প্রধান মন্ত্রী শ্রী নরেন্দ্র মোদীনা ওক্তোবর ৫, ২০২৪দা ৱসিম, মহারাস্ত্রদা প্রধান মন্ত্রী কিসান সম্মান নিধী (PM-KISAN)গী ১৮শুবা ইন্সতোলমেন্ত য়েন্থোক্কনি‍। মরু ওইবা থৌরম অসিদা লৈবাক পুম্বদগী লৌমী করোর ৯.৪ হেন্বনা দাইরেক্তর বেনিফিত ত্রান্সফর (DBT)গী খুত্থাঙদা মরক্কী মী য়াওদনা লুপা করোর ২০,০০০ হেন্বগী দাইরেক্ত ফাইনেন্সিএল ত্রান্সফর ফংগনি‍।

থৌরম অসিদা মহারাস্ত্রগী গভর্নর শ্রী সি.পি. রাধাকৃষ্ণন, ভারত লৈঙাক্কী লৌউ-শিংউ মন্ত্রী শ্রী সিবরাজ সিংহ চৌহান, ফিসরিজ, এনিমেল হজবেন্দ্রী অমসুং দেরীইংগী কেন্দ্র মন্ত্রী রাজিব রঞ্জন সিংহ, মহারাস্ত্রগী মুখ্য মন্ত্রী শ্রী একনাথ সিন্দে, উপ মুখ্য মন্ত্রী শ্রী অজিত পৱার অমদি দেবেন্দ্র ফদ্নাবিস অমসুং ৱসিম অমসুং য়াবতমাল দিস্ত্রিক্তকী গার্জিয়ান মন্ত্রী ওইরিবা সোইল অমসুং ৱাতর কঞ্জার্লবেসন মন্ত্রী শ্রী সঞ্জয় রাথোর য়াওনা মরুওইবা মীওই কয়ানা শরুক য়াগনি‍। কৃসি বিজ্ঞান কেন্দ্র (KVKs) ৭৩২, প্রাইমারী এগ্রিকলচরেল কোওপরেতিব সোসাইতী লাখ ১ হেন্বা অমসুং লৈবাক পুম্বদগী কম্মন সর্ভিস সেন্তর লাখ ৫ য়াওনা লৌমী করোর ২.৫ রোম্না ৱেব কাস্তকী খুত্থাঙদা শরুক য়াগনি‍। শেনফম অসি থাদোকপগী থৌরম অসি PM-KISAN উতসব দিবস হায়না স্তেত/য়ু.তি.শিংদসু অখন্নবা থৌরমশিং পাঙথোক্কনি‍।

ফেব্রুৱারী ২৪, ২০১৯দা হৌদোকখিবা PM-KISAN স্কীম্না লমগী পতা পায়বা লৌমীশিংদা মান্নবা ইন্সতোলমেন্ত অহুম থোক্না চহিদা লুপা ৬০০০গী শেনফম ফংহল্লি‍। প্রধান মন্ত্রীনা ওক্তোবর ৫দা PM-KISAN গী ১৮শুবা ইন্সতোলমেন্ত য়েন্থোক্কনি‍। ১৮শুবা ইন্সতোলমেন্ত অসি য়েন্থোকপগা লোয়ননা, স্কীম অসিগী মখাদা থাদোকখিবা শেনফম লুপা করোর লাখ ৩.৪৫ য়ৌবগা লোয়ননা লৈবাক পুম্বগী লৌমী করোর ১১ হেন্বদা চৈঙাক পীগনি অমসুং খুঙ্গং চাওখৎহন্বা অমসুং লৌউ-শিংউগী লমদা নুংঙাই য়াইফবা পুরক্নবা লৈঙাক্না লেপ্লিবা খোঙফম হেন্না চেৎশিনহল্লগনি‍।

