ସୂଚନା ଓ ପ୍ରସାରଣ ମନ୍ତ୍ରଣାଳୟ
ସୂଚନା ଓ ପ୍ରସାରଣ ମନ୍ତ୍ରଣାଳୟ ଦ୍ୱାରା ଆଇଗଟ୍ ଲ୍ୟାବ ପ୍ରତିଷ୍ଠା ଏକ ପ୍ରଶଂସନୀୟ ପଦକ୍ଷେପ : ଡ. ଏଲ୍. ମୁରୁଗନ୍
ଆକାଂକ୍ଷୀ ଭାରତ ପାଇଁ କୃତ୍ରିମ ବୁଦ୍ଧିମତା : ଡ. ଏଲ୍. ମୁରୁଗନ୍ ଉତ୍ପାଦନ ବୃଦ୍ଧି ତଥା ଶାସନକୁ ଉନ୍ନତ କରିବାକୁ ଏଆଇ ଉପକରଣ ଗ୍ରହଣ କରିବାକୁ ଅନୁରୋଧ କରିଛନ୍ତି
Posted On:
25 OCT 2024 2:23PM by PIB Bhubaneshwar
ଜାତୀୟ ଶିକ୍ଷା ସପ୍ତାହ ୨୦୨୪ ପୁରସ୍କାର ବିତରଣ ସମାରୋହ ଏବଂ ଆଇଗଟ୍ ଲ୍ୟାବ୍ ଏବଂ ଶିକ୍ଷଣ କେନ୍ଦ୍ରର ଉଦ୍ଘାଟନୀ ଉତ୍ସବରେ ମୁଖ୍ୟ ଅତିଥି ଡ. ଏଲ୍. ମୁରୁଗନ୍ କର୍ମଯୋଗୀ ସପ୍ତାହ ସମାପ୍ତିର ଉତ୍ସବ ପାଳନ କରିଛନ୍ତି ।
ସୂଚନା ଏବଂ ପ୍ରସାରଣ ସଚିବ ଶ୍ରୀ ସଞ୍ଜୟ ଜାଜୁ, ସ୍ୱତନ୍ତ୍ର ସଚିବ ଶ୍ରୀମତି ନୀରଜା ଶେଖର, ମନ୍ତ୍ରଣାଳୟର ବରିଷ୍ଠ ଅଧିକାରୀ ତଥା ବରିଷ୍ଠ କଳାକାରମାନେ ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ।
କର୍ମଯୋଗୀ ସପ୍ତାହ – ଜାତୀୟ ଶିକ୍ଷା ସପ୍ତାହ (ଏନ୍ଏଲ୍ଡବ୍ଲ୍ୟୁ)
କର୍ମଯୋଗୀ ସପ୍ତାହ – ଜାତୀୟ ଶିକ୍ଷା ସପ୍ତାହ (ଏନ୍ଏଲ୍ଡବ୍ଲ୍ୟୁ) ହେଉଛି ଭାରତର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଭବିଷ୍ୟତ ପାଇଁ ପ୍ରସ୍ତୁତ ସିଭିଲ ସର୍ଭିସ ଗଠନ କରିବାକୁ ଏବଂ ଏହି ସପ୍ତାହରେ ସମସ୍ତ ସ୍ତରରେ ସରକାରୀ କର୍ମଚାରୀଙ୍କ ଦକ୍ଷତାକୁ ଦୃଢ଼ କରିବା ଉପରେ ଗୁରୁତ୍ୱାରୋପ କରାଯାଇଥିଲା, ଯାହା ବିଶ୍ୱସ୍ତରୀୟ ଦୃଷ୍ଟିକୋଣ ସହିତ ଭାରତୀୟ ମୂଲ୍ୟବୋଧରେ ଗଭୀର ଭାବରେ ଗଢ଼ି ଉଠିଛି ।
ଏହି ଅବସରରେ ସୂଚନା ଓ ପ୍ରସାରଣ ରାଜ୍ୟ ମନ୍ତ୍ରୀ ଡକ୍ଟର ଏଲ୍. ମୁରୁଗନ୍ ୩ ମିଲିୟନ୍ରୁ ଅଧିକ କେନ୍ଦ୍ର ସରକାରୀ କର୍ମଚାରୀଙ୍କର ଦକ୍ଷତା ଏବଂ କୌଶଳ ବୃଦ୍ଧି କରିବା ତଥା ୨୨ ମିଲିୟନରୁ ଅଧିକ ରାଜ୍ୟ ସ୍ତରୀୟ ସରକାରୀ କର୍ମଚାରୀ ଏବଂ ୫ ମିଲିୟନ୍ ସହରୀ ସ୍ଥାନୀୟ ସଂସ୍ଥା (ୟୁଏଲ୍ବି) ପାଇଁ ନିରନ୍ତର ଶିକ୍ଷା ଉପଲବ୍ଧତା ସୁନିଶ୍ଚିତ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥିଲେ । ଏହି କାର୍ଯ୍ୟକ୍ରମ କିପରି ଉଭୟ ସ୍ଥାୟୀ ଏବଂ ଚୁକ୍ତିଭିତ୍ତିକ କର୍ମଚାରୀଙ୍କ ପାଇଁ ଖୋଲା ରହିଛି, ଯାହା ଜାତୀୟ ଲକ୍ଷ୍ୟ ସହିତ ସମାନ୍ତରାଳ ଭାବରେ ଆଜୀବନ ଶିକ୍ଷାକୁ ପ୍ରୋତ୍ସାହିତ କରିବ ବୋଲି ସେ ଆଲୋକପାତ କରିଥିଲେ ।
