ইন্নোভেসন, মোবিলিতী অমসুং সস্তেনেবিলিতীগা লোয়ননা পুন্না চাউখৎমিন্নবা

প্রধান মন্ত্রী নরেন্দ্র মোদী অমসুং ফেদরেল চাঞ্চেলর ওলাফ স্কোলজা নই দিল্লীদা ওক্তোবর 25, 2024 দা ইন্দিয়া-জর্মনী ইন্তর-গভর্নমেন্তেল কনসল্তেসন্স (7শুবা IGC)গী তরেৎশুবা রাউন্দ পুন্না চিয়র লৌখ্রে। দেলিগেসনশিং অদুদা ঙাকশেল মন্ত্রালয়, মপাল থৌরম মন্ত্রালয়, কম্মর্স অমসুং ইন্দস্ত্রীজ, লেবর অমসুং এমপ্লোইমেন্ত, সাইন্স অমসুং তেক্নোলোজী, অমসুং স্কিল দিবেলপমেন্তনা ভারতকী মাইকৈদগী অমসুং ইকনোমিক এফিয়র্স অমসুং ক্লাইমেৎ এক্সন, ফোরেন এফিয়র্স, লেবর অমসুং সোসিএল এফিয়র্স, অমদি এজুকেসন অমসুং রিসর্চকী মন্ত্রীশিংনা জর্মনগী মাইকৈদগী লোয়ননা জর্মনগী মাইকৈদগী ফাইনান্স; এনভাইর্নমেন্ত, নেচর কঞ্জর্বেসন, ন্যুক্লিয়র সেফতী অমসুং কঞ্জুমর প্রোতেক্সন; অমসুং ইকনোমিক কোওপরেসন অমসুং দিবেলপমেন্তকী পর্লিয়ামেন্তরী স্তেৎ সেক্রেতরীশিং অমদি নাকল অনিমক্কী মকোক থোংবা ওফিসিএলশিংনা শরুক য়াখি ।

2. প্রধান মন্ত্রী শ্রী নরেন্দ্র মোদীনা চাঞ্চেলর ওলাফ স্কোলজবু মহাক্কী অহুমশুবা ভারত খোঙচৎতা উনদুনা তরাম্না ওকখ্রে। লুচিংবা অনিনা সরকার, ইন্দস্ত্রী, সিভিল সোসাইতী অমসুং একাদেমিয়াগী মরক্তা নাকল অনিগী ওইবা মরীদা নৌনা শাহৌ পীবগীদমক থাগৎপা ফোংদোকখি। মসিনা ভারত অমসুং জর্মনীগী মরক্তা স্ত্রেতেজিক পার্তনরশিপকী অওনবা পুরকপদা অচৌবা থৌদাং লৌরি।

3. লুচিংবা অনিমক্না জর্মনী, ভারত অমসুং ইন্দো-পেসিফিক লমদমগী মরক্তা শেন্মিৎলোনগী মরী অমসুং স্ত্রেতেজিক পার্তনরশিপ মপাঙ্গল কনখৎহন্নবগীদমক, 7শুবা IGCগা মান্ননা নই দিল্লীদা পাংথোক্লিবা এসিয়া-পেসিফিক কনফরেন্স ওফ জর্মন বিজিনেস (APK) গী মরু ওইবা অদু থমখি। 2024গী কনফরেন্স ভারত্তা পাংথোক্নবা ৱারেপ লৌখিবা অসিনা ইন্দো-পেসিফিক অমসুং মালেমগী ওইনা ভারতকী রাজনিতীগী ওইবা মরুওইবা অদু উৎলি।

4. "ইন্নোভেসন, মোবিলিতী অমসুং সস্তেনেবিলিতীগা লোয়ননা চাউখৎপা" হায়বা মোতো অসিগী মখাদা, 7শুবা IGCনা তেক্নোলোজী অমসুং ইন্নোভেসন, লেবর অমসুং তেলেন্ত, মাইগ্রেসন অমসুং মোবিলিতী, ক্লাইমেৎ এক্সন, গ্রীন অমসুং সস্তেনেবল দিবেলপমেন্ত অমসুং ইকনোমিক, দিফেন্স অমসুং স্ত্রেতেজিক কোওপরেসনদা অখন্নবা মীৎয়েং থমখি। নাকল অনিমক্না য়ানখি মদুদি মথক্তা পনখ্রিবা হীরমশিং অসি ঐখোয়গী ত্রেদ, ইনভেস্তমেন্ত, দিফেন্স, সাইন্স, তেক্নোলোজী, ইন্নোভেসন, সস্তেনেবিলিতী, রিন্যুএবল ইনর্জী, ইমর্জিং তেক্নোলোজীশিং, দিবেলপমেন্ত কোওপরেসন, কলচর, এজুকেসন, সস্তেনেবল মোবিলিতী, সস্তেনেবল রিসোর্স মেনেজমেন্ত, বাইওদাইবর্সিতী, ক্লাইমেৎ রেসিলিয়েন্সী অমসুং পিপল-তু-পিপলগী মরীশিংদা য়াওরিবা মখল কয়াগী পার্তনরশিপকী মরুওইবা দ্রাইবরশিং ওইগনি।

5. চহি 2024 অসি সাইন্তিফিক রিসর্চ অমসুং তেক্নোলোজিকেল দিবেলপমেন্তকী লমদা ইন্দো-জর্মন কোওপরেসনগী ফ্রেমৱার্ক অসি ইন্সতিত্যুস্নেল ওইহনখিবা সাইন্তিফিক রিসর্চ অমসুং তেক্নোলোজিকেল দিবেলপমেন্তকী লমদা কোওপরেসনগী ইন্তর গভর্নমেন্তেল এগ্রীমেন্ত খুৎয়েক পীনখিবা চহি 50 শুবা মপোক কুমওননি। মসিগী মতাংদা, 7শুবা IGCনা ভারত অমসুং জর্মনীগী মরক্তা অচেৎপা মরী অসি নৌহৌনা শেমগৎনবা অমসুং তেক্নোলোজী অমসুং ইন্নোভেসনবু মতেং পীনবগী মরুওইবা য়ুম্বী অমা ওইনা মরুওইনা লৌনবা খুদোংচাবা অমা পীখি।

6. 6শুবা IGCগী মনুংদা, সরকার অনিমক্না গ্রীন অমসুং সস্তেনেবল দিবেলপমেন্ত পার্তনরশিপ (GSDP) লাউথোকখি। মসিনা হিরম অসিদা বাইলেতরেল ফোর্মেৎশিং অমসুং জোইন্ত ইনিসিএতিবশিংগীদমক অম্ব্রেলা অমা ওইনা মথৌ তৌরি। মসিগী মতুংদা, নাকল অনিমক্না দিসেম্বর 2022দা মাইগ্রেসন অমসুং মোবিলিতী পার্তনরশিপ এগ্রীমেন্ত (MMPA) দা খুৎয়েক পীনখি অমসুং ফেব্রুৱারী 2023দা "ইন্নোভেসন অমসুং তেক্নোলোজীদা মতেং পীনবা হেনগৎহন্নবা ভারত-জর্মনী ভিজন" হৌদোকখি। 6শুবা IGCগী ফলশিং অমসুং মসিগী মতুংদা নাকল অনিমক্না য়ানখিবা তোঙান তোঙানবা এগ্রীমেন্তশিং নীংশিংদুনা, সরকার অনিমক্না "ইন্দিয়া-জর্মনী ইন্নোভেসন অমসুং তেক্নোলোজী পার্তনরশিপ রোদমেপ" হৌদোকখি অমসুং "ইন্দো-জর্মনী গ্রীন হাইদ্রোজেন রোদমেপ" হৌদোকখি। মসিগী পান্দমদি শান্তি, সেক্যুরিতী অমসুং স্তেবিলিতীগীদমক পুন্না চাউখৎপা গ্রীন হাইদ্রোজেনগী কৈথেল হেনগৎহনবনি।

7. লুচিংবা অনিনা পেক্ত ওফ দি ফ্যুচর অদু পনখি অমসুং দেমোক্রেসী, ফ্রীদম, ইন্তর্নেস্নেল পিস অমসুং সেক্যুরিতী অমসুং UN চার্তরগী পান্দম অমসুং প্রিন্সিপলশিংগী মতুং ইন্না রুলশিংদা য়ুম্ফম ওইবা ইন্তর্নেস্নেল ওর্দর য়াওনা শরুক য়ামিন্নরিবা ভেল্যুশিং অমসুং প্রিন্সিপলশিং ঙাক্নবা মখোয়গী ফিরেপ অদু অমুক হন্না ফোংদোকখি। সরকার অনিমক্না মল্তিলেতরেল সিস্তেমবু মপাঙ্গল কনখৎহন্নবা অমসুং শেমদোক্নবা মখোয়গী অচেৎপা ফিরেপ অদু ফোংদোকখি। মসিগী মনুংদা হৌজিক্কী মতমগী ওইবা ৱাফমশিং অদু উৎনবা, হৌজিক্কী অমসুং তুংগী ওইবা শীংনবশিং থেংননবা অমসুং মালেম শীনবা থুংনা শান্তি অমসুং তংদু লৈতাবা ঙাক্নবা UN সেক্যুরিতী কাউন্সিলগী মেম্বরশিপকী পর্মিনেন্ত অমসুং নন-পর্মিনেন্ত কেতেগোরী অনিমক পাকথোক চাউথোকহনবগী ৱাফমসু য়াওরি। লুচিংবা অনিনা লেপ্পা মতমগী মনুংদা IGN দা তেক্স-বেজ নেগোসিএসন তৌনবা হায়খি।

8. রিজনেল অমসুং গ্লোবেল ক্রাইসিসশিংবু ইফেক্তিব ওইনা থেংনবদা UN সেক্যুরিতী কাউন্সিলনা থেংনরিবা খুদোংচাদবশিং অসিনা রিফোর্মগী তঙাই ফদবগী মরমদা পুক্নিং চিংশিনবা পোকহল্লি হায়না ভারত অমসুং জর্মনীনা য়ানখি। "গ্রুপ ওফ ফোর (G4) "গী মেম্বরশিং ওইনা, ভারত অমসুং জর্মনীনা সেক্যুরিতী কাউন্সিল অমা ইফিসেন্ত, ইফেক্তিব, ত্রান্সপরেন্ত অমসুং 21শুবা চহিচাগী রিএলিতিশিং রিফ্লেক্ত তৌরিবা অমা ওইহন্নবা মখোয়গী অপাম্বা অদু অমুক হন্না ফোংদোকখি।

9. লুচিংবশিংনা অকিবা অমসুং নুংঙাইতবা হ্যুমেনিতরিয়ন কন্সিক্বেন্সশিং য়াওনা য়ুক্রেনদা চত্থরিবা লানগী মতাংদা মখোয়গী নুংনাংবা ফোংদোকখি।  মখোয়না UN চার্তরগী পান্দম অমসুং কাংলোনশিংগা লোয়ননা, সোভরেন্তী অমসুং তেরিতোরিএল ইন্তিগ্রিতীগী অপুনবগী ইকাই খুম্নবা য়াওনা, ইন্তর্নেস্নেল লোগা চুনবা, অচুম্বা অমসুং মতম শাংনা চৎনবা য়াবা শান্তি অমা লৈবগী তঙাই  ফদবা অদু অমুক হন্না ফোংদোকখি। মখোয়না য়ুক্রেনগী লান অসিনা মালেমগী ওইনা, মরুওইনা চাউখৎলক্লিবা অমসুং চাউখৎলবা লৈবাকশিংদা, চিঞ্জাক অমসুং ইনর্জীগী সেক্যুরিতীদা শোকহল্লিবা, নেগেতিব ইম্পেক্তশিং অদুসু পনখি। মসিগী লান অসিগী মতাংদা মখোয়না ন্যুক্লিয়র খুৎলাই শীজিন্নবা, নৎত্রগা শীজিন্নবগী অকিবা পোকহনবা অসি য়াবা নত্তে হায়বা ৱাফম থমখি। মখোয়না ইন্তর্নেস্নেল লো ঙাক্না চৎপগী মরুওইবা অদু ফোংদোকখি অমসুং UN চার্তরগা চুনবা মওংদা, স্তেত খুদিংমক্না লৈবাক অমহেক্তগী লমদমগী অপুনবা অমসুং লৈঙাক্লোন নত্ত্রগা রাজনিতীগী নীংতম্বগী মায়োক্তা শক্তি শীজিন্নবা নত্ত্রগা শক্তি শীজিন্নবগী অকিবা পীবা থিংগদবনি হায়না অমুক হন্না ফোংদোকখি।

