പ്രധാനമന്ത്രിയുടെ ഓഫീസ്‌
പ്രഥമ അന്താരാഷ്ട്ര സോളാര്‍ ഫെസ്റ്റിവലിന് പ്രധാനമന്ത്രി നരേന്ദ്ര മോദി നല്‍കിയ സന്ദേശം
Posted On:
05 SEP 2024 1:21PM by PIB Thiruvananthpuram
ബഹുമാനപ്പെട്ട പ്രമുഖരേ, വിശിഷ്ടാതിഥികളേ, എന്റെ പ്രിയ സുഹൃത്തുക്കളേ, നിങ്ങള്‍ക്കെല്ലാവര്‍ക്കും എന്റെ ഊഷ്മളമായ ആശംസകള്‍. ആദ്യത്തെ അന്താരാഷ്ട്ര സോളാര്‍ ഫെസ്റ്റിവലിലേക്ക് നിങ്ങളെ ഏവരേയും സ്വാഗതം ചെയ്യുന്നതില്‍ എനിക്ക് സന്തോഷമുണ്ട്. ഈ അത്ഭുതകരമായ സംരംഭത്തിന് ഞാന്‍ അന്താരാഷ്ട്ര സൗരോര്‍ജ്ജ സഖ്യത്തെ അഭിനന്ദിക്കുന്നു.
സുഹൃത്തുക്കളേ,
ആയിരക്കണക്കിന് വര്‍ഷങ്ങള്‍ക്ക് മുമ്പ് രചിക്കപ്പെട്ട ഗ്രന്ഥങ്ങളാണ് വേദങ്ങള്‍. സൂര്യനെക്കുറിച്ചുള്ള വേദങ്ങളിലെ ഏറ്റവും പ്രചാരമുള്ള മന്ത്രങ്ങളില്‍ ഒന്ന്. ഇന്നും ദശലക്ഷക്കണക്കിന് ഇന്ത്യക്കാര്‍ ദിവസവും ഇത് ജപിക്കുന്നു. ലോകമെമ്പാടുമുള്ള പല സംസ്‌കാരങ്ങളും അവരുടേതായ രീതിയില്‍ സൂര്യനെ ബഹുമാനിക്കുന്നു. മിക്ക പ്രദേശങ്ങളിലും സൂര്യനുമായി ബന്ധപ്പെട്ട ഉത്സവങ്ങളും ഉണ്ട്. ഈ അന്താരാഷ്ട്ര സോളാര്‍ ഫെസ്റ്റിവല്‍ സൂര്യന്റെ പ്രഭാവം ആഘോഷിക്കാന്‍ ലോകത്തെ മുഴുവന്‍ ഒരുമിച്ച് കൊണ്ടുവരുന്നു. നല്ലൊരു ഭൂമി കെട്ടിപ്പടുക്കാന്‍ നമ്മെ സഹായിക്കുന്ന ഒരു ഉത്സവമാണിത്.
സുഹൃത്തുക്കളേ,
2015 ല്‍, ISA ഒരു ചെറിയ തൈയായി ആരംഭിച്ചു, അത് പ്രതീക്ഷയുടെയും അഭിലാഷത്തിന്റെയും നിമിഷമായിരുന്നു. ഇന്ന് അത് നയത്തിനും പ്രവര്‍ത്തനത്തിനും പ്രചോദനം നല്‍കുന്ന വട വൃക്ഷമായി വളരുകയാണ്. ചുരുങ്ങിയ സമയത്തിനുള്ളില്‍, ഐഎസ്എയുടെ അംഗത്വം നൂറ് രാജ്യങ്ങളുടെ നാഴികക്കല്ലിലെത്തി. കൂടാതെ, 19 രാജ്യങ്ങള്‍ കൂടി പൂര്‍ണ്ണ അംഗത്വം നേടുന്നതിനുള്ള ചട്ടക്കൂട് ഉടമ്പടി അംഗീകരിക്കുന്നു. 'ഒരു ലോകം, ഒരു സൂര്യന്‍, ഒരു ഗ്രിഡ്' എന്ന കാഴ്ചപ്പാടിന് ഈ സംഘടനയുടെ വളര്‍ച്ച പ്രധാനമാണ്.
