म्हायती आनी वितरावणी मंत्रालय
“लाईट्स, कॅमेरा, गोंय ! इफ्फी 2024”
20- 28 नोव्हेंबर, 2024
इफ्फी 2024चो विशय - “यंग फिल्ममेकर्स' – द फ्युचर इज नाव” - हो सृजनशीलतेच्या फुडाराक आकार दिवपाक तरणाट्यांची तांक वळखता
इफ्फी 2024 सगळ्या कथाकारांक आनी सिनेमा मोगींक सिनेमाच्या खोशयेत सामील जावपाक आपयता
आंतरराष्ट्रीय चित्रपट सादरीकरणा वेळार मेळिल्ल्या व्हड प्रतिसादा वयल्यान दिसून येता, की इफ्फी हो कान सारक्या जागतीक चित्रपट महोत्सवांकडेन तुलना करपा सारको चित्रपट महोत्सव : केंद्रीय राज्य मंत्री डॉ. एल. मुरुगन
इफ्फी 2024 उदयाक येवपी प्रतिभा, सुलभताय आनी सांस्कृतीक दायजाचेर लक्ष केंद्रीत करपी जागतीक सिनेमांचो उत्सव: सचीव, आयअँडबी श्री. संजय जाजू
कथा सांगपाचें कसब सांबाळप पयलीं परस चड गरजेचें; इफ्फी 2024 ह्या सदाबहार कला प्रकाराक दिता मान : महोत्सव संचालक, श्री. शेखर कपूर
भारत हो अस्वस्थ करपी सपनांचो देश; 'क्रिएटिव्ह माइंड्स ऑफ टुमॉरो' वरवीं तरणाट्या प्रतिभेक मुखार हाडूंक इफ्फीची व्हड भुमिका :श्री. प्रसून जोशी
तरणाट्या चित्रपट निर्मिती प्रतिभेक उर्बा दिवपाखातीर सुरु केला उत्कृश्ट भारतीय पदार्पण दिग्दर्शकाचो नवो पुरस्कार
सत्यजीत रे जीणेगौरव पुरस्कार नामनेचो ऑस्ट्रेलियन दिग्दर्शक फिलीप नॉयस हांका, तांच्या बेसबऱ्या कथाकथनांतल्यान सिनेमा क्षेत्रात दिल्ल्या योगदानाखातीर
एनएफडीसी-एनएफएआयच्या राष्ट्रीय चित्रपट दायज मिशनांतल्यान, इफ्फीत दाखोवपाचे भारतीय सिनेमा आख्यायिकांचे पुनर्संचयित क्लासिक्स
‘इफ्फीयेस्टा’: मनरिजवणेचो वाठार तयार करपाचो जंय चित्रपट, संगीत आनी संस्कृताय एकठांय येतली; इफ्फीत तरणाट्यांचो सहभाग आनी वांटो वाडोवप हो उद्देश
म्हायती आनी प्रसारण मंत्रालय, राष्ट्रीय चित्रपट विकास म्हामंडळ (एनएफडीसी) आनी गोंय मनरिजवण सोसायटी (ईएसजी) हांच्या जोडपालवान 20 ते 28 नोव्हेंबर 2024 मेरेन, गोंयांत 55वो भारतीय आंतरराष्ट्रीय चित्रपट महोत्सव (इफ्फी) घडोवन हाडपाक सज्ज आसा. 55व्या भारतीय आंतरराष्ट्रीय चित्रपट महोत्सवाची सुरवात एक जीवंत लायन अप आनी विविधताय आशिल्ल्या कार्यावळींनी जावपाची आशिल्ल्यान, कथाकार आनी सिनेमा मोगींकूय खोशी जावपासारखे हे कारण आसा, जाका लागून सांसारिक सिनेमाचो अविस्मरणीय उत्सव पळोवपाक मेळटलो.
