প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী-মন্দলনা দোমেস্তিক ওইলসীদ পুথোকপদা শাহৌ পীনবা অমসুং অচাথাওশিংদা আত্মনির্ভর ভারত ওইহন্নবা পান্দম থম্মিবা মরু ওইবা থৌশিল অমা ওইরিবা নেস্নেল মিসন ওন ইদিবল ওইল্স – ওইলসীদস( NMEO-ওইলসীদস) অয়াবা পীখ্রে। মিসন অসি লুপা  করোর 10,103গী ফাইনান্সিএল আউৎলেগা লোয়ননা 2024-25দগী 2030-31 ফাওবদা চহি তরেৎকী মতমগী ওইনা ইমপ্লিমেন্ত তৌগনি।

নৌনা অয়াবা পীরবা NMEO.-ওইলসীদসনা মরুওইবা প্রাইমরী ওইলসীদ মহৈ-মরোংশিং হায়বদি রেপসীদ-মস্তার্দ, লৈবাক হৱাই, নুং হৱাই, নুমিৎলৈ, অমসুং সেসমমগী পোত্থোক পুথোকপদা মীৎয়েং থমগনি। মসিগা লোয়ননা কোতনসীদ, রাইস ব্রান, অমসুং ত্রী বোর্ন ওইলশিংগুম্বা সেকেন্দরী সোর্সশিংদগী কল্লেক্সন অমসুং  এক্সত্রেক্সনগী থবক হেনগৎহনগনি। মিসন অসিনা প্রাইমরী ওইল সীদ প্রদক্সন অসি 2030-31 ফাওবদা তন মিলিয়ন 39 (2022-23) দগী তন মিলিয়ন 69.7দা হেনগৎহন্নবা পান্দম থম্লি। NMEO-OP (ওইল পাম) গা লোয়ননা মিসন অসিনা 2030-31 ফাওবদা দোমেস্তিক ইদিবল ওইল পুথোকপা তোন মিলিয়ন 25.45দা হেনগৎহন্নবা পান্দম থম্লি। মসিনা ঐখোয়গী প্রোজেক্ত তৌরিবা দোমেস্তিক দরকার ওইবগী চাদা 72 মপুং ফাহল্লগনি। মসি মহৈ-মরোং য়াম্না পুথোকপা য়াবা অমসুং ওইল য়াম্না য়াওবা মরু মখলশিং শীজিন্নবা হেনগৎহন্দুনা, ফৌ থাবা মফমশিংদা কলতিভেসন হেনগৎহন্দুনা অমসুং ইন্তরক্রোপিং প্রোমোৎ তৌদুনা ফংহনগনি। মিসন অসিনা জেনোম ইদিতিংগুম্বা অৱাংবা থাক্কী মালেমগী তেক্নোলোজীশিং শীজিন্নদুনা ক্বালিতী লৈবা মরুশিং পুথোকনবা হোৎনগনি।

ক্বালিতী লৈবা মরুশিং মতম চানা ফংহন্নবা মিসন অসিনা ‘সীদ ওথেন্তিকেসন, ত্রেসেবিলিতী এন্দ হোলিস্তিক ইনভেন্তরী (SATHI)’ পোর্তেলগী খুত্থাংদা ওনলাইন্দা চহি মঙাগী রোল্লিং সীদ প্লান অমা পুথোক্লগনি। মসিনা রাজ্যশিংদা কোওপরেতিবশিং, ফার্মর প্রদ্যুসর ওর্গনাইজেসনশিং (FPOশিং) অমসুং সরকার নত্ত্রগা প্রাইবেৎ সীদ কোর্পোরেসনশিং য়াওনা মরু পুথোকপা এজেন্সীশিংগা লোয়ননা এদভান্স তাই-অপশিং থম্বা ঙমহল্লগনি। মরু পুথোকপগী ইনফ্রাস্ত্রকচর ফগৎহন্নবা পব্লিক সেক্তরদা অনৌবা সীদ হব 65 অমসুং সীদ স্তোরেজ য়ুনিৎ 50 লিংখৎকনি।

মসিগী মথক্তা, চহি খুদিংগী হেক্তর লাখ 10 হেন্না কোনশিনবা, অখন্নবা জিলা 347দা ভেল্যু চেন ক্লস্তর 600 হেন্না শেমগৎকনি। ক্লস্তরশিং অসি FPOশিং, কোওপরেতিবশিং, অমসুং পব্লিক নৎত্রগা প্রাইবেৎ এন্তিতীশিংগুম্বা ভেল্যু চেন পার্তনরশিংনা মেনেজ তৌগনি। ক্লস্তরশিং অসিদা লৈরিবা লৌমীশিংনা ক্বালিতী লৈবা মরুশিং, গুদ এগ্রিকলচরেল প্রেক্তিস (GAP) গী মতাংদা ত্রেনিং অমসুং ৱেদর অমসুং পেস্ত মেনেজমেন্তকী মতাংদা এদভাইজরী সর্ভিসশিং ফংলগনি।

