ভারত্তা এনিম অমসুং মঙ্গা কলচরবু য়োকখৎনবা য়াম্না শিংথানিংঙাই ওইবা থৌরাং অমা ওইনা, ইনফোর্মেশন অমসুং ব্রোদকাস্তিং মন্ত্রালয়না মীদিয়া অমসুং এন্তরতেনমেন্ত এসোসিয়েশন ওফ ইন্দিয়া (MEAI)গা খুৎশম্নদুনা WAVES এনিম অমসুং মঙ্গা কন্তেস্ত (WAM!) হৌদোকখ্রে। মসিগী ইনোভেতিব ওইবা কন্তেস্ত অসি “ক্রিয়েত ইন ইন্দিয়া চেলেঞ্জ” গী শরুক অমনি, মসিনা লমদম অসিগী তেলেন্ত অমসুং ভারতকী ভাবোকশিংগী মরক্তা জেপনীজ মঙ্গা অমসুং এনিমদা থৱায় য়াওবা হেনগৎলক্লিবা অদুবু এক্সপ্লোর তৌনবগীদমক্তনি। কেন্দ্রগী ইনফোর্মেশন অমসুং ব্রোদকাস্তিং, রেলৱেজ অমসুং ইলেক্ত্রোনিক্স অমসুং ইনফোর্মেশন তেক্নোলোজীগী মন্ত্রীনা, ২০২৪গী ওগস্ত ২২দা, নই দিল্লীদা ক্রিয়েত ইন ইন্দিয়া চেলেঞ্জ-সিজন ৱান হৌদোকখ্রে। মসিগী চেলেঞ্জ অসিনা প্রধান মন্ত্রী, নরেন্দ্র মোদীনা ৭৮শুবা ইন্দিপেন্দেন্স দে নুমিত্তা মীয়ামদা ৱা ঙাংবা মতমদা পনখিবা মহাক্কী ভিজন “দিজাইন ইন ইন্দিয়া, দিজাইন ফোর দ ৱার্লদ” অসিগা মরি লৈননা লাক্কদৌরিবা WAVES সম্মিতকী মাংওইননা পাংথোক্লগনি।

WAM!গী মরমদা

WAM!না মীয়াম্না য়াম্না পাম্নরবা জেপনীজ আর্ত স্তাইলশিং অদুগী লমদম অসিগী ওইবা ভর্জন অমা পুথোক্নবা ভারতকী ক্রিয়েতরশিংগীদমক্তা য়াম্না তোপ-তোপ্পা খুদোংচাবা অমা পীরগনি, মসিনা দোমেস্তিক অমসুং ইন্তর্নেস্নেল ওদিয়েন্সশিং অনিমক্কী অপাম্বা নিংবা থুংহল্লগনি। মালেমগী থাক্তা মশক খঙনবগীদমক্তা মার্কেতিং সপোর্ত অমসুং খুদোংচাবশিং মতিকচানা পীদুনা, কন্তেস্ত অসিনা মঙ্গা অমসুং এনিমদা ক্রিয়েতিব এক্সপ্রেসনগীদমক্তা য়াম্না লিংবা প্লেতফোর্ম অমা শেমগৎনবগী পান্দম থম্লি।

WAM! অসিদা মরু ওইবা কেতেগোরী অহুম য়াওরি, খুদিংমক্না ক্রিয়েতিব এক্সপ্রেসনগীদমক্তা তোপ-তোপ্পা প্লেতফোর্ম অমা পীরি:  

১. পার্তিসিপেত তৌগদৌরিবা হিরমশিং

১. মঙ্গা (জেপনীজ স্তাইলগী কোমিকশিং)- মহৈরোই অমসুং প্রোফেস্নেল কেতেগোরীদা ইন্দিবিজুৱল ওইনা শরুক য়াবা।

২. ৱেবতুন (দিজিতেল মীদিয়মশিংগীদমক্তা ভর্তিকেল কোমিকশিং) - মহৈরোই অমসুং প্রোফেস্নেল কেতেগোরীদা ইন্দিবিজুৱল ওইনা শরুক য়াবা।

৩.  এনিম (জেপনীজ স্তাইলগী এনিমেশন) – মহৈরোই অমসুং প্রোফেস্নেল কেতেগোরীদা তীম (মী ৪ ফাওবা) ওইনা শরুক য়াবা

২. ফোর্মেত অমসুং দেলিবরী – খুদক্তা স্ক্রিপ পীবা। পার্তিসিপেন্তশিংনা পীগদবশিং:

১.  মঙ্গা (মহৈরোইশিং, ইন্দিভিজুৱল) - অমমদা য়ামদ্রবদা পেনেল ৪ য়াওবা পেজ ২গী মঙ্গা, ইঙ্ক অমসুং কলর (ফিজিকেল / দিজিতেল)