ଆଇଗେଟ୍ ଲ୍ୟାବ : ଶିଖିବାକୁ ବୃଦ୍ଧି କରିବା : ଡ. ଏଲ୍. ମୁରୁଗନ୍ କହିଥିଲେ ଯେ, ମନ୍ତ୍ରଣାଳୟ ସୋସିଆଲ୍ ମିଡିଆର ଉପଯୋଗ, ଚଳଚ୍ଚିତ୍ର ଜ୍ଞାନର ବିକାଶ ଏବଂ ଫୋଟୋଗ୍ରାଫି କୌଶଳ ବୃଦ୍ଧି ଉପରେ ୩ଟି ୱେବିନାର ଆୟୋଜନ କରିଛି । ଏହାଛଡା, ସମସ୍ତ କର୍ମଚାରୀମାନଙ୍କ ପାଇଁ ଆଇଗେଟ୍ କର୍ମଯୋଗୀ ପୋର୍ଟାଲରେ ଅତି କମରେ ୪ ଘଣ୍ଟାର ତାଲିମ ସମ୍ପୂର୍ଣ୍ଣ କରିବାକୁ ବାଧ୍ୟତାମୂଳକ କରାଯାଇଥିଲା, ଯେଉଁଥିରେ ଅଫିସ ପ୍ରକ୍ରିୟା, ଲିଙ୍ଗ ସମ୍ବେଦନଶୀଳତା ଏବଂ ନେତୃତ୍ୱ ଭଳି ପ୍ରମୁଖ କ୍ଷେତ୍ରକୁ ଅନ୍ତର୍ଭୁକ୍ତ କରାଯାଇଥିଲା । ଏକ ଆଇଗଟ୍ ଲ୍ୟାବ ପ୍ରତିଷ୍ଠା ସମେତ ମନ୍ତ୍ରଣାଳୟର ଅଭିନବ ଉପାୟକୁ ସେ ପ୍ରଶଂସା କରିଥିଲେ, ଯାହାକୁ ସେ ନିରନ୍ତର ଶିକ୍ଷଣ ପାଇଁ ଏକ ପ୍ରଶଂସନୀୟ ପଦକ୍ଷେପ ବୋଲି ବର୍ଣ୍ଣନା କହିଛନ୍ତି ।
ଡ. ଏଲ୍. ମୁରୁଗନ ଶ୍ରେଷ୍ଠ ପ୍ରଦର୍ଶନକାରୀଙ୍କୁ ସମ୍ମାନିତ କରିଥିଲେ
ଆକାଂକ୍ଷୀ ଭାରତ ପାଇଁ ଏଆଇ :
“ଆକାଂକ୍ଷୀ ଭାରତ” ର ଲକ୍ଷ୍ୟକୁ ଆଗକୁ ବଢ଼ାଇବା ପାଇଁ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବା କୃତ୍ତ୍ରିମ ବୁଦ୍ଧିମତା (ଏଆଇ)ର ଲାଭ ନେବାକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଦୃଷ୍ଟିକୋଣ ଅନୁଯାୟୀ, ଡ. ଏଲ୍. ମୁରୁଗନ୍ ଉତ୍ପାଦନ ବୃଦ୍ଧି ଏଆଇ ଉପକରଣକୁ ସକ୍ରିୟ ଭାବରେ ସାମିଲ କରିବାକୁ ମନ୍ତ୍ରଣାଳୟକୁ ପରାମର୍ଶ ଦେଇଛନ୍ତି । ଏଥିସହ ସେ ଉତ୍ପାଦନ ବଢ଼ାଇବା ତଥା ପୁନରବୃତ୍ତି କାର୍ଯ୍ୟ ଭାର ହ୍ରାସ କରିବାକୁ ଚାଟ୍ଜିପିଟି ଏବଂ ଜେମିନି ପରି ଉପକରଣ ଗ୍ରହଣ କରିବାକୁ ଅନୁରୋଧ କରିଛନ୍ତି । ମନ୍ତ୍ରୀ କହିଥିଲେ ଯେ ଏଆଇ-ଚାଳିତ ତଥ୍ୟ-ସଂଚାଳିତ ନିଷ୍ପତ୍ତି ଗ୍ରହଣ ସହିତ ସରକାରୀ କର୍ମଚାରୀମାନେ ଶାସନର ଉଚ୍ଚ-ପ୍ରଭାବ କ୍ଷେତ୍ର ଉପରେ ଧ୍ୟାନ ଦେଇପାରିବେ ଏବଂ ସେମାନଙ୍କ ବିଭାଗ ମଧ୍ୟରେ ଉନ୍ନତ ସେବା ବିତରଣ ତଥା ନୂତନତ୍ୱ ସୁନିଶ୍ଚିତ କରିପାରିବେ ।
ନାଗରିକ-କୈନ୍ଦ୍ରୀକ ଶାସନକୁ ପ୍ରୋତ୍ସାହିତ କରିବା ପାଇଁ ବ୍ୟବହାରିକ ପାଠ୍ୟକ୍ରମ ଉପରେ ଧ୍ୟାନ ଦେବାକୁ ସେ ଅନୁରୋଧ କରିଥିଲେ ଏବଂ ଉନ୍ନତ ସେବା ବିତରଣ ପାଇଁ ଦକ୍ଷ ଅଭିଯୋଗ ସମାଧାନର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ ।
SR
(Release ID: 2068266)
Visitor Counter : 27