প্রধান মন্ত্রী নরেন্দ্র মোদীগী অহুমশুবা তর্মগী হৌরকপগী নুমিৎ ১০০নিদা, ভারত লৈঙাক্না লৈবাকসিগী হেল্থকেয়র অমসুং এজুকেসন সেক্তর মপাঙ্গল কনখৎহন্নবা শেম শারবা অচৌবা থৌরাং কয়া মায়খুম হাংদোকখি‍। হায়রিবা মঙলান চাউবা প্রোগ্রামশিং অসিনা হেল্থকেয়র এসেসিবিলিতী, মেদিকেল এজুকেসন, রিছর্চ, অমসুং তেক্নোলোজিকেল এদভান্সমেন্তকী ফীভম ফগৎহন্বদা মীৎয়েঙ থম্লি‍। অয়ুস্মান ভারত প্রধান মন্ত্রী জন আরোগ্য য়োজনা (AB PM-JAY)গী কান্নবা সিনিয়র সিতিজনশিংদা ফংহন্বদগী হৌরগা দিজিতাইজ তৌরবা ভেক্সিনেসন সরভিসকীদমক U-WIN পোর্তেলগুম্বা ইনোভেতিব ওইবা প্লেতফোর্মশিং হৌদোকপা ফাওবদা লৈঙাক, অসিনা হেন্না মশা মউ ফবা অমসুং মহৈ মশিং হেন্না হৈবা খুন্নাই অমা শেমগৎপদা মরুওইবা মীৎয়েঙ থমদনা লাক্লি‍। মসিগী মথক্তা, নেস্নেল মেদিকেল রেজিস্তর পোর্তেল শেমগৎপা, অনৌবা মেদিকেল সীত ৭৫,০০০ হাপচিন্বা, অমসুং কেন্সর লায়েংবা অমসুং বাইওতেক্নোলোজীগী লমদা পোলিসী রিফোর্ম পুরকপনচিংবা থৌরাংশিংদা মরোমদোম লেপচবা ঙম্বা অমসুং খাঙবা কন্বা লৈবাক অমা শেম্লক্নবগী অশান্বা মীৎয়েঙ মমি তারি‍।

অয়ুস্মান ভারত প্রধান মন্ত্রী জন আরোগ্য য়োজনা (AB PM-JAY)

কেন্দ্রগী মন্ত্রী মন্দলনা সেপ্তেম্বর ১১, ২০২৪দা ফ্লেগসিপ স্কীম অয়ুস্মান ভারত প্রধান মন্ত্রী জন আরোগ্য য়োজনা (AB PM-JAY)গী মখাদা শেন্থোক্কী য়েংদনা চহি ৭০ অমসুং মসিগী মথক্তা লৈবা সিনিয়র সিতিজনশিংদা হেল্থ কভরেজ পীননবা অয়াবা পীখ্রে‍। থৌরাং অসিনা ইমুং করোর ৪.৫দা সিনিয়র সিতিজন করোর তরুকলোমদা লুপা লাখ ৫গী হেল্থ ইন্স্যুরেন্স লেম্না ইমুং অমমমদা কান্নবা পীননবা পান্দম থম্লি‍। মালেমগী খ্বায়দগী চাউবা লৈঙাক্না শেল থাদবা হেল্থ এস্যুরেন্স স্কীম ওইরিবা AB PM-JAYনা ইমুং করোর ১২.৩৪গী মীওই করোর ৫৫দা সেকেন্দরী অমসুং তর্সরী কেয়র হোস্পিতালাইজেসনগীদমক ইমুং অমদা লুপা লাখ ৫ ফাওবূগী হেল্থ কভর ফংহল্লি‍। মশাগী চহি ৭০ অমসুং মসিগী মথক্তা লৈবা সিনিয়র সিতিজন পুম্নমক, মখোয়গী সোসিও-ইকনমিক থাক্কী খেন্নবা থমদনা, AB PM-JAYকী কান্নবা ফংবা য়ারে অমসুং স্কীম অসিগী মখাদা অখন্নবা কার্দ অমা ফংলগনি‍।