55व्या इफ्फीची कर्टन रेजर पत्रकार परिशद आयज केंद्रीय म्हायती आनी प्रसारण आनी संसदीय वेव्हार राज्यमंत्री डॉ. एल मुरुगन, आय अँड बी मंत्रालयाचे सचीव श्री. संजय जाजू, आय अँड बी मंत्रालयाच्यो खाशेल्यो सचीव सुश्री नीरजा शेखर, इफ्फीचे महोत्सव संचालक श्री. शेखर कपूर, अध्यक्ष सीबीएफसी श्री. प्रसून जोशी आनी मंत्रालयाचे वरिश्ठ अधिकारी हांचे हाजेरेत जाली.
डॉ. एल. मुरुगन हाणी आपल्या उलोवपात, संवसारीक मळार महोत्सवाची प्रतिश्ठीत भुमिका उक्तायली. "कान सारक्या जागतीक महोत्सवांकडेन तुलना करपासारकी इफ्फी, फकत भारता खातीर न्हय तर आंतरराष्ट्रीय पांवड्यार लेगीत एक म्हत्वाची कार्यावळ जाल्या", अशें तांणी सांगलें. डॉ. मुरुगन हांणी महोत्सवाचो अणभव समृध्द करपा खातीर, दर वर्सा सुरू केल्ल्या खाशेल्या उपक्रमांचेर भर दिलो आनी ह्या वर्साचे आवृत्तींत आंतरराष्ट्रीय चित्रपट सादरीकरणांक व्हड प्रतिसाद मेळ्ळा, जाका लागून महोत्सवाची वाडत वचपी आवड आनी ताचो प्रभाव दिसून येता, असो तांणी उल्लेख केलो.
ह्या महोत्सवात लोकांचो वांटो वाडोवपा खातीर, मंत्रालयान मुखेल शारांनी प्रचारात्मक रोडशो घडोवन हाडल्यात, तातूंत मुंबय आनी चेन्नयांतल्या हालींच्या कार्यावळींचो आस्पाव आसा आनी ताचे उपरांत हैदराबादात लेगीत रोडशो जालो. आत्मनिर्भर भारताची भावना जागोवन आनी इफ्फीक संवसारीक पांवड्यार प्रसिध्द सिने कार्यावळ म्हूण स्थापन करपाची प्रधानमंत्री श्री. नरेंद्र मोदी हांची दृश्टी दाखोवपी, हो महोत्सव उद्देग फुडाऱ्यांनी आपलोच म्हूण आपणावपाचो उलो डॉ. मुरुगन हाणी मारलो तशेच गोंयांतल्या महोत्सवांत वांटो घेवपाचे आवाहन केले.
इफ्फी 2024 चो विशय - “यंग फिल्ममेकर्स' – द फ्युचर इज नाव”
केंद्रीय म्हायती आनी प्रसारण मंत्री श्री. अश्विनी वैष्णव हांच्या दृश्टीकोना प्रमाण, सृजनशीलतेच्या फुडाराक आकार दिवपाक तांची तांक वळखून, इफ्फी २०२४चो विशय “तरणाटे फिल्म निर्माते” हाचेर केंद्रीत आसा.
"भारत वेगवेगळे स्वरूप आनी नदर आपणावन संवसारांतलें सगळ्यांत व्हडलें चित्रपट निर्मिती राष्ट्र म्हणून नेटान उदेता. आमच्या उद्देगा भितरले नवे, उदयाक येवपी आवाज, राष्ट्राक आकार दिवपाक म्हत्वाच्या भुमिकेत दिसतले," अशें म्हायती आनी प्रसारण मंत्रालयाचे सचीव संजय जाजू हांणी आयज आपल्या उक्तावण उलोवपात सांगले. तशेंच इफ्फी 2024 फिल्म निर्माते आनी सिनेमा मोगी दोगांय खातीर, तयार केलां आसून हो महोत्सव फुडाराक आकार दिवपी आवाजांक प्राधान्य दिता, खास करून राष्ट्राच्या सांस्कृतीक कथनाक आकार दिवपाक मदत करपी, उदयाक येवपी तरणाट्या सिनेमा निर्मात्यांक प्राधान्य दिता, अशें तांणी सांगलें.
