এগ্রিকলচর অমসুং হোর্তিকলচরগী অফবা মরুশিং ফংহন্নবা পান্দম অমদা, গভর্নমেন্ত ই মার্কেতপ্লেস (জি ই এম) পোর্তেলদা মরু কাংলুপ ১৭০ য়াওহল্লে। লাক্লিবা লৌরোক থা অসিগী মাংওইন্না শেমদুনা, অনৌবা শেম্লবা কাংলুপশিং অসিদা কেন্দ্র/রাজ্যগী পি.এস.য়ুশিং অমসুং লৈবাক শীনবা থুংনা লৈরিবা অতোপ্পা ভর্নিং বোদিশিংনা লৈবা য়ানবা চাউরাক্না মরু মখল ৮,০০০ রোম য়াওরে।

স্তেৎ সিদ কোর্পোরেসনশিং অমসুং রিছার্স বোদিশিং য়াওনা মরী লৈনবশিংগা তারনগা শেমদুনা, জি.ই.এম পোর্তেলদা য়াওরিবা মরু কাংলুপশিং অসিনা মরু লৈনবা, ভারত সরকারগী চৎন-কাংলোনশিং ঙাক্নবা অমসুং মরু লৈরিবা ওথোরিতিশিংগী থবক লাইহন্নবা থৌরাং তৌরবা ফ্রেমৱার্ক অমা পীরে।

পোর্তেলগী খুৎথাংদা কাংলুপ্তা য়ুম্ফম ওইরবা লৈবা পুক্নিং থৌগৎনবা জি.ই.এমগী লাল্লোংগী শরুক অমা ওইনা হায়রিবা অনৌবা কাংলুপশিং অসি চৎনহনবনি। থবক ফজনা পাংথোকপা হেনগৎহন্নবা পান্দম অমগা লোয়ননা, কাংলুপ্তা য়ুম্ফম ওইরগা মরু লৈনবা অসিনা তেন্দরগী থবকশিংদা মতম চঙবা হন্থহন্নবা, সরকারনা মরু লৈবদা অরোন-অথুপ লৈহন্দনবা অমসুং লৈবাক শীনবা থুংনা লৈরিবা মরু য়োনবশিং শরুক য়াহন্নবা পান্দম থম্লি।

জি.ই.এমগী দিপুতি সি.ই.ও শ্রীমতি রোলি খারেনা হায়খি মদুদি হায়রিবা অনৌবা মরু কাংলুপশিং অসিদা য়াওনবা ঐখোয়না মরু য়োল্লিবশিংদা খঙহল্লি অমসুং সরকারগী তেন্দরশিং অপনবা লৈতনা শরুক য়ানবা মখোয়গী মরুশিংগী মমিং পীগৎনবা খঙহল্লি। মমল হোংনা মরুশিং লৈনবা হায়রিবা অনৌবা কাংলুপশিং অসি শীজিন্ননবা ঐখোয়না সিদ কোর্পোরেসনশিং/স্তেৎ বোদিশিংগী পুক্নিং থৌগৎলি।

***