সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (CDSCO) অমদি নেস্নেল রিগুলেতরী ওথোরিতী ওফ ইন্দিয়া (NRA) অমসুং মসিগী এফিলিএত তৌবা ইন্সতিত্যুৎশিং ৱর্ল্দ হেল্থ ওর্গনাইজেসন (WHO)না ফোঙবা ফংস্নেল ভেক্সিন রিগুলেতরী সিস্তেমগী ইন্দিকেতরশিং ফংলম্লে‍। ফীভম অসি জিনেভাদা লৈবা WHO (HQ)না লুচিংবা তোঙান তোঙানবা লৈবাকশিংদগী মালেমগী এক্সপর্তশিংগী তীম অমনা সেপ্তেম্বর ১৬ তগী ২০, ২০৪ ফাওবা ভারতকী ভেক্সিন রিগুলেতরী সিস্তেম অসিবু মপুং ফানা অমসুং মনুং হুৎনা সাইন্তিফিক ওইবা রিভিউ তৌরবাম তুংদা তারকখিবনি‍।

সেফতী, এফিকেসী, অমসুং ক্বালিতী হায়বসিনা ভেক্সিন এসেস তৌবগী মচং ওইবা পেরামিতর অহুম্নি‍। WHO না তুল্স অমসুং গাইদলাইনশিং শেমদুনা, NRA বেঞ্চমার্ক তৌদুনা অমসুং ভেক্সিনগী প্রিক্বালিফিকেসন প্রোগ্রামগী খুত্থাঙদা ভেক্সিন ক্বালিতী লৈহন্নবা মালেমগী ওইবা স্তেন্দর্দ অমসুং বেঞ্চমার্ক শেমখিবনি‍।

WHO NRA রি-বেঞ্চমার্কিং অসি ভেক্সিন রিগুলেসনগী মতাঙদা ভারতকী রিগুলেতরী সিস্তেমগী ফীভম য়েংশিন্নবা অমসুং দোকুমেন্ত তৌনবা, ভারতকী ভেক্সিন রিগুলেতরী সিস্তেমগী ফীভম WHO NRA গ্লোবেল বেঞ্চমার্কিং তুল (GBT)গা চাংদম্রদুনা রি-বেঞ্জমার্ক তৌনবা অমসুং সিস্তেম অসিগী মেচ্যুরিতী ওন্ননবা পান্দম থম্লি‍। ভারতপু WHO গ্লোবেল বেঞ্চমার্কিং তুল ভর্জন VIগী কোর রিগুলেতরী ফংসন পুম্নমক্কা য়েংনবদা ‘ফংস্নেল’ ওইরে হায়না লাউথোকখ্রে‍। ভারতকী ভেক্সিন রিগুলেতরী সিস্তেম অসি, হৌজিক্না বেঞ্চমার্কিং ক্রাইতেরিয়াদা লৈরিবা থাক অমসুং চেকশিনবগী চাং হেনগৎহল্লগা GBT VI হায়না রিভাইজ তৌখ্রবা, হান্নগী গ্লোবেল বেঞ্চমার্কিং তুল ভর্জন V ২০১৭দা বেঞ্চমার্ক তৌখ্রবনি

ভারতনা তোঙান তোঙানবা ফংসনশিংদা খ্বায়দগী ৱাংবা মার্ক ফংদুনা মেচ্যরিতী লেবেল ৩ পায়রি‍।

শিংথানিংঙাই ওইরবা মায় পাকপা অসিগী মতাঙদা ৱা ঙাংলদুনা, কেন্দ্রগী হকশেল সেক্রেতরী মিস পুন্য সালিলা স্রিবাস্তবনা “সেন্ত্রেল দ্রগ্স স্তেন্দর্দ্স কন্ত্রোল ওর্গনাইজেসন্না, WHOগা খুৎশম্নরগা, মায় পাকপা অসি ফংনবা শিংথানিংঙাই ওইবা ফৌরাং পায়খৎখি‍। ভারত অসি মালেম পুম্বগী ফার্মাসিউতিকেল ইন্দস্ত্রীগী মরুওইবা প্লেয়র অমা ওইরি অমসুং মমল হোঙবা ভেক্সিন অমসুং জেনেরিক হিদাক লাংথকশিংগীদমক খঙনৈ,” হায়না হায়খি‍।