'क्रिएटिव्ह माइंड्स ऑफ टुमॉरो' च्या माध्यमातल्यान ह्या उपक्रमात वाड करून, आदल्या आवृत्त्यांनी 75 वयल्यान, आता 100 तरणाट्या प्रतिभेक आदार दिवपाचे थारायला. त्याचबरोबर देशभरांतल्या फिल्म शाळांतल्या 400 तरणाट्या फिल्म विद्यार्थ्यांक इफ्फीत हाजीर रावपाक, मंत्रालयांतल्यान सुविधा दिल्या.
भारतभरांतल्या तरणाट्या चित्रपट निर्मितीच्या प्रतिभेक वळख दिवपा खातीर, उत्कृश्ट भारतीय पदार्पण दिग्दर्शकाचो नवो विभाग आनी पुरस्कार सुरु केला. मास्टरक्लास, पॅनल डिस्कशन, फिल्म मार्केट आनी फिल्म पॅकेजीं सगळीं, तरणाट्या निर्मात्यां खातीर तयार केल्यात. इफ्फी 2024 सिनेमातल्या दिग्गजांक आर्गा ओपतले आनी खाशेल्या विभागां वरवीं आनी प्रदर्शनां वरवीं, विंगड विंगड विचार सादर करून गोंयांत प्रेक्षकांक एक आगळोच अणभव दितले.
म्हायती आनी प्रसारण मंत्रालयाच्या सचीवानी 55व्या इफ्फीच्या सहकार्याच्या साराचेर भर दिलो. खऱ्या अर्थान उद्देगान आनी उद्देगा खातीर फुडारपण केल्लो महोत्सव अशें इफ्फीचे वर्णन केलें, जातूंत प्रशंसीत चित्रपट निर्माते शेखर कपूर महोत्सव संचालक म्हणून काम करता, अशे तांणी म्हळें. ताका इतिहासीक म्हणत तांणी उल्लेख केलो, कि “फिल्म महोत्सवाच्या इतिहासांत पयलेच खेपे, आमी ह्या पुराय उपक्रमाचो मुखेल बावटो सांबाळपी उद्देगाकडेन, महोत्सव दिवपाची परंपरा सुरू केल्या.”
इफ्फी: कथा सांगपाची कला मनोवपी महोत्सव
महोत्सव दिग्दर्शक शेखर कपूर हांणी, सिनेमांत कथा सांगपाची म्हत्वाची भुमिका सांगून, सिनेमाच्या अणभवाचे ते काळीज आसता, अशें म्हळे.
“नेटान विकसीत जावपी संवसारांत कथा सांगपाचें कसब तिगोवन दवरप, हे आता पयलीं परस चड गरजेचें आसा,” अशें सांगून कथाच सिनेमाक प्रभावी करतात अशें तांणी स्पश्ट केलें. ह्या कलाप्रकाराक मान आनी पोसवण दिवपाची, महोत्सवाची वचनबद्धताय तांच्या संदेशांतल्यान दिसून येता.
भारतः अस्वस्थ करपी सपनांचो देश
सीबीएफसीचे अध्यक्ष प्रसून जोशी हांणी भारताक "अस्वस्थ सपनांचो देश" अशें म्हणून, कथाकारांक जमनीवयल्यान अस्सल विचार मांडपाक माची दिवपाचें म्हत्व सांगलें. अशा प्रतिभेक उंचायेर व्हरपाक, तांकां संवसारीक मळार हाडपाक इफ्फीची भुमिका तांणी उजवाडायली आनी इफ्फी२०२४चो विशय परतून सांगलो. 'जें कोणी आयकूंक नसता, तें संवसाराक सांगपाक जाय' अशें म्हणीत, 'क्रिएटिव्ह माइंड्स ऑफ टुमॉरो' वरवीं ह्या उदयाक येवपी आवाजांक आदार दिवपाक मंत्रालयाच्या यत्नांची तांणी तोखणाय केली.