10. লুচিংবা অনিনা মিদল ইস্ততা শান্তি অমসুং তংদু লৈতাবা পুরকপদা মখোয়গী অপুনবা অপাম্বা ফোংদোকখি। মখোয়না 2023গী ওক্তোবর 7দা হমাসনা চত্থখিবা তেরোরিস্ত এতেকশিং অদু অকনবা মওংদা য়ানিংদবা ফোংদোকখি অমসুং গাজাদা সিবিলিয়নশিংগী পুন্সি কয়া মাংখিবা অমসুং হ্যুমেনিতরিয়ন ক্রাইসিসকী মতাংদা অৱাবা ফোংদোকখি। মখোয়না হমাসনা পন্দুনা লৈরিবশিং খুদিংমক অথুবা মতমদা থাদোক্নবা অমসুং খুদক্তা সিজফায়র তৌনবা অমসুং গাজাগী মফম পুম্নমক্তা হ্যুমেনিতরিয়ান এসিস্তেন্স য়ৌহন্নবা অমসুং তুং কোইনা চৎনহন্নবা হায়খি। লুচিংবশিংনা য়ানদবা অসি হেনগৎলকপা অমসুং লমদম অসিদা শন্দোরকপা থিংবগী তঙাইফদবা অদুদা অকনবা ৱাফম থমখি। হীরম অসিগী মতাংদা, মখোয়না রিজনেল প্লেয়র পুম্নমকপু থৌদাং লৌনবা অমসুং চেকশিন্না থবক তৌনবা হায়খি। নাকল অনিমক্না সিবিলিয়নশিংগী পুন্সি ঙাকথোকপা অমসুং মখোয়দা তেক্ত-কায়দবা, মতম চানা অমসুং তুং কোইনা হ্যুমেনিতরিয়ান রিলিফ পীবগী তঙাই ফদবা অদুদা অকনবা ৱাফম থমখি অমসুং মসিগী মতাংদা নাকল অনিমক্না ইন্তর্নেস্নেল লো ঙাক্না চৎনবা তকশিনখি। লুচিংবশিংনা লেবানন্দা ওইরিবা ফীভম হেন্না ফৎচিল্লক্তবা অসিদা অৱাবা ফোংদোকখি। মখোয়না খুদোংচাদবা থৌওংশিং অথুবা মতমদা লোইশিন্নবা হায়খি অমসুং গাজা অমসুং লেবানন্দা লৈরিবা ৱাথোকশিং অসি দিপ্লোমেতিক ওইবা পাম্বৈশিং শীজিন্নরগা লোইশিন্নবা য়ানখি। য়ুনাইতেদ নেসন্স সেক্যুরিতী কাউন্সিল রিজোলুসন 1701না ব্লু লাইনগী মনুং চন্না দিপ্লোমেতিক সোলুসন অমগী লম্বী তাক্লি। লুচিংবশিংনা ন্যুগোসিএতেদ ওইবা লৈবাক অনিগী সোলুসন অমগীদমক মখোয়গী অচেৎপা ফিরেপ অদু অমুক হন্না ফোংদোকখি। মসিনা সোভরেন, ভাইএবল অমসুং নীংতম্বা পেলেস্তাইন অমা লিংখৎপদা য়ুম্ফম ওইগনি।

11. মালেমগী খ্বাইদগী চাউবা দেমোক্রেসী অনি ওইরিবা ভারত অমসুং EUনা মল্তি-পোলার ওইবা মালেম অমদা সেক্যুরিতী, চাউখৎপা অমসুং তুং কোইনা চৎকদবা চাউখৎপা পুরকপদা মান্নবা অপাম্বা লৈ হায়না লুচিংবশিংনা ফোংদোকখি। মখোয়না ভারত- EU স্ত্রেতেজিক পার্তনরশিপ হেন্না চেৎশিলহন্নবগী মরুওইবা অদু ফোংদোকখি। মসিনা নাকল অনিমক্তা কান্নবা ফংহনবতা নত্তনা মালেমগী ওইনা কান্নবা অমা পীগনি। ললোন-ইতিক, থাজবা য়াবা তেক্নোলোজী অমসুং সেক্যুরিতীগী মরুওইবা লমশিংদা হেন্না নকশিন্ননা থবক তৌমিন্নবগীদমক ইন্নোভেতিব প্লেৎফোর্ম অমা ওইনা ভারত-EU ত্রেদ অমসুং তেক্নোলোজী কাউন্সিলনা থবক পায়খৎকনি হায়বগী থাজবা লুচিংবশিংনা থমখি। মখোয়না ভারত, জর্মনী অমসুং EUগী মেম্বরশিং ওইরিবা ইন্দিয়া-মিদ্দল ইস্ত-য়ুরোপ ইকনোমিক কোরিদোর অমসুং EUগী ইনিসিএতিব গ্লোবেল গেৎৱে য়াওনা মরুওইবা কন্নেক্তিবিতী ইনিসি‌এতিবশিং মাংলোমদা পুখৎনবা নাকল অনিমক্তা অমসুং EUগী থাক্তা হোৎনরিবশিং অদু কোওর্দিনেৎ তৌনবা য়ানখি।

12. লুচিংবা অনিমক্না য়ুরোপিয়ন য়ুনিয়ন অমসুং ভারতকী মরক্তা কমপ্রেহেন্সিব ফ্রী ত্রেদ এগ্রীমেন্ত, ইনভেস্তমেন্ত প্রোতেক্সন এগ্রীমেন্ত অমসুং জিওগ্রাফিক ইন্দিকেসনশিংগী মতাংদা এগ্রীমেন্ত অমা শেমগৎপগী মরুওইবা অদু পনখি।

13. লুচিংবা অনিমক্না তেরোরিজম অমসুং হিংসাগী ওইবা এক্সত্রিমিজমবু তেরোরিস্তশিংগী প্রোক্সিশিং অমসুং ক্রোস-বোর্দর তেরোরিজম য়াওনা মসিগী মশক মওং খুদিংমক্তা অকনবা মওংদা য়ানিংদবা ফোংদোকখি। তেরোরিজম্না মালেমগী শান্তি অমসুং তংদু লৈতানা লৈবদা অচৌবা খুদোংথীবা অমা ওইরি হায়না নাকল অনিমক্না য়ানখি। য়ুনাইতেদ নেসন্স সেক্যুরিতী কাউন্সিল (UNSC) 1267 সেঙ্ক্সন কম্মিতিনা অথিংবা থম্লিবা লুপশিং য়াওনা তেরোরিস্ত গ্রুপ পুম্নমক্কী মায়োক্তা পুন্না থবক পায়খৎনবা মখোয়না মখা তানা হায়খি। নাকল অনিমক্না লৈবাক পুম্নমকপু তেরোরিস্ত সেফ হেভনশিং অমসুং ইনফ্রাস্ত্রকচর মুত্থৎনবা অমসুং তেরোরিস্ত নেৎৱার্কশিং অমসুং ফাইনান্সিংবু ইন্তর্নেস্নেল লোগী মতুং ইন্না থিংনবা থবক পায়খৎনবা হায়খি।

14. লুচিংবা অনিনা তেরোরিস্তকী পান্দমগীদমক অনৌবা অমসুং অনৌবা তেক্নোলোজীশিং শীজিন্নরকপা, খুদম ওইনা অনমেন এয়রক্রাফ সিস্তেমশিং, তেরোরিস্তশিং অমসুং তেরোরিস্ত এন্তিতীশিংনা ভর্চুএল এসেৎশিং শীজিন্নরকপা অমসুং রেদিকেলাইজেসনগীদমক ইনফোর্মেসন অমসুং কম্ম্যুনিকেসন তেক্নোলোজীশিং লান্না শীজিন্নরকপা অসিদগী লাক্লিবা খুদোংচাদবশিং অদুগী মতাংদা খন্নখি। মসিগী মতাংদা মখোয়না 2022দা ভারত্তা UNCTC গী মীফমশিং পাংথোকপা মতমদা য়ানখিবা তেরোরিজমগী পান্দমদা অনৌবা অমসুং অনৌবা তেক্নোলোজীশিং শীজিন্নবা থিংনবা দিল্লী দিক্লারেসনবু তরাম্না ওকখি।

15. তেরোরিজম থেংননবা অমসুং মসিগী মতাংদা মালেমগী ওইবা মতেং পীনবগী ফ্রেমৱার্ক মপাঙ্গল কনখৎহন্নবা পুন্না হোৎনমিন্নবা অদু শকখঙলদুনা লুচিংবা অনিমক্না এন্তি-মনি লোন্দারিং অমসুং তেরোরিজম ফাইনান্সিং থেংননবা FATF য়াওনা লৈবাক পুম্নমক্না ইন্তর্নেস্নেল স্তেন্দর্দশিং ঙাক্না চৎপগী মরুওইবা অদু পনখি। নাকল অনিমক্না তেরোরিস্ত এক্তকী থৌদাং লৌবশিংবু ৱায়েল-পথাপকী মমাংদা পুখৎনবা হায়খি। নাকল অনিমক্না তেরোরিজম থেংননবা জোইন্ত ৱার্কিং গ্রুপকী চাং নাইনা খন্ন-নৈনবগীদমক মখোয়গী অচেৎপা ফিরেপ অদু অমুক হন্না ফোংদোকখি। নাকল অনিমক্না তেরোরিস্ত কাংলুপশিং অমসুং মীওইশিংগী মায়োক্তা থম্লিবা সেঙ্কসনশিং অমসুং দেসিগেনেসনশিং, রেদিকেলিজম থেংননবা অমসুং তেরোরিস্তশিংনা ইন্তর্নেত শীজিন্নবা অমসুং তেরোরিস্তশিংগী ঙমখৈ লান্না চৎথোক-চৎশিন তৌবগী মতাংদা ইনফোর্মেসন লেপ্তনা এক্সচেঞ্জ তৌনবা ৱাশক লৌখি।

16. তেরোরিজমগা মরী লৈনবা ক্রাইমশিং য়াওনা ক্রাইমশিং থিংনবা, চৈরাক পীবা, থিজিনবা অমসুং প্রোসিক্যুসন তৌবদা হেন্না নকশিন্ননা থবক তৌমিন্ননবা ভারত অমসুং জর্মনীনা ক্রিমিনেলগী হিরমশিংদা ম্যুচুএল লিগেল এসিস্তেন্স ত্রেতি (MLAT) ভারত-জর্মনী MLAT অসি লৈবাক অনিগী মরক্তা ইনফোর্মেসন অমসুং ইভিদেন্স শেয়র তৌবা, ম্যুচুএল কেপাসিতী বিল্দিং অমসুং লৈবাক অনিগী মরক্তা খ্বাইদগী ফবা থৌওংশিং শেয়র তৌবা ঙমহনগদবা লৈবাক অনিগী মরক্তা সেক্যুরিতী কোওপরেসন মপাঙ্গল কনখৎহন্নবা মরুওইবা মাইলস্তোন অমনি হায়না লুচিংবা অনিনা য়ানখি।

