ভারতকী রাস্ত্রপতি শ্রীমতি শ্রী দ্রৌপদি মুর্মুনা ঙসি (সেপ্তেম্বর 24, 2024) নই দিল্লীদা ভারতকী কম্পন্ত্রোলর অমসুং ওদিতর জেনরেল (CAG) না শীনবা 16শুবা এসিয়ন ওর্গনাইজেসন ওফ সুপ্রিম ওদিৎ ইন্সতিত্যুসন (ASOSAI) এসেমব্লীদা ৱা ঙাঙখ্রে।

থৌরম অদুদা ৱা ঙাংলদুনা রাস্ত্রপতিনা হায়খি মদুদি ভারতকী CAGনা লৈবাক অসিগী পব্লিক ফাইনান্সতা ত্রান্সপরেন্সী অমসুং একাউন্তেবিলিতী লৈহনবদা মরুওইবা থৌদাং অমা লৌরি। ভারতকী সংবিধান্না CAGগী ওফিস অসি পাক চাউবা মেন্দেত অমসুং মপুং ফানা ওতোনোমী পীখিবা অসি মরম চাদনা নত্তে। CAGগী ওফিসনা সংবিধান শেম্লিবশিংগী অপাম্বা মতুং ইন্না থবক তৌরকপা উবদা মহাক্না নুংঙাইবা ফোংদোকখি। মসিনা ইথিক্স অমসুং মোরেলগী ওইবা লমচৎ-শাজৎকী অকনবা কোদ অমা ঙাক্না চৎলি অমসুং মসিনা মসিগী মথৌ তৌবদা খ্বাইদগী ৱাংবা থাক্কী ইকাই খুম্নবা লৈহল্লি।

পব্লিক সেক্তর ওদিৎকী মেন্দেত অসি ত্রেদিস্নেল ওদিৎকী ৱাংমদা পাকথোক চাউথোক্লদুনা মীয়ামগী য়াইফনবা স্কিমশিং অমসুং প্রোজেক্তশিংগী ইফেক্তিবিতী য়েংশিনবা, মখোয়না নাগরিক পুম্নমক্তা চপ মান্নবা মওংদা মতেং পাংবদুসু য়াওরি হায়না রাস্ত্রপতিনা হায়খি। তেক্নোলোজীনা মাংজিল থানা চংশিল্লিবা মালেম অসিদা তেক্নোলোজী শীজিন্নদুনা পব্লিক সর্ভিস কয়া ফংহল্লি হায়না মহাক্না ফোংদোকখি। মরম অদুনা, ওদিৎনা মসিগী সর্ভিসকী মথৌশিং মতিক চাবা মওংদা পাংথোকপা ঙম্নবগীদমক্তা তেক্নোলোজিকেল ইভোলুসনগা লোয়ননা চৎমিন্নবা মথৌ তাই।

রাস্ত্রপতিনা হায়খি মদুদি ঙসিদি, ঐখোয়না য়াম্না মরু ওইবা তাঙ্কক অমদা লৈরি। হৌজিক্তি আর্তিফিসিএল ইন্তেলিজেন্স, দেতা এনালাইতিক্স, মেছিন লর্নিং অমসুং জিও-স্পেসিএল তেক্নোলোজীগুম্বা দিজিতেল তেক্নোলোজীশিং অসি মোদর্ন গবর্নান্সকী মরু ওইবা শরুক অমা ওইরক্লি। দিজিতেল পব্লিক ইনফ্রাস্ত্রকচর (দি.পি.আই.) না দিজিতেল ইকোনোমী অমসুং নাগরিকশিংদা পীরিবা সর্ভিসশিংগী মথৌ পাংথোকপদা মতেং পাংনবা অমসুং হেন্না ফগৎহন্নবগী য়ুম্ফম ওইরি। দিজিতেল আইদেন্তিতীদগী হৌরগা ই-গবর্নান্স প্লেতফোর্ম ফাওবদা, দি.পি.আই.না পব্লিক সর্ভিসশিং অমসুং পোৎলমশিং ফংহনবদা অহোংবা পুরক্নবা, মখোয়বু হেন্না এক্সেসিবল, ইফিসিএন্ত অমসুং ইনক্লুসিব ওইহন্নবা পোতেন্সিএল লৈ।

