লেবর অমসুং ইম্প্লোইমেন্ত মন্ত্রালয়
দা. মন্সুখ মান্দৱিয়ানা ময়াই তাংবল লৌদুনা এমপ্লোইমেন্ত দেতাগী মতাংদা অৱাংবা থাক্কী মীফম অমা পাংথোকখ্রে
মন্ত্রালয়না এমপ্লোইমেন্ত দেতা অমসুং মদুগি এনালিতিক্সকী কোলেশনগী মেকানিজমগী মতাংদা থবক তৌরি
Posted On:
08 OCT 2024 3:30PM by PIB Imphal
কেন্দ্রগী লেবর অমসুং এমপ্লোইমেন্ত অমসুং য়ুথ এফিয়র্স অমসুং স্পোর্তসকী মন্ত্রী, দা, মন্সুখ মান্দৱিয়ানা ময়াই তাংবল লৌদুনা ০৭.১০.২০২৪দা নই দিল্লীদা এমপ্লোইমেন্ত দেতা অমসুং মীরমদা হোংখিবগী ত্রেন্দশিং অসিগা মরি লৈনবা মরু ওইবা ৱাফমশিংগী মতাংদা মিৎয়েং থম্বা অৱাংবা থাংক্কী মীফম অমা পাংথোকখ্রে। কেন্দ্রগী লেবর অমসুং এমপ্লোইমেন্তকী রাজ্য মন্ত্রী, সিশ্রী সোভা কারন্দলাজেশু থৌরম অদুদা শরুক য়াখি।
এক্সতর্নেল এফিয়র্স মন্ত্রালয় (MEA) অমসুং NITI আয়োগকা খন্ন-নৈনখিবা অদুনা ওভরশিজ এমপ্লোইমেন্ত অমসুং দোমেস্তিক জোব ক্রিয়েশন অনিমক্কী কোওর্দিনেশন অমসুং দেতা এসিমিলেশন হেনগৎহন্নবা অমসুং মসিগা লোইন-লোইননা রেক্রুতিং এজেন্সীশিং অমসুং মপান লমদা থবক তৌনবগীদমক্তা মথৌতাবা স্কিল রিক্বায়রমেন্তশিং অদুবু নিংথিনা য়েংশিন্নবগী পান্দম থমখি।
দা. মান্দৱিয়ানা মপান লমদা থবক তৌনবগীদমক্তা চৎলিবা/ ECRদা লাইরিক তম্বা চৎলিবা/ ECR নত্তবা লৈবাকশিংদা চৎলিবা নাগ্রিকশিংগী মপুংফাবা দেতা থম্নবা মেকানিজম অমগী তঙাইফদাবা অদুগী মতাংদা পনখি। মহাক্না এমপ্লোইমেন্তকী সপ্লাই অমসুং দিমান্দকী মতাংদা নিংথিজনা খঙবা ঙম্নবা নেস্নেল কেরিয়র সর্বিস (NCS) পোর্তল, মাইভারত প্লেতফোর্ম, MADAD, ইমাইগ্রেত, ইশ্রম, রাজ্যগী পোর্তলশিং অসিনচিংবশিং অসি পুনশিনগদবনি হায়না মহাক্কী ৱাফম থম্লকখি।
মহাক্না মখাতানা পল্লকখি মদুদি ইন্দস্ত্রী এসোসিয়েসনশিংনা এমপ্লোইমেন্ত দেতা খোমজিন্দুনা পুনশিনবদা য়াম্না মরু ওইবা থৌদাং লৌগনি। মন্ত্রী অসিনা মন্ত্রালয়শিংদগী এমপ্লোইমেন্তকা মরি লৈনবা দেতাশিং কমপাইল তৌবদা মতেং পাংগদবা অম্ব্রেলা ওর্গনাইজেশন অমা ওইনা NITI আয়োগকী থৌদাং অদুবু য়াম্না মরু ওইনা পনখি।
ফোরেন এমপ্লোয়রশিংগা কন্ত্রেক্ত তৌনবা মতমদা স্তেন্দার্দাইজ তৌগদবনি অমসুং মখোয়গী প্রোভিজনশিং অদুগী এফিকেসীগী মতাংদা ফীদবেক ফংনবা মাইগ্রেশন অমসুং মোবিলিতী পার্তনরশিপ এরেঞ্জমেন্ত (MMPA)শিং অমসুং সোসিয়েল সেক্যুরিতী এগ্রীমেন্ত (SSA)শিং অদু রিভ্যু তৌগদবনি হায়না মহাক্না য়াম্না মরু ওইনা পনখি।
NITI আয়োগনা সরকারগী স্কীমশিং অমসুং সেক্তরশিংদা এমপ্লোইমেন্ত দেতা ইন্তিগ্রেত তৌনবা অপুনবগী ওইবা প্লেতফোর্ম অমাগী তঙাইফদবা অদুগী মতাংদা মরু ওইনা পল্লদুনা লৈবাক অসিদা লৈরিবা এমপ্লোইমেন্ত পোর্তলশিংগী মতাংদা নৈনখিবশিং অদুগী ৱাখল-লৌশিং কয়া অমা ময়ামদা শিয়র তৌরকখি।
মীফম অদুনা মরু ওইনা ইনফোর্মল সেক্তরদা হৌজিক-হৌজিক লৈরিবা দেতা গেপশিং অদুবু মেনশিন্নবা অমসুং পোলিসী অমসুং জোব ক্রিয়েশনগী অনৌবা থৌরাংশিং পাইখৎলক্নবা কমপ্রেহেন্সিব ওইবা, মল্তি-সেক্তর এমপ্লোইমেন্ত দেতা পোর্তল অমা দেবেলপ তৌনবগী সরকারগী ফিরেপ অদুবু য়াম্না মরু ওইনা লৌখি।
মীফম অদু এমপ্লোইমেন্ত দেতা কোওর্দিনেশন হেনগৎহন্নবা , মপান লমদা থবক তৌবগী খুদোংচাবা হেনগৎহন্নবা, অমসুং মপান লমদা লৈরিবা ভারতকী শিন্মীশিংগী সেক্যুরিতী লৈহন্নবা অকনবা ফিরেপ অমা লৌবগা লোইননা লোইশিনখি। থাংগৎলকখিবআ য়ুনিফাইদ এমপ্লোইমেন্ত দেতা পোর্তলনা এমপ্লোইমেন্ত দেতাবু সেন্ত্রেলাইজ তৌবদা অওনবা অমা পুরক্কদবা খুৎলাই অমা ওইনা মথৌ তৌরগনি অমসুং মসিগা লোইন-লোইননা ইমাইগ্রেত অমসুং NCS ইন্তেগ্রেশন্না ইন্তর্নেস্নেল জোব মার্কেতশিংদা এক্সেস হেনগৎহল্লগনি।
*****
(Release ID: 2063267)
Visitor Counter : 19