17. সেক্যুরিতী কোওপরেসন হেন্না চেৎশিনহনবদা অপুনবা ইন্তরেস্ত লৈবা স্ত্রেতেজিক পার্তনরশিং ওইনা নাকল অনিমক্না ক্লাসিফাইদ ইনফোর্মেসন এক্সচেঞ্জ অমসুং ম্যুচুএল প্রোতেক্সনগী মতাংদা এগ্রীমেন্ত অমা লোইশিনখি। মসিনা ভারত অমসুং জর্মনগী এন্তিতীশিংগী মরক্তা কোওপরেসন অমসুং কোলাবোরেসনগীদমক লিগেল ফ্রেমৱার্ক অমা শেমখি অমসুং ক্লাসিফাইদ ইনফোর্মেসন করম্না হেন্দল তৌগদগে, প্রোতেক্ত তৌগদগে অমসুং ত্রান্সমিৎ তৌগদগে হায়বগী মতাংদা লমজিং-লমতাক পীখি।

18. মালেমগী মরুওইবা লমদমশিংদা ফোরেন পোলিসীগী মীৎয়েং হেন্না খঙনবগীদমক্তা, সরকার অনিমক্না মরী লৈনবা ফোরেন মিনিস্ত্রীশিংগী মরক্তা ৱেস্তএসিয়া অমসুং নোর্থ অফ্রিকাদা(WANA) ইন্দিয়া-জর্মনী দাইলোগ অমা লিংখৎনবা ৱারেপ লৌখি। মসি অফ্রিকা অমসুং ইস্ত এসিয়াদা মতম শাংনা লৈরক্লবা দাইলোগ মেকানিজমশিংগী মথক্তা ওইগনি। সরকার অনিমক্না পোলিসী প্লান্নিং, সাইবর সেক্যুরিতী, সাইবর ইসুশিং অমসুং য়ুনাইতেদ নেসন্স য়াওনা নাকল অনিগী ওইবা মরুওইবা হীরমশিংদা চাং নাইনা খন্ন-নৈনবগীদমক থাগৎপা ফোংদোকখি।

19. থিঙ্ক তেঙ্কশিং অমসুং ফোরেন অমসুং সেক্যুরিতী পোলিসী এক্সপর্তশিং য়াওনা অমনা অমগী মীৎয়েংবু হেন্না চেৎশিন্না খঙমিন্নবগী তঙাইফদবা অদু খঙলদুনা, সরকার অনিমক্না ইন্দিয়ন কাউন্সিল ওফ ৱর্ল্দ এফিয়র্স (ICWA), রিসর্চ এন্দ ইনফোর্মেসন সিস্তেম ফোর দিবেলপিং কন্ত্রীজ (RIS) অমসুং MEAগী মরক্তা ভারতকী মায়কৈদগী অমসুং জর্মন ইন্সতিত্যুৎ ফোর গ্লোবেল অমসুং এরিয়া স্তদীজ (GIGA), জর্মন ইন্সতিত্যুৎ ফোর ইন্তর্নেস্নেল অমসুং সেক্যুরিতী এফিয়র্স (SWP) অমসুং জর্মন ফেদরেল ফোরেন ওফিসকী মরক্তা ভারত-জর্মনী ত্রেক 1.5 দাইলোগকী কান্নবা অদু পনখি। মসিগী দাইলোগ ফোর্মেত অসিগী মথংগী মীফম নবেম্বর 2024দা পাংথোক্নবা থৌরাং তৌরি। সরকার অনিমক্না ইস্ত এসিয়াগী মতাংদা ত্রেক 1.5 দাইলোগ হৌদোকপদা থাগৎপা ফোংদোকখি অমসুং মসিগী এক্সচেঞ্জশিং অসিনা নাকল অনিমক্না হেন্না ফবা মওংদা মরী লৈনহনবদা মতেং পাংগনি হায়না য়ানখি। মসিগী খোঙজেল অসি মখা তানা থম্নবগীদমক, নাকল অনিমক্না অথুবা মতমদা ত্রেক 1.5 দাইলোগ মেকানিজমশিংগী মথংগী ইদিসন অমা পাংথোক্নবা য়ানখি।

20. নাকল অনিমক্না ইন্দো-পেসিফিক অসি ইন্তর্নেস্নেল লোদা য়ুম্ফম ওইবা, সোভরেন্তিগীদমক অমগা অমগা ইকায় খুম্নবা, অমসুং য়ানদবা কয়াগী শান্তিগী ওইবা সোলুসন, অমসুং ইফেক্তিব রিজনেল ইন্সতিত্যুসনশিংনা শৌগৎপা, ফ্রী, ওপন, ইনক্লুসিব, পেসিফিক অমসুং চাউখৎপা ওইহন্নবা হোৎনরি। নাকল অনিমক্না ASEANগী য়ুনিতী অমসুং সেন্ত্রেলিতীগীদমক মখোয়গী অচেৎপা মতেং পাংনবা অমুক হন্না ফোংদোকখি। ভারত সরকারনা ইন্দো-পেসিফিক ওসিন ইনিসিএতিব (IPOI) গী কেপাসিতী বিল্দিং পিল্লরদা জর্মনগী লুচিংবা অমসুং 2022দা ইন্তর্নেস্নেল ক্লাইমেৎ ইনিসিএতিবকী মখাদা ইন্দো-পেসিফিক ওসিন ইনিসিএতিবকী মতুং ইন্না ইনিসিএতিবকী ৱাখল্লোনশিংগীদমক কম্পিতিতিব কোল অমগী খুত্থাংদা য়ুরো মিল্লিয়ন 20 ফাওবগী কম্মিতমেন্ত তৌখিবা অদু তরাম্না ওকখি।

21. জর্মনীনা G20দা চাউখৎ-থৌরাংগী এজেন্দা G20গী সেন্তর স্তেজদা পুখৎলকপা G20 প্রসিদেন্সীদা ভারতপু থাগৎপা ফোংদোকখি। লুচিংবা অনিমক্না জর্মনীগী G20 প্রসিদেন্সীগী মতমদা কমপেক্ত ৱিথ অফ্রিকা (CwA) গী প্লেৎফোর্ম অমা হৌদোকপদগীনা ভারতকী প্রসিদেন্সীগী মতমদা অফ্রিকা য়ুনিয়নবু G20গী পর্মিনেন্ত মেম্বর অমা ওইনা য়াওহনবদগী, G20না গ্লোবেল সাউথকী ভোইসকী মগুন হেনগৎহন্নবা হোৎনবদা অচৌবা থৌদাং লৌরি হায়না য়ানখি। ভারত অমসুং জর্মনীনা ব্রাজিলগী G20 প্রসিদেন্সীনা মরুওইনা গ্লোবেল গভর্নান্স রিফোর্মশিংদা থম্লিবা মরুওইবশিংদা মখোয়গী তেংবাং পীনবা ফোংদোকখ্রে।

22. লৈবাক অনিগী মরক্তা দিফেন্সকী মরী হেন্না চেৎশিলহন্নবা লৈবাক অনিগী পান্দম অদু খঙলদুনা, জেনরেল ওথোরাইজেসন/জেনরেল লাইসেন্স (AGG) রিজিমগুম্বা মতিক চাবা রেগ্যুলেতরী ৱারেপশিংগী খুত্থাংদা হেন্না থুনা এক্সপোর্ত ক্লিয়রেন্স ফংহন্নবা জর্মন ফেদরেল সরকারনা হোৎনরিবশিং অদু ভারত সরকারনা তরাম্না ওকখি। নাকল অনিমক্না ভারত্তা স্ত্রেতেজিক এক্সপোর্তশিং শৌগৎনবা ৱাশক লৌখি অমসুং মরী লৈনবা দিফেন্স ইন্দস্ত্রীশিংগী মরক্তা কো-দেবেলপমেন্ত, কো-প্রদক্সন অমসুং জোইন্ত রিসর্চ পুক্নিং থৌগৎখি। ভারত অমসুং জর্মনীগী মরক্তা দিফেন্স ইন্দস্ত্রীএল পার্তনরশিপ মপাঙ্গল কনখৎহন্নবা ওক্তোবর 24দা নই দিল্লীদা পাংথোকখিবা দিফেন্স রাউন্দ তেবল অদু সরকার অনিমক্না থাগৎখি।

23. লেপ্পা লৈতনা চৎমিন্নবা অমসুং আর্মদ ফোর্সেসকী মরক্তা তেংবাং পীনবা হেনগৎহনবগী মথক্তা, ভারত অমসুং জর্মনীগী মরক্তা স্ত্রেতেজিক পার্তনরশিপকী মরুওইবা য়ুম্বী অমা ওইনা দিফেন্স কোওপরেসন চাউখৎহন্নবা মীৎয়েংগা লোয়ননা নাকল অনিমক্না মথংগী চহিদা ভারত্তা পাংথোক্কদৌরিবা হায় দিফেন্স কম্মিতী (HDC) ভারত অমসুং জর্মনীনা ন্যু দিল্লীগী সেন্তর ফোর UNপিসকীপ্পিং (CUNPK) অমসুং জর্মনীগী মাগী কন্তের্পোর্ত, হেমমেলবুর্গকী বুন্দেসভের য়ুনাইতেদ নেসন্স ত্রেনিং সেন্তর (GAFUNTC) গী মরক্তা পীসকীপ্পিংগা মরী লৈনবা ত্রেনিংদা মতেং পীনবা লোইশিন্নবা য়ানখি অমসুং 2025দা বার্লিনদা পাংথোক্কদৌরিবা পিসকীপ্পিং মিনিস্তরেল মীফমদা থাজবা থম্লি।

24. মালেমগী ওইবা শীংনবশিং কোকহন্নবগীদমক্তা অমসুং চাউখৎপা অমসুং সেক্যুরিতীগীদমক্তা ইন্দো-পেসিফিক্কী মরুওইবা অদু নাকল অনিমক্না ফোংদোকখি। ইন্দো-পেসিফিককীদমক ফেদরেল গভর্নমেন্তকী পোলিসী গাইদলাইনশিং অদুগী মতুং ইন্না জর্মনীনা লমদম অদুগা মরী লৈনবশিংবু হেনগৎহনগনি। ইন্দো-পেসিফিক য়াওনা মেরিতাইম দোমেন পুম্নমক্তা, 1982গী য়ুনাইতেদ নেসন্স কনভেন্সন ওন দি লো ওফ সী (UNCLOS) দা য়াওরিবা, ইন্তর্নেস্নেল লোগী মতুং ইন্না নেভিগেসনগী নীংতম্বা অমসুং অথিংবা লৈতবা সমুদ্রগী লম্বীগী মরুওইবা অদু নাকল অনিমক্না ফোংদোকখি। মসিগী মতাংদা, ভারত অমসুং জর্মনীগী লান্মীশিংগী মরক্তা ম্যুচুএল লোজিস্তিক সপোর্ত অমসুং এক্সচেঞ্জগী মতাংদা মেমোরেন্দম ওফ এরেঞ্জমেন্ত অমা লোইশিন্নবা অমসুং দিফেন্স অমসুং সেক্যুরিতীগী মরীশিং হেন্না চেৎশিলহন্নবা অমসুং ইন্দো-পেসিফিক থীএতর য়াওনা ম্যুচুএল লোজিস্তিক সপোর্ত পীনবগী য়ুম্ফম অমা শেম্নবা সরকার অনিমক্না মখোয়গী অপাম্বা ফোংদোকখি। ইন্দো-পেসিফিক্তা মতেং পীনবা হেনগৎহন্নবা, জর্মনীনা IORদা মেরিন ত্রাফিক য়েংশিন্নবা গুরুগ্রামদা লৈবা ইনফোর্মেসন ফ্যুজন সেন্তর- ইন্দিয়ন ওসিন রিজন (IFC-IOR) দা লিয়াজন ওফিসর অমা লেপ্পা লৈতনা থাগনি। মসিনা লমদম অসিদা মতেং পীনবা হেনগৎহল্লগনি।

