دوسرے قومی لائٹ ہاؤس فیسٹیول کے پہلے دن، بندرگاہوں، جہاز رانی اور آبی گزرگاہوں کی وزارت  كے زیر اہتمام  آج پوری میں لائٹ ہاؤس ٹورازم کنکلیو 2024 میں سرکاری افسران، سیاحت کے ماہرین، اور تحفظ پسندوں سمیت 100 سے زیادہ شرکاء نے شرکت کی۔ اس تقریب کا مقصد لائٹ ہاؤس سیاحت کے وسیع امکانات اور ان سمندری ڈھانچے کو محفوظ رکھنے کے لیے حکمت عملیوں کو تلاش کرنا ہے تاكہ سیاحت کی ترقی کو ورثے کے تحفظ کے ساتھ ملایا جائے۔

کانفرنس کو پوری سے عزت مآب ایم پی جناب سمبیت پاترا، جناب سریش گوپی، پٹرولیم، قدرتی گیس اور سیاحت کے وزیر مملکت؛ اور محترمہ پروتی پریڈا، عزت مآب نائب وزیر اعلیٰ اوڈیشہ سمیت  معززین نے وقار بخشا ۔ روایتی شمع روشن  كرنے کے بعد  بندرگاہوں، جہاز رانی اور آبی گزرگاہوں کے وزیر مملکت جناب شانتنو ٹھاکر نے کلیدی خطبہ پیش كیا۔جس میں انہوں نے مقامی معیشتوں کو فروغ دینے اور ہندوستان کے امیر سمندری ورثے کو محفوظ رکھنے کے ایک ذریعہ کے طور پر لائٹ ہاؤس سیاحت کو فروغ دینے کی اہمیت پر زور دیا۔

ہندوستان کے سمندری ورثے کی بے پناہ صلاحیت کو سامنے لانے کے ہمارے وژن کے مطابق، بندرگاہوں، جہاز رانی اور آبی گزرگاہوں کی وزارت نے ہمارے تاریخی لائٹ ہاؤسز کو زندہ کرنے کے لیے ایک انقلاب آفریں سفر شروع کیا ہے۔ طویل عرصے سے میرینرز کی رہنمائی کرنے والے  یہ شاندار ڈھانچے اب سیاحت، ثقافت اور علم و ہنر سیکھنے کے مراکز میں تبدیل ہو رہے ہیں۔ ملک بھر میں 75 مشہور لائٹ ہاؤسز کی ترقی کے ساتھ، ہم نہ صرف تاریخ کو محفوظ کر رہے ہیں بلکہ تفریح ​​اور کمیونٹی کی مصروفیت کے لیے متحرک جگہیں بھی بنا رہے ہیں۔

انہوں نے تمام مہمانوں کو گرمجوشی سے دعوت دی کہ وہ ان سنگ ہائے میل کو دیکھیں اور ان کے پیش کردہ ورثے اور جدیدیت کے انوکھے امتزاج کا تجربہ کریں۔

ڈائریکٹوریٹ جنرل آف لائٹ ہاؤسز اینڈ لائٹ شپس  کی ایک تفصیلی پیشکش نے ہندوستان میں لائٹ ہاؤس ٹورازم کی موجودہ صورتحال اور مستقبل کے امکانات کو ظاہر کیا جس میں جاری مختلف اقدامات کو اجاگر کیا گیا۔ 60 کروڑ روپے کی سرمایہ کاری کے ساتھ، 9 ساحلی ریاستوں اور ایك  مرکز کے زیر انتظام علاقے میں 75 مشہور لائٹ ہاؤسیز کو وزیر اعظم کی دور اندیش قیادت میں تیار کیا گیا ہے۔ ہر لائٹ ہاؤس عجائب گھر، ایمفی تھیٹر، چلڈرن پارکس اور بہت کچھ جیسی جدید سہولیات کے ساتھ ورثے اور تفریح ​​دونوں کا ایک مینار بن گیا ہے۔ اوڈیشہ میں لائٹ ہاؤس ٹورازم کو فروغ دینے کے لیے اس اقدام کے ایک حصے کے طور پر پانچ لائٹ ہاؤسیز — گوپال پور، پوری، چندر بھاگا، پارادیپ اور فالس پوائنٹ — تیار کیے گئے ہیں۔

