হৌজিক চত্থরিবা শেনবা চহি ২০২৪-২৫দা লাখ ৫৬ হেন্না মিং চনখিবগা লোয়ননা অতল পেন্সন য়োজনা (এ.পি.ৱাই.)গী মখাদা অপুনবা মিং চনখিবা করোর ৭ হেনখ্রে। স্কিম অসি মসিগী ১০শুবা চহিদা লৈরি, অমসুং খ্বাইদগী শোত্থরবা সেক্সনশিংবু পেন্সন্না কোনশিনবগী মখাদা পুরক্তুনা অচৌবা মাইলস্তোন অমা ফংলে অমদি বেঙ্কশিং অমসুং এস.এল.বি.সি.শিং/য়ু.তি.এল.বি.সি.শিং পুম্নমক্কী চোকথবা লৈতবা হোৎনবগা লোয়ননা ওইথোকহল্লে।

পেন্সন ফন্দ এন্দ রেগুলেতরী দেবেলপমেন্ত ওথোরিতী (পি.এফ.আর.দি.এ.)না হন্দক্তা স্কিমগী মতাংদা এৱার্নেস পীনবা ইনিসিয়েতিব কয়া অমা লৌখৎলে মদুদি রাজ্য অমসুং জিলা থাক্তা এ.পি.ৱাই. আউতরিচ প্রোগ্রামশিং পাংথোকপা, এৱারনেস অমসুং ত্রেনিং প্রোগ্রামশিং পাংথোকপা, তোঙান তোঙানবা মিদীয়া চেনেলশিংগী থোংদা পব্লিসিতী, হিন্দী, ইংলিস অমসুং লোন ২১দা ৱান-পেজর সিম্পল এ.পি.ৱাই. প্লায়র/হেন্দআউত অমা রিলিজ তৌবা, অমসুং রেগুলর পর্ফোমেন্স য়েংশিনবনি।

এ.পি.ৱাই. অসি মতৌ অসুম্না দিজাইন তৌই মদুদি মসিনা সবসক্রাইবরদা পুন্সী চুপ্পা দিফাইন্দ অমসুং গরেন্তেদ পেন্সনগী শেমফম ফংহন্দুনা সমপুর্ন সুরক্ষা কবছ ফংহনবতা নত্তনা সবসক্রাইবরনা লৈখিদবা মতুং মহাক্কী নুপী নত্রগা মপুরোইবদসু মানবা পেন্সনগী শেনফম ফংহন্দুনা অমসুং মদুগী মতুং সবসক্রাইবর অমসুং মহাক্কী নুপী নত্রগা মপুরোইবনা লৈখিদবা মতুং নোমিনীদা অপুনবা শেনফম (চহি ৬০ ফাওবগী হোৎলগা) হন্দোক্তুনা ইমুং মনুংদসু ফংহল্লি।

এ.পি.ৱাই. অসি ভারত সরকারগী ফ্লেগশিপ সোসিয়েল সেক্যুরিতী স্কিম অমনি। মসি ভারত মচা পুম্নমক্কী অখন্ননা লাইরবশিং, শোত্থরবশিং অমসুং অনওর্গনাইজ সেক্তরদা থবক তৌরিবশিংগীদমক য়ুনিবর্সেল সোসিয়েল সেক্যুরিতী সিস্তেম অমা শেমগৎনবা পান্দম অমগা লোয়ননা ২০১৫গী মে ৯দা হৌদোকখি।

****