য়ুমলৈ-কৈরৈ মন্ত্রালয়
য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা হায়খি অহানবা নুপীশিং ঙাক্তগী সি.আই.এস.এফ বত্তালিয়ন সরকারনা অয়াবা পীরে
লৈবাক শেমগৎপদা হিরম খুদিংমক্তা নুপীশিং শরুক য়াবা হেনগৎহন্নবা প্রধান মন্ত্রী শ্রী নরেন্দ্র মোদীগী পান্দম থবক ওইনা পাংথোক্নবা মাইকৈদা থাংজিনা অচেৎপা খোঙথাং অমদা, অহানবা নুপীশিং ঙাক্তগী সি.আই.এস.এফ বত্তালিয়ন লিংখৎপদা মোদী সরকারনা অয়াবা পীরে
মমিং চৎপা ত্রুপ অমা ওইনা শেমগৎনবা, লৈবাক অসিগী মরুওইবা ইনফ্রাস্ত্রকচরশিং হায়বদি এয়রপোর্তশিং অমসুং মেত্রো রেলশিং ঙাক্নবা অমসুং কমান্দোশিং ওইনা ভি.আই.পি ঙাক্নবা থৌদাং মহিলা বত্তালিয়ন্দা শীন্নগনি
লৈবাক অসি ঙাক-শেন্নবা অরুবা থবকশিংদা নুপীশিং মশিং হেন্না শরুক য়ানবা অনিংবশিং ৱারেপ অসিনা থুংহনগনি
Posted On:
13 NOV 2024 3:27PM by PIB Imphal
য়ুনিয়ন হোম মিনিস্তর অমসুং কোওপরেসন মিনিস্তর শ্রী অমিত সাহনা হায়খি অহানবা নুপীশিং ঙাক্তগী সি.আই.এস.এফ (সেন্ত্রেল ইন্দস্ত্রিএল সেকুরিতি ফোর্স) বত্তালিয়ন সরকারনা অয়াবা পীরে।
এক্স পোস্ত অমদা, শ্রী অমিত সাহনা হায়খি, “লৈবাক শেমগৎপদা হিরম খুদিংমক্তা নুপীশিং শরুক য়াবা হেনগৎহন্নবা প্রধান মন্ত্রী শ্রী নরেন্দ্র মোদীগী পান্দম থবক ওইনা পাংথোক্নবা মাইকৈদা থাংজিনা অচেৎপা খোঙথাং অমদা, অহানবা নুপীশিং ঙাক্তগী সি.আই.এস.এফ বত্তালিয়ন লিংখৎপদা মোদী সরকারনা অয়াবা পীরে। মমিং চৎপা ত্রুপ অমা ওইনা শেমগৎনবা, লৈবাক অসিগী মরুওইবা ইনফ্রাস্ত্রকচরশিং হায়বদি এয়রপোর্তশিং অমসুং মেত্রো রেলশিং ঙাক্নবা অমসুং কমান্দোশিং ওইনা ভি.আই.পি ঙাক্নবা থৌদাং মহিলা বত্তালিয়ন্দা শীন্নগনি। লৈবাক অসি ঙাক-শেন্নবা অরুবা থবকশিংদা নুপীশিং মশিং হেন্না শরুক য়ানবা অনিংবশিং ৱারেপ অসিনা থুংহনগনি”।
সেন্ত্রেল আর্মদ পুলিস ফোর্সশিংদা লৈদুনা লৈবাক অসিগী থবক তৌনিংবা নুপীশিংগী অপাম্বা অমা সেন্ত্রেল ইন্দস্ত্রিএল সেকুরিতি ফোর্সনা ওইরে। হৌজিক সেন্ত্রেল ইন্দস্ত্রিএল সেকুরিতি ফোর্সতা নুপীশিং চাদা ৭ য়াওরি। অহেনবা নুপীশিংগী বত্তালিয়ন অমা লিংখৎপা অসিনা লৈবাক শীনবা থুংবগী নুপীশিং সেন্ত্রেল ইন্দস্ত্রিএল সেকুরিতি ফোর্সতা শরুক য়ানবা পুক্নিং থৌগৎকনি অমসুং লৈবাক্কী থবক তৌগনি। মসিনা সেন্ত্রেল ইন্দস্ত্রিএল সেকুরিতি ফোর্সতা নুপীশিংগী অনৌবা মশক অমা তাক্কনি।
অনৌবা বত্তালিয়ন অসিগীদমক অথুবা মতমদা থবক লৌনবা, ত্রেনিং পীনবা অমসুং হেদক্বাতরগী মফম খন্নবা সেন্ত্রেল ইন্দস্ত্রিএল সেকুরিতি ফোর্স হেদক্বারনা থবক পায়খৎপা হৌরে। কমান্দোশিং ওইনা ভি.আই.পিশিং ঙাক্নবা অমসুং এয়রপোর্তশিং, দিল্লি মেত্রো রেল ঙাক্নবা য়াওনা তোঙান-তোঙানবা থৌদাংশিং পাংথোক্নবা মমিং চৎপা বত্তালিয়ন অমা ওইনা শেমগৎনবা ত্রেনিং অসি খন্ননা দিজাইন তৌরে।
৫৩শুবা সেন্ত্রেল ইন্দস্ত্রিএল সেকুরিতি ফোর্স দে থৌরমদা, য়ুনিয়ন হোম মিনিস্তর শ্রী অমিত সাহগী পাউতাক মতুংইন্না নুপীশিং ঙাক্তগী সেন্ত্রেল ইন্দস্ত্রিএল সেকুরিতি ফোর্স লিংখৎনবা ৱাফম হৌদোকখিবনি।
***
(Release ID: 2073084)
Visitor Counter : 40