২.  মঙ্গা (প্রোফেস্নেল, ইন্দিভিজুৱল) – অমমদা য়ামদ্রবদা পেনেল ৪ য়াওবা পেজ ২গী মঙ্গা, ইঙ্ক অমসুং কলর (ফিজিকেল / দিজিতেল)

৩.  ৱেবতুন (মহৈরোইশিং, ইন্দিভিজুৱল): ইঙ্ক অমসুং কলরগা লোইননা পেনেল ৭।

৪.  ৱেবতুন (প্রোফেস্নেল, ইন্দিভিজুৱল): ইঙ্ক অমসুং কলরগা লোইননা পেনেল ১০।

৫.  এনিম (মহৈরোইশিং, তীমশিং) - পীরিবা স্ক্রিপ অদুগী মতুং ইন্না সেকেন্দ ১০গী এনিম।

৬.  এনিম (প্রোফেস্নেল, তীমশিং) – পীরিবা স্ক্রিপ অদুগী মতুং ইন্না সেকেন্দ ১৫গী এনিম।

কমপিতিশনগী মওং অমসুং মতম

মসিদা শরুক য়ারিবশিংনা অমমতা ওইনা নত্রগা তীম ওইনা (মী ৪ ফাওবা) কমপিত তৌবা য়াগনি, লোইননা মসিদা মহৈরোইশিং অমসুং প্রোফেস্নেলশিংগীদমক্তা কেতেগোরীশিং তোঙান্না লৈগনি। থৌরম অসি থাক অনি থোক্না খাইদোক্কনি: সহর তরামাথোইদা রাজ্যগী থাক্তা কমপিতিশনশিং পাংথোক্কনি অমসুং নেস্নেলগী থাক্তা ফিনালে পাংথোক্কনি।

রাজ্যগী থাক্তা লৈবা থৌরম খুদিংমক্না অয়ুক্কী পুং ৯.০০ তাবদা রেজিস্ত্রেশন তৌবা হৌগনি, মসিগী মখা তারকপদা অয়ুক্কী পুং ৯.৩০ তাবা মতমদা ৱেলকম অমসুং ব্রীফিং সেসন পাংথোক্কনি। কমপিতিশন অসি অয়ুক্কী পুং ১০.০০দগীনা নুমিদাংৱাইরমগী পুং ৬.০০ ফাওবা পাংথোক্কনি, মসিদা পা্রিতসিপেন্তশিংবু ইন্দস্ত্রী অসিগী খুদোংচাবশিংগা কেনেক্ত তৌবা মী তিনবা এক্সপো অমসুং জোব ফিয়রশু য়াওগনি। নুমিৎ অদুগী থৌরম অদু অতোপ্পা থৌরম কয়া অমা খুদম ওইনা কোসপ্লে কমপিতিশনশিং, ম্যুজিকেল পর্ফোর্মেন্সশিং, ভোইস এক্তিং সেসনশিং অমসুং য়াম্না এক্সাইতিং ওইবা গিবঅৱেশিংগা লোইননা নুমিদাংৱাইরমগী পুং ৬.০০তগীনা নুমিদাংগী পুং ৮.০০ হরাও নোংমাই পাংথোক্লদুনা লোইশিল্লগনি।

WAM!গীদমক্তা মরু ওইবা তাং অমসুং মফমশিং

• WAM! বেঙ্গলোর: ২০২৪গী ওক্তোবর ২৭

• WAM! চেন্নাই: ২০২৪গী নবেম্বর ১০

• WAM! কোহিমা: ২০২৪গী নবেম্বর ২২

• WAM! কোলকাতা: ২০২৪গী নবেম্বর ২৪

• WAM! ভুবনেস্বর: ২০২৪গী নবেম্বর ২৬

• WAM! বরানসি: ২০২৪গী নবেম্বর ২৮

• WAM! দিল্লী: ২০২৪গী নবেম্বর ৩০

• WAM! মুম্বাই: ২০২৪গী দিসেম্বর ১৫

• WAM! এহ্মদবাদ: ২০২৪গী দিসেম্বর ১৭

• WAM! নাগপুর: ২০২৪গী দিসেম্বর ১৯

• WAM! হাইদ্রবাদ: ২০২৪গী দিসেম্বর ২১

রেজিস্ত্রেশন অসি WAM! ৱেবসাইত www.meai.in/wam দা তৌবা য়াগনি অমসুং কেতেগোরী পুম্নমক্তা পার্তিসিপেত তৌবদা চার্জ অমত্তা লৌরোই। 

