ঙসি নই দিল্লীদা লৈবা ESIC হেদক্বাতর্সতা ESI কোর্পোরেসনগী 194শুবা মীফমদা লেবর অমসুং এমপ্লোইমেন্ত অমদি য়ুথ এফিয়র্স অমসুং স্পোর্তসকী কেন্দ্র মন্ত্রী, দা. মনসুখ মন্দাবিয়ানা ময়াই তাংবল লৌখ্রে। থৌরম অদুদা লেবর অমসুং এমপ্লোইমেন্ত অমসুং মাইক্রো, স্মোল এন্দ মেদিয়ম এন্তর্প্রাইসেসকী কেন্দ্রগী রাজ্য মন্ত্রী, সুশ্রি সোভা করন্দলাজেসু শরুক য়াখি। মীফম অদুদা কেন্দ্রগী মন্ত্রীনা ESICকী ইনফ্রাস্ত্রকচর অমসুং মেদিকেল ফেসিলিতীশিং হেন্না মপাঙ্গল কনখৎহন্নবা ESI কোর্পোরেসনগী মরু ওইবা ৱারেপ কয়ামরুম লাউথোকখি।

10 অনৌবা ESIC মেদিকেল কোলেজ 10 লিংখৎপা

ESI কোর্পোরেসন্না অনৌবা ESIC মেদিকেল কোলেজ 10 অন্ধেরি (মহারাস্ত্র), বসাইদরাপুর (দিল্লী), গুৱাহাতি-বেলতোলা (অসাম), ইন্দোর (মধ্য প্রদেশ), জয়পুর (রাজস্থান), লুধিয়ানা(পঞ্জাব), নারোদা-বাপুনগর(গুজরাত) নোইদা অমসুং বারানসী (উত্তর প্রদেশ), রাঞ্চি(ঝারখন্দ)দা লিংখৎনবগীদমক ইন-প্রিন্সিপল অয়াবা পীখ্রে।

ৱারেপ অসিনা প্রধান মন্ত্রীনা নীংতম নুমিৎকী (2024) ৱারোলদা মথংগী চহি 5দা অনৌবা মেদিকেল সীত 75000 লৈহল্লগনি লাউথোকখিবা অদুবু শৌগৎলি।

অতল বীমিত ব্যাক্তি কল্যান য়োজনা অসি 01.07.2024দগী 30.06.2026গী মতম ফাওবা শাংদোকপা

থবক ফংদ্রবা ইন্স্যুর্দ তৌরবা মীওইশিংদা মতেং পীনবগীদমক, চহি অনিগী মতমগী ওইনা পাইলোৎকী মওংদা ESICদা "অতল বীমিত বিক্তি কল্যান য়োজনা" কৌবা স্কিম অমা হৌদোকখি। 01.07.2018. স্কিম অসিনা ইন্স্যুর্দ তৌরবা মীওই অমনা শেন্থোক লম্বী অমা ফংনবগীদমক্তা অনৌবা থবক অমা থিবা মতমদা অনএমপ্লোইমেন্ত এলাৱেন্সকী মওংদা সপোর্ত পীনবা পান্দম থম্লি।

স্কিম অসি হৌদোকখিবা চহি অনি মপুং ফারবা মতুংদা, মসি চহি অমা অমুক শাংদোক্লে। মসি 01.07.2020দগী 30.06.2021 ফাওবনি। মসিগী মতম অসি মখা তানা 30.06.2022 ফাওবা শাংদোকখি অমসুং মসিগী মতুংদা 30.06.2024. ফাওবা শাংদোকখি।

মসিগী মথক্তা, স্কিম অসি চহি অনিগী ওইনা 01.07.2024দগী 30.06.2026 ফাওবা শাংদোক্লে।

PAN ইন্দিয়া বেসিস্তা আয়ুশ্মান ভারত প্রধান মন্ত্রী জন আরোগ্যা য়োজনা (AB-PMJAY)গা লোয়ননা ESICকী কনভর্জেন্স প্রোগ্রামগী মখাদা ESICকী বেনিফিসরীশিংদা মেদিকেল কেয়রগী প্রোভিজন ফংহনবা

মসিগী ৱারেপ অসিনা ESICগী কান্নবা ফংলবা মীওইশিংদা লৈবাক অসিগী অনসর্ভিস/দেফিসিএন্ত এরিয়াশিংদা লৈবা আয়ুশ্মান ভারত - প্রধান মন্ত্রী জন আরোগ্য য়োজনা (AB-PMJAY) গী ইম্পেনেল তৌরবা হোস্পিতালশিংদা লায়েংবদা মতেং পাংগনি। PMJAY গী মখাদা ESICগী ইম্পেনেল তৌরবা হোস্পিতালশিংদা লৈবা ESICগী ইন্স্যুর্দ তৌবা মীওইশিংগীদমক এক্সপেন্দিচরগী লিমিৎ লৈরোই।

