ভারত লৈঙাক্কী দিপার্তমেন্ত ওফ কঞ্জ্যুমর্স এফ্যার্স (DoCA)না কঞ্জ্যুমরশিংগী মপাঙ্গল হাপ্নবা অমসুং তেক ইন্দস্ত্রী মনুংদা তুং কোইগদবা থৌওংশিং য়োখৎনবা রিপ্যারেবিলিতী ইন্দেক্সকী অচৌবা ফ্রেমৱর্ক রিকম্মেন্দ তৌরক্নবা শ্রী ভারত খেরা, এদিস্নেল সেক্রেতরী, DoCAনা লুচিংবা এক্সপর্ত কম্মিতী অমা শেম্লে‍। রিপ্যারেবিলিতী ইন্দেক্স শেমদুনা, DoCAনা কঞ্জ্যুমরশিংদা মখোয়না শীজিন্নরিবা পোত্থোকশিং শেমজিন শাজিন্বগী ইনফোর্মেসন্দা হেন্না অরোন অথুপ লৈহন্দনবা অমসুং হেন্না তুং কোইগদবা তেক্নোলোজী ইন্দস্ত্রী অমা পুরক্নবা পান্দম থম্লি‍।

কঞ্জ্যুমর রাইত অমসুং সস্তেনেবিলিতী য়োকখৎনবগী মশক থোকপা খোঙথাঙ অমা ওইনা, ওগস্ত ২৯, ২০২৪দা পাঙথোকখিবা নেস্নেল ৱর্কসোপ ওন দি রাইত তু রিপ্যার ইন দি মোবাইল এন্দ ইলেক্ত্রোনিক্স সেক্তরনা রিপ্যারেবিলিতী ইন্দেক্সকী কম্পোনেন্তশিং ইভালুএত তৌনবা ফ্রেমৱর্ক, মতম কুইনা চৎকদবা প্রদক্ত দিজাইন তৌবা,, অমসুং রিপ্যার ইনফোর্মেসন এক্সেস তৌবগী মওং দিমোক্রেতাইজ তৌবা, লোয়ননা পোত্থোকশিং অদু মখা তানা পুথোকখিদ্রবা মতুংদা ফাওবা স্প্যার পার্তশিং ফংহনবগী মতাঙদা য়ানবা তর্মশিং পুরক্নবগীদমক ইন্দস্ত্রী স্তেকহোল্দরশিং পুনশিন্নখি‍।

মোবাইল অমসুং ইলেক্ত্রোনিকশিং অসি খ্বায়দগী খোঙজেল য়াঙবা দিমান্দ লৈবা অমসুং খ্বায়দগী মতম তেন্না চৎপা পোৎলমশিংনি হায়না লৌনৈ‍। ৱর্কসোপ অদুদা খন্নখিবা অদুদা, কঞ্জ্যুমরশিংদা প্রদক্ত রিপ্যারেবিলিতীগী মরুওইবা ইনফোর্মেসন ফংহন্নবা লোয়ননা স্প্যার পার্ত অপন্বা লৈতনা ফংহন্নবা পান্দম থম্লিবা রিপ্যেরাবিলিতী ইন্দেক্সকী ফ্রেমৱর্ক অসিনা মরম খঙনা পোৎ লৈনবগী ফিরেপ লৌবা ঙমহনগনি হায়না য়ানখি‍।

রিপ্যারেবিলিতী ইন্দেক্স অসি কঞ্জ্যুমর অমবু পোৎলম অমগী শেমজিন শাজিন্বা য়াবদা য়ুম্ফম ওইরগা পোৎলমদুগা মরী লৈনবা ফিরেপ লৌবা ঙমহন্বা কঞ্জ্যুমর-ফোকস ইন্দেক্সিং অমা ওইগনি‍। মখা তানা, মসিনা মতৌ করম্না রিপ্যারেবিলিতী এসেস তৌবগে হায়বদু স্তেন্দরদাইজ তৌদুনা কঞ্জ্যুমরশিংদা রিপ্যারেবিলিতী ইন্দেক্সতা য়ুম্ফম ওইরগা পোৎলমশিং চাংদম্নবদা লায়না থোকহন্দুনা মোবাইল অমসুং ইলেক্ত্রোনিক্স প্রদক্তশিংদা মরম খঙনা খঞ্জবগী ইকোসিস্তেম অমা শেমগৎকনি‍।