মহাক্না তীম পুম্নমকপু লৈবাক্কীদমক পন্দোল অসি লোম্নবা কন্না হোৎনখিবগীদমক থাগৎখি অমসুং ভারতকী রিগুলেতরী সিস্তেমগী মপাঙ্গল অমসুং হকশেলগী অফবা মহৈ পুরকপা হেনগৎহন্নবা মালেম পুম্বদা ক্বালিতী লৈবা পোত্থোক সপ্লাই তৌনবা ফিরেপ্পু অমুক হন্না ফোঙদোকখি‍।

দোক্তর রোদরিকো ঐচ. ওফ্রিন, WHO রিপ্রজেন্তেতিব তু ইন্দিয়ানা হায়খিবদা, “WHO না লৈবাকশিংদা মখোয়গী রিগুলেতরী সিস্তেম মপাঙ্গল কনখৎহন্নবা, অমসুং ক্বালিতী লৈবা, শাফবা, মতিক ময়াই লৈবা, অমসুং অতাবা মমলগী মেদিকেল প্রদক্তশিং য়োকখৎপদা ঙাক্লৌ পীদুনা মরুওইবা থৌদাং য়ারি‍। মসি তশেংবমকসু অচৌবা মায় পাকপা অমনি, অমসুং ঐখোয়না হকশেল অমসুং য়াইফ-য়ুম্বাল মন্ত্রালয় অমদি মাগী এফিলিএতেদ ইন্সতিত্যুসনশিংগী মফমদা নুংঙাইবা ফোঙদোকচরি,” হায়না মহাক্না মখা তাখি‍।

দোক্তর রাজীব সিংহ রঘুবন্সী, দ্রগ্স কন্ত্রোলর জেনেরেল (ইন্দিয়া), সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন, MoHFW না হায়খি, “ভারতনা, ভেক্সিন মশিং য়াম্না পুথোকপা লৈবাক অমা ওইনা, হৌজিক হৌজিক ভেক্সিন কয়া UN এজেন্সীশিংদা (UNICEF, WHO and PAHO) সপ্লাই তৌরি‍”‍। “নেস্নেল রিগুলেতরী ওথোরিতী ওফ ইন্দিয়ানা ভেক্সিনগী ফংস্নেল রিগুলেতরী সিস্তেমগী মতাঙদা WHO NRA ইন্দিকেতরশিং (WHO গ্লোবেল বেঞ্চমার্কিং তুল)গী স্তেন্দর্দ ফংবা ঙম্লে,” হায়না মহাক্না মখা তাখি‍।

সিস্তেম অসিগী জেনেরেল ফ্রেমৱর্ক্কী মথক্তা, ইভালুএত তৌখিবা রিগুলেতরী ফংসনশিংদি: জেনেরেল ওভরভিউ ওফ দি নেস্নেল রিগুলেতরী সিস্তেম (RS), রেজিস্ত্রেসন এন্দ মার্কেতিং ওথোরাইজেসন (MA), ভিজিলেন্স (VL), মার্কেত সর্ভিলেন্স এন্দ কন্ত্রোল (MSC), লাইসেন্সিং এস্তাব্লিসমেন্ত (LI), রিগুলেতরী ইন্সপেক্সন্স (RI), লেবোরেতরী তেস্তিং (LT), ক্লিনিকেল ত্রাইএল ওভর্সাইত (CT) অমসুং NRA লোত রিলীজ (LR)নি‍।