25. নাকল অনিমক্না সেক্যুরিতী অমসুং দিফেন্স কোওপরেসনগী লমদা ইন্দো-পেসিফিক লমদমদা জর্মনীনা হেন্না হেন্না শরুক য়াবগীদমক নুংঙাইবা ফোংদোকখি। 2024গী ওগস্ততা TARANG SHAKTI এক্সর্সাইজ তৌবদা ভারত অমসুং জর্মনগী এয়র ফোর্সশিংনা মায় পাক্না মতেং পাংবগীদমক মখোয়না থাগৎপা ফোংদোকখি। গোৱাদা পোর্ত কোল তৌখিবা অমসুং জর্মন নেভেল ফ্রিগেৎ "বেদেন-ৱুর্তেম্বর্গ" অমসুং কোম্বেৎ সপোর্ত শিপ "ফ্রাঙ্কফুর্ত এম মেন্" অমসুং ভারতকী নেভীগী মরক্তা পুন্না নেভেল এক্সর্সাইজ তৌখিবা অদুসু থাগৎপা ফোংদোকখি। জর্মনীনা জুলাই 2024দা ভারতকী নেভেল শিপ INS তাবরনা হেমবর্গতা পোর্ত কোল তৌরকপবু তরাম্না ওকখি।

26. সরকার অনিমক্না EUগী মেকানিজমশিংগী মখাদা অমসুং অতোপ্পা পার্তনরশিংগা লোয়ননা রিসর্চ, কো-দিবেলপমেন্ত অমসুং কো-প্রদক্সনগী থবক থৌরমশিং হেনগৎহন্দুনা সেক্যুরিতী অমসুং দিফেন্সকী হিরমশিংদা নাকল অনিগী ওইবা এক্সচেঞ্জ হেনগৎনবা য়ানখি। মসিগী মতাংদা, নাকল অনিমক্না দিফেন্স সেক্তরদা তেক্নোলোজী কোলাবোরেসন, মেন্যুফেকচরিং/কো-প্রদক্সন অমসুং দিফেন্স প্লেৎফোর্ম অমসুং ইক্বিপমেন্ত পুন্না শেমগৎপদা অখন্নবা মীৎয়েং থমদুনা ইন্দস্ত্রীগী থাক্তা তেংবাং পীনবা শৌগৎকনি। OCCAR (ওর্গনাইজেসন ফোর জোইন্ত আর্মমেন্ত কোওপরেসন) গী য়ুরোদ্রোন প্রোগ্রামদা ক্রিতিকেল অমসুং ইমেজিং তেক্নোলোজীশিং, সাইন্স অমসুং ইন্নোবেসনগীদমক পার্তনরশিপ তৌবগী ওবজর্ভর স্তেতস ফংনবগীদমক ইন্দিয়ানা থাজবা পীখিবা অদুসু জর্মনীনা তরাম্না ওক্লি।

27. লুচিংবা অনিমক্না লৈবাক অনিগী মরক্তা সাইন্স অমসুং তেক্নোলোজীদা চহি 50গী ওইবা তেংবাং পীনবগী মায়পাকপা অদু থাগৎপা ফোংদোকখি অমসুং "ইন্দিয়া-জর্মনী ইন্নোভেসন অমসুং তেক্নোলোজী পার্তনরশিপ রোদমেপ" হৌদোক্তুনা মসিবু মখা তানা পাকথোক চাউথোকহন্নবা মখোয়গী মতেং পাংনবা অমুক হন্না থাজবা ফোংদোকখি। মসিনা লৈবাক অনিগী পব্লিক অমসুং প্রাইবেৎ সেক্তরশিং অমসুং রিসর্চ ইন্সতিত্যুসনশিংদা রিন্যুএবল ইনর্জী, স্তার্ত-অপশিং, সেমিকন্দক্তরশিং, AI অমসুং ক্বান্তম তেক্নোলোজীশিং, ক্লাইমেৎ রিস্ক অমসুং সস্তেনেবল রিসোর্স মেনেজমেন্ত, ক্লাইমেৎ চেঞ্জ এদাপ্তেসন অমসুং এগ্রো-ইকোলোজীগী লমশিংদা ঐখোয়গী তেংবাং পীনবা লমজেল অমা ওইগনি। লুচিংবা অনিমক্না স্পেস অমসুং স্পেস তেক্নোলোজীশিং অসি তুংলমচৎকী চাউখৎহন্নবা, দিবেলপমেন্ত অমসুং লাকপা য়াবা কোওপরেসনগী মরু ওইবা অমসুং হৌগৎলক্লিবা লমশিং ওইনা মশক খঙদোকখি।

28. লুচিংবা অনিনা লৈবাক অনিগী মরক্তা রিসর্স অমসুং এজুকেসনগী লমদা হেনগৎলক্লিবা এক্সচেঞ্জ অমসুং জর্মনীদা মহৈ তম্বা ভারতকী মহৈরোইশিংগী মশিং হেনগৎলক্লিবা অসিদা নুংঙাইবা ফোংদোকখি। লুচিংবা অনিমক্না ইন্দো-জর্মন সাইন্স অমসুং তেক্নোলোজী সেন্তর (IGSTC) না লৈবাক অনিগী ইন্দস্ত্রী অমসুং একাদেমিয়াগী স্ত্রেতেজিক রিসর্চ অমসুং দিবেলপমেন্ত পার্তনরশিপ প্রমোৎ তৌবদা মরুওইবা থৌদাং লৌরি হায়নসু য়ানখি। লুচিংবা অনিমক্না IGSTC গী হৌখিবা খোঙথাংশিং অমসুং এদভান্স মেতিরিএলশিংগী লমদা 2+2 প্রোজেক্তশিংদা মতেং পীননবা জোইন্ত দিক্লারেসন ওফ ইন্তেন্তদা খুৎয়েক পীনখিবা অদু তরাম্না ওকখি। IGSTC গী মরুওইবা অদু খঙলদুনা লুচিংবা অনিমক্না শরুক য়ামিন্নরিবা ভেল্যুশিংদা য়ুম্ফম ওইবা অমসুং ইন্নোভেসননা লমজিংবা তেক্নোলোজী দিবেলপমেন্ত অমসুং মেনুফেকচরিংনা লমজিংবা অনৌবা পার্তনরশিপশিং পাকথোক চাউথোকহন্নবা অমসুং শেমগৎনবা মখোয়গী অপাম্বা ফোংদোকখি।

29. লৈবাক অনিগী মরক্তা ইহান হানবা ওইনা সাইন্স অমসুং তেক্নোলোজী দিপার্তমেন্ত (DST) অমসুং জর্মন রিসর্স ফাউন্দেসন DFG) না পুন্না IISER তিরুবনন্তপুরম অমসুং ৱুর্জবুর্গ য়ুনিভর্সিতীগী অহানবা রিসর্চর কাংলুপনা ফোতোলিমিনেসন্স ইন সুপরমোলিক্যুলর মেত্রিক্সতা শরুক য়াদুনা ইন্তর্নেস্নেল রিসর্স ত্রেনিং গ্রুপ (IRTG) সাইন্স অমসুং ইন্নোভেসন লেন্দস্কেপদা মতেং পাংদুনা, মখোয়না একাদমিক অমসুং রিসর্চ ইন্সতিত্যুসনশিংগী সাইন্তিফিক ইন্নোভেসন অমসুং ইনক্যুবেসন ইকোসিস্তেমশিং ফগৎহন্নবগীদমক অপুনবা এক্সপর্সিতী অমসুং কেপাসিতী শীজিন্ননবা ইন্দো-জর্মন ইন্নোভেসন অমসুং ইনক্যুবেসন এক্সচেঞ্জ প্রোগ্রাম হৌদোক্নবা মখোয়গী অপাম্বা ফোংদোকখি।

30. লুচিংবা অনিমক্না জর্মনীগী ফেসিলিতী ফোর এন্তি-প্রোতোন এন্দ আইওন রিসর্চ (FAIR) অমসুং দ্যুতচ্ছ ইলেক্ত্রোন সিনক্রোত্রোন (DESY) দা মেগা সাইন্স ফেসিলিতীশিংদা ভারতনা শরুক য়াবগী মতুং ইন্না অৱাংবা থাক্কী এঙ্গেজমেন্তকীদমক থাগৎপা অমসুং অপেনবা ফোংদোকখি। FAIR ফেসিলিতী অসি মতম চানা থবক ওইনা পাংথোক্নবা ফাইনান্সিএল য়াওনা মখোয়না মখোয়গী কম্মিতমেন্ত পাকথোক চাউথোকহনখি। লুচিংবা অনিমক্না সিনক্রোত্রোন রেদিএসন ফেসিলিতী PETRA-III অমসুং DESY দা ফ্রী-ইলেক্ত্রোন লেজর ফেসিলিতী FLASH তা তেংবাং পীনবা মখা চত্থরি।

31. সরকার অনিমক্না হায়র এজুকেসনগী লমদা তপ্না তপ্না হেনগৎলক্লিবা পার্তনরশিপশিংবু তরাম্না ওকখি। মসিনা দ্যুএল অমসুং জোইন্ত দিগ্রীগী খুদোংচাবা ফংহল্লি অমসুং য়ুনিভর্সিতীশিং অমসুং হায়র এজুকেসনগী ইন্সতিত্যুসনশিংগী মরক্তা কোলাবোরেতিব রিসর্চ অমসুং একাদমিক অমসুং ইন্সতিত্যুস্নেল একচেঞ্জ হেনগৎহল্লি। অখন্ননা, নাকল অনিমক্না DAAD না শেল থাদদুনা TU দ্রেসদেন, RWTH-এচেন অমসুং IIT-মাদ্রাস (IITM)গী মরক্তা জোইন্ত ইনিসিএতিব লোয়ননা  TU দ্রেসদেন অমসুং IITMগী অনৌবা থৌশিল অসিনা তাকপী-তম্বিবা, রিসর্চ, ইন্নোভেসন অমসুং ওন্তপ্রিনোরশিপতা বাইলেতরেলগী মরী হেন্না চেৎহন্নবা ‘ত্রান্সকেম্পস’ অমা লিংখৎনবা MoU অমা তৌনবা অনৌবা ইনিসিএতিব ওইরিবা "ৱাতর সেক্যুরিতী এন্দ গ্লোবেল চেঞ্জ"দা ইহান হানবা ইন্দো-জর্মন জোইন্ত মাস্তর্স দিগ্রী প্রোগ্রামগীদমক মখোয়গী থাগৎপা অমসুং মপুং ফানা শৌগৎপা ফোংদোকখি।  ভারত অমসুং জর্মন য়ুনিভর্সিতীশিংগী কোওপরেসন প্রোজেক্তশিংগীদমক অপুনবা ফন্দিং য়াহন্নবা IIT খারগপুর অমসুং DAADগী মরক্তা MOU খুৎয়েক পীনখিবা অসিসু তরাম্না ওকখি। নাকল অনিমক্না  ভারত অমসুং জর্মন য়ুনিভর্সিতীশিংগী মরক্তা SPARC (স্কিম ফোর প্রোমোসন ওফ একাদমিক এন্দ রিসর্চ কোলাবোরেসন) গী মখাদা "জর্মন ইন্দিয়ন একাদমিক নেতৱর্ক ফোর মোরন (GIANT)গী দেদিকেতেদ কোলগীদমক মখোয়না শৌগৎপা ফোংদোকখি।

