প্রধান মন্ত্রী নরেন্দ্র মোদী ওক্তোবর 2, 2024দা ঝার্খন্দদা চৎকনি। নুমিত্তুগী নুংথিলগী পুং 2 তারকপা মতমদা মহাক্না লুপা করোর 83,000গী শেনফমগী মখল কয়াগী প্রোজেক্ত কয়া ঝার্খন্দগী হজারিবাঘতা শঙ্গাবগা লোয়ননা উরেপ উয়ুংশু তমগনি।

লৈবাক পুম্বগী ত্রাইবেল খুন্নাইবু অমত্তা ওইনা চাউখৎহনবা হায়বা পান্দমগা মরী লৈননা, প্রধান মন্ত্রীনা অপুনবা লুপা করোর 79,150 থাদগদবা ধর্তী অব্বা জঞ্জাতিয় গ্রাম উতকর্শ অভিয়ান হৌদোক্কনি। অভিয়ান অসিনা রাজ্য অমসুং য়ু.তি. 30গী চাউরাকপা খুঙ্গং 63,000 কোন্দুনা লমদমসিগী জিলা 549 অমসুং ব্লোক 2740দা লৈরিবা ত্রাইবেল মীয়াম করোর 5 হেনবদা কান্নবা পীগনি। থৌওং অসিনা সোসিএল ইনফ্রাস্ত্রকচর, হকশেল, মহৈ-মশিং, পুন্সি মহিংগী হীরমদা লৈরিবা অৱাৎপা কয়াবু ভারত সরকারগী মন্ত্রালয় অমসুং বিভাগ 17না চলায়বা খোঙথাং 25গী খুত্থাংদা মেনশিন্নবা হোৎনগনি।

ত্রাইবেল খুন্নাইগী মহৈ-মশিংগী ইনফ্রাস্ত্রকচর হেনগৎহন্নবা হায়দুনা প্রধান মন্ত্রীনা অপুনবা লুপা করোর 2800 ওইগদবা এক্লাব্যা মোদেল রেসিদেন্সিএল স্কুল (EMRS) 40 শঙ্গাবগা লোয়ননা EMRS 25কী উরেপ উয়ুংশু তমগনি।

প্রধান মন্ত্রীনা লুপা করোর 1360 হেনগদবা শেনফমগী ওইবা প্রধান মন্ত্রী জঞ্জাতী আদিবাসী ন্যাই মহা অভিয়ান (PM-JANMAN)গী মখাদা প্রোজেক্ত কয়া শঙ্গাবগা লোয়ননা উরেপ উয়ুংশু তমগনি। প্রোজেক্তশিং অসিগী মনুংদা কিমি. 1380গী শোরোক, আঙ্গনৱারী 120, মলতি পর্পজ সেন্তর 250 অমসুং স্কুল হোস্তেল 10 য়াওরি। মখা তারকপদা, চাউরাকপা খুঙ্গং 3000গী পার্তিক্যুলর্লী ভলনরেবল ত্রাইবেল গ্রুপ (PVTG) ইমুং 75800 হেনবদা মৈ পুশিলহনখিবা, মোবাইল মেদিকেল য়ুনিত 275 মথৌ পাংথোকপা হৌহনখিবা, আঙ্গনৱারী সেন্তর 500 হাংদোক্তুনা মথৌ তৌহনখিবা, বন ধন কেন্দ্র 250 লিংখৎখিবা অমসুং ‘নল সে জল’গী খুত্থাংদা PVTG খুঙ্গং 5550 হেন কোলহনখিবা PM-JANMANগী মখাদা ফংখিবা মশক থোক্লবা মায় পাকপগী থৌওং কয়া অমগী মায়খুমশু হাংদোক্কনি।

***