इफ्फी 2024ची मुखेल खाशेलपणां :
1. जागतीक सहभाग आनी चित्रपट प्रदर्शन :
अंदूंच्या इफ्फीक 101 देशांतल्यान 1,676 सादरीकरणां आयल्यात, ही महोत्सव आंतरराष्ट्रीय पांवड्यार वाडत आशिल्ल्याची गवाय आसा. इफ्फी 2024सात 81 देशांतले 180+ आंतरराष्ट्रीय चित्रपट सादर करतले, तातूंत 15 संवसारीक प्रीमियर, 3 आंतरराष्ट्रीय प्रीमियर, 40 आशियाई प्रीमियर आनी 106 भारतीय प्रीमियर आसतले. संसारिक सर्किटांतल्यान हीं नामनेचीं आनी पुरस्कार फावो जाल्ल्या चित्रपटांची निवड आशिल्ल्यान, ह्या वर्साच्या महोत्सवाचो प्रेक्षकांचेर टिकपी प्रभाव जावपाचो आसा.
2. ऑस्ट्रेलिया अंदूची 'कंट्री ऑफ फोकस' :
ऑस्ट्रेलिया इफ्फी 2024 खातीर 'कंट्री ऑफ फोकस' देश आसतलो, ऑस्ट्रेलियन चित्रपटांचें समर्पीत पॅकेज महोत्सवांत आसतले. मुखेल गजाल म्हळ्यार स्क्रीन ऑस्ट्रेलिया आनी एनएफडीसी हांचे मदीं समाजिकायेची कबलात (एमओयू). महोत्सवांत आनी फिल्म बाजारांत मुखेल ऑस्ट्रेलियन फिल्म निर्मात्यांनी वांटो घेवपा खातीर, आनी ऑस्ट्रेलियनाच्या खाशेल्या चित्रीकरण सुवातींचो आनी सह-निर्माणांचो प्रचार करपी, ऑसफिल्माचे प्रदर्शन जातले.
3. उक्तावणाचो चित्रपट: मायकल ग्रेसी हाचो 'बेटर मॅन'
मायकल ग्रेसीच्या 'बेटर मॅन' ह्या ऑस्ट्रेलियन चित्रपटाच्या आशिया प्रीमियरांतल्यान ह्या महोत्सवाची सुरूवात जातली, जो प्रतिकात्मक ब्रिटीश पॉप स्टार रॉबी विल्यम्साच्या जिविताची एक मनभुलोवपी झलक दितलो. जाका जोनो डेव्हिस हाणें एक मोशन-कॅप्चर सादरीकरणांत, चिंपांझी म्हणून चित्रीत केला.
4. सत्यजीत रे जीणेगौरव पुरस्कार:
इफ्फी २०२४सात सत्यजीत रे जीणेगौरव पुरस्कार फिलीप नॉयस ह्या नामनेच्या आनी पुरस्कार प्राप्त ऑस्ट्रेलियन दिग्दर्शकाक प्रदान करतले. अपवादात्मक कथाकथन आनी सस्पेन्सफुल, संस्कृतीक नदरेन प्रतिध्वनीत चित्रपट तयार करपाच्या निपुणतेखातीर ताची नामना आसा. नॉयसाच्या फिल्मोग्राफींत पॅट्रियट गेम्स, क्लियरअँड प्रेजेंट डेंजर, सॉल्ट, द सेंट, द बोन कलेक्टर आनी हेर जायते नामनेचे चित्रपट आसात. हॅरिसन फोर्ड, निकोल किडमन, एंजेलीना जोली, डेन्झेल वॉशिंग्टन, मायकल केन ह्या नामनेच्या कलाकारांकडेन ताणें केल्ल्या सहकार्यांतल्यान, सिनेमात तांचे म्हत्वाचे योगदान स्पश्ट जाता.
