লেবর অমসুং এমপ্লোইমেন্ত অমসুং য়ুথ এফ্যার্স এন্দ স্পোর্তসকী কেন্দ্র মন্ত্রীনা ঙসি নই দিল্লীদা জুলাই ২০২৪গী EPFO’s প্রোভিজনেল পেরোল দেতা ফোঙখ্রে‍। EPFOনা জুলাই ২০২৪দা অপুন্বা মেম্বর লাখ ১৯.৯৪ হাপচিন্দুনা এপ্রিল ২০১৮দগী পেরোল দেতা ত্রেক তৌবা হৌরকখিবদগী হৌরগা হৌজিক ফাওবদা খ্বায়দগী ৱাংনা রেকোর্দ ওইনা হেনগৎলকপা ওইরি হায়না মহাক্না হায়খি‍।

EPFO পেরোল দেতা (জুলাই ২০০২৪)গী মরুওইবা ৱাফমশিং মখাদা পীরি:

ওভরওল মেম্বরসিপ গ্রোথ:

EPFOনা জুলাই ২০২৪দা অনৌবা মেম্বর লাখ ১০.৫২ হাপচিন্দুনা জুন ২০২৪দগী ২.৬৬% হেনগৎলকপা অমসুং জুলাই ২০২৩গা চাংদম্নবদা ২.৪৩% হেনগৎলকপা উৎলি‍। অনৌবা মেম্বরসিপ হেনগৎলক্লিবা অসিগী মরম এমপ্লোইমেন্তকী খুদোংচাবা হেনগৎলকপা, শিন্মীশিংগী বেনিফিতকী মরমদা খঙবা হেনগৎলকপা, অমসুং EPFOগী মায় পাক্না পাঙথোকখিবা আউতরীচ প্রোগ্রামশিংননি হায়বা য়াই‍।

অমুক হন্না য়াওশিল্লকপা মেম্বরশিং:

সিস্তেম অসিদগী থোক্লুরবা চাউরাক্না মেম্বর লাখ ১৪.৬৫না জুলাই থাদা EPFO দা অমুক য়াওশিল্লকখি‍। ফিগর অসিনা চহি-চহিগী ওইনা ১৫.২৫% হেনগৎলকপা উৎলি‍। হায়রিবা মেম্বরশিং অসিনা মখোয়গী প্রোভিদেন্ত ফন্দ একুমুলেসন অদু লৌথোকপগী মহুত্তা ত্রান্সফর তৌরক্তুনা মখোয়গী লোং-তর্ম ফাইনেন্সিএল সিক্যুরিতী মেন্তেন তৌদুনা থম্লি‍।

চহি ১৮-২৫গী কাঙলুপ্না অনৌবা মেম্বরসিপ্তা মাঙজিল থারি:

জুলাই ২০২৪ মনুংদা পুন্না মীওই লাখ ৮.৭৭ হাপচিল্লক্তুনা খ্বায়দগী ৱাংবা গ্রোথ চহি ১৮-২৫গী কাঙলুপ্না ওইরি‍। মসিনা রেকোর্দ অসি থম্বা হৌরকপদগী হৌজিক ফাওবদা চহি কাঙলুপ অসিগী খ্বায়দগী ৱাংবা ওইরি অমসুং নহা ওইরিবা, অয়াম্বনা অহান্বা ওইনা থবক থিরিবা, মীওইশিংনা ওর্গনাইজ ৱর্কফোর্সতা চঙশিল্লকপগী ত্রেন্দ মখা চত্থরকপগী মমি তাবা উরি‍। চহি কাঙলুপ অসিনা থা অসিদা হাপচিল্লকখিবা মেম্বরশিংগী ৫৯.৪১% ওইরি‍।

নুপী মেম্বরসিপ্তা হেনগৎলকপা:

জুলাই ২০২৪ মনুংদা অনৌবা নুপী মেম্বর লাখ ৩.০৫ রোম্না EPFO য়াওরক্তুনা চহি-চহিগী ওইবা গ্রোথ ১০.৯৪% উবা ফংখি‍। পুন্না নুপী মেম্বর লাখ ৪.৪১ হাপচিল্লক্তুনা, জুলাই ২০২৩গা চাংদম্নবদা ১৪.৪১% হেনগৎলক্তুনা পেরোল ত্রেক্কিং তৌবা হৌখিবদগী হৌরগা খ্বায়দগী ৱাংনা থাগী ওইনা হাপচিল্লকপা ওইরি‍। মসিনা নুপীনা শরুক য়াবগী চাং হেনগৎলক্তুনা হেন্না ইনক্লুজিব ওইবা ৱর্কফোর্সকী মায়কৈদা খোঙ থাংজিল্লকপা উৎলি‍।

স্তেত-স্তেতকী ওইবা কন্ত্রিব্যুসন:

মহারাস্ত্র, কর্নাতকা, তামিল নাদু, হরিয়ানা, অমসুং গুজরাতনা  পুন্না মেম্বর লাখ ১১.৮২ হাপচিল্লক্তুনা জুলাই ২০২৪দা হাপচিল্লকখিবা অনৌবা মেম্বরশিংগী ৫৯.২৭% ওইরি‍। স্তেত/য়ু.তি.শিংগী মরক্তা মহারাস্ত্রনা পুন্না অনৌবা মেম্বর ২০.২১% হাপচিল্লক্তুনা মাঙজিল থারি‍।

ইন্দস্ত্রী-ৱাইজ ত্রেন্দ:

মেনুফেকচরিং, কম্প্যুতর সর্ভিসেসস, কন্সত্রক্সন, ইঞ্জিনিয়রিং, বেঙ্কিং (নন-নেস্নেলাইসজ), অমসুং প্রাইভেত সেক্তর ইলেক্ত্রোনিক মীদিয়াগুম্বা সেক্তরশিংদা মশক থোক্না মেম্বরসিপ হেনগৎলকপা উখি‍। পন্বা য়াবদি, অপুন্বা হাপচিল্লকপগী ৩৮.৯১%দি মেনপৱার সপ্লাইয়রশিং, কন্ত্রেক্তরশিং, অমসুং সিক্যুরিতী সর্ভিসেসনচিংবা এক্সপর্ত সর্ভিসশিংদগী লাকপনি‍।

দেতা জেনেরেসনগী থবক অমসুং এমপ্লোয়ী রেকোর্দ অপদেত তৌবগী থবক অসি লেপ্তনা তৌবা মরম্না মথক্তা পীরিবা পেরোল দেতা অসি প্রোভিজনেলনি‍। অসুম্না মমাঙগী দেতা অসি থা খুদিংগী অপদেত তৌই‍। এপ্রিল ২০১৮দগী হৌনা, EPFO না সেপ্তেম্বর ২০১৭দগী হৌনা কোনশিন্দুনা পেরোল দেতা ফোঙদুনা লাক্লি‍। থা-থাগী পেরোল দেতাদা, আধার ভেলিদেতেদ য়ুনিভর্সেল একাউন্ত নম্বর (UAN)গী খুত্থাঙদা অহান্বা ওইনা EPFO য়াওরকপা, EFPOগী কভরেজতঈ থোকখিবা হৌজিক লৈরিবা মেম্বরশিং, অমসুং থোক্লুরবা মতুংদা অমুক হন্না য়াওরকপা মেম্বরশিংগী মশিং নেত মন্থলী পেরোলদা য়াওরে হায়না লৌবনি‍।

*****