U-WIN পোর্তেল

ভেক্সিনেসন সর্ভিসপু মপুং ফানা দিজিতাইজ তৌননবা শেমখিবা U-WIN পোর্তেলনা য়ুনিভর্সেল ইম্ম্যুনাইজেসসন প্রোগ্রামগী মখাদা মীরোন্বী নুপীশিং অমসুং পোকপদগী চহি ১৭ ফাওবগী মনুংদা লৈবা অঙাংশিংগী ভেক্সিনেসন রেকোর্দ মেন্তেন তৌদুনা থম্লি‍। দিজিতেল প্লেতফোর্ম অসিগী সিতিজন-সেন্ত্রিক সর্ভিস অসিদা ‘এনিতাইম এক্সেস’ অমসুং ‘এনিৱ্যের’ ভেক্সিনেসন সর্ভিস, U-WIN ৱেব পোর্তেল নৎত্রগা U-WIN সিতিজন মোবাইল এপ্লিকেসন শীজিন্নদুনা মীয়াম্না সেল্ফ রেজিস্ত্রেসন তৌবা, ওতোমেতেদ SMS এলর্ত, য়ুনিভর্সেল QR-based ইভেক্সিনেসন সর্তিফিকেত অমসুং মখোয় মশাগী অয়ুস্মান ভারত হেল্থ একাউন্ত (ABHA) ID অমসুং মখোয়গী অঙাংশিংগী চাইল্দ ABHA ID শেমজনবগী য়ুতিলিতী য়াওরি‍। পোর্তেল অসি হিন্দী য়াওনা রিজনেল লোল ১১দা ফংই‍। সেপ্তেম্বর ১৬, ২০২৪ ফাওবদা, বেনিফিসরী করোর ৬.৪৬ রেজিস্তর তৌখ্রে, ভেক্সিনেসন সেসন করোর ১.০৪ পাঙথোকখ্রে অমসুং ভেক্সিন দোজ করোর ২৩.০৬ কাপখ্রে হায়না পোর্তেল অসিদা রেকোর্দ তৌরি‍। [1]

নেস্নেল মেদিকেল রেজিস্তর পোর্তেল

 নেস্নেল মেদিকেল কম্মিসন (NMC)গী নেস্নেল মেদিকেল রেজিস্তর (NMR) পোর্তেল ভারত্তা প্রাক্তিস তৌঔবা য়ারবা MBBS দোক্তর পুম্নমক্কী রেজিস্ত্রেসন তৌননবা হৌদোকখিবনি‍। নেস্নেল মেদিকেল রেজিস্তর (NMR) অসি NMC এক্ত, ২০১৯গী সেক্সন ৩১গী মখাদা মেন্দেত তৌখিবনি, সেক্সন অসিনা NMC গী ইথিক্স এন্দ মেদিকেল রেজিস্ত্রেসসন বোর্দ (EMRB) না লাইসেন্স মেদিকেল প্রাক্তিস্নর অমগী মমিং, লৈফম, অমসুং মহাক্না পায়রিবা শকখঙলবা ক্বালিফিকেসন পুম্নমক য়াওবা নেস্নেল রেজিস্তর অমা ইলেক্ত্রোনিক ফোর্মদা থমগদবনি হায়রি‍। NMR না ভারত্তা লৈরিবা রেজিস্তর তৌরবা এলোপেথিক (MBBS) দোক্তর পুম্নমক্কী মপুং ফাবা অমসুং দাইনামিইক ওইবা দেতাবেজ অমা ওইনা মথৌ তৌই‍। NMR তোপ তোপ্পা ৱাফম হায়রগদি মসি দোক্তর অদুগী আধার ID গা লিঙ্ক তৌদুনা মীওই অদু অচুম্বনি হায়বা খঙহল্লি‍। পোর্তেল অসিগী খুত্থাঙদা, স্তেত মেদিকেল কাউন্সিল (SMCs) অমসুং এজুকেস্নেল ইন্সতিত্যুসন য়াওনা স্তেকহোল্দর পুম্নমক্না লোগ ইন তৌবা অমসুং সিঙ্গল প্লেতফোর্ম অমদগী এপ্লিকেসনশিং ভেরিফাই তৌবা য়াই‍। NMR পোর্তেল অসিনা অহেন্বা ক্বালিফিকেসন হাপচিন্বা, এপ্লিকেসন ত্রেক তৌবা, লাইসেন্স সস্পেন্দ তৌবা, অমসুং NMR ID কার্দ অমসুং দিজিতেল দোক্তর সর্তিফিকেৎ পীবা য়াওনা মখল মখা কয়াগী ফীচরশিং য়াওরি‍। [2]