32. ভারত অমসুং জর্মনীগী মরক্তা দিজিতেল অমসুং তেক্নোলোজী পার্তনরশিপ মখা তানা মপাঙ্গল কনখৎহন্নবগীদমক, সরকার অনিমক্না দিজিতেল পব্লিক ইনফ্রাস্ত্রকচর (DPI) গী মতাংদা এক্সপরিয়েন্স অমসুং এক্সপর্সিজ শেয়র তৌনবা য়ানখি। খুদম ওইনা, লৈবাক অনিমক্তা ইন্নোভেসন অমসুং দিজিতেল ত্রান্সফোর্মেসন পুরক্নবা DPIদা ভারতকী এক্সপর্সিজ অমসুং ভারতকী আই.তি. ইন্দস্ত্রীগী মপাঙ্গলশিংবু জর্মনীনা করম্না শীজিন্নবা য়াবগে হায়বদু থিজিনবা। দিজিতেলগী হীরমশিং হায়বদি ইন্তরনেত গভর্নান্স, তেক রিগুলেসন, ইকোনোমীগী দিজিতেল ত্রান্সফোর্মেসন, অমসুং অনৌবা দিজিতেল তেক্নোলোজীশিংদা ইথিল পীনবগী মরুওইবা ফোরম অমা ওইনা নাকল অনিমক্না ইন্দো-জর্মন দিজিতেল দাইলোগ (IGDD) না শেমখিবা 2023-24গী ৱার্ক প্লান ফাইনেল তৌবদা নুংঙাইবা ফোংদোকখি।

33. নাকল অনিমক্না SDGবু মাংলোমদা পুখৎনবা AIবু শীজিন্ননবা হোৎনগনি। AIগী লৈঙাকপদা ইন্নোভেসন-ফ্রেন্দলী, বেলেন্স তৌরবা, ইনক্লুসিব, হ্যুমেন-সেন্ত্রিক অমসুং রিস্কদা য়ুম্ফম ওইবা এপ্রোচ অমগী মথৌ তাবা অদু খঙমিন্নগনি। ইমেজ দিতেক্সন অমসুং AI গুম্বা দিজিতেল সোলুসনশিংনা লৌউ-শিংউবদা মরু ওইবা থৌদাং অমা লৌরি। মখোয়না লৌউবশিংদা মতেং পাংলি অমসুং লৌউ-শিংউগী পোত্থোক হেনগৎহল্লি, ক্লাইমেৎ রেসিলেন্স, কার্বন সিঙ্ক অমসুং সস্তেনেবিলিতী হেনগৎহল্লি। লৈবাক অনিমক্না দিজিতেল এগ্রিকলচর চাউখৎহন্নবা নেস্নেল প্রোগ্রাম পায়খৎলি অমসুং দিজিতেল এগ্রিকলচর, AI অমসুং IoTদা তেংবাং পীনবা হেগগৎহন্দুনা এগ্রিকলচর মোর্দনাইজ তৌনবগীদমক হৌজিক চত্থরিবা কোওপরেসন, ইন্নোভেসন অমসুং একচেঞ্জশিং চেৎশিনহন্নবা য়ান্নখি।

34. সরকার অনিমক্না মরু ওইবা অমসুং অনৌবা তেক্নোলোজীশিং, ইন্নোভেসন অমসুং স্কিল দিবেলপমেন্তকী লমদা মতেং পীনবগী মরুওইবা অদু পনখি। ইন্নোভেসন অমসুং তেক্নোলোজী পার্তনরশিপ রোদমেপতা থম্লিবা বাইলেতরেল কোওপরেসনগী প্রাইওরিতীশিং অদু অমুক হন্না ফোংদোক্লদুনা, সরকার অনিমক্না ইন্নোভেসন, স্কিল দিবেলপমেন্ত অমসুং ক্রিতিকেল অমসুং ইমর্জিং তেক্নোলোজীশিংদা কোওপরেসনদা মীৎয়েং থম্নবা য়ানখি। মরুওইবা তেক্নোলোজীগী লমশিংদা লৈবাক অনিগী ইন্দস্ত্রী অমসুং একাদেমিয়াগী মরক্তা হেন্না নকশিন্নবা মরী শেমগৎপদা অখন্নবা মীৎয়েং থমগনি। মসিনা অমগা অমগা থাজবা অমসুং ইকায় খুম্নবা থমদুনা শেমগৎপা, অমসুং মান্নবা ভেল্যুশিং অমসুং দেমোক্রে সি প্রিন্সিপলশিং উৎলিবা, ওপন, ইনক্লুসিব অমসুং সেক্যুর তেক্নোলোজী আর্কিতেকচর অমা লৈহন্নবা পুন্না হোৎনমিন্নবগী অচেৎপা ফিরেপ অদু খঙমিন্নগনি। মদুদা য়ুম্ফম ওইদুনা, লৈবাক অনিমক্না মশক খঙদোক্লবা সেক্তরশিংদা মহৈ-মরোংদা য়ুম্ফম ওইবা অমসুং নাকল অনিমক্তা কান্নবা ওইগদবা তেক্নোলোজী কোলাবোরেসন ফংলগনি।

35. দিজাস্তর মিতিগেসন, সুনামি ৱার্নিং, কোস্তেল হেজর্স, আর্লি ৱার্নিং সিস্তেম, দিজাস্তর রিস্ক রিদক্সন অমসুং ওসেনোগ্রাফি, পোলার সাইন্স, বাইওলোজী অমসুং বাইওজিওকেমিস্ত্রি, জিওফিজিক্স অমসুং জিওলোজীগী লমদা তেংবাং পীনবা হেনগৎহন্নবা, ভারতকী নেস্নেল সেন্তর ফোর ওসিন ইনফোর্মেসন সর্বিসেস (INCOIS) অমসুং হেল্মহোল্তজ-জেনত্রুম পোৎস্দম - দ্যুতচ্ছ জিওফোর্সচুংস সেন্তরগী মরক্তা অমসুং নেস্নেল সেন্তর ফোর পোলার অমসুং ওসিন রিসর্স (NCPOR) অমসুং অলফ্রেদ ৱেগেনর-ইন্সতিত্যুৎ, হেল্মহোল্তজ-জেনত্রুম ফোর পোলর-অন্দ মেফোরেসচুং (AWI)গী মেমোরেন্দম ওফ অন্দর্স্তেন্দিং য়ুৎয়েক পীনখিববু তরাম্না ওকখি।

36. নেস্নেল সেন্তর ফোর বাইওলোজিকেল সাইন্স (NCBS) অমসুং ইন্তর্নেস্নেল সেন্তর ফোর থিওরেতিকেল সাইন্স (ICTS), ভারত সরকারগী দিপার্তমেন্ত ওফ এতোমিক ইনর্জী (DAE)গী মখাদা লৈরিবা তাতা ইন্সতিত্যুত ওফ ফন্দামেন্তেল রিসর্চ (TIFR) অনি অমসুং মেক্স-প্লেঙ্ক-গেসেলচেফ (MPG), জর্মনীগী মরক্তা বাইওলোজিকেল, ফিজিকেল অমসুং মেথমেতিকেল সাইন্সকী মতাংদা নাকল অনিগী ওইবা য়ানা-ৱারোল অদু সরকার অনিমক্না তরাম্না ওকখি। মসিগী এগ্রীমেন্ত অসিনা মখল কয়াগী মাক্স প্লাঙ্ক ইন্সতিত্যুৎশিংগা ICTS অমসুং NCBSকা লোইননা মহৈরোইশিং অমসুং রিসর্চ পর্সোনেল য়াওনা সাইন্তিস্তশিংগী আর্কচেঞ্জ তৌবদা মতেং পাংগনি।

37. লুচিংবা অনিমক্না এম/এস ন্যু স্পেস ইন্দিয়া লিমিতেদ অমসুং এম/এস GAF AGগী মরক্তা জর্মনীগী ন্যুস্ত্রেলিৎজতা লৈবা ইন্তর্নেস্নেল গ্রাউন্দ স্তেসন অসি ওসিনসেৎ - 3 অমসুং রিসেৎ - 1.এ সেতেলাইতশিংদগী দেতা লৌনবা অমসুং প্রোসেস তৌনবগীদমক অপগ্রেদ তৌনবগীদমক থাগৎপা ফোংদোকখি। গ্রীন অমসুং সস্তেনেবল ওইবা তুংলমচৎ অমগীদমক পার্তনরশিপ।

38. নেত জিরো ইমিসন ফংনবগীদমক গ্রীন, সস্তেনেবল, ক্লাইমেৎ রেসিলিয়েন্ত অমসুং ইনক্লুসিব দিবেলপমেন্তকী তঙাইফদবা অদু নাকল অনিমক্না য়ানখি। গভর্নমেন্ত অনিমক্না ক্লাইমেৎ এক্সন অমসুং সস্তেনেবল দিবেলপমেন্তকী মতাংদা বাইলেতরেল, ত্রাইলেতরেল অমসুং মল্তিলেতরেল কোওপরেসনবু হেন্না চেৎশিলহন্নবা পান্দম থম্লি। ইন্দো-জর্মন গ্রীন অমসুং সস্তেনেবল দিবেলপমেন্ত পার্তনরশিপ (GSDP) গী মখাদা হৌজিক ফাওবদা ফংলকপা খুমাং চাউশিল্লকপদু নাকল অনিমক্না য়ানখি। পার্তনরশিপ অসিনা শেয়র তৌরবা কম্মিৎমেন্তশিংবু লমজিংদুনা পেরিস এগ্রীমেন্ত অমসুং SDGশিংদা পল্লিবা পান্দমশিং অসি থুনা থবক ওইনা পাংথোক্নবা হোৎনরি। মসিগী মতাংদা নাকল অনিমক্না UNFCCC COP29দা মরুওইনা ন্যু কলেক্তিব ক্বান্তিফাইদ গোল (NCQG) দা এম্বিসিয়স ওইবা ফল অমা পুরক্নবা পুন্না থবক তৌমিন্নবগী তঙাইফদবা অদুদা অকনবা ৱাফম থমখি। নাকল অনিমক্না COP28.গী মহৈ-মশিং, অহানবা গ্লোবেল স্তোক্তেক য়াওনা, নেস্নেল ফিভমশিং য়েংলগা পোজিতিব ওইবা মওংদা পাউখুম পীরগনি।

39. নাকল অনিমক্না GSDP গী পান্দমশিংগী মতাংদা মিনিস্তরেল মীফমদা খন্ন-নৈনখিবা অদু থাগৎপা ফোংদোকখি। GSDPগী থবক পায়খৎপদা মতেং পাংনবা, নাকল অনিমক্না হৌজিক লৈরিবা ৱার্কিং গ্রুপশিং অমসুং অতোপ্পা বাইলেতরেল ফোর্মেতশিং অমসুং ইনিসিয়েতিবশিংদা চাং নাইনা ৱারী শানবগীদমক থাজবা থম্লি। পেরিস এগ্রীমেন্তকী পান্দমশিং অমসুং SDGশিং ফংনবগীদমক GSDP গী পান্দমশিংদা মাংলোমদা চংশিল্লিবা খোঙথাংশিং য়েংশিন্নবা মিনিস্তরেল মেকানিজমগী মথংগী মীফম অসি মথংগী ইন্দিয়া-জর্মনী ইন্তর-গভর্নমেন্তেল কন্সল্তেসনশিংগী ফ্রেমৱার্ক মনুংদা পাংথোক্কনি। নাকল অনিমক্না ক্লাইমেৎ চেঞ্জ থেংনবদা নকশিন্ননা মতেং পাংনবা মখোয়গী অপাম্বা অদু অমুক হন্না ফোংদোকখি অমসুং মরম অসিনা অথুবা মতমদা ইন্দো-জর্মন ক্লাইমেৎ ৱার্কিং গ্রুপকী মীফম অমা পাংথোক্নবা মখোয়গী অপাম্বা অদু ফোংদোকখি।