സുഹൃത്തുക്കളേ,
കഴിഞ്ഞ കുറച്ച് വര്‍ഷങ്ങളായി, ഹരിത ഊര്‍ജ്ജത്തില്‍ ഇന്ത്യ വളരെയധികം കുതിച്ചുചാട്ടം നടത്തിയിട്ടുണ്ട്. പുനരുപയോഗ ഊര്‍ജത്തില്‍ പാരീസ് പ്രതിജ്ഞാബദ്ധത നിറവേറ്റിയ ആദ്യ ജി 20 രാഷ്ട്രമാണ് ഞങ്ങളുടേത്. സൗരോര്‍ജ്ജത്തിന്റെ ശ്രദ്ധേയമായ വളര്‍ച്ചയാണ് ഇത് സാധ്യമാക്കുന്നതിനുള്ള പ്രധാന കാരണം. കഴിഞ്ഞ 10 വര്‍ഷത്തിനുള്ളില്‍ നമ്മുടെ സൗരോര്‍ജ്ജ ശേഷി 32 മടങ്ങ് വര്‍ദ്ധിച്ചു. ഈ വേഗതയും സ്‌കെയിലും 2030 ഓടെ അഞ്ഞൂറ് (500) ജിഗാവാട്ട് ഫോസില്‍ ഇതര ശേഷി കൈവരിക്കാന്‍ നമ്മെ സഹായിക്കും.
സുഹൃത്തുക്കളേ,
സൗരോര്‍ജ്ജ മേഖലയിലെ ഇന്ത്യയുടെ വളര്‍ച്ച വ്യക്തമായ സമീപനത്തിന്റെ ഫലമാണ്. ഇന്ത്യയിലായാലും ലോകത്തായാലും, സൗരോര്‍ജ്ജ ഉപയോഗം വര്‍ദ്ധിപ്പിക്കുന്നതിനുള്ള മന്ത്രം അവബോധവും ലഭ്യതയും താങ്ങാനാവുന്നതുമാണ്. സൗരോര്‍ജ്ജ മേഖലയില്‍ ആഭ്യന്തര ഉല്‍പ്പാദനം പ്രോത്സാഹിപ്പിക്കുന്നതിലൂടെ സുസ്ഥിര ഊര്‍ജ്ജ സ്രോതസ്സുകളുടെ ആവശ്യകതയെക്കുറിച്ചുള്ള അവബോധം ഞങ്ങള്‍ ലഭ്യത വര്‍ദ്ധിപ്പിക്കുന്നു.നിര്‍ദ്ദിഷ്ട സ്‌കീമുകളിലൂടെയും പ്രോത്സാഹനങ്ങളിലൂടെയും ഞങ്ങള്‍ സോളാര്‍ ഓപ്ഷന്‍ പ്രാപ്യമാക്കുന്നതാക്കി.