কেন্সর দ্রগ অহম কস্তম দ্যুতী কোকখ্রে

কেন্সর হিদাক অহুম কস্তম দ্যুতী কোক্তুনা লৈবাকসিগী কেন্সর নাবা মীওই লাখ ২৭তা কান্নবা পীরি‍। Trastuzumab Deruxtecan (ব্রেস্ত কেন্সর), Osimertinib (লং কেন্সর) and Durvalumab (লং কেন্সর অমসুং বিলিয়রী ত্রেক কেন্সর) হায়রিবা কেন্সর হিদাকশিং অসি তোঙান তোঙানবা মখলগী ত্যুমরশিংদা শীজিন্নৈ‍। X-ray ত্যুব অমসুং ফ্লেত পেনেল দিতেক্তরশিংদা লৈরম্বা কস্তম দ্যুতীগী রেতসু নৌনা শেমদোকখ্রে‍। নৌনা শেমদোক্লবা রেত অসিনা মচাক মথুম মমল হোঙনা ফংহন্দুনা X-ray মেচিন ইন্দস্ত্রীদা কান্নবা পীগনি হায়না পারি‍। অহোংবা অসিনা দোমেস্তিক মেদিকেল দিভাইস সেক্তরদা ইনোৎ হাপ্তুনা, কম্পোনেন্তশিং মমল হোংনা ফংহন্দুনা অমসুং অনা লায়েংগী শেঞ্জং হন্থহন্দুনা এদভান্স মেদিকেল ইমেজিংবু মীয়াম্না হেন্না শীজিন্নবা অমসুং মমল হন্থনা ফংহনবা ঙমহল্লি‍।

নেস্নেল হেল্থ মিসন (NHM)গী মখাদা FY ২০২৪-২৫গী বজেৎ চাকথুংসু লুপা করোর ৩৬০০০ লৈরম্বদগী লুপা করোর ৪০০০রোমদা হেনগৎলে‍। NHM অসি লৈবাকসিগী প্রাইমারী অমসুং সেকেন্দরী হেল্থকেয়র সর্ভিস পীরিবা সেন্ত্রেল স্পোন্সর্দ স্কীম অমনি‍। লৈঙাক্না থম্লিবা মীৎয়েঙদি মীয়ামগী ফুরিৎখাউদগী চৎপা চাদিং হন্থহন্নবা হকশেলগী মাঙজৌননা ঙাকথোকহৌবা অমসুং ফনবা লায়েংবগী থৌরাংশিং পায়খৎনবা প্রাইমারী অমসুং সেকেন্দরী পব্লিক হেল্থকেয়র ফেসিলিতীশিংদা শেল থাদবনি‍।

