এন্দ্রগী কঞ্জুমর এফিয়র্স, ফুদ অমসুং পব্লিক দিস্ত্রিব্যুসন অমসুং ন্যু অমসুং রিন্যুএবল এনর্জী মন্ত্রী শ্রী প্রলহাদ জোশিনা NCCF, NAFED অমসুং কেন্দ্রিয় ভান্দরগী মোবাইল ভেনশিং লম্থাদুনা ভারত চনা দাল রিতেলগী ফেজ –II দিল্লী-NCR দা রাজ্যগী মন্ত্রী শ্রী বি.এল. ভর্ম অমসুং শ্রীমতি নিমুবেন জয়ন্তিভাই বাম্ভনিয়া য়াওনা হৌদোকখ্রে।

ভারত চনা দালগী ফেজ-II অসিদা মমল তাহন্নবগী বফরদগী চনা স্তোক লাখ তন ৩ লোম চনা দাল অমসুং চনা হোল ওইনা কঞ্জুমরশিংদা মথং শিৎনা কিলোদা লুপা ৭০ অমসুং লুপা ৫৮দা রিতেলদা য়োন্নবগীদমক ওন্থোক্লে। চনাদগী হেন্দোক্তুনা লৈঙাক অসিনা ভারত ব্রান্দ অসি মুং অমসুং মসুর দালশিংদসু পাকথোক চাউথোক্লে। ভারত মুং দাল অসি কিলোদা লুপা ১০৭ তা, ভারত মুং সবুত্না কিলোদা লুপা ৯৩দা অমসুং ভারত মসুর দালনা কিলোদা লুপা ৮৯দা রিতেল তৌরি। ভারত চনা দাল মখা চত্থবনা হন্দক্কী কুমহৈগী মতমদা দিল্লী NCR গী কঞ্জুমরশিংদা থাবগী চাং হেনগৎলগনি।

থৌরম অসিগী মনুংদা মীদিয়াগী মীওইশিংগা ৱারী শানবদা শ্রী জোশিনা ফোঙদোকখি মদুদি থৌরাং অসি ভারত সরকারনা কঞ্জুমরশিংদা তঙাইফদবা চীঞ্জাক্কী পোৎলমশিং অহোংবা মমলদা ফংহন্নবা লেপ্লি হায়বদু তাকপনি। তঙাইফদবা চীঞ্জাক্কী পোৎলমশিং হায়বদি চেঙ, আতা, দাল, অমসুং তিলহৌ রিতেল তৌবনা মমল খল চানা থম্বা ঙমগনি।

কেন্দ্রনা তোঙান-তোঙানবা পোলিসীগী থৌরাংশিং লৌখৎতুনা হৱাই চেঙৱাই ফংহন্নবা হোৎনরি। লমদম অসিগী ওইবা পোত্থোকশিং পুথোকপা হেনগৎনবগীদমক, লৈঙাক অসিনা হৱাই চেঙৱাইগী MSP অসি চহি চহিগী ওইনা হেনগৎলি, অমসুং তুর, উরাদ, অমসুং মসুর ২০২৪-২৫ কুমগী সিলিং য়াওদনা লৈনবা থৌরাং লাউথোকখ্রে। খরিফ ২০২৪-২৫কী মনুংদা, NCCF অমসুং NAFED না তোঙান-তোঙানবা মীয়াম ভাপ তাহন্নবা, মরু য়েন্থোক্নবা অমসুং লৌমীশিংদা শোইদনা লৈহন্নবগীদমক মাংজৌননা মিং চলহন্নবগী থৌরাংশিং পায়খৎখ্রে। অমসুং হায়রিবা থৌরাংশিং অসি লাক্কদৌরিবা রবিগী হুনবগী মতমদসু মখা চত্থরি। লমদম অসিদগী পুথোক্নবা অমসুং তুর, উরাদ, মসুর অমসুং চনা মপান্দগী পুশিল্লকপদা অতৎ অখম লৈতনবগীদমক লৈঙাক অসিনা মার্চ ৩১, ২০২৫ ফাওবা দ্যুতি ফ্রী পীখ্রে অমসুং য়েলো পিগীনা দিসেম্বর ৩১, ২০২৪ ফাওবা পীখ্রে। খরিফকী হৱাই চেঙৱাই চহি অসিগী ওইনা হুনবগী চাং হেনগৎপা অমসুং মপান্দগী পুশিল্লকপগী চাং লেপতবনা জুলাই ২০২৪ দগী হৌদুনা মমল তাথরক্লি। তুর দাল, উরাদ দাল, মুং দাল অমসুং মসুর দালগী রিতেল প্রাইস অসি হৌখিবা থা অহুম্লোম অসিদা হন্থরে অমসুং চাং অমদা লৈরে।

মনা মশীংগী ওইনা, লৈঙাক অসিনা NCCF অমসুং নাফেদকী খুত্থাংদা রবি ক্রোপ্তগী তিলহৌ তন লাখ ৪.৭ লৈশিনখ্রে। লৈঙাক অসিনা বফরদগী সেপ্তেম্বর ৫, ২০২দগী হৌদুনা হৌজিক ফাওবা তিলহৌ তন লাখ ১.১৫ থাদোকপা হৌখ্রে। NCCF না রাজ্য ২১ দা লৈবা সেন্তর ৭৭তা তিলহৌ থাদোকখ্রে অমসুং নাফেদনা রাজ্য ১৬কী সেন্তর ৪৩দা থাদোকখ্রে। থাদোকপগী চাং হেনগৎনবগীদমক, ইহান হানবা ওইনা রেল রেকশিংদা তিলহৌ বল্ক ওইনা পুবগী থবক হৌখ্রে। NCCF না নাশিক্তগী কান্দা এক্সপ্রেসনা এম.তি. ১৬০০ পুদুনা দিল্লীদা ওক্তোবর ২০, ২০২৪দা য়ৌখি। নাফেদনা চেন্নৈদা রেল রেক্তা এম.তি. ৮০০-৮৪০ গী তিলহৌ পুনবা শেম শাখ্রে। চেন্নৈগী রেল রেক অসি ওক্তোবর ২২, ২০২৪ দা নাশিক থাদোকখি।

রেল রেক্না লখনৌ অমসুং ভরানসিদা পুবগী চাং থবক অসি NCCFনা মহুৎ শিনখ্রে। কঞ্জুমর এফিয়র্স বিভাগনসু ইন্দিয়ন রেলৱেদা নাশিক্তগী তিলহৌগী রেকশিং অৱাং নোংপোক লমদমগী তোঙান-তোঙানবা মফমশিংদা পুউবগী অয়াবা পীবীনবা হায়জখ্রে মসিদা (ক) এন.জে.পিঃ ন্যু জল্পাইগুরি (সিলিগুরি), (খ) দি.বি.আর.জি. – দিব্রুগর, (গ) এন.তি.এস.কে. ০ ন্যু তিনসুকিয়া অমসুং (ঘ) সি.জি.এস.; চংসারি য়াওরি। মসিনা ভারতকী তোঙান-তোঙানবা মফমশিংদা মমল হোংনা অমসুং পাক চাউনা তিলহৌ কঞ্জুমরশিংদা ফংহনবা ঙমগনি।  

*****