സുഹൃത്തുക്കളേ,
സോളാര്‍ ദത്തെടുക്കലിനുള്ള ആശയങ്ങളും മികച്ച രീതികളും കൈമാറുന്നതിനുള്ള അനുയോജ്യമായ ഒരു പ്ലാറ്റ്‌ഫോമാണ് ഐഎസ്എ. ഇന്ത്യയ്ക്കും പങ്കുവയ്ക്കാന്‍ ഏറെയുണ്ട്. സമീപകാല നയപരമായ ഇടപെടലിനുള്ള ഒരു ഉദാഹരണം ഞാന്‍ നിങ്ങള്‍ക്ക് നല്‍കാം. കുറച്ച് മാസങ്ങള്‍ക്ക് മുമ്പ് ഞങ്ങള്‍ പ്രധാനമന്ത്രി സൂര്യ ഘര്‍ മുഫ്ത് ബിജിലി യോജന ആരംഭിച്ചു. ഈ പദ്ധതിയില്‍ ഞങ്ങള്‍ 750 ബില്യണ്‍ രൂപ നിക്ഷേപിക്കുന്നു. ഞങ്ങളുടെ ലക്ഷ്യം 10 ദശലക്ഷം വീടുകളെ അവരുടെ സ്വന്തം മേല്‍ക്കൂര സോളാര്‍ പാനലുകള്‍ സ്ഥാപിക്കാന്‍ സഹായിക്കുക എന്നതാണ്. ഞങ്ങള്‍ ജനങ്ങളുടെ ബാങ്ക് അക്കൗണ്ടുകളിലേക്ക് നേരിട്ട് സാമ്പത്തിക സഹായം കൈമാറുന്നു. അധിക ധനസഹായം ആവശ്യമായി വരുന്ന സാഹചര്യത്തില്‍ കുറഞ്ഞ പലിശ, ഈട് രഹിത വായ്പകളും പ്രാപ്തമാക്കുന്നു. ഇപ്പോള്‍, ഈ കുടുംബങ്ങള്‍ അവരുടെ ആവശ്യങ്ങള്‍ക്കായി ശുദ്ധമായ വൈദ്യുതി ഉത്പാദിപ്പിക്കുന്നു. മാത്രമല്ല, അധിക വൈദ്യുതി ഗ്രിഡിലേക്ക് വിറ്റ് പണം സമ്പാദിക്കാനും അവര്‍ക്ക് കഴിയും. പ്രോത്സാഹനങ്ങളും സാധ്യതയുള്ള വരുമാനവും കാരണം, ഈ സ്‌കീം ജനപ്രിയമാവുകയാണ്. സൗരോര്‍ജ്ജം താങ്ങാനാവുന്നതും ആകര്‍ഷകവുമായ ഓപ്ഷനായി കാണുന്നു. ഊര്‍ജ്ജ സംക്രമണത്തെക്കുറിച്ചുള്ള അവരുടെ പ്രവര്‍ത്തനത്തില്‍ നിന്ന് ഉരുത്തിരിഞ്ഞ സമാനമായ മൂല്യവത്തായ ഉള്‍ക്കാഴ്ചകള്‍ പല രാജ്യങ്ങള്‍ക്കും ഉണ്ടെന്ന് എനിക്ക് ഉറപ്പുണ്ട്.
സുഹൃത്തുക്കളേ,
ചുരുങ്ങിയ സമയത്തിനുള്ളില്‍, ഐഎസ്എ വളരെയധികം പുരോഗതി കൈവരിച്ചു. 44 രാജ്യങ്ങളില്‍, ഏകദേശം 10 ജിഗാവാട്ട് വൈദ്യുതി വികസിപ്പിക്കാന്‍ ഇത് സഹായിച്ചിട്ടുണ്ട്. സോളാര്‍ പമ്പുകളുടെ ആഗോള വില കുറയ്ക്കുന്നതിലും സഖ്യത്തിന് പങ്കുണ്ട്. പ്രത്യേകിച്ച് ആഫ്രിക്കന്‍ അംഗരാജ്യങ്ങളില്‍ സ്വകാര്യമേഖല നിക്ഷേപം സാധ്യമാക്കുന്നു. ആഫ്രിക്ക, ഏഷ്യപസഫിക്, ഇന്ത്യ എന്നിവിടങ്ങളില്‍ നിന്നുള്ള നിരവധി വാഗ്ദാനങ്ങളായ സോളാര്‍ സ്റ്റാര്‍ട്ടപ്പുകള്‍ പ്രോത്സാഹിപ്പിക്കപ്പെടുന്നു. ഈ സംരംഭം ലാറ്റിനമേരിക്കയിലേക്കും കരീബിയന്‍ രാജ്യങ്ങളിലേക്കും ഉടന്‍ വ്യാപിപ്പിക്കും. ഇത് ശരിയായ ദിശയിലുള്ള ശ്രദ്ധേയമായ നടപടികളാണ്.