40. GSDPগী অমব্রেলাগী মখাদা নাকল অনিমক্কী ইন্তর এলিয়া ওইনা:

a. ইন্দো-জর্মন গ্রীন হাইদ্রোজেন রোদমেপ হৌদোকখ্রে। লুচিংবশিংনা রোদমেপ অসিনা গ্রীন হাইদ্রোজেন পুথোক্নবা, শীজিন্ননবা অমসুং এক্সপোর্ত তৌনবা ভারতকী এম্বিসনশিং শৌগৎপদা মতেং পাংগনি অমসুং লৈবাক অনিমক্তা গ্রীন হাইদ্রোজেনবু সস্তেনেবল ইনর্জীগী সোর্স অমা ওইনা খুমাং চাউশিলহন্নবা মতেং পাংগনি হায়না য়ানখি।

b. GSDPগী মখাদা জর্মনী অমসুং ভারতকী মরক্তা লৈরিবা তেংবাং পীনবা অসি উৎলিবা মীয়ামগী ওইনা এক্সেস তৌবা য়াবা ওনলাইন তুল অমা ওইরিবা GSDP দেশবোর্দ লোঞ্চ তৌখি। মসিদা মরুওইবা ইন্নোভেসনশিং অমসুং ভারত-জর্মনী কোওপরেসননা কোনশিল্লিবা এক্সপরিয়েন্সকী পাক চাউবা মখলগী ওভরভাইস অমা পীরি। মসিনা GSDP গী পান্দমশিং ফংনবগী মায়কৈদা পুন্না হোৎনরিবা অদু য়েংশিনবদা মতেং পাংই অমসুং মালেমগী ওইবা শীংনবশিং থেংননবা অনৌবা পাম্বৈশিংগী মতাংদা মরী লৈনবা স্তেকহোল্দরশিংদা মরুওইবা পাউতাকশিং ফংহল্লি।

c. পুম্নমক্কীদমক ভারত্তা সস্তেনেবল অর্বান মোবিলিতী প্রমোৎ তৌনবা শরুক য়ামিন্নবা ভিজন অমগী মতুং ইন্না পার্তনরশিপ অসি নৌনা শেমগৎনবা অমসুং মখা তানা ৱাংখৎহন্নবা জোইন্ত দিক্লারেসন ওফ ইন্তেন্তদা খুৎয়েক পীনখি। মসিদা ইনক্লুসিব সোসিএল অমসুং ইকনোমিক দিবেলপমেন্তকীদমক গ্রীন অমসুং সস্তেনেবল অর্বানাইজেসনগী মরুওইবা অদু খঙবা অমসুং 2019দা গ্রীন অর্বান মোবিলিতী পার্তনরশিপ লিংখৎখিবদগী মসিগী মপাঙ্গল লৈবা মহৈশিং অদু খঙবা য়াওখি।

d. ইন্তর্নেস্নেল সোলর এলাইন্স (ISA) গী মায়পাকপা অমসুং তুংলমচৎকী মীৎয়েং অদু থাগৎপা ফোংদোকখি অমসুং ISA গী মনুংদা ঐখোয়গী মতেং পীনবা হেনগৎনবা য়ানখি।

e. রিও কনভেন্সনশিং অমসুং SDGশিং ইমপ্লিমেন্ত তৌবদা মতেং ওইনবা ফোরেস্ত লেন্দস্কেপশিং অমুক হন্না শেমগৎতুনা ফোরেস্ত দিফরেস্ত তৌবা অমসুং দিগ্রেদেসন থিংনবা অমসুং ত্রেন্দ অদু হন্দোক্নবা লমদা তেংবাং পীনবগীদমক থাগৎপা ফোংদোকখি।

41. লুচিংবশিংনা ইন্দো-জর্মন ইনর্জী ফোরম (IGEF) না মসিগী তোঙান তোঙানবা থবক থৌরমশিংগী খুত্থাংদা জর্মনী অমসুং ভারতকী মরক্তা লৈরিবা মপুং ওইবা লৈবাক অনিগী ওইবা শেন্মিৎলোনগী মরীশিং মপাঙ্গল কনখৎহন্নবা, শেন্মিৎলোনগী চাউখৎপা হেনগৎহন্নবা অমসুং মালেমগী অইং-অশা হোংলকপগী শীংনবশিং কোকহন্নবা মরু ওইবা থৌদাং লৌরি হায়না য়ানখি।

42. ন্যু ইর্জী সেক্তরদা মরুওইবা স্তেকহোল্দরশিং পুনশিন্নবদা পার্তনর লৈবাক অমা ওইনা জর্মনীগা লোয়ননা গান্ধীনগরদা 2024গী সেপ্তেম্বরদা পাংথোক্কদৌরিবা 4শুবা গ্লোবেল রি-ইনভেস্ত রিন্যুএবল ইনর্জী ইনভেস্তর মিৎ এন্দ এক্সপোগী থৌদাং অদু নাকল অনিমক্না ফোংদোকখি। রি-ইনভেস্তকী মনুংদা হৌদোকখিবা "ইন্দিয়া-জর্মনী প্লেৎফোর্ম ফোর ইনভেস্তমেন্ত ইন রিন্যুএবল ইনর্জী ৱার্ল্দৱাইদ" অসি রিন্যুএবল ইনর্জী ইনভেস্তমেন্তশিং য়াঙখৎনবা, বিজিনেস কোলাবোরেসনশিং ফগৎহন্নবা অমসুং গ্লোবেল সপ্লাই চেনশিং পাকথোক চাউথোকহন্নবা মরুওইবা খোঙথাং অমনি হায়না সরকার অনিমক্না নিংশিংখি। প্লেৎফোর্ম অসিনা ভারত অমসুং মালেম শীনবা থুংনা রিন্যুএবল ইনর্জী পাকথোক চাউথোকহনবদা গ্রীন ফাইনান্সিং, তেক্নোলোজী অমসুং বিজিনেস ওপোর্চুনিতীশিংদা এক্সচেঞ্জগী খুত্থাংদা মতেং পাংগনি।

43. সরকার অনিমক্না জাইন্ত ৱার্কিং গ্রুপ ওন বাইওদাইভর্সিতীগী খুত্থাংদা তেংবাং পীনবা মখা তানা চেৎশিলহন্নবা মখোয়গী অপাম্বা ফোংদোকখি অমসুং গ্লোবেল বাইওদাইভর্সিতী ফ্রেমৱার্ককী পান্দমশিং অসি ইমপ্লিমেন্ত তৌনবা মালেমগী ওইনা হোৎনরিবা অসিদা CBD COP 16না মরু ওইবা মীকুপ অমা ওইখি হায়না ফোংদোকখি।

44. লৈবাক অনিগী মরক্তা এক্সপরিয়েন্স অমসুং তেক্নোলোজীগী মতাংদা এক্সচেঞ্জ হেনগৎহন্দুনা খুদোংচাবশিং শেমগৎলকখিবা ৱেস্ত মেনেজমেন্ত অমসুং সর্ক্যুলর ইকনোমীগী জোইন্ত ৱার্কিং গ্রুপকী ৱারোলশিং অমসুং ফলশিং নীংশিংলদুনা, নুমিৎকী ৱেস্ত রিসাইকলিং য়াওনা অতোপ্পা থবকশিংদা মীৎয়েং থমদুনা, খুদম ওইনা, স্ত্রকচরশিং অসিগী মনুংদা তেংবাং পীনবা হেন্না চেৎশিলহন্নবা ওইথোকপা য়াবশিং থীজিনবা নাকল অনিমক্না য়ানখি। মখোয়না ৱেস্ত, মরুওইনা প্লাস্তিকশিং, মেরিন এনভাইর্নমেন্ততা চংলকপা থিংনবা অচৌবা পান্দমশিং অমসুং পোলিসীশিং ইফেক্তিব অমসুং ইফিসিএন্ত ওইবা মওংদা ইমপ্লিমেন্ত তৌনবা ইন্দো-জর্মন এনভাইরনমেন্ত কোওপরেসনবু থাগৎপা ফোংদোকখি। ভারত অমসুং জর্মনীনা প্লাস্তিক পোলুসনগী মতাংদা মালেমগী ওইনা লিগেল্লি বাইন্দিং এগ্রীমেন্ত অমা শেমগৎনবা নক্না মতেং পীননবা য়ানখি।

45. লুচিংবা অনিমক্না ত্রাইএঙ্গুলার দিবেলপমেন্ত কোওপরেসন (TDC) গী মখাদা খুমাং চাউশিল্লক্লিবা অদু খঙখি। মসিনা অফ্রিকা, এসিয়া অমসুং মসিগী ৱাংমদা  SDGশিং অমসুং ক্লাইমেৎকী পান্দমশিং ফংবদা মতেং পাংনবা মখোয়গী প্রাইওরিতিশিংগী মতুং ইন্না অহুমশুবা লৈবাকশিংদা সস্তেনেবল, ভাইএবল অমসুং ইনক্লুসিব প্রোজেক্তশিং পীনবগীদমক ম্যুচুএল ওইবা পাঙ্গল অমসুং এক্সপরিয়েন্স পুনশিল্লি। ক্যেমেরুন, ঘানা অমসুং মালাৱিদা পাইলোৎ প্রোজেক্তশিং অসিগী পুক্নিং থৌগৎনিংঙাই ওইবা মহৈশিং অমসুং বেনিন অমসুং পেরুগা লোয়ননা হৌজিক চত্থরিবা খোঙথাংশিংদা খুমাং চাউশিল্লকপদা নাকল অনিমক্না তরাম্না ওকখি। মথক্তা পনখ্রিবা ইনিসিএতিবশিং অসি মায় পাক্না পায়খৎলকপদা য়েংলদুনা, সরকার অনিমক্না কেমেরুন (এগ্রিকলচর), মালাৱি (নুপী ওন্তপ্রিনোরশিপ) অমসুং ঘানা (হোর্তিকলচর) গা লোয়ননা পাইলোৎ প্রোজেক্তশিং অসি 2024 অমসুং মসিগী মতুংদসু পাকথোক চাউথোকহন্নবা য়ানখি। মসিগী মথক্তা, নাকল অনিমক্না ইথিওপিয়াগা অনি অমসুং মাদাগাস্কারগা অমগা লোয়ননা মিল্লেৎসকা মরী লৈনবা পাইলোৎ প্রোজেক্ত অহুম হৌরকপদা নুংঙাইবা ফোংদোকখি। মসিগী মথক্তা, নাকল অনিমক্না পার্তনরশিংদা য়ৌনবা, মখোয়গী জোইন্ত ইনিসিএতিবশিং মপুং ফানা খনগৎনবা অমসুং ইমপ্লিমেন্ত তৌনবা ইন্সতিত্যুস্নেল মেকানিজম হৌদোকখ্রে। মসিগীদমক, সরকার অনিমক্না জোইন্ত স্তিয়রিং কম্মিতী অমসুং জোইন্ত ইমপ্লিমেন্তেসন গ্রুপ অমা লিংখৎখি।

