিল্লকপদা, প্রধান মন্ত্রীনা হায়খি বোরো পিছ একোর্দনা উৎলিবা লম্বী অসি অৱাং-নোংপোক শীনবা থুংনা নুংঙাই-য়াইফনবা লম্বীনি। বোরোলেন্দ অসি চহি চা কয়া শুরবা নাতকী লাইরৈবাক অমনি হায়না খন্নরি। লমদম অসিগী নাত অমসুং চৎনবীশিং মখা তানা মপাঙ্গল কনখৎহনগদবনি। অহানবা বোরোলেন্দ মহোৎসব অসিগীদমক বোরো মীয়ামদা য়াইফ-পাউজেল পীজরি।
থৌরম অদুদা শরুক য়াখিবশিংগী মনুংদা অসামগী রাজ্যপাল শ্রী লক্সমন প্রসাদ অচার্য়া, বোরোলেন্দ তেরিতোরিএল রিজনগী লুচিংবা শ্রী প্রমোদ বোরো, ওল বোরো স্তুদেন্তস য়ুনিয়নগী প্রসিদেন্ত শ্রী দিপেন বোরো, বোরো সাহিত্য সভাগী প্রসিদেন্ত দোক্তর সুরথ নরজারে য়াওখি। অসামগী চীফ মিনিস্তর শ্রী হিমান্ত বিশ্বা শর্মাশু ভিদিও-কনফরেন্সকী খুৎথাংদা থৌরম অদু ভর্চুএল ওইনা শরুক য়াখি।
নুঙগীৱারোল
নুমিৎ নিনিগী অহানবা বোরোলেন্দ মহোৎসব অসি নবেম্বর ১৫ অমসুং নবেম্বর ১৬ দা পাংথোক্কনি। মসি শান্তি পুরক্নবা অমসুং অফবা বোরো খুন্নাই অমা শেমগৎনবা লোল, সাহিত্য অমসুং নাতকী অচৌবা থৌরম অমনি। মসিনা বোরোলেন্দ খক নত্তনা অসাম, নোংচুপ বেঙ্গল, নেপাল অমসুং অৱাং-নোংপোক্কী অতোপ্পা মালেমগী ঙমখৈশিংদা লৈরিবা বোরো মীয়াম অমতা ওইনা পুনশিন্নবা পান্দম থম্লি। মোহোৎসব অসিগী থিমদি বোরো ফুরুপ অমসুং বোরোলেন্দ তেরিতোরিএল রিজন (বি তি আর)গী অতোপ্পা ফুরুপশিংগী ইনাকখুল্লবা নাত, লোল অমসুং লাইরিক-লাইশুদা মীৎয়েং থম্বগা লোয়ননা ‘নুংঙাই য়াইফবা ভারতকীদমক শান্তি অমসুং নুংশিন্না হিংমিন্নবা’ হায়বনি। কুহ্মৈ অসিনা বোরোলেন্দগী নাত, লোল, মখল কয়াগী শা-উচেক অমসুং পাম্বীশিং অমসুং তুরিজমগী খুদোংচাবশিং কান্নবা লৌনবা পান্দম থম্লি।
মশক থোকপা অমা ওইনা, প্রধান মন্ত্রী শ্রী নরেন্দ্র মোদীগী লমজিং মখাদা ২০২০ দা বোরো পীছ একোর্দ খুৎয়েক পীনখিবা মতুংগী মহৌশাগী ফিবমদা হঞ্জিল্লকপা অমসুং অৱাবা কয়া খাংখিবগী খোঙচৎ মহোৎসব অসিদা মশক তাক্কনি। শান্তিগী য়ানচে খুৎয়েক পীনখিবা অসিনা বোরোলেন্দদা চহি কয়া মুক্নবা, হিংসা অমসুং মীওই কয়া শিখিবা অদু ৱারোইশিন পুরকখিবা খক নত্তনা অতোপ্পা শান্তিগী য়ানবা পুরকখিবশিংগী ইনোৎ অমশু পীখি।
মহোৎসব অসিদা ভারতকী হেরিতেচ অমসুং চৎনবীশিংদা বোরোগী নাত, চৎনবী অমসুং সাহিত্যনা লৌখিবা থৌদাংশিংগী মতাংদা সেসন অমা পাংথোক্কনি অমসুং বোরোগী নাত, লোল, চৎনবীশিং অমসুং সাহিত্যগী মরমদা খন্ন-নৈনবা কয়া উবা ফংগনি। অতোপ্পা সেসন অমদা, নেসনেল ইজুকেসন পোলিসি ২০২০গী খুৎথাংদা মমালোলদা লাইরিক তাকপী-তম্বীবগী খুদোংচাদবশিং অমসুং কান্নবশিংগী মরমদা খন্নগনি। বোরোলেন্দ লমদমগী তুরিজম অমসুং নাত চাউখৎনবা পান্দমগা লোয়ননা নাত অমসুং তুরিজমগী খুৎথাংদা অফবা বোরোলেন্দ অমা শেমগৎনবা অরিবা নাতগী মীফম অমসুং খন্ন-নৈনবা পাংথোক্কনি।
থৌরম অসিদা শরুক য়াখিবশিংগী মনুংদা অসাম, নোংচুপ বেঙ্গল, ত্রিপুরা, নাগালেন্দ, মেঘালয়, অরুনাচল প্রদেস, ভারতকী অতোপ্পা মফমশিং অমসুং নেপাল অমসুং ভুতানদগী নাত, লোল অমসুং কলা পামজবা মীওই লিশিং ৫ হেন্না য়াওখি।
****
(Release ID: 2073788)
Visitor Counter : 8