রিপ্যারেবিলিতী এসেস তৌবগী মওং স্তেন্দরদাইজ তৌবনা, ইন্দেক্স অসিনা কঞ্জ্যুমরশিংনা পোৎলম অমবু ৱাখল লৈনা শীজিন্নবা অমসুং তুং কোইবা হায়রিবা ৱাখল পরিংসিগা চাননা প্রদক্তশিং লায়না চাংদম্নবা অমসুং খঞ্জবা য়াবা ইকোসিস্তেম অমা শেমগৎকনি‍। মতৌ অসুম্না, শেমবা য়াহন্বনা মমল য়াম্না চঙদবা শেম্বগী ওপসন ফংহন্বতা নত্তনা প্রদক্ত শেমজিনবগী লমদা লৈরিবা ইনফোর্মেসন গেপ মেনশিন্দুনা কঞ্জ্যুমরনা পেন্বগী চাংসু হেনগৎহনগনি‍।

রিপ্যার ইকোসিস্তেম অসিদা য়াওরিবা মরুওইবা মচাকশিংদি:

১.      মপুং ফাবা শেম্বগী ইনফোর্মেসন: শেম্বগী মেনুএল/DIY, দাইগ্নোস্তিক্স, অমসুং মথৌ তাবা খুৎশু খুৎলায় অমসুং পার্তশিং ফংহন্বা

২.     এসেসিবল স্প্যার পার্ত: স্প্যার পার্তশিং লায়না মশক খঙদোকপা ঙমহন্বা অমসুং মতম চানা ফংহন্বা‍।

৩.     মমল তাঙদবা খুৎলায়শিং: কঞ্জ্যুমরগী মমল য়ামদবা, পাক শন্না ফংবা, অমসুং শাফবা খুৎশু খুৎলায়শিং‍।

৪.     মোদুলর দিজাইন: মরুওইবা মচাকশিং ইন্দিপেন্দেন্ত এক্সেস অমসুং মোদুলারিতীগীদমক শেম শাবা‍।

৫.     ইকনমিক ফীজিবিলিতী: রিপ্যার পার্ত অমসুং অশেম্মল কঞ্জ্যুমরশিংনা পু-থাংবা ঙমগদবা ওইহন্বা‍।

মথক্তা পল্লিবা মথৌ তাবশিং অসি য়েংলগা, কম্মিতী অসিনা কঞ্জ্যুমরশিংবু মখোয়না পায়রিবা মোবাইল অমসুং ইলেক্ত্রোনিক্স পোৎলমশিং হন্না শীজিন্নবা য়াবগী মওং মতৌ ফগৎহন্নবা মোবাইল অমসুং ইলেক্ত্রোনিক্স সেক্তরদা লৈরিবা রিগুলেতরী প্রোভিজনশিংগা লোয়ননা রিপ্যারেবিলিতী অমসুং ইন্তিগ্রেসন ওফ রিপ্যারেবিলিতী ইন্দেক্স শৌগৎপা পোলিসী/রুল্স/গাইদলাইন্সকী ইনেব্লিং ফ্রেমৱর্ক রিক্কমেন্দ তৌরক্কনি হায়না থাজবা থম্লি‍।

কম্মিতী অসিগী মেম্বরশিংদি: শ্রী অনুপম মিশ্রা, জোইন্ত সেক্রেতরী, DoCA, MiETY অমসুং MSMEদগী সিনিয়র রিপ্রজেন্তেতিব, শ্রী দোক্তর অলোক কুমার স্রিভাস্তব, দাইরেক্তর জেনেরেল NTH, দোক্তর ABS শালিনি, দাইরেক্তর, DoCA, শ্রী পঙ্কজ মোহিন্দ্রু, চেয়রমেন – ইন্দিয়ন সেলুলর ইলেক্ত্রোনিক্স এসোসিএসন, কম্পেনীশিংদগী স্তেকহোল্দরশিং, মমিং ওইনা: শ্রী রাজ সাউ, সেনিয়র দাইরেক্তর অমদি গ্রুপ লীদর – সামসং ইলেক্ত্রোনিক্স, মিস অদিতি চতুর্বেদী, গভর্নমেন্ত এফ্যার্স এন্দ পোলিসী হেদ ফোর প্লেতফোর্ম এন্দ দিভাইসেস, গুগল ইন্দিয়া, শ্রী বাসুদীপ, হেদ– এন্তরপ্রাইজ বিজিনেস (ইন্দিয়া রীজন) HMD মোবাইল্স ইন্দিয়া প্রাইভেত লিমিতেদ, মিস পুস্পা গিরিমাজী, কঞ্জ্যুমর এক্তিবিস্ত অমসুং কম্পেনীশিংদগী অতৈ মীহুৎশিং‍। কম্মিতী অসিনা নবেম্বর ১৫, ২০২৪ ফাওবদা ভারতকী কন্তেক্সতা রিপ্যারেবিলিতী ইন্দেক্সকী ফ্রেমৱর্ক অমা য়াওনা মপুং ফাবা রিপোর্ত অমা থাগৎকদবনি‍।

****