হেল্থকেয়র ইনফ্রাস্ত্রকচরগী ফীভম ফগৎহন্নবা অনৌবে মেদিকেল সীত ৭৫,০০০

ভারতকী হেল্থকেয়র সিস্তেম মখা তানা মপাঙ্গল কনখৎহন্নবা পান্দম থমদুনা, লৈঙাক্না লাক্কদৌরিবা চহি মঙাসিদা অনৌবা মেদিকেল সীত ৭৫,০০০ হাপচিল্লগনি হায়না লাউথোকখ্রে‍। মসিনা লৈবাকসিগী মেদিকেল এজুকেসন কেপাসিতী হেনগৎহন্নবা অমসুং হেল্থকেয়র প্রোফেস্নেলশিংগী হেনগৎলক্লিবা  দিমান্দ ফংহন্নবা পান্দম থম্লি‍। হকশেল অমসুং য়াইফ-য়ুম্বালগী কেন্দ্রগী রাজ্য মন্ত্রী জে.পি. নদ্দানা সেপ্তেম্বর ২৪, ২০২৪দা নেস্নেল মেদিকেল কম্মিসনগী ৪শুবা কুমওন থৌরমদা ৱা ঙাংখি‍। মহাক্না NMC গী মফমদা মাগী মরিশুবা কুমওন্না লাকপদা নুংঙাইবা ফোঙদোকখি অমসুং হৌখিবা চহি মরিসিদা UG অমসুং PG সীত ২৫,০০০ হাপচিনখিবদগীদমক থাগৎখি‍। NMC না লৈবাকসিদা 1,00,000 MBBS সীত ১,০০,০০০ হাপচিন্নবগী পান্দম চহি অমা ঙনখৎনা ফংবা ঙমখি হায়নসু মহাক্না শিংথাখি‍।  মহাক্না মখা তানা NMC বু মেদিকেল প্রোফেস্নেল ওইবা পামজবশিংগী হেনগৎলক্লিবা দিমান্দ ফংবা ঙম্নবগীদমক লাক্কদৌরিবা চহি মঙাসিদা মেদিকেল সীত ৭৫,০০০ অমগসু হাপচিন্দুনা ভারতকী প্রধান মন্ত্রী, নরেন্দ্র মোদীনা থম্লিবা পান্দম ফংবা ঙম্নবা পুক্নিং থৌগৎখি‍। [4]

নলন্দা য়ুনিভর্সিতীগী অনৌবা কেম্পস শঙ্গাখ্রে

প্রধান মন্ত্রী নরেন্দ্র মোদীনা জুন ১৯, ২০২৪দা বিহারগা রাজগিরদা নলন্দা য়ুনিভর্সিতীগী অনৌবা কেম্পস শঙ্গাখ্রে‍। য়ুনিভর্সিতী অসি ভারত অমসুং ইস্ত এসিয়া সম্মিত (EAS) লৈবাকশিংগগী মরক্তা খুৎশম্ননা পায়খৎমিন্নবা শেমগৎখিবনি‍। নলন্দা য়ুনিভর্সিতী কেম্পস অসিদা অপুন্বা সীতিং কেপাসিতী ১৯০০ ওইদুনা ক্লাসরুম ৪০ য়াওবা একাদমিক ব্লোক অনি লৈ‍। মসিদা অমমমদা সীত ৩০০ লৈবা ওদিতরিয়ম অনি, মহৈরোয় ৫৫০রোম চনগদবা মহৈরোয়শিংগী হোস্তেল অমা, অমসুং ইন্তরনেস্নেল সেন্তর, মীওই ২০০০ রোম চনগদবা এম্ফিথিএতর অমা, ফেকল্তী ক্লব অমা অমসুং স্পোর্তস কমপ্লেক্স অমা য়াওনা তোঙান তোঙানবা ফেসিলিতীশিং লৈ‍। কেম্পস অসি ‘নেত জিরো’ গ্রীন কেম্পস অমনি‍। মসি মশাগী ওইবা সোলার প্লান্ত, দোমেস্তিক অমসুং থক্নবা ঈশিংগী ত্রীতমেন্ত প্লান্ত, ফত্তবা ঈশিং অমুক হন্না শীজিন্ননবা ৱাতর রিসাইক্লিং প্লান্ত, একর ১০০গী ঈশিং তুংফমশিং, অমসুং অতৈ অকোয়বগী ফীভমগা চুনবা ফেসিলিতীশিং লৈদুনা মশানা মশাবু পুজবা ঙম্বা মফম অমনি‍।