46. লুচিংবশিংনা জেন্দর ইক্বেলিতী অসি মরুওইবা অমনি হায়না অমুক হন্না ফোংদোকখি অমসুং নুপী অমসুং নুপীমচাশিংগী শক্তি লৈহনবদা ইনভেস্তমেন্ত তৌবনা এজেন্দা 2030 ইমপ্লিমেন্ত তৌবদা মল্তিপ্লাইতর ইফেক্ত লৈগনি হায়না ফোংদোকখি। মখোয়না নুপীশিংনা লুচিংবা চাউখৎ থৌরাং পুক্নিং থৌগৎনবা অমসুং মালেমগী শীংনবশিং অসি ইনক্লুসিব ওইনা থেংননবা ৱারেপ লৌবদা নুপীশিংগী মপুং ফানা, চপ মান্ননা, ইফেক্তিব অমসুং মগুন লৈবা শরুক য়াবা হেনগৎহন্নবা মখোয়গী অচেৎপা ফিরেপ অমুক হন্না ফোংদোকখি। মখোয়না মসিগী মতাংদা জর্মনীগী ফেমিনিস্ত ফোরেন অমসুং দিবেলপমেন্ত পোলিসীশিং খঙমিন্নখি। গ্রীন অমসুং সস্তেনেবল দিবেলপমেন্তদা নুপীশিংগী মরুওইবা থৌদাং প্রমোৎ তৌবদা ইন্দো-জর্মন কোওপরেসন মপাঙ্গল কনখৎহন্নবা মখোয়না অপাম্বা অদু নাকল অনিমক্না অমুক হন্না ফোংদোকখি।

47. মসিগী মথক্তা, নাকল অনিমক্না GSDP গী ফ্রেমৱার্ক্কী মখাদা ফাইনান্সিএল অমসুং তেক্নিকেল কোওপরেসনগীদমক লৈরিবা ইনিসিএতিবশিং অমসুং অনৌবা কম্মিতমেন্তশিংগী মতাংদা হান্ননা ফংলবা মাইলস্তোনশিংবু তরাম্না ওকখি:

a. GSDP গী মরুওইবা লম পুম্নমক্তা 2024গী সেপ্তেম্বরদা ভারত সরকার অমসুং ফ্রেদরেল রিপব্লিক ওফ জর্মনীগী সরকারগী মরক্তা দিবেলপমেন্ত কোওপরেসনগী মতাংদা খন্ন-নৈনখিবা মতমদা য়ানখিবা য়ুরো বিল্লিয়ন 1 হেনবগী অনৌবা কম্মিতমেন্তশিং, মসিগা লোয়ননা GSDPগী 2022গী হৌরকপদগী হৌরগা চাউরাক্না য়ুরো বিল্লিয়ন 3.2গী অপুনবা কম্মিতমেন্তশিং ফংখ্রে;

b. ইন্দো-জর্মন রিন্যুএবল ইনর্জী পার্তনরশিপকী মখাদা, ইন্নোভেতিব সোলর ইনর্জী, গ্রীন হাইদ্রোজেন, অতোপ্পা রিন্যুএবল ইনর্জী, গ্রিদ ইন্তিগ্রেসন, স্তোরেজ অমসুং রিন্যুএবল ইনর্জী সেক্তরদা ইনভেস্তমেন্তশিংদা ইনর্জী ত্রান্সিসন অমা লাইথোকহন্নবা অমসুং থাজবা য়াবা, নুমিৎ চুপ্পগী ওইনা রিন্যুএবল ইনর্জী সপ্লাইগী তঙাই ফদবশিং কোকহন্নবা মীৎয়েং থমখি।

c. "এগ্রো-ইকোলোজী অমসুং নেচরেল রিসোর্সশিংগী সস্তেনেবল মেনেজমেন্ত"গী কোওপরেসন অসিনা ইনকম, ফুদ সেক্যুরিতী, ক্লাইমেৎ রেসিলিয়েন্স, সোইল হেল্থ, বাইওদাইবর্সিতী, ফোরেস্ত ইকোসিস্তেম অমসুং ৱাতর সেক্যুরিতী ফগৎহন্দুনা ভারতকী লায়রবা খুঙ্গংগী মীশিং অমসুং অপীকপা লৌমীশিংদা কান্নবা পীরি।

d. নাকল অনিমক্না সস্তেনেবল অর্বান দিবেলপমেন্তকী মায় পাকপা কোলাবোরেসন মখা চত্থনবা মখোয়গী অপাম্বা অদু অমুক হন্না ফোংদোকখি।

ত্রেদ অমসুং ইকনোমিক কোলাবোরেসনগী খুত্থাংদা রেসিলিয়েন্স শেমগৎপা


48. লুচিংবা অনিনা হৌখিবা চহিশিংদা লৈবাক অনিগী মরক্তা লৈবাক অনিগী ওইবা ললোন-ইতিক্কী মওংদা অৱাংবা থাক্কী থবক পাংথোকপগীদমক থাগৎপা ফোংদোকখি অমসুং ভারত অমসুং জর্মনীগী স্তেকহোল্দরশিংবু ললোন-ইতিক অমসুং ইনভেস্তমেন্ত ফ্লোশিং হেন্না মপাঙ্গল কনখৎহন্নবা পুক্নিং থৌগৎখি। লুচিংবশিংনা ভারত অমসুং জর্মনীগী মরক্তা মপাঙ্গল কনবা অনিমক্কী ইনভেস্তমেন্তশিং অমসুং মালেমগী সপ্লাই চেনশিং দাইভর্সাইফাই তৌবদা অসিগুম্বা ইনভেস্তমেন্তশিংগী পোজিতিব ইম্পেক্তশিং অদুসু পনখি। মসিগী মতাংদা লুচিংবশিংনা থাজবা থমখি মদুদি জর্মনীগী মকোক থোংবা বিজিনেস একজিক্যুতিবশিং শরুক য়াবা জর্মন বিজিনেসকী বাই-এন্যুএল ফ্লেগশিপ ফোরম, APK 2024 অসি জর্মন বিজিনেসশিংগীদমক ভারত্তা লৈরিবা অচৌবা খুদোংচাবশিং উৎনবা মরুওইবা প্লেৎফোর্ম অমনি।

49. নাকল অনিমক্না ভারত্তা মতম শাংনা লৈরক্লবা জর্মন বিজিনেসশিং অমসুং জর্মনীদা লৈরিবা ভারতকী বিজিনেসশিংবু পনখি অমসুং লৈবাক অনিগী মরক্তা শেন্মিৎলোন অমসুং ললোন-ইতিক্কী মরী হেন্না চেৎশিলহন্নবা থবক পায়খৎনবা য়ানখি। হীরম অসিগী মতাংদা, ভারত অমসুং জর্মনীগী বিজিনেস অমসুং ইন্দস্ত্রীগী লুচিংবশিংগা ৱারী শানবগী অৱাংবা থাক্কী প্লেৎফোর্ম অমা ওইনা ভারত-জর্মনী CEO ফোরমগী মীফম পাংথোকপবু নাকল অনিমক্না তরাম্না ওকখি। মখোয়না ত্রেদ অমসুং ইনভেস্তমেন্তকা মরী লৈনবা ৱাফমশিং কোকহন্নবা ইন্দো-জর্মন ফাস্ত ত্রেক মেকানিজমগী মাইপাকপশিং অদুসু পনখি অমসুং মসিগী থবকশিং মখা চত্থনবা শেম-শারি।

50. ইকোনোমিক গ্রোথ অমসুং থবক ফংহনবদা মাইক্রো, স্মোল অমসুং মেদিয়ম ইন্তর্প্রাইজেস (MSMEs)/মিতেলস্তেন্দগী মরুওইবা মশক খঙলদুনা নাকল অনিমক্না লৈবাক অনিগী ওইবা ইনভেস্তমেন্তকী মশিং হেনগৎলকপা অমসুং ভারত্তা ইনভেস্ত তৌনবা অমসুং ব্যুজিনেস তৌনবা হোৎনরিবা জর্মনগী মিতেলস্তেন্দ ইন্তর্প্রাইজেসশিংদা মতেং পাংলিবা 'মেক ইন ইন্দিয়া মিতেলস্তেন্দ' প্রোগ্রামগী মাই পাকপা অদুগী মতাংদা ফোঙদোকখি। অসিগুম্বা মওংদা, সরকার অনিমক্না ইন্নোবেসন পুক্নিং থৌগৎপদা স্তার্ত-অপশিংনা লৌরিবা মরুওইবা থৌদাং অদু শকখঙখি অমসুং জর্মন এক্সেলেরেতর (GA) না ভারতকী কৈথেলদা স্তার্ত-অপশিং মায় পাক্না খুদোংচাবা পীবগীদমক থাগৎপা ফোংদোকখি অমসুং ভারত্তা মখোয়গী মফম অমা লিংখৎনবগী থৌরাংবু তরাম্না ওকখি। ভারতকী স্তার্ত-অপশিংবু জর্মনীগী কৈথেলদা চঙবা ঙম্নবা মতেং পাংনবা প্রোগ্রাম অমনা লৈবাক অনিগী মরক্তা ইকোনোমিক কোওপরেসন মখা তানা হেঙ্গৎহনগনি হায়না নাকল অনিমক্না পনখি।

51. স্কিল লৈরবা মাইগ্রেসনগী মতাংদা নাকল অনিগী ওইবা মতেং পীনবা অসি ফেদরেল অমসুং স্তেৎ গবর্নমেন্তশিংগা লোয়ননা প্রাইবেৎ সেক্তরগী স্তেকহোল্দরশিংগী মরক্তা মতেং পীনবা য়াওনা তোঙান তোঙানবা হিরমশিংদা পাকথোক চাউথোকচরকপগা লোয়ননা নাকল অনিমক্না মাইগ্রেসন অমসুং মোবিলিতী পার্তনরশিপ এগ্রীমেন্ত (MMPA)গী প্রোভিজনশিং মপুংফানা ইমপ্লিমেন্ত তৌনবা অচেৎপা ৱাফম থমখি। MMPAদা পনখিবা থৌদাংশিং অদুগী মতুং ইন্না নাকল অনিমক্না অচুম্বা অমসুং লিগেল লেবর মাইগ্রেসন প্রমোৎ তৌবদা অচেৎপা ফীরেপ লৌখি। থৌওং অসি মাইগ্রেন্ত ৱার্করশিংবু ইকাই খুম্নবা অমসুং ইকাই খুম্নবা উৎনবা, অচুম্বা রিক্রুতমেন্ত প্রাক্তিসশিং, ত্রান্সপরেন্ত ভিসা প্রোসেসশিং অমসুং ৱার্করশিংগী হকশিং ঙাকপা য়াওনা ইন্তর্নেস্নেল স্তেন্দর্দশিংনা লমজিংলি। মসিগী প্রিন্সিপলশিং অসিদা মীৎয়েং থমদুনা, লৈবাক অনিমক্না এক্সপ্লোইতেসনদগী ঙাকথোক্তুনা অমসুং ইন্তর্নেস্নেল লেবর স্তেন্দর্দশিং ঙাক্না চৎপগা লোয়ননা পার্তী খুদিংমক্তা কান্নবা পীবা মওংদা স্কিল লৈরবা শিন্মীশিংগী মোবিলিতী লাইথোক্নবা পান্দম থম্লি।