মহারাস্ত্রদা, লুপা করোর ৩২,০০০ রোম স্কীম অসিগী ইন্সতোলমেন্ত ১৭তা লৌমী করোর ১.২০ রোমদা ফংহন্দুনা ভারতকী স্তেতশিংগী মরক্তা অনিশুবা খ্বায়দগী চাউনা কান্নবা ফংবা স্তেত ওইরি‍। ১৮শুবা ইন্সতোলমেন্ত অসিদা লৌমী করোর লাখ ৯১.৫১ রোম্না লুপা করোর ১,৯০০ হেন্বগী কান্নবা ফংগদৌরি‍।

PM-KISAN ইন্সতোলমেন্ত য়েন্থোকপগা লোয়ননা, প্রধান মন্ত্রীনা মহারাস্ত্রগী লৌমীশিংদা নমো সেতকারী মহাসন্মান নিধী য়োজনাগী ৫শুবা ইন্সতোলমেন্ত ওইনা মখোয়না হোৎনরিবশিংদা চৈঙাক পীননবা লুপা করোর ২,০০০ রোমসু য়েন্থোক্কদৌরি‍।

মখা তানা, লৌউ-শিংউগী ইনফ্রাস্ত্রকচরদা ইনোৎ হাপ্নবগী মশক থোকপা খোঙথাং অমা ওইনা, থৌরম অসিদা অনৌবা লৈঙাক্কী অহান্বা নুমিৎ ১০০গী মনুংদা এগ্রিকলজর ইনফ্রাস্ত্রকচর ফন্দগী (AIF) মখাদা লোইশিল্লবা প্রোজেক্ত কয়াসু মীয়ামদা কত্থোক্কনি‍। ২০২০দা হৌদোকখিবা এগ্রিকলচর ইনফ্রাস্ত্রকচর ফন্দ (AIF) অসি লৌরোক মতুংগী ইনফ্রাস্ত্রকচর মেনেজমেন্ত অমসুং কম্ম্যুনিতী ফার্মিং এসেত ফগৎহন্নবা পান্দমদা লিংখৎপা মেদিয়ম দু লোং তর্ম দেত ফাইনান্সিং ফেসিলিতী অমনি‍। স্কীম অসিনা ইলিজিবল ওইবা বোরোৱরশিংদা ৩% ইন্তরেস্ত সবভেন্সন অমসুং ক্রেদিত গরেন্তী ফেসিলিতীগা লোয়ননা লুপা করোর লাখ অমা লোন ওইনা ফংহল্লি‍। হৌখিবা নুমিৎ ১০০নিসিদা, লুপা করোর ৬,৫৪১গী সেংসন য়াওনা (লুপা করোর ৯৭.৬৭গী সেংসন এমাউন্ত ওইগদদবা FPOs শিংগী প্রোজেক্ত ১০১ য়াওরগা), লৈবাক শিন্বা থুংনা এগ্রি-ইনফ্রাস্ত্রকচর প্রোজেক্ত ১০,০৬৬ হেন্না সেংসন তৌখ্রে‍। মসিগী মথক্তা, লুপা করোর ১,৯২৯গী অঅপুন্বা সেংসন ওইগদবা প্রোজেক্ত ৭,৫১৬ লোইশিল্লি, মসিদা লুপা করোর ১৩.৮২গী ওইগদবা FPO প্রোজেক্ত ৩৫ মীয়ামগী মফমদা কত্থোক্কনি‍। প্রোজেক্তশিং অসিনা লৌউ-শিংউগী ইনফ্রাস্ত্রকচর মপাঙ্গল কনখৎহল্লি, স্তোরেজ, অমদি প্রোসেসিং অমদি লোজিস্তিক ফেসিলিতীশিংগী ফীভম ফগৎহল্লি, অমসুং FPOs শিংগী ওপরেসন পাকথোক চাউথোকহন্দুনা লৌমীশিংদা অমসুং মপুং ওইনা লৌউ-শিংউ সেক্তরদা মশক থোক্না কান্নবা পীরি‍।