സുഹൃത്തുക്കളേ,
ഊര്‍ജ പരിവര്‍ത്തനം ഉറപ്പാക്കാന്‍, ചില സുപ്രധാന കാര്യങ്ങള്‍ ലോകം കൂട്ടായി ചര്‍ച്ച ചെയ്യണം. ഹരിത ഊര്‍ജ നിക്ഷേപങ്ങളുടെ കേന്ദ്രീകരണത്തിലെ അസന്തുലിതാവസ്ഥ പരിഹരിക്കേണ്ടതുണ്ട്. വികസ്വര രാജ്യങ്ങളെ സഹായിക്കാന്‍ ഉല്‍പ്പാദനവും സാങ്കേതികവിദ്യയും ജനാധിപത്യവല്‍ക്കരിക്കപ്പെടേണ്ടതുണ്ട്. ഏറ്റവും കുറഞ്ഞ വികസിത രാജ്യങ്ങളെയും ചെറു ദ്വീപ് വികസ്വര സംസ്ഥാനങ്ങളെയും ശാക്തീകരിക്കുക എന്നത് ഒരു പ്രധാന മുന്‍ഗണനയായിരിക്കണം. പാര്‍ശ്വവല്‍ക്കരിക്കപ്പെട്ട സമൂഹങ്ങളെയും സ്ത്രീകളെയും യുവാക്കളെയും ഉള്‍പ്പെടുത്തുന്നത് നിര്‍ണായകമാണ്. അന്താരാഷ്ട്ര സോളാര്‍ ഫെസ്റ്റിവല്‍ അത്തരത്തിലുള്ള വിഷയങ്ങളില്‍ ചര്‍ച്ചകള്‍ സാധ്യമാക്കുമെന്ന് എനിക്ക് ഉറപ്പുണ്ട്
സുഹൃത്തുക്കളെ,
ഹരിത ഭാവിക്കായി ലോകത്തോടൊപ്പം പ്രവര്‍ത്തിക്കാന്‍ ഇന്ത്യ പ്രതിജ്ഞാബദ്ധമാണ്. കഴിഞ്ഞ വര്‍ഷം G20 സമയത്ത്, ആഗോള ജൈവ ഇന്ധന സഖ്യം രൂപീകരിക്കുന്നതിന് ഞങ്ങള്‍ നേതൃത്വം നല്‍കി. ഇന്റര്‍നാഷണല്‍ സോളാര്‍ അലയന്‍സിന്റെ സ്ഥാപക അംഗങ്ങളില്‍ ഒരാളാണ് നമ്മള്‍. എല്ലാവരേയും ഉള്‍ക്കൊള്ളുന്നതും വൃത്തിയുള്ളതും ഹരിതവുമായ ഒരു ഗ്രഹം നിര്‍മ്മിക്കാനുള്ള എല്ലാ ശ്രമങ്ങള്‍ക്കും ഇന്ത്യയുടെ പിന്തുണയുണ്ടാകും.
ഒരിക്കല്‍ കൂടി, അന്താരാഷ്ട്ര സോളാര്‍ ഫെസ്റ്റിവലിലേക്ക് നിങ്ങളെ എല്ലാവരെയും ഞാന്‍ സ്വാഗതം ചെയ്യുന്നു. സൂര്യന്റെ ഊര്‍ജ്ജം ലോകത്തെ സുസ്ഥിരമായ ഭാവിയിലേക്ക് നയിക്കട്ടെ. നന്ദി, വളരെ നന്ദി.
(Release ID: 2058699)
Visitor Counter : 24
Read this release in:
English
,
Urdu
,
Hindi
,
Marathi
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada