সর্জন ভাইস এদমিরেল আর্তি সরিন্না, ওক্তোবর ০১, ২০২৪দা, দাইরেক্তর জেনেরেল, আর্ম্দ ফোর্সেস মেদিকেল সর্ভিসেস (DGAFMS)কী ফম পায়বা অহান্বা নুপী ওইরে‍। DGAFMSনা আর্ম্দ ফোর্সশিংগা মরী লৈনবা মেদিকেল পোলিসীগী ওইবা ৱাফমশিংগীদমক ঙাকশেল মন্ত্রালয়দা হকথেংননা থৌদাং লৌবনি‍।

৪৬শুবা DGAFMSগী ফম পায়দ্রিঙৈ মমাঙদা, ফ্লেগ ওফিসর অসিনা DG মেদিকেল সর্ভিসেস (নেভী), DG মেদিকেল সর্ভিসেস (এয়র) অমসুং দাইরেক্তর এন্দ কম্মান্দেন্ত ওফ আর্ম্দ ফোর্সেস মেদিকেল কলেজ (AFMC), পুনেগী ফমসু পায়রম্মি‍। মহাক AFMC, পুনেগী এলুম্নস অমনি, অমসুং দিসেম্বর ১৯৮৫দা আর্ম্দ ফোর্সেস মেদিকেল সর্ভিসেসতা কম্মিসন তৌখিবনি‍। মহাক AFMC, পুনেদগী রেদিওদাইগ্নোসিসতা MD, অমসুং তাতা মেমোরিএল হোসস্পিতাল, মুম্বাইদা দিপ্লোমেত নেস্নেল বোর্দ ইন রেদিএসন ওনকোলোজীগী মহৈগী থাক পায়বগা লোয়ননা য়ুনিভর্সিতী ওফ পিতসবর্গতগী গম্মা নাইফ সর্জরীগী ত্রেনিংসু লোইরবনি‍।

চহি ৩৮গী করিয়রদা, ফ্লেগ ওফিসর অসিনা প্রোফেসর অমসুং হেদ, রেদিএসন ওনকোলোজী, আর্মী হোস্পিতাল (R&R) অমসুং কম্মান্দ হোস্পিতাল (সাউদর্ন কম্মান্দ)/AFMC পুনে, কম্মান্দিং ওফিসর, INHS অস্বিনি, ইন্দিয়ন নেভীগী খাথংবা অমসুং নোংচুপ থংবা নেভেল কম্মান্দশিংদা কম্মান্দা মেদিকেল ওফিসর ওইরম্বা য়াওনা লেমজনিংঙাই ওইরবা একাদমিক অমসুং এদমিনিস্ত্রেতিবকী ফম কয়াসু পায়রম্মি‍।

ফ্লেগ ওফিসর অসি, ইন্দিয়ন আর্মীদা লেফ্তনেন্ত অমা ওইনা, ইন্দিয়ন নেভীদা সর্জন লেফ্তনেন্ততগী সর্জন ভাইস এদমিরেল ফাওবা, অমদি ইন্দিয়ন এয়র ফোর্সতা এয়র মার্সেল ওইনা ফম পায়রমদুনা, ইন্দিয়ন আর্ম্দ ফোর্সকী মশা অহুম্মক্তা থবক পুরম্বগী তাঙনা ফংবা দিস্তিংসনসু লৈরি‍।

অনাবগী থৌগলদা পুকচেল শেংনা অমসুং পুক্নিং লুপ্না কত্থোকপগা লোয়ননা তৌখিবা থবকপু শকখঙবা ওইনা, ফ্লেগ ওফিসর অসিগী মফমদা ২০২৪দা অতি ভিসিস্ত সেবা মেদল অমসুং ২০২১দা ভিসিস্ত সেবা মেদল পীখি‍। মহাক মাগী ফজরবা সর্ভিসকীদমক চীফ ওফ আর্মী স্তাফ কম্মেন্দেসন (২০১৭), চীফ ওফ নেভেল স্তাফ কমেন্দেসন (২০০১), অমসুং জেনেরেল ওফিসর কম্মান্দিং –ইন-চীফ কম্মেন্দেসন (২০১৩) মনাশিংসু লান্থোকখ্রবা মীওইনি‍।

ফ্লেগ ওফিসর অসি হন্দক্তা মেদিকেল প্রোফেসস্নেলশিংগী শাফগদবা ৱর্কিং কন্দিসন অমসুং প্রোতোকোলশিং শেম্নবা সুপ্রিম কোর্তনা নেস্নেল তাস্ক ফোর্সকী মেম্বর অমা ওইনসু হাপখিবনি‍। মহাক নহা ওইরিবা নুপীশিংবু আর্ম্দ ফোর্সতা য়াওননবা মাঙজিল থানা পুক্নিং থৌগত্তুনা লাক্লিবা অমসুং লৈঙাক্কী নারী শক্তি থৌশিলগী অরংবা খুদম অমা ওইরিবা মীশক্নি‍।

***