অকন্বা ভেল্যু সপ্লাই চেন অমা লিংখৎনবা অমসুং স্মোল, মার্জিনেল, অমদি লম লৈজদবা লৌমীশিংদা ঙাক্লৌ পীননবা, ভারত লৈঙাক্না লৈবাক্কী ব্লোক খুদিংমক কোনশিন্দুনা FPO ১০,০০০ শেম্নবা অমসুং য়োকখৎনবা সেন্ত্রেল সেক্তর স্কীম (CSS) অসি হৌদোকখিবনি‍। হৌজিক ফাওবদা, FPOs ৯,২০০ রোম শেমদুনা, নুপী লাখ ৮.৩ অমসুং ST অমদি SC বেনিফিসরী লাখ ৫.৭৭ য়াওনা লৌমী লাখ ২৪দা কান্নবা পীরি‍। হায়রিবা FPOs শিং অসিগী হৌজিক্তি অপুন্বা চহিগী তর্নওভর লুপা করোর ₹1,300 লৈরে অমসুং মখোয়বুসু থৌরম অসিদা প্রধান মন্ত্রীনা লৈবাক্কী মফমদা কত্থোক্কনি‍।

প্রধান মন্ত্রীগী ‘মেক ইন ইন্দিয়া’ অমসুং ‘আত্মনিরভর ভারত’কী মঙলান পরিংদা, ইন্দিজিনস সেক্স-সোর্তেদ সিমেন প্রদক্সন তেক্নোলোজী অমা থৌরম অসিদা হৌদোক্কনি‍। হায়রিবা মমল য়ামদবা তেক্নোলোজী অসিনা লৌমীশিংদা সেক্স-সোর্তেদ সিমেন ফংহন্বগী চাং হেনগৎহন্দুনা দোজ অমদা পীরিবা মমল লুপা ২০০ রোম হন্থহন্নবা পান্দম থম্লি‍। প্রধান মন্ত্রীনা দিপার্তমেন্ত ওফ এনিমেল হজবেন্দ্রী এন্দ দেরীইং (DAHD)না শেমগৎপা য়ুনিফাইদ জিনোমিক চিপ অমা – শনগীনা ‘গাউ চিপ’ অদুগা ইরোয়শিংগীনা ‘মাহিস চিপ’ হৌদোক্কনি‍। ভারতকী শা মখলশিংগীদমক শেম শারবা চিপ অসিনা লৌমীশিংবু নহা ওইরিবা, অৱাংবা থাক্কী শন লাবশিং চহি নৌরিঙৈদা খঙদোক্তুনা শা খন্বদা মরম খঙনা ফিরেপ লৌবা ঙমহন্দুনা ভারত্তা দেরী ফার্মিংগী মতিং হেনগৎহনগনি‍।

মাঙদা চঙশিন্বা ওইনা, প্রধান মন্ত্রীনা KUSUM-C (MSKVY 2.0) স্কীমগী মখাদা ৩,০০০ MW গী লেত্তর ওফ এৱার্দকী ই-দিস্ত্রিব্যুসন অমসুং সোসিএল দিভেলপমেন্ত গ্রান্ত তু গ্রাম পঞ্চায়তকী ই-দিস্ত্রিব্যুসনসু লমজিংদুনা পাঙথোক্কনি‍। অপুন্বা কেপাসিতী ১৯ MWকী সোলার পার্ক মঙাসু MSKVY 2.0গী মখাদা লৈবাক্কী মফমদা কত্থোক্তুনা, সস্তেনেবল পৱার সোলুসন পুরকপদা অমসুং লৌমীশিংদা নুংথিল মতমগী ইলেক্ত্রিসিতী ফংহন্বদা অমসুং লম লীজ তৌদুনা অহেন্বা শেন্থোক লাকহন্বদা থৌদাং য়াগনি‍।

সোলার পার্ক ৫ অদুদি মখাগীশিং অসিনি:

(১)      ধোন্দলগাউ, চা. সম্ভাজী নগর – ৩ MW

(২)‍      বম্নি বকো নন্দের – ৫ MW

(৩)      কোন্দগিরি, কোল্হাপুর – ৩ MW

(৪)      জলালাবাদ, অকোলা – ৩ MW

(৫)      পাল্সী বক. বুলধনা – ৫ MW

******