مالی سال 2023-24 میں ہی 75 وقف شدہ لائٹ ہاؤسیز نے متاثر کن 16 لاکھ زائرین کو اپنی طرف راغب کیا۔  موجودہ مالی سال 2024-25 میں ستمبر 2024 تک ہی 10 لاکھ سے زیادہ زائرین کا خیرمقدم کیا گیاہے۔ ان پیش رفتوں کے نتیجے میں ملازمتوں كے مواقع بھی پیدا ہوئے، قریبی ہوٹلوں، ریستورانوں، ٹور آپریٹرز، ٹرانسپورٹیشن سروسیز اور مقامی دکانوں اور کاریگروں میں 150 براہ راست اور 500 بالواسطہ روزگار کے مواقع پیدا ہوئے۔

پریزنٹیشن کے بعد دو دلچسپ پینل سیشن ہوئے۔ پہلا سیشن، گورو نگر کے زیر انتظام، "لائٹ ہاؤس ٹورازم اینڈ ہیریٹیج" پر مرکوز تھا۔ مقررین بشمول کپل موہن (ریٹائر آئی اے ایس)، دیباسیس مشرا اور معروف فوٹوگرافر دنیش کھنہ نے لائٹ ہاؤسز کی ثقافتی اور اقتصادی اہمیت اور سیاحتی مقامات کے طور پر ان سے فائدہ اٹھانے کی ناقابل استعمال صلاحیت پر تبادلہ خیال کیا۔ دوسرا سیشن، گورو نگر کی طرف سے ہی چلایا گیا جس میں "لائٹ ہاؤسز کے تحفظ اور تحفظ" پر توجہ مرکوز کی گئی۔ راجہ پریجا، کیپٹن دیوبرت مشرا اور سنگیتا ٹھاکر جیسے ماہرین نے پائیدار تحفظ کی تکنیکوں پر غور کیا۔

اس انٹرایکٹو ڈائیلاگ نے ہندوستان میں لائٹ ہاؤس سیاحت کو مضبوط بنانے کے لیے صنعت کے اہم ذمہ داروں کے درمیان تعاون کی حوصلہ افزائی کی۔

اس کنکلیو کے ذریعے، بندرگاہوں، جہاز رانی اور آبی گزرگاہوں کی وزارت کا مقصد تاریخ اور سیاحت کے انوکھے امتزاج کے بارے میں بیداری پیدا کرنا ہے جس کی نمائندگی لائٹ ہاؤسیز کرتے ہیں، اور یہ بتانا ہے كہ  آئندہ نسلوں کے لیے ان کا تحفظ کس طرح ضروری ہے۔ یہ تقریب لائٹ ہاؤس سیاحت کے شعبے میں آنے والے اقدامات اور تعاون کا مرحلہ طے کرتی ہے۔

نوٹ: بعد میں شام کو، طالبانیہ گراؤنڈ میں ایک شاندار ثقافتی جشن پوری میں لائٹ ہاؤس ٹورازم فیسٹیول كا  حصہ ہو گا۔ تہوار کا آغاز  رقص اور گنیش وندنا کے ساتھ ہوگا جس کے بعد آسام کے بھرپور ثقافتی ورثے کی نمائش کرتے ہوئے روایتی آسامی پرفارمنس کا دلکش میڈلی پیش کیا جائے گا۔ شام کے اختتام پر، معروف گلوکار پاپون ایک خاص سلیبریٹی پرفارمنس کے ساتھ سامعین کو مسحور کریں گے ۔ یہ تقریب  لوگوں کو ایک متحرک ثقافتی نمائش میں یكجا كرنے والی روایت، فن اور تفریح ​​کا امتزاج پیش كرنے جا رہی ہے۔

******

U.No:1492

ش ح۔ع س۔س ا