অনুসন্ধান নেস্নেল রিছর্চ ফন্দ

অনুসন্ধান নেসস্নেল রিছর্চ ফাউন্দেসন (ANRF) অসি অনুসন্ধান নেসস্নেল রিছর্চ ফাউন্দেসন (ANRF) এক্ত, ২০২৪গী মখাদা লিংখৎপনি‍। ANRF অসিনা ভারতকী য়ুনিভর্সিতী, কলেজ, রিছর্চ ইন্সতিত্যুসনশিং, অমসুং R&D লেবোরেতরীশিংদা শেল থাদনবা, চাউখৎহন্নবা, অমসুং রিছর্চ অমসুং দিভেলপমেন্ত (R&D) য়োকখৎনবা অমসুং রিছর্চ অমসুং ইনোভেসনগী কলচর অমা পুরক্নবা পান্দম থম্লি‍। ANRF না সাইন্তিফিক রিছর্চগী অৱাংবা থাক্কী স্ত্রেতেজিক দাইরেক্সন পীদুনা ইন্দস্ত্রী, একাদমিয়া, গভর্নমেন্ত দিপার্তমেন্ত, অমসুং রিছর্চ ইন্সতিত্যুসনশিং পুন্না চৎমিন্নবা ঙমহল্লি‍। মসিনা ইন্দস্ত্রীশিং অমসুং স্তেত লৈঙাকশিংনা শরুক য়ানবা অমসুং থৌদাং লৌনবা ইন্তরফেস অমা শেম্মি‍। থৌরাং অসিগী পান্দমদি, মচং ওইবা রিছর্চ অমসুং প্রোতোতাইপ শেমগৎপদা ঙাক্লৌ পীবনি‍। অনুসন্ধান নেসস্নেল রিছর্চ ফাউন্দেসন এক্ত, ২০২৩না R&Dগী থবক থৌওংশিংদা ঙাক্লৌ পীনবা অমসুং য়োকখৎনবা ২০২৩-২০২৮ মনুংগী ওইনা লুপা করোর ৫০,০০০গী চাউরাকপা শেল চঙগনি হায়না পারি‍। [6]

বিজ্ঞান ধারা স্কীম

বিজ্ঞান ধারা অসি সাইন্তিফিক রিছর্চ, ইনোভেসন, অমসুং তেক্নোলোজিকেল দিভেলপমেন্ত য়োকখৎনবা হৌদোকখিবা মপুং ফাবা স্কীম অমনি‍। পুনশিল্লবা থৌরাং অসিনা লৈবাকসিগী সাইন্ত, তেক্নোলোজী, অমসুং ইনোভেসন (STI) ইকোসিস্তেম মপাঙ্গল কনখৎহন্নবা অমসুং ভারতকী মপুং ওইবা চাওখৎ থৌরাংদা থৌদাং য়ানবা পান্দম থম্লি‍। স্কীম অসিগী – সাইন্স এন্দ তেক্নোলোজী (S&T) ইন্সতিত্যুস্নেল এন্দ হ্যুমেন কেপাসিতী বিল্দিং, রিছর্চ এন্দ দিভেলপমেন্ত এন্দ ইনোভেসন, তেক্নোলোজী দিভেলপমেন্ত এন্দ দিপ্লোইমেন্ত হায়না মপুং ওইবা কম্পোনেন্ত অহুম লৈ‍। ২০২১-২২ দগী ২০২৫-২৬ ফাওবগী ১৫শুবা ফাইনান্স কম্মিসনগী ওইনা পুনশিল্লবা স্কীম ‘বিজ্ঞান ধারা’ অসি পায়খৎনবগী প্রপোজ তৌরিবা শেনফম অসি লুপা করোর ১০,৫৭৯.৮৪নি‍। স্কীমশিংনা স্কীম অমখক্তদা পুনশিনবসিনা ফন্দ মতিক চানা শীজিন্নবা হেনগৎহনগনি অমসুং সব-স্কীম/প্রোগ্রামশিংগী মরক্তা সীঙ্ক্রোনাইজেসন লৈহনগনি‍। স্কীম অসি পায়খৎপনা একাদমিক ইন্সতিত্যুসনশিংদা খুৎশু খুৎলায় মতিক চানা লৈবা R&D লেবশিং শেমগত্তুনা লৈবাকসিগী S&T ইনফ্রাস্ত্রকচর মপাঙ্গল কনখৎহনগন‍। [7]

