0 2

৫৫শুবা ইন্তরনেসনেল ফিল্ম ফেস্তিবেল ওফ ইন্দিয়া (আই.এফ.এফ.আই) না ভারত সেনিমাগী শক্তম কয়া শাগৎখিবা সেনিমাগী শক্নাইরবা মরি ইকায়খূম্নবা উৎকদৌরি। চহি অসিদা ইকায়খুম্নবা উৎপগী থৌরমশিং, ফিল্মশিং উৎতুনা অমসুং খন্ন-নৈনবশিং পাংথোক্তুনা, সেনিমাগী তাইবংদা ফিল্মগী শক্নাইরবশিং অসিনা পাংথোক্লম্বা থবকশিং দেলিগেতশিং নকশিন্ননা য়েংহন্দুনা চহি অসিদা আই.এফ.এফ.আইনা রাজ কাপুর, তাপন সিনহা, অক্কিনেনি নাগেশ্বর রাও অমসুং মহমদ রফিগী মফমদা ইকায়খুম্নবা উৎকদৌরি।

এন.এফ.দি.সি-এন.এফ.এ.আইনা মুৎপা নাইদ্রবা ক্লাসিকশিং অমুক হন্না শেমজিন-শাজিল্লে

শক্নাইরবশিং অসি ইকায়খুম্নবা উৎপা ওইনা, ইন্তরনেসনেল ফিল্ম ফেস্তিবেল ওফ ইন্দিয়ানা এন.এফ.দি.সি-এন.এফ.এ.আইনা অমুক হন্না শেমজিল্লবা মখোয়গী মুৎপা নাইদ্রবা ক্লাসিকশিংগী অনৌবা ভর্সন উৎকনি। শেমজিল্লবা প্রিন্তশিং অসিদা ভাবকশিংনা হায়রিবা ফিল্মশিং অসিগী ফজবা অমসুং কলাগী গুনশিং অমসুং অমসুং অকুপ্পশিং উবা ফংলগনি।

ফিল্মশিংগী মনুংদা, দিজিতেল ওইনা শেম্লবা রাজ কাপুরগী অৱারা উৎকনি অমসুং মীচম অমগী পুন্সি খোঙচৎ উৎখিবা রাজ কাপুরগী ফজবা, ফাগি অমসুং মীনুংশিং অমুক হিঙ্গৎহনগনি। ফিল্ম অসি অমুক হন্না শেমজিনবা অসিনা ভারতকী সেনিমাদা কাপুরনা পাংথোক্লম্বা লাম্বা লৈতবা থবকশিং অমসুং খুন্নাইগী থৌদোক-ৱাথোকশিং ময়েক শেংনা উৎপা মহাক্কী কলাগী থবকশিং ইকায়খুম্নবা উৎপনি।

তাপন সিনহানা দিরেক্সন পীবা ক্লাসিক হরমোনিয়ম উৎকনি, সিনহাগী ৱারি অসিগী হৈশিংবা অদু অমুক হন্না মশক খঙদোক্নবা ভাবকশিংদা চেবাউ পীরি। ফিল্ম অসিগী থিম অমসুং ৱারি লিবগী মওংগী মমিং চৎলিবা হরমোনিয়মদা সিনহাগী কলাগী হৈথোই-শিংথোইবা অমসুং সেনিমাগী মীৎয়েং অদু ফোঙদোক্লি।

সেনিমাগী পুৱারিদা অচৌবা মফম অমা কনখিবা অক্কেনি নাগেশ্বর রাওগী শেমজিল্লবা দেবদাসু ফেস্তিবেল অসিগী মগুন হেনগৎহনগনি। ফিল্ম অসিদা নাগেশ্বর রাও দেবদাসকী শক্তম লাংখি অমসুং ভারতকী কলচরদা অকনবা মমি অমা তাখিবা রোল অমদা মহাক্কী এক্তিং অদুগা হৌজিক্কী মীরোলগী ভাবকশিংগা শম্নবা ঙমহল্লে।

অরোইবদা, অমুক হন্না ওদিও অমসুং ভিজুএল ফগৎহল্লবা ক্লাসিক হম দোনো উৎকনি। শক্নাইরবা শৈশকপা মহমদ রফিগী মুৎপা নাইদ্রবা ঈশৈশিংগা লোয়ননা, ভর্সন অসিদা ভারতকী ঈশৈ অমসুং সেনিমাদা রফিগী তোপ-তোপ্পা থৌদাং হরাওবা ফোঙদোক্কনি অমসুং মীরোল কয়াদা মহাক্কী খোঞ্জেলগী মিত্রং অদু হিঙ্গৎহনগনি।

শক্নাইরবশিং ইকায়খুম্নবা উৎপা

শেমজিল্লবা ক্লাসিকশিং উৎপগী মথক্তা, ফেস্তিবেল মনুংদা শক্নাইরবা মরি অসি ইন্তরনেসনেল ফিল্ম ফেস্তিবেল ওফ ইন্দিয়ানা ইকায়খূম্নবা উৎকনি। শক্নাইরবা মরি অসিগী পুন্সি অমসুং মাইপাকপশিং ইকায়খুম্নবা উৎপা ফজরবা থৌরম অমা ফেস্তিবেল হৌদোকপা থৌরমদা উৎকনি অমসুং মসিদা মখোয়গী পুন্সিদা সেনিমাগী খোঙচৎ য়াওবা ওদিওভিজুএল অমা উৎকনি।