5. आंतरराष्ट्रीय सर्त विभाग:
15 फिचर फिल्मांक (12 आंतरराष्ट्रीय + 3 भारतीय) सर्वोत्कृष्ट फिल्म पुरस्कार, भांगराळो मोर आनी 40 लाख रुपयाखातीर सर्त करपाक वेंचून काडल्यात. उत्कृश्ट चित्रपट सोडल्यार उत्कृश्ट दिग्दर्शक, उत्कृश्ट अभिनेतो (दादलो), उत्कृश्ट अभिनेत्री (बायल), खाशेल्या जूरी इनामाच्या वर्गांतले विजेते लेगीत, जूरी थारायतली.
6. सर्वोत्कृष्ट फिचर फिल्म पदार्पण दिग्दर्शक :
5 आंतरराष्ट्रीय आनी 2 भारतीय फिल्म्स ह्या विभागांत रुप्या मोर, रोख इनाम म्हणून 10 लाख रुपया आनी प्रमाणपत्रा खातीर सर्त करतले.
7. आंतरराष्ट्रीय जूरी:
श्री. आशुतोष गोवारीकर (अध्यक्ष) प्रशंसीत भारतीय फिल्म निर्माते आनी अभिनेते, अँथनी चेन एक नामनेचे सिंगापूरचे लेखक, दिग्दर्शक, आनी निर्माते, एलिझाबेथ कार्लसन आदराणीय ब्रिटन निर्माती, फ्रान बोर्गिया हि आशियांत रावपी एक नामनेची निर्माती आनी जिल बिलकॉक हे एक नामनेचे ऑस्ट्रेलियन चित्रपट संपादक, हांचो आस्पाव आसा.
8. भारताची सिने विविधताय दाखोवपी 'इंडियन पॅनोरमा' :
इंडियन पॅनोरमा विभागांत भारताच्या गिरेस्त सांस्कृतीक आनी भाशीक विविधतायेचें प्रतिनिधित्व करपी 25 फिचर फिल्मां आनी 20 नॉन फीचर फिल्मां दाखयतले. ह्या विभागांत रणदीप हुड्डा हांणी दिग्दर्शीत केल्लो उक्तावणाचो फीचर चित्रपट 'स्वातंत्र्य वीर सावरकर' (हिंदी) आनी उक्तावणाचो नॉन फीचर चित्रपट 'घर जैसा कुछ' (लद्दाखी) हांचो आस्पाव जाता.
9. सर्वोत्कृष्ट भारतीय पदार्पण (डेब्यू) दिग्दर्शक :
देशभरांतल्या तरणाट्या चित्रपट निर्मितीच्या प्रतिभेक वळखुपाक स्थापन केल्लो हो नवो पुरस्कार म्हळ्यार, ‘युवा फिल्म निर्मात्यां’चेर लक्ष केंद्रीत केल्ल्या इफ्फीच्या विशयाक जुळोवन घेवपी आसा. वट्ट 102 चित्रपट सादर केल्ल्यांतल्यान, 5 चित्रपट ह्या पुरस्कारा खातीर सर्त करतले. समारोप सुवाळ्यांत दिग्दर्शकाक 5 लाख रुपया रोख इनाम आनी प्रमाणपत्र प्रदान करतले.
10. सर्वोत्कृष्ट वेब सिरीज (ओटीटी) पुरस्कार:
सर्वोत्कृष्ट वेब सिरीज (ओटीटी) पुरस्कार विभागांत अंदूं 46 अर्ज आयल्यात, जाल्यार फाटल्या वर्सा 32 अर्ज आयिल्ले. जिखपी वेब सीरीजाक प्रमाणपत्रां आनी 10 लाख रोख इनाम म्हणून दितले, जो समारोप सुवाळ्यांत जाहीर जातलो.