BioE3 পোলিসী

The salient features of BioE3 (বাইওতেক্নোলোজী ফোর ইকনমী, এনভাইরনমেন্ত এন্দ এমপ্লোইমেন্ত) পোলিসীগী পন্বা য়াবা ফীচরশিংগী মরক্তা থীমেতিক সেক্তর পুম্নমক্তা R&D অমসুং ওন্ত্রপ্রিন্যুরসিপ্তা ইনোভেসন্না থৌবা ঙাক্লৌ পীবা য়াওরি‍। থৌরাং অসিনা বাইওমেনুফেকচরিং অমসুং Bio-AI হবশিং অমসুং বাইওফাউদ্রীশিং লিংখত্তুনা তেক্নোলোজী দিভেলপমেন্ত অমসুং কম্মর্সিএলাইজেসনগী খোঙজেল য়াঙখৎহল্লি‍। গ্রীন গ্রোথকী রিজেনেরেতিব বাইওইকনমী মোদেলশিংদা মরুওইবা মীৎয়েঙ থম্বগা লোয়ননা, পোলিসী অসিনা ভারতকী স্কিল লৈরবা ৱর্কফোর্স পাকথোক চাউথোকহন্বদা মতেঙ পাংই অমসুং থবক পীবগী চাং হেনগৎহল্লি‍। মপুং ওইনা, পোলিসী অসিনা ‘নেত জিরো’ কার্বোন ইকনমী অমসুং ‘লাইফস্তাইল ফোর এনভাইরনমেন্ত’নচিংবা লৈঙাক্কী থৌরাংশিং মখা তানা মপাঙ্গল কনখৎহল্লি অমসুং ‘সর্কুলর বাইওইকনমী’ য়োকখত্তুনা ভারতপু খোঙজেল য়াঙনা ‘গ্রীন গ্রোথ’কী মায়কৈদা চেনখৎহল্লি‍। BioE3 পোলিসীনা হেন্না সস্তেনেবল, ইনোভেতিব ওইবা অমসুং মালেমগী শিংনবশিংদা হেন্না রেসপোন্সিব ওইবা তুংলমচৎ অমা পুরকই অমসুং খুমাঙ চাওশিনহল্লি, লোয়ননা ভিক্সিত ভারতকী বাইও ভিজন অমা থম্মি‍। হায় পর্ফোর্মেন্স বাইওমেনুফেকচরিং হায়বসি হিদাক লাংথক্তগী অতৈ মচাকশিং ফাওবগী পোত্থোকশিং পুথোকপা, লৌউ-শিংউ অমসুং চীঞ্জাক্কী শিংনবশিংগী পাম্বৈ পুথোকপা, অমসুং এদভান্স বাইওতেক্নোলোজিকেল প্রোসেসশিং পুনশিন্দুনা বাইও-বেজ প্রদক্তশিং পুথোকপা ঙম্বগী মতিং অদুবুনি‍। [8]