খন্ন-নৈনবা অমসুং ৱারি শান্নবগী থৌরমশিং :

শক্নাইরবা মীওইশিং অমসুং ইমুং-মনুংগী মীওইশিংগা লোয়ননা খন্ন-নৈনবা থৌরমশিং পাংথোক্তুনা মখোয়গী পুন্সিগী মরমদা হেন্না খঙহনগনি। হায়রিবা খন্ন-নৈনবা অসিনা ফিল্ম ইন্দস্ত্রিদা মখোয়গী থবকশিংদা লনাই অমসুং শীনফম অসিনা পীরিবা ইথিল খঙবা ঙমগনি।

মাই স্তাম্প হৌদোকপা: ইকায়খুম্নবা উৎপগী অখন্নবা থৌরম অমা ওইনা, ভারতকী কলচর অমসুং সেনিমাদা মখোয়গী তাহল্লম্বা মমি উৎপা ওইনা, হায়রিবা শক্নাইরবা মরি অসিদা কৎথোক্লবা অখন্নবা মাই স্তাম্পা অমা ইন্তরনেসনেল ফিল্ম ফেস্তিবেল ওফ ইন্দিয়ানা ফোঙদোক্কনি।

লোল অনিগী ব্রোচ্যুরশিং: শক্নাইরবা অমমমগী মাইপাকপশিং উৎপা অখন্নবা লোল অনিগী ব্রোচ্যুর পুথোক্তুনা ফেস্তিবেল অসি শরুক য়ারিবশিং সেনিমাগী শক্নাইরবা মীওইশিং অসি থাগৎনবা অমসুং ইকায়খুম্নবা উৎনবা খুদোংচাবা পীগনি।

ঈশৈশিং : ভারত সেনিমাগী সাউন্দ ত্রেক্তা মখোয়গী ইথিল খঙহন্নবা, রাজ কাপুর অমসুং মহমদ রফিগী ঈশৈ ১৫০ অমসুং তপন সিনহা অমসুং নাগেশ্বর রাওগী ঈশৈ ৭৫ গী থৌরম অমা উৎকনি।

একজিবিসন: রাজ কাপুর, তপন সিনহা, এ.এন.আর অমসুং মহদম রফিগী পুন্সিশিংগী অতাংবা পোৎলমশিং, ফোতোগ্রাফশিং অমসুং কলাগী ওইবা পোৎলমশিং য়াওবা একজিবিসন অমা পাংথোক্কনি অমসুং মখোয়না পাংথোক্লম্বা শিংথানিঙাই ওইরবা থবকশিং মীয়ামদা খঙহনগনি।

থিমগা মরী লৈনবা থবকশিং: ফেস্তিবেলগী নুমিৎশিং শক্নাইরবা মীওই অমমমদা কৎথোক্তুনা, হরাও-কুহ্মৈ পাংথোক্নবা মফমদা থিমগা মরী লৈনবা থৌরমশিং পাংথোক্কনি। থৌরমশিংগী মনুংদা দিজিতেল দিসপ্লেশিং, কুইজশিং য়াওহন্দুনা শক্নাইরবা মীওইশিং অসিগা ভাবকশিংগা শম্নহনগনি অমসুং মুৎপা নাইদ্রবা মখোয়গী থবকশিং ভাবকশিংদা খঙহনগনি।

লৈঙোইদা মীতম শাবগী কলা উৎপা:

সেন্তিনারি থৌরমশিংগী শরুক অমা ওইনা, শক্নাইরবা কলাকারশিং অসিদা ইকায়খুম্নবা উৎপা অমা ওইনা, মমিং চৎলবা সেন্ত আর্তিস্ত অমসুং পদ্ম শ্রী ফংলবা শ্রী সুদর্সন পাতনাইক্না কলা একাদেমিদা লৈঙোইদা মীতম শাদুনা মীয়ামদা উৎকনি।

তুংকোইনা ইকায়খুম্নবা উৎপা অমা:

কলা, পুৱারি, অমসুং ৱারি শানবগী থৌরমশিং অমতা ওইনা পুন্না পাংথোক্তুনা, রাজ কাপুর, তপন সিনহা, নাগেশ্বর রাও অমসুং মহমদ রফিগী মমল নাইদ্রবা কলাগী মমিশিং হৌজিক্কী মীরোলশিংদা ইথিল পীনবা ইন্তরনেসনেল ফিল্ম ফেস্তিবেল ওফ ইন্দিয়ানা হোৎনরি।

ইন্তরনেসনেল ফিল্ম ফেস্তিবেল ওফ ইন্দিয়ানা ফিল্মশিং উৎপা খক নত্তনা ফিল্ম পামজবশিং মফম অমদা পুনহল্লে। মসিগী মহাও অমগা লোয়ননা, মখোয়গী মুৎপা নাইদ্রবা কলাগী থবকশিংনা ভাবকশিং অমসুং মালেম শীনবা থুংবগী কলাকারশিং মখা তানা ইথিল পীনবা মস্তার-ক্রাফসমেন কয়া ইকায়খুম্নবা উৎনবা অমসুং সেনিমাগী মহাও লৌনবা ইন্তরনেসনেল ফিল্ম ফেস্তিবেল ওফ ইন্দিয়ানা খুদোংচাবা কয়া পীনবা হোৎনরি।

*****