ગુણવત્તાયુક્ત કૃષિ અને બાગાયતી બીજની ઍક્સેસને સરળ બનાવવાના મિશન પર, ગવર્નમેન્ટ ઇ માર્કેટપ્લેસ (GeM) એ પોર્ટલ પર 170 બિયારણ કેટેગરી સુધારી અને રજૂ કરી છે. આગામી પાકની મોસમ પહેલા બનાવવામાં આવેલ, નવી શ્રેણીઓમાં લગભગ 8,000 બિયારણની જાતો છે જે સમગ્ર દેશમાં વધુ પ્રસાર માટે કેન્દ્ર/રાજ્ય PSU અને અન્ય સંચાલક સંસ્થાઓ દ્વારા ખરીદી શકાય છે.

રાજ્યના બીજ કોર્પોરેશનો અને સંશોધન સંસ્થાઓ સહિતના હિતધારકો સાથે પરામર્શ કર્યા પછી બનાવવામાં આવેલ, GeM પોર્ટલ પરની બિયારણ શ્રેણીઓ બિયારણ પ્રાપ્તિ માટે તૈયાર માળખું પ્રદાન કરે છે, જેમાં ભારત સરકાર દ્વારા પ્રવર્તમાન નિયમો અને વિનિયમો અને જરૂરી પરિમાણોનો સમાવેશ કરવામાં આવે છે, જે સત્તાધિકારીઓ પ્રાપ્ત કરવા માટેની સમગ્ર પ્રક્રિયાને સરળ બનાવે છે.

આ નવી કેટેગરીઝની શરૂઆત પોર્ટલના માધ્યમથી શ્રેણી આધારિત ખરીદને પ્રોત્સાહન આપવા GeMની વ્યાપક વ્યૂહરચનાનો એક ભાગ છે. કાર્યક્ષમતા વધારવા પર ભાર મુકવા સાથે, બિયારણની શ્રેણી આધારિત પ્રાપ્તિનો હેતુ ટેન્ડરીંગ પ્રક્રિયાઓમાં વપરાતો સમય ઘટાડવાનો, સરકારી ખરીદીમાં પારદર્શિતા અને જવાબદારીને ઉત્તેજીત કરવાનો છે, જ્યારે દેશભરના વિક્રેતાઓની ભાગીદારી વધારવાનો છે.

શ્રીમતી રોલી ખરે, ડેપ્યુટી સીઈઓ, GeMએ કહ્યું, “અમે વિક્રેતાઓને આ નવી બિયારણ કેટેગરીનો લાભ લેવા અને સરકારી ટેન્ડરોમાં મુક્તપણે ભાગ લેવા માટે તેમની ઓફરને સૂચીબદ્ધ કરવા માટે આમંત્રણ આપીએ છીએ. અમે બિયારણ નિગમો/રાજ્ય સંસ્થાઓને ગુણવત્તાયુક્ત બીજની ખર્ચ-અસરકારક પ્રાપ્તિ માટે આ નવી શ્રેણીઓનો ઉપયોગ કરવા માટે પણ પ્રોત્સાહિત કરીએ છીએ.”

AP/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com