11. शताब्दी सुवाळो:
इफ्फी 2024सात भारतीय सिनेमातल्या राज कपूर, मोहम्मद रफी, तपन सिन्हा, आनी अक्किनेनी नागेश्वर राव ह्या नामनेच्या व्यक्तींक उक्तावण आनी समारोप सुवाळ्यांत खाशेले ऑडियो-व्हिज्युअल सादरीकरणावरवीं आनी इफ्फीएस्टांत प्रदर्शनांवरवीं आर्गा ओपतले.
ह्या यादीचो एक भाग म्हूण इंडिया पोस्टावतीन भारतीय सिनेमांतल्या ह्या व्यक्तींच्या योगदानाची परब मनोवपी 'माय स्टॅम्प' सत्र प्रदर्शीत जातले.
सरकाराच्या नॅशनल फिल्म हेरिटेज मिशन (एनएफएचएम) खाला एनएफडीसी-एनएफएआयन परतून तयार केल्लो, ह्या दरेका दिग्गजांचो एक क्लासिक चित्रपट इफ्फीत दाखयतले.
इफ्फीत प्रदर्शित जावपी रिस्टोरड क्लासिक चित्रपट हे आसात :
- आवारा(1951) - राज कपूर
- देवदासू (1953)- अक्किनेनी नागेश्वर राव
- हम दोनो (1961) - मोहम्मद रफी
- हार्मोनियम (1975) - तपन सिन्हा
12. नवे क्युरेट केल्ले विभाग आनी आंतरराष्ट्रीय प्रोग्रामिंग:
इफ्फी 2024 चार नव्या आंतरराष्ट्रीय प्रोग्रामिंग विभागांची वळख करून दिता: रायजिंग स्टार (उदेंतेकडल्या दिग्दर्शकांचो उत्सव मनयतात), मिशन लायफ (इको-जागृती सिनेमाचेर भर दिवपी), ऑस्ट्रेलिया: कंट्री ऑफ फोकस, आनी ट्रीटी कंट्री पॅकेज, जातूंत ब्रिटीश फिल्म इन्स्टिट्यूटान क्युरेट केल्लीं फिल्म आसात. हे विभाग आयएफएफआयच्या ऑफरांची विविधताय समृध्द करतात, जाका लागून प्रेक्षकांक लवचीकपण, नवनिर्माण आनी कला उत्क्रांती ह्यो कथा सोदून काडपाक मेळटात.
13. सिनेमांत बायलो आनी उदयाक येवपी तरणाटो आवाज:
इफ्फी 2024 बायलां कडल्यान दिग्दर्शीत केल्ल्या 47 चित्रपटांनी आनी तरणाट्या आनी पदार्पणांतल्या चित्रपट निर्मात्यांच्या 66 कृतींनी विविधताय आनी समावेशीय वस्तादपण चालू दवरता, जें कमी प्रतिनिधित्व आशिल्ल्याक उरबा दीवन महोत्सवाची वचनबद्धताय दाखयता. सिनेमांतल्या बायलां विभागांत उदयाक येवपी प्रतिभेचेर आनी बायल चित्रपट निर्मात्यांच्या म्हत्वाच्या योगदानाचेर भर दितले.
14. प्रदर्शना खातीर 6 अतिरिक्त चित्रपट घरां :
आयनोक्स मडगांव & आयनोक्स फोंडेंची 2 चित्रपट घरां ह्या वर्सा महोत्सवाच्या प्रदर्शना खातीर जोडल्यात. ह्या महोत्सवांत 270 परस चड सिनेमा 5 सुवातींनी दाखयतले – आयनॉक्स पणजी (4), मेकनीज पॅलेस (1), (4), आयनॉक्स मडगांव (4), आयनॉक्स फोंडा (2) & झेड स्क्वेर सम्राट अशोक (2). ते भायर गोंयभर फिल्म दाखोवपा खातीर 5 पिक्चर टाईम इन्फ्लेटेबल थिएटर आसतली.