মালেমগী মফম কয়াদা নুপীশিং অমসুং খুন্নাইগী শোত্থরবা কাংলুপশিংনা দিজিতেল তেক্নোলোজীশিং ফংবগী খুদোংচাবা য়াম্না লৈতে, দিজিতেল স্কিলশিং শেমগৎপগী খুদোংচাবা য়াম্না লৈতে, অমসুং দিজিতেল ইকোনোমীদা মখোয়গী মীহুৎ মশিং য়াম্না লৈতে হায়না রাস্ত্রপতিনা হায়খি। মসিগী খেন্নবা অসিনা মখোয়গী তঙাই ফদবা সর্ভিসশিং ফংবগী খুদোংচাবা অদু হন্থহনবতা নত্তনা মান্নদবা লৈহন্দনবা হোৎনরি। মসিদা সুপ্রিম ওদিৎ ইন্সতিত্যুসনশিংগী (SAI) থৌদাং য়াম্না মরু ওই। দিজিতেল পব্লিক ইনফ্রাস্ত্রকচর অসি মীপুম খুদিংমক্না য়াউবা অমসুং এক্সেস তৌবা ঙম্বা মওংদা দিজাইন তৌনবা অমসুং ইমপ্লিমেন্ত তৌনবা মখোয়দা ওদিতর ওইনা অখন্নবা থৌদাং অমসুং খুদোংচাবা লৈ।

রাস্ত্রপতিনা হায়খি মদুদি শেল-থুমগী মালেম অসি অয়াম্বা মতমদা ওপেক একাউন্তিং প্রাক্তিসশিংনা অৱাবা ওইহল্লি। অসিগুম্বা ফিভম অসিদা, ইন্দিপেন্দেন্ত সুপ্রিম ওদিৎ ইন্সতিত্যুসনশিংগী থৌদাংদি পব্লিক রিসোর্সশিং অসি ইফিসিএন্ত, ইফেক্তিব অমসুং খ্বাইদগী ৱাংবা ইন্তিগ্রিতীগা লোয়ননা মেনেজ তৌনবা য়েংশিনবনি। SAIশিংনা পাংথোকপা ওদিৎশিং অমসুং ইভালুএসনশিংনা পব্লিক ফন্দশিং ঙাকথোকপতা নত্তনা গবর্নান্সতা মীয়াম্না থাজবা হেনগৎহল্লি।

রাস্ত্রপতিনা হায়খি মদুদি ভারতকী CAGগী ইন্সতিত্যুসন অসি পব্লিক ওদিতিংগী পুৱারী মরাং কায়না লৈ। মহাক্না থাজবা ফোংদোকখি মদুদি এস.এ.আই. ভারতনা 16শুবা ASOSAI এসেমব্লীগী হোস্ত ওইনা এসেমব্লীদা পুনখিবা অখঙ-অহৈশিংগী খন্ন-নৈনবদা য়াম্না কান্নবা পীরগনি। মহাক্না এস.এ.আই.আই. ইন্দিয়ানা 2024দগী 2027 ফাওবগী মতমগী ওইনা ASOSAIগী চেয়রমেন ওইবগীদমক থাগৎপা ফোংদোকখি। মহাক্না থাজবা থমখি মদুদি ভারতকী CAGগী হৈথোই-শিংথোইরবা লমজিং মখাদা ASOSAIনা অনৌবা অৱাংবা থাক্তা য়ৌরগনি। মসিনা মেম্বরশিংগী মরক্তা হেন্না চাউনা মতেং পীনবা অমসুং অনৌবা পুথোকপা হেনগৎহল্লগনি।

মফম অসিদা রাস্ত্রপতিগী ৱারোল পাবীয়ু।

***