52. MMPAদা য়ুম্ফম ওইদুনা নাকল অনিমক্না এমপ্লোইমেন্ত অমসুং লেবরগী লমদা JDI 2023দা ভারতনা G20গী প্রসিদেন্সী পায়দুনা G20গী অচেৎপা থৌদাং লৌখিবা, ইন্তর্নেস্নেল রেফরেন্স ক্লাসিফিকেসনগী মতাংদা ওইথোকপা য়াবা স্তদী অমা পাংথোকপদা মতেং পাংগনি হায়না জর্মনগী মায়কৈনা খঙহনখি। লুচিংবা অনিমক্না এমপ্লোয়িজ স্তেৎ ইন্সুরেন্স কোর্পোরেসন (ESIC), এম্প্লোয়িজ জেনরেল দাইরেক্তোরেৎ (DGE) অমসুং জর্মন সোসিএল এক্সিদেন্ত ইন্সুরেন্স (DGUV) গী মরক্তা ওক্যুপেসনেল দিজিজ, রিহেবিলিতেসন অমসুং দিসএবল ওইবা শিন্মীশিংগী ভোকেসনেল ত্রেনিংগী লমদা য়ানা ৱারোলদা খুৎয়েক পীনবা অসিদা থাজবা থম্লি।

53. জর্মনীদা লৈরিবা ব্লু কার্দ হোল্দরশিংগী শরুক মরি থোকপগী অমা ভারতকী প্রোফেস্নেলশিংনা ওইরি অমসুং জর্মনীদা লৈরিবা ইন্তর্নেস্নেল মহৈরোইশিংগী মনুংদা ভারতকী মহৈরোইশিংনা খ্বাইদগী মশিং য়াম্বা ওইরি হায়না লুচিংবা অনিমক্না পনখি। হীরম অসিগী মতাংদা, মখোয়না জর্মনীগী স্কিল অমসুং তেলেন্তকী মথৌ তাবশিং অমসুং জর্মনীগী লেবর মার্কেৎকীদমক এসেৎ অমা ওইবা ঙম্বা ভারতকী নহা ওইরিবা, এজুকেৎ অমসুং স্কিল লৈরবা মীওইশিংগী অচৌবা রিজর্ভরগী মরক্তা লৈরিবা তঙাইফদবা অদুগী মতাংদা পনখি। ফেদরেল এমপ্লোয়মেন্ত এজেন্সিনা নেস্নেল স্কিল দিবেলপমেন্ত কাউন্সিল, ইন্দিয়া (NSDC) অমসুং অতোপ্পা অসিগুম্বা সরকারগী এজেন্সীশিংগা নেস্নেল অমসুং স্তেত লেবেলদা লৈনরিবা এক্সচেঞ্জ অসি হেন্না চেৎশিলহল্লগনি। ভারতকী হৈ-শিংলবা মাইগ্রেসন প্রমোৎ তৌনবা জর্মন ফেদরেল সরকারগী অনৌবা নেস্নেল স্ত্রেতেজী হৌদোকপদা নাকল অনিমক্না তরাম্না ওকখি।

54. ভারত্তা স্কিল লৈরবা ৱার্কফোর্সকী পুল অমা শেমগৎতুনা অমসুং অখন্ননা গ্রীন স্কিলগী লমশিংদা নুপীশিংগী শরুক য়াবা হেনগৎহন্নবা ভারত অমসুং জর্মনীগী মপাঙ্গলশিং হেনগৎহন্নবা লুচিংবা অনিমক্না স্কিল দিবেলপমেন্ত অমসুং ভোকেসনেল এজুকেসন অমসুং ত্রেনিংগী মতাংদা মেমোরেন্দম ওফ অন্দস্তেন্দিংদা খুৎয়েক পীনবগী মতাংদা নুংঙাইবা ফোংদোকখি। মসিনা ভারত্তা স্কিল লৈরবা ৱার্কফোর্স অমা শেমগৎনবা অমসুং নুপীশিংগী শরুক য়াবা হেনগৎহন্নবা ভারত অমসুং জর্মনীগী মপাঙ্গলশিং শীজিন্নগনি। নাকল অনিমক্না শিন্মীশিংগী ইন্তর্নেস্নেল মোবিলিতী ফংহন্নবা ইলিমেন্তশিং হাপচিন্নবা য়ানবা পুরকখি।

55. সেকেন্দরী স্কুলশিং, য়ুনিভর্সিতীশিং অমসুং ভোকেস্নেল এজুকেসন সেন্তরশিং য়াওনা ভারত্তা জর্মন লোল তম্বীবা পাকথোক চাউথোকহনবগী পান্দমদা নাকল অনিমক্না অচেৎপা ৱাফম থম্লি। মখোয়না ভারত অমসুং জর্মনীগী লৈবাক্তা, কলচরেল সেন্তরশিং অমসুং এজুকেস্নেল ইন্সতিত্যুসনশিংবু ভারত অমসুং জর্মনীদা লোন তম্বীবা ওজাশিংগী ত্রেনিং য়াওনা অমনা অমগী লোনশিং তম্বীবা হেনগৎহন্নবা পুক্নিং থৌগৎখি। ভারত্তা য়ুনিভর্সিতীগী সর্তিফিকেত ফংনবগীদমক্তা জর্মনগী ওজাশিংগী ফোর্মেল ত্রেনিং অমসুং মখা তানা মহৈ তম্বগী ফোর্মেৎ অমা শেমগৎনবা DAAD অমসুং গোতে ইন্সতিত্যুৎনা পুন্না হোৎনরিবা অদু নাকল অনিমক্না তরাম্না ওকখি।

56. নাকল অনিমক্না ইকোনোমিক গ্রোথকীদমক্তা অৱাংবা থাক্কী স্কিল লৈবা প্রোফেস্নেলশিংগী কন্ত্রিব্যুসন তৌনবা ৱারেপ লৌখি অমসুং "জর্মনীগা লোইননা বিজিনেসতা পার্তনরশিপ" প্রোগ্রামগী মখাদা ফংলকপা মহৈশিং অদুদা অপেনবা ফোংদোকখি, অমসুং ভারতকী কোর্পোরেত একজিক্যুতিবশিং অমসুং জুনিয়র একজিক্যুতিবশিংগী এদভান্স ত্রেনিংগীদমক JDI রিন্যু তৌখি।

57. মাইগ্রেসন অমসুং মোবিলিতী পার্তনরশিপ এগ্রীমেন্ত (MMPA) গী খুত্থাংদা নাকল অনিমক্না ইরিগুলর মাইগ্রেসন থেংননবা য়ানখি। মসিগীদমক, নাকল অনিমক্না MMPAনা চৎনবা হৌরকপদগী হল্লকপগী লমদা মতেং পাংনবা হৌরকখি। নাকল অনিমক্না হৌজিক ফাওবদা ফংলক্লিবা খুমাং চাওশিনববু তরাম্না ওকখি অমসুং মতিক চাবা প্রোসিদ্যুওরেল এরেঞ্জমেন্তশিংগী খুত্থাংদা মখাতানা থবক পাইখৎনবা অমসুং অমসুং স্ত্রিমলাইন কোওপরেসন পীনবগী মরুওইবা অদু ফোংদোকখি।

58. লুচিংবা অনিনা নাকল অনি অমসুং মখোয়গী লৈবাকশিংগী মরক্তা লৈনরিবা মরী হেনগৎলকপবু তরাম্না ওকখি। হেনগৎলক্লিবা মরীশিং অসিদগী লাকপা কন্সুলরগী হীরমশিংগী পাক-চাওবা অমসুং কন্সুলরগী হীরমশিংগা মরী লৈনবা হিরম পুম্নমক্তা ৱারী শানবগী তঙাই ফদবা অদু মখোয়না খন্নখি। মখোয়না মখোয়গী লমশিংদা লৈরিবা অতোপ্পা নাকলগী নাগরিকশিংদা শোকহল্লিবা তোঙান তোঙানবা কন্সুলার, ভিজা অমসুং অতোপ্পা ইসুশিংদা নাকল অনিগী ওইবা দাইলোগ অমগীদমক মতিক চাবা ফোর্মেত অমা অথুবা মতমদা শেমগৎনবা হোৎনবদা য়ানখি।

59. নাকল অনিমক্না মখোয়গী নহারোলশিংবু কলচরেল এম্বেসেদরশিং অমসুং ইন্নোভেসন পুথোকপা অমসুং লৈবাক অনিগী মরক্তা মীয়ামগা মরী লৈনবা থৌওংশিংদা মতেং পাংনবা থৌদাংশিং অদু শকখঙখি। মসিগী মতাংদা লুচিংবা অনিনা নহারোলশিংগী মরক্তা তেংবাং পীনবগী মরুওইবা অদু পনখি অমসুং নাকল অনিগী মরক্তা নহারোলশিংগী মরক্তা এক্সচেঞ্জ অমসুং দেলিগেসনগী ফোরম অমা লিংখৎনবগী প্রপোজল অদুগী মতাংদা পনখি। নাকল অনিমক্না মহৈরোইশিংবু অমগা অমগা মরী লৈনবা য়ুম্ফমদা এক্সচেঞ্জ তৌনবা য়ানখি।
 
60. ভারত অমসুং জর্মনগী নেস্নেল ম্যুজিয়মশিং হায়বদি প্রুসিয়ন হেরিতেজ ফাউন্দেসন অমসুং নেস্নেল গেল্লরী ওফ মোদর্ন আর্ত, ইন্দিয়াগী মরক্তা ম্যুজিয়ম কোওপরেসনগী মতাংদা মেমোরেন্দম ওফ অন্দর্স্তেন্দিংগী স্কোপ চাউথোক্নবা অমসুং কলচরগী লমদা পায়খৎলিবা থবক কয়ামরুম অদু নাকল অনিমক্না অপেনবা ফোঙদোকখি।

61. G20 ন্যু দিল্লীগী লীদর্স দিক্লেরেসন (2023) গী মতুং ইন্না লুচিংবা অনিমক্না কলচরেল গুদশিং অমুক হন্না পীরকপা অমসুং ঙাক শেনবা অমসুং কলচরেল গুদশিংবু মরী লৈনবা লৈবাক অমসুং কম্ম্যুনিতীদা অমুক হন্না পীরকপা অমসুং পীরকপা য়াহন্নবা নেস্নেল, রিজনেল অমসুং স্তেৎকী থাক্তা কলচরেল গুদশিংগী ইলিসিত ত্রেফিকিংগী মায়োক্তা লান্থেংনবদা অমগা অমগা তেংবাংনবা মখোয়গী অপাম্বা অদু ফোংদোকখি।

62. জর্মনীগী য়ুনিভর্সিতীশিংদা ভারতকী একাদমিক চেয়রশিং লিংখৎপা অসিনচিংবা খোংথাংশিংগী খুত্থাংদা সস্তেনেবল কলচরেল অমসুং একাদমিক একচেঞ্জশিং পুরকপগীদমক সরকার অনিমক্না থাগৎপা ফোংদোকখি।

63. লুচিংবা অনিমক্না 7শুবা IGCদা পাংথোকখিবা খন্ন-নৈনবদা নুংঙাইবা ফোংদোকখি অমসুং ইন্দো-জর্মন স্ত্রেতেজিক পার্তনরশিপ মখা তানা পাকথোক-চাউথোকহন্নবা অমসুং হেন্না চেৎশিলহন্নবা মখোয়গী ফিরেপ অদু অমুক হন্না ফোংদোকখি। চাঞ্চেলর স্কোলজনা প্রধান মন্ত্রী মোদীবু মহাক্কী থৌগল্লোনগীদমক থাগৎপা ফোংদোকখি অমসুং মহাক্না হায়খি মদুদি জর্মনীনা মথংগী IGC পাংথোক্নবা শেম শারী।

***