মিসন অসিনা চেং অমসুং অলু থাবা মফমশিং, ইন্তরক্রোপিং প্রমোৎ তৌবা, অমসুং ক্রোপ দাইভর্সিফিকেসনদা মতেং পাংদুনা ওইল সীদ থাবা হেক্তর লাখ 40 হেন্না পাকথোক-চাউথোকহন্নবা হোৎনরি।

FPOশিং, কোওপরেতিবশিং অমসুং ইন্দস্ত্রীগী মীওইশিংদা কোতন সীদ, রাইস ব্রসন, কোর্ন ওইল, অমসুং ত্রী-বোর্ন ওইলশিং (TBOশিং) অসিগুম্বা সোর্সশিংদগী রিকভরী হেনগৎহন্নবা পোস্ত-হার্ভেস্ত য়ুনিৎশিং লিংখৎনবা নত্ত্রগা অপগ্রেদ তৌনবা সপোর্ত পীগনি।

মসিগী মথক্তা, মিসন অসিনা ইনফোর্মেসন, এজুকেসন অমসুং কম্ম্যুনিকেসন (IEC) কেম্পেনগী খুত্থাংদা ইদিবল ওইলশিংগীদমক রিকমেন্দ তৌরিবা দাইতরি গাইদলাইনশিংগী মতাংদা এৱেরনেস প্রমোৎ তৌগনি।

মিসন অসিনা দোমেস্তিক ওইল সীদ প্রদক্সন হেনগৎহন্নবা পান্দম থম্লি। মসিনা ইদিবল ওইলশিংদা আত্মানির্ভরতাগী পান্দমদা খুমাং চাউশিলহল্লগনি। মসিনা ইম্পোর্তকী মখা পোনবা হন্থহল্লগনি অমসুং লৌমীশিংগী শেন্থোক হেনগৎহন্দুনা মমল য়াম্লবা ফোরেন এক্সচেঞ্জ কনবা ঙমহল্লগনি। মিসন অসিনা ঈশিং শীজিন্নবগী চাং হন্থহনবা অমসুং লৈহাওগী হকশেল ফগৎহনবা অমসুং মহৈ-মরোং থারিবা মফমশিংবু পত্থোক লৈহন্দুনা অকোইবগী ফিভমদা কান্নবা কয়া ফংহনগনি।

বেকগ্রাউন্দ:

লৈবাক অসিনা ইম্পোর্ত্তা য়াম্না চাউনা মীপাল তাংলি, মসিনা অচা থাওশিংগী দোমেস্তিক দিমান্দগী 57% শরুক তম্মি। মসিগী মীপাল তাংবা অসি কোকহন্নবা অমসুং মশা-মরোমদোম লেপচবা হেনগৎহন্নবা, ভারত সরকারনা লৈবাক অসিদা 2021দা ওল পামগী লৌউ-শিংউবু হেনগৎহন্নবা লুপা করোর 11,040গী শেনফমগা লোয়ননা নেস্নেল মিসন ওন ওইল পাম (NMEO-OP) হৌদোকখি।

মসিদা নত্তনা, ওইল সীদ ফার্মরশিংদা রিম্যুনরেতিব প্রাইসশিং ফংহন্নবা, ওইল সীদশিংগী মিনিমম সপোর্ত প্রাইস (MSP) ময়েক শেংনা হেনগৎহনখ্রে। প্রধান মন্ত্রী অন্নদাতা আয় সংরক্ষন অভিয়ান (PM-AASHA) মখা চত্থবনা মহৈ-মরোং থারিবা লৌমীশিংনা প্রাইস সপোর্ত স্কিম অমসুং প্রাইস দিফিসিএন্সী পেমেন্ত স্কিমগী খুত্থাংদা MSP  ফংহল্লি। মসিগীসু মথক্তা, মমল হোংবা ইম্পোর্তশিংদগী লৈবাক অসিগী পোত্থোক পুথোক্তবশিং ঙাকথোক্নবা অমসুং লোকেল কল্তিভেসন পুক্নিং থৌগৎনবগীদমক্তা অচাথাওশিংদা চাদা 20গী ইম্পোর্ত দ্যুতী লৌখৎলি।

*****