15. “क्रिएटिव्ह माइंड्स ऑफ टुमॉरो” उपक्रम विस्तार:
क्रिएटिव्ह माइंड्स ऑफ टुमॉरो (सीएमओटी) उपक्रमांत अंदूं 1,032 नोंदीं सयत विक्रमी सहभाग दिसता, जो 2023 वर्साच्या सुमार दुपेटीन आसा.हो कार्यक्रम 13 फिल्म निर्मिती क्राफ्टांतल्यान तरणाट्या प्रतिभेक पोसवण दिता, आनी पयलेच खेपे , 100 भाग घेवप्यांक वेंचून काडटले, जे आकांक्षी फिल्म निर्मात्यां खातीर एक आगळोच मंच दितले.
16. मास्टरक्लास, पॅनल, आनी उद्देगीक सहभाग :
एआर रहमान, शबाना आझमी, मणि रत्नम, विधू विनोद चोपडा सारकिल्या उद्देगीक दिग्गज आनी फिलीप नॉयस सारकिल्या आंतरराष्ट्रीय दिग्गजाच्या फुडारपणा खाला कला अकादेमींत 25+ मास्टरक्लास आनी पॅनल चर्चा जावपाची आस्त बाळगूंक शकता अशे जॉन सील सारकिल्ले अणभवी तज्ञ हांतूत वांटेकार जातात . हाजीर आशिल्ल्यांक ध्वनी डिझायन, डिजिटल युगांत अभिनय, आनी चित्रपट निर्मितीच्या फुडारा विशीं म्हायती मेळटली.
17. फिल्म बाजार 2024, दक्षिण आशियांतलो सगळ्यांत व्हडलो फिल्म बाजार:
फिल्म बाजाराची 18 वी आवृत्ती आतां मेरेनची सगळ्यांत व्हडली जावपाची आसा, फिल्म बाजारांतल्या वेगवेगळ्या भागांनी 350+ फिल्मचो आस्पाव आसा. चित्रपट निर्मिती, वितरण, आनी आंतरराष्ट्रीय सहकार्याचेर सत्रां आनी कार्यशाळा आसतल्यो. फिल्म बाजार इफ्फी बरोबर जाता, जंय नव्या विचारांक चालना मेळटा , कथा मेळटात, सपनां आकार घेतात. हांगाच सिनेमाचो फुडार ताच्या वर्तमानाक मेळटा. 2007 वर्सा सुरू जाले उपरांत फिल्म बाजार दक्षिण आशियांतलें सगळ्यांत व्हडलो आनी महत्वाचो फिल्म बाजार जालां.
अंदूं, पॅव्हिलियन आनी प्रदर्शनां स्थापन जातली आनी वेगवेगळ्या देशांनी राज्यांनी, फिल्म उद्देग, तंत्रगिन्यान आनी व्हीएफएक्स उद्देग, आदी कडल्यान व्हड प्रमाणांत वांटो घेतली.फिक्की कडेन भागीदारी वरवीं जायते स्केल-अप करतात आनी बरे तरेन निश्चीत करपाक मदत करपाक वांटो घेतात. अंदूंच्या फिल्म बाजारांतय उक्ती ‘खरेदीदार-विक्रेते’ मेळावो घडोवन हाडटले, जंय फिल्म निर्मात्यांक सहकाऱ्याक मेळपाक मेळटलें.
18. ‘इफ्फी फीयेस्टा ’ - परस्पर संवादात्मक अणभव आनी सांस्कृतीक उत्सव:
ह्या वर्सा, इफ्फी पयलो फीयेस्टा, एक मनरिजवणेची कार्यावळ आयोजीत करतली, जो फिल्म, संगीत, नाच, जेवण, कला, आनी परस्पर संवादात्मक अणभवांवरवीं समाजांक एकठांय हाडपा खातीर तयार केला. महोत्सवांत वचपी लोकां खातीर क्युरेट केल्लें जेवण आनी संगीत आसतले. जाका लागून महोत्सवाची सांस्कृतीक जीवेपण वाडटले. कला अकादेमींत आनी ताचे भोंवतणीं मनरिजवण अॅरेना तरणाट्यां खातीर केंद्रीत आसतलो. तशेंच झोमाटोच्या भागीदारींतल्यान सादरीकरणां घडोवन हाडटले. ‘जर्नी ऑफ इंडियन सिनेमा’ भोंवतणी कार्निवाल परेड 22 नोव्हेंबर 2024 दिसा फिएस्टाचो एक भाग म्हूण घडोवन हाडटले.