মালেমগী বেঞ্চমার্কিংগী অফবা মহৈ অদুবু তরাম্না ওক্লদুনা, দোক্তর অলিরেজা খদেম, WHO তীম লীদর ফোর দি NRA রি-বেঞ্চমার্কিংনা হায়খি, “ভারতকী ফার্মাসিউতিকেল সেক্তরগী মপাঙ্গল অমসুং দ্রগ রিগুলেতরী কেপাসিতী য়াওনা মালেমগী হকশেলগী লমদা ভারতনা লৌরিবা থৌদাং অমুক্কা হেন্না চেৎশিলহন্বদা মসিনা চাউনা মতেঙ ওইরগনি‍। WHO না হৌখিবা চহি কয়াসিদা ভারতকী নেস্নেল রিগুলেতরী ওথোরিতীদা পীরিবা তেক্নিকেল ওইবা চৈঙাক হেনগৎহন্দুনা লাক্লি‍। মায় পাকপা অসি  success is a culmination of intensive effort by the Health Ministry, including CDSCO য়াওনা হকশেল মন্ত্রালয়না, WHO গা খুৎশম্নরগা, ভেক্সিন রিগুলেসনগী কেপাসিতী মপাঙ্গল কনখৎহন্নবা রোদমেপ অমা পায়খৎনবা অকন্বা মওংদা হোৎনখিবশিংদুগী মহৈনি”‍।

ভারত অসি অচৌবা ভেক্সিন মেনুফেকচরিং ফেসিলিতী ৩৬ লৈদুনা অচৌবা ভেক্সিন পুথোকপা লৈবাক অমনি‍। ভেক্সিনশিং অসি লৈবাক্কী অমসুং মালেমগী কৈথেলশিংদা (লৈবাক ১৫০) শীজিন্নদুনা, ভারতপু মালেম পুম্বগী অচৌবা ভেক্সিন সপ্লাইয়র অমা ওইহল্লি‍।

WHO প্রিক্বালিফিকেসন প্রোগ্রাম (PQP) অসিনা ক্বালিতী, সেফ্তী, অমসুং এফিকেসীগীঈ পুনশিল্ললবা স্তেন্দর্দ লোয়ননা প্রোগ্রামগী মথৌ তাবশিং ফংবা ঙম্বা ভেক্সিন ফংহনবদা মতেঙ পাংনবা পান্দম থম্লি‍। মেনুফেকচররশিংনা য়ুনাইতেদ নেসন্সকী প্রোকরিং এজেন্সীশিংগী খুত্থাঙদা লৈবাকশিংদা সপ্লাই তৌবা হায়বসিসু তঙায় ফদবা অমনি‍। মথৌ নীংথিনা তৌবা NRA অমা লৈবা হায়বসি WHO প্রিক্বালিফিকেসন ওফ ভেক্সিন্সকীঈ চঙদ্রবা য়াদ্রবা অমনি‍।

NRA বেঞ্চমার্কিং পুম্নমক্কী ওইনা, রিগুলেতরী কেপাসিতীদা সস্তেনেবিলিতী হেনগৎহন্বা হায়বসি য়াম্না মরুওই‍। পান্দম অসিগীদমক, ভারত্তা এসেসমেন্ত মপুং ফানা পাঙথোকখিবা তীম অসিনা মচা খায়বা ইন্সতিত্যুস্নেল দিভেলপমেন্ত প্লান অমা পুথোকখি‍। প্লান অসিনা লাক্কদৌরিবা চহিশিংদা ভারত্তা রিগুলেতরী কেপাসিতী মপাঙ্গল মখা তানা কনখৎহন্নবা অহেন্বা থবক থৌরমশিং পায়খৎনবা য়াত্থোকখি‍।

ৱর্ল্দ হেল্থ ওর্গনাইজেসন্না সেন্ত্রেল দ্রগ্স স্তেন্দর্দ কন্ত্রোল ওর্গনাইজেসন (CDSCO), স্তেত দ্রগ রিগুলেতরী ওথোরিতিজ, সেন্ত্রেল দ্রগ্স লেবোরেতরী, কসৌলী; কেন্দ্র অমসুং স্তেতকী থাক্তা এদভর্স ইভেন্তস ফোলোৱিং ইম্ম্যুনাইজেসন (AEFI) স্ত্রকচর, ইম্ম্যুনাইজেসন দিভিজন, ভারতকী ফার্মাকোভিজিলেন্স প্রোগ্রাম, অমসুং ভেক্সিনগী রিগুলেসন, কন্ত্রোল অমসুং তেস্তিংগী থবকশিংগা মরী লৈনবা অতৈ ইন্সতিত্যুসনশিং য়াওনা ভারতকী নেস্নেল রিগুলেতরী ওথোরিতী (NRA) এসেস তৌখি‍।

***