ESIC মেদিকেল কোলেজশিংদা পেরা-মেদিকেল  অমসুং B.Sc(নর্সিং) কোর্সশিং তম্বা হৌহনবা

ESI কোর্পোরেসন্না ESIC মেদিকেল কোলেজ অলৱার (রাজস্থান), বিহতা (বিহার), ফরিদাবাদ (হরিয়ানা), জোকো (ৱেস্ত বেঙ্গল), কে.কে. নগর (তমিল নাদু), সনাথনগর (তেলঙ্গনা) অমসুং রাজাজিনগর (কর্নাতক)দা পেরা-মেদিকেল অমসুং B.Sc (নর্সিং) কোর্সশিং অয়াবা পীখ্রে ।

AIIMS রিক্রুতমেন্ত পোলিসীগী মতুং ইন্না NORCET কী খুত্থাংদা নর্সিং ওফিসর রিক্রুত তৌবা

ESI কোর্পোরেসন্না নর্সিং ওফিসরগী পোস্তকীদমক্তা AIIMSকী রিক্রুইতমেন্ত পোলিসীগী মতুং ইন্না এ.আই.এম.এস.না শীনবা নোর্সেৎকী খুত্থাংদা নর্সিং ওফিসরশিংগী রিক্রুতমেন্ত পাংথোকপদা অয়াবা পীখ্রে। মসিনা ESICগী হোস্পিতালশিং/কোলেজশিং অমসুং দিস্পেন্সরীশিংদা নর্সশিংগী অৱাৎপা অমসুং শিনফম লৈহন্দবা য়াহল্লগনি।

ESI কোর্পোরেসন্না তোঙান-তোঙানবা মফমশিংদা হোস্পিতালশিং/দিস্পেন্সরীশিং/DCBOশিং শানবগীদমক লেন্দ পর্সেল্সকী এক্বিজিসন অয়াবা পীখ্রে

কাংলোনশিং এনালাইজ তৌবা অমদি ইন্স্যুর্দ তৌরবা শিন্মীশিংগী মেদিকেলগী মথৌ তাবশিং পীনবা অমসুং থুংহন্নবা ESICকী ইনফ্রাস্ত্রকচর মপাঙ্গল কনখৎহল্লবা মতুংদা কোর্পোরেসন অসিনা মখাদা পীরিবা প্রোজেক্তশিং অসিগী কনস্ত্রক্সনগীদমক লেন্দ এক্বিজিসনগী প্রপোজেলশিং কোর্পোরেসন্না অয়াবা পীখ্রে:-

(i) অন্ধ্র প্রদেশকী গুন্তুরদা ফমুং 100 থাবা ESI হোস্পিতাল

(ii) উত্তর প্রদেশকী ফতেহপুরদা 01 দোক্তর দিস্পেন্সরী

(iii) উত্তর প্রদেশকী প্রতাপগরদা DCBO

(iv) মহারাস্ত্রগী পুনেদা ফমুং 350 থাবা ESI হোস্পিতাল

(v) অসামগী ধুব্রিদা ESI দিস্পেন্সরী অমসুং ব্রাঞ্চ ওফিস

(vi) বিহারগী মুজাফ্ফপুরদা ফমুং 100 থাবা ESI হোস্পিতাল

(vii) উত্তর প্রদেশকী ওরাইয়াদা DCBO

মসিগী মথক্তা, উত্তর প্রদেশকী সেক্তর-56, নোইদাদা লৈবা ESICগী রেসিদেন্সিএল কোলোনিদা অনৌবা স্তাফ ক্বার্তর 717 শাবগী অয়াবা পীখ্রে।

মেদিকেল কেয়র সর্ভিসশিং, এদমিনিস্ত্রেসন, ফাইনান্সিএলগী হিরমশিং ফগৎহন্নবা এজেন্দাগী তোঙান তোঙানবা ৱাফমশিং খন্ন-নৈনখি অমসুং মীফম অদুদা হৌজিক পায়খৎলিবা কন্সত্রক্সন প্রোজেক্তশিং য়েংশিনখি।

ESI কোর্পোরেসনগী 194শুবা মীফমদা পার্লিয়ামেন্তকী মেম্বর (রাজ্য সভা) কুমারি দোলা সেন, পার্লিয়ামেন্তকী মেম্বর (লোক সভা) শ্রী প্রবীন খন্দেলৱাল, পার্লিয়ামেন্তকী মেম্বর (লোক সভা) শ্রী এন.কে. প্রেমচন্দ্রন, সেক্রেতরী (L&E) শ্রীমতি. সুমিতা দৌরা, অমসুং ESICকী দিরেক্তর জেনরেল, শ্রী অশোক কুমার সিংহনা শরুক য়াখি। মীফম অদুদা রাজ্য সরকারশিংগী প্রিন্সিপাল সেক্রেতরীশিং/সেক্রেতরীশিং, এমপ্লোয়রশিংগী মীহুৎশিং, এমপ্লোয়ীশিং অমসুং মেদিকেলগী লমদা এক্সপর্তশিংসু শরুক য়াখি।

********