19. सुलभताय आनी समावेशकता:
इफ्फीच्या इतिहासांत पयलेच फावट , 55 वी इफ्फी सुलभ इफ्फी आसतली. फिल्म महोत्सव सगळ्या सिनेमाप्रेमींक, खास करून दिव्यांगजना सयत चलपांक त्रास आशिल्ल्यांक सुलभ आसचो हे खातीर इफ्फीन एक संस्थेवरवी स्वयम सुलभताय अशे हे व्यवस्थेक नांव दिलां. इफ्फी २०२४ समावेशकताये खातीर बांदील आसा, सगळ्यो सुवाती भौतिक रितीन सुलभ केल्यात, दिव्यांगजानाच्या गरजे विशीं स्वयंसेवकांक संवेदनशील केल्यात. इफ्फीतल्या सिनेमा, कार्यावळी, कार्यावळींनी ऑडिओ, सांकेतिक भाशेचो अर्थ लावप, ऍप्लिकेशनांचो वापर करून सुलभताय सुनिश्चीत करप, भारताच्या प्रधानमंत्र्यांनी दिल्ल्या “सबका साथ, सबका विकास” च्या घोषणेक मूर्त रूप दिवप अशीं सुलभताय खाशेलपणां आसात.
20. फेस्टिवल स्थळांचें ब्रँडींग आनी सजावट :
एनएफडीसी आनी ईएसजीन सगळ्या फेस्टिवल स्थळांचेर ‘एकवटीत’ सजावट आनी ब्रँडींग करपा खातीर एनआयडी, अहमदाबाद हांचे वांगडा भागीदारी केल्या.
अंदूं इफ्फी एक गिरेस्त सिनेमा अणभव दिवपाक सज्ज आसा. अंदूंचो इफ्फी सांस्कृतीक दायजा वांगडा नवनिर्माण भरसून , आनी संवसारभरांतल्या प्रेक्षकांक चित्रपट निर्मितीचो उत्सव मनोवपाची इत्सा बाळगून आसा .
प्रतिनिधी नोंदणी, कार्यावळीचे वेळापत्रक आनी ताजी माहिती जाणून घेवपाक, iffigoa.org ह्या संकेतथळाक भेट दिवची.
इफ्फीविशीं :
इफ्फी हो संवसारांतल्या 14 व्हड आनी प्रतिश्ठीत ‘इंटरनॅशनल काँपिटिशन फिचर फिल्म फेस्टिव्हलातलो’ एक आसून, ताका संवसारीक पांवड्यार चित्रपट महोत्सवांचेर नियंत्रण दवरपी, आंतरराष्ट्रीय फिल्म निर्माते संघटनेकडल्यान (एफआयएपीएफ) मान्यताय मेळ्ळ्या. कान, बर्लिन आनी व्हेनिस सारकिले आंतरराष्ट्रीय चित्रपट महोत्सव, हे अशे हेर नामनेचे महोत्सव आसात, जांका ह्या वर्गा खाला एफआयएपीएफकडल्यान मान्यताय मेळ्ळ्या.
***
S. Jan/M. Prabhugaonkar/DineshYadav
(Release ID: 2072602)
Visitor Counter : 43
Read this release in:
Odia
,
Punjabi
,
Assamese
,
Telugu
,
Urdu
,
English
,
Khasi
,
Hindi
,
Gujarati
,
Kannada
,
Tamil
,
Marathi
,
Malayalam