ৱারোয়শিন

পি.এম. মোদীগী অহুমশুবা তর্মগী হৌরকপদা হৌদোকখিবা ভারত লৈঙাক্কী কুইদ্রিবা থৌরাংশিং অসিনা অওনবা লাক্লিবা খুন্নাই অমগী মথৌ তাবশিং পীবা ঙমগদবা অচৌবা হেল্থকেয়র অমসুং এজুকেসন সিস্তেম অমা শেমগৎনবগী খোঙফম উৎলি‍। সিনিয়র সিতিজনশিংদা পাকথোক চাউথোকহল্লবা হেল্থ কভরেজ পীদুনা, হেন্না দিজিতাইজ তৌরবা অমসুং এসেসিবল ওইবা হেল্থকেয়র ইনফ্রাস্ত্রকচর শেমগত্তুনা, অমসুং মেদিকেল এজুকেসন সেক্তর খুমাঙ চাওশিলহন্দুনা, লৈঙাক্না হেন্না মশা মউ ফবা অমসুং খাঙবা কন্বা ভারত অমগী লম্বী য়াৎলি‍। মরকসিদা, significant strides in research and technology, like the BioE3 পোলিসীগুম্বা রিছর্চ অমসুং তেক্নোলোজীগী লমদা মশক থোক্না থাংজিল্লক্লিবা খোঙথাংশিংনা মরুওইবা সেক্তরশিংদা ইনোভেসন অমসুং সস্তেনেবল গ্রোথ পুরক্নবা থাজবা পীরি‍। হায়রিবা রিফোর্মশিং অসিনা পুনশিইল্লগা নুংঙাই য়াফবা অমসুং মাঙদা মীৎয়েঙ থম্বা ভারত অমা শেমগৎনবগী অনৌবা চক অমগী মায়কৈদা ঈঙ্গিৎ পীরি‍।

রিফরেন্সশিং

https://pib.gov.in/PressReleseDetail.aspx?PRID=2053881

https://pib.gov.in/PressReleaseIframePage.aspx?PRID=2057037#:~:text=U%2DWIN%20Portal%3A&text=Stating%20that%20%E2%80%9Cthe%20U%2DWIN,already%20operational%20on%20pilot%20basis.

https://pib.gov.in/PressReleasePage.aspx?PRID=2036143#:~:text=Nirmala%20Sitharaman%20announced%20the%20exemption,2024%2D25%20in%20Parliament%20today.

https://pib.gov.in/PressReleaseIframePage.aspx?PRID=2048222#:~:text=NMR%20will%20be%20a%20comprehensive,which%20ensures%20the%20individual's%20authenticity.

https://pib.gov.in/PressReleaseIframePage.aspx?PRID=2045502

https://x.com/MoHFW_INDIA/status/1824164630526038062

https://pib.gov.in/PressReleasePage.aspx?PRID=2058329

https://pib.gov.in/PressNoteDetails.aspx?NoteId=151960&ModuleId=3&reg=3&lang=1

https://pib.gov.in/PressReleaseIframePage.aspx?PRID=2048574

https://x.com/PIB_India/status/1803335295338946811/photo/1

https://pib.gov.in/PressReleasePage.aspx?PRID=2053889

https://dbtindia.gov.in/sites/default/files/Press%20Release_Press%20Information%20Bureau_0.pdf

https://bmi.dbtindia.gov.in/biomanufacturing-initiative.php

https://x.com/PIB_India/status/1833889402751443293

https://x.com/PIB_India/status/1833891260366737569

https://x.com/CSIR_NIScPR/status/1829002423689527350

https://pib.gov.in/PressReleasePage.aspx?PRID=1914750

https://www.indiascienceandtechnology.gov.in/listingpage/vigyan-dhara-catalyst-india%E2%80%99s-scientific-progress

PDF য়েংনবা মসিদা নম্বিয়ু‍।

******