صدر جمہوریہ ہند محترمہ دروپدی مرمو کل (16 اکتوبر 2024) اپنے الجزائر، موریطانیہ اور ملاوی کے سرکاری دوروں کے دوسرے مرحلے میں موریطانیہ میں تھیں۔ نواکشوٹ اومتونسی ہوائی اڈے پر پہنچنے پر صدرجمہوریہ دروپدی مرمو کا اسلامی جمہوریہ موریطانیہ کے صدر ایچ ای جناب محمد اولد غزوانی نے پرجوش استقبال کیا اور رسمی استقبالیہ دیا۔ اس موقع پر موریطانیہ کے وزیراعظم اور کابینہ کے وزراء بھی موجود تھے۔

یہ کسی ہندوستانی صدر کا موریطانیہ کا پہلا دورہ ہے۔ صدر جمہوریہ کے ساتھ وزیر مملکت  جناب سوکانت مجمدار اور ممبران پارلیمنٹ جناب مکیش کمار دلال اور جناب اتل گرگ بھی تھے۔

صدر جمہوریہ نے موریطانیہ میں ہندوستان کے سفیر کی طرف سے منعقدہ استقبالیہ میں موریطانیہ میں ہندوستانی کمیونٹی کے ارکان سے خطاب کیا۔

ہندوستانی برادری کے مختصر لیکن متحرک اجتماع سے خطاب کرتے ہوئے صدرجمہوریہ نے موریطانیہ کی سماجی و اقتصادی ترقی میں نمایاں تعاون کرنے کے لئے ہندوستانی برادری کی ستائش کی۔ انہوں نے کہا کہ ان کی صلاحیت، مہارت اور تجربہ ہندوستان کی ترقی کے لیےبھی اہم ہے۔

صدر جمہوریہ نے ہندوستانی برادری کی حوصلہ افزائی کرنے پر موریطانیہ کی حکومت اور عوام کی تعریف کی۔ انہوں نے کہا کہ ان کے جامع اور خوش آئند جذبے کی وجہ سے موریطانیہ میں ہندوستانی برادری خوشحال ہو رہی ہے۔

کمیونٹی استقبالیہ تقریب کے بعد صدر جمہوریہ نے صدارتی محل کا دورہ کیا، جہاں انہوں نے موریطانیہ کے صدر محمد اولد غزوانی سے ملاقات کی۔ دونوں رہنماؤں نے ہندوستان اور موریطانیہ کے درمیان تعلقات کو مزید مضبوط بنانے کے طریقوں پر تبادلہ خیال کیا۔ اس کے بعد انہوں نے وفد کی سطح کی بات چیت کی قیادت کی اور سفارت کاروں کی تربیت، ثقافتی تبادلے، ویزا سے استثنیٰ اور دفتر خارجہ سے مشاورت کے شعبوں میں چار مفاہمت کی یادداشتوں پر دستخط اور تبادلے کا مشاہدہ کیا۔

اس سے قبل موریطانیہ کے خارجہ امور، کوآپریشن اورغیر ممالک میں آباد موریطانیہ کے باشندوں کے وزیر عزت مآب جناب محمد سالم اولد مرزوگ نے ایک الگ پروگرام میں ملاقات کی۔

صدر جمہوریہ ہند ملاوی کے لیے روانہ ہو گئیں–جو ان کے تین ملکی دورے کا آخری مرحلہ ہے۔

براہ کرم صدر جمہوریہ ہند کی خطاب کو ملاحظہ کرنے کےلیے یہاں کلک کریں –

*********************

 (ش ح۔   ح ن۔ ت ع)

U. No. 1385