WAM! ফিনালে অসি দিল্লীগী ভারত মন্দপমদা ২০২৫কী ফেব্রৱারী ৫দগীনা ৯ ফাওবা WAVES সম্মিতকী শরুক অমা ওইনা পাংথোক্লগনি। মসিগী ৱিন্নরশিং অদুনা ইনফোর্মেশন অমসুং ব্রোদকাস্তিং মন্ত্রালয়না সপোর্ত তৌবা এনিম জপান অমসুং অসিগা মান্নবা ইন্তর্নেস্নেল ইভেন্তশিংদা অচংবা শেল পুম্বা পুথোকপীবা ত্রিপ অমা ফংগনি।  

ৱেবতুনশিং, এনিম অমসুং মঙ্গা

ভারত অমসুং মালেম অসিদা ৱেবতুনশিং, এনিম অমসুং মঙ্গাগী লৈরিবা চাউরবা পোতেন্সিয়েল অদুগী মতাংদা ঙাংলদুনা, ইনফোর্মেশন অমসুং ব্রোদকাস্তিং মন্ত্রালয়গী সেক্রেতরী, শ্রী সঞ্জয় জাজুনা হায়খি মদুদি “WAM!গী ফজরবা ৱারি লিবগী মওং, ক্রিয়েতিব ওইবা স্তাইলশিং অমসুং য়াম্না ভাইব্রেন্ত ওইবা আর্ত অদুনা ভারতকী তেলেন্তপু মালেমগী স্তেজতা পুখৎপগী মতিক লৈ, মসিনা অনৌবা মীরোলশিংবু মখোয়গী মঙলান অদুবু য়াম্না নিংতম্না শাগৎনবা অমসুং  ক্রিয়েতিবিতীগী গ্লোবল ত্রাপেস্ত্রীদা কনেক্ত তৌবা ঙম্নবগী থৌনা অদু পীরি। লোইননা অসিগুম্বা য়াম্না ক্রিয়েতিব ওইবা মওংদা শেমগৎ-শাগৎলকপা ৱারিশিং অসিগীদমক্তা ভারতকী কঞ্জুমরশিংগী মরক্তা দিমান্দ ৱাংখৎলক্লিবা অসিবু মনিং থুংহন্নবা হোৎনদুনা ঐখোয়গী ক্রিয়েতিব লেন্দস্কেপপু হেন্না হেনগৎহল্লগনি”। রাজ্য ১০দা পাংথোক্কদবা WAM! কন্তেস্তকী মতাংদা ৱা ঙাংলদুনা, শ্রী জাজুনা হায়খি “মসিনা মহৈরোইশিং অমসুং প্রোফেস্নেলশিংগী মরক্তা অফবা মখলগী কমপিতিশন লৈহন্দুনা, ইনোভেশন অমসুং স্কিল দেবেলপমেন্তপু পুক্নিং থৌগৎলগনি। মখোয়গী তেলেন্তশিং অদুবু উৎথোক্নবগী প্লেতফোর্মশিং পীদুনা, ঐখোয়না ইন্দস্ত্রী অসিদা খ্বাইদগী হেন্না অথোইবা অমসুং ফাওগৎলক্লিবা তেলেন্তপু খ্বাইদগী হেন্না ফবা মওংদা মশক খঙদোকপা ঙম্লগনি।”

মীদিয়া অমসুং এন্তরতেনমেন্ত এসোসিয়েশন ওফ ইন্দিয়া (MEAI)গী সেক্রতেরী, শ্রী অঙ্কুর ভাসিননা মখা তারকখি মদুদি “WAM! হৌদোকপা অসিনা ভারত্তা এনিম অমসুং মঙ্গাগী ভাইব্রেন্ত ওইরবা কলচরবু মীয়ামদা খঙহনবগী মাইকৈদা য়াম্না শিংথানিংঙাই ওইবা খোংথাং অমনি। য়াম্না হৈথোই-শিংথোইরবা ক্রিয়েতরশিংবু মখোয়গী থবকশিং অদুবু উৎথোক্নবা অমসুং মালেমগী ভাবোকশিংদা য়ৌহন্নবগী প্লেতফোর্ম অমা পীদুনা, ঐখোয়না ক্রিয়েতিবিতী য়োকখৎপদা নত্তনা ‘ক্রিয়েত ইন ইন্দিয়া’ ভিজনবু হেন্না কনখৎহল্লি। মসিগী অনৌবা থৌরাং অসিনা লমদম অসিগী তেলেন্ত য়োকখৎপা অমসুং লৈবাক অসিদা AVGC-XR অমসুং মীদিয়া সেক্তরগীদমক্তা য়াম্না লিংবা ইকোসিস্তেম অমা শেমগৎনবগী ফিরেপ অদুবু ময